من أروع غزليات الشاعر ابن جريذي

[داهية عتيبة]

هذه القصيدة مرسله من الشاعر عبدالله بن جريذي الدلبحي ألى الشاعر فهد السواجي العضياني

البـــارحة من مونس الصــدر غنيت ...... وأشوف صدري ينشرح مع غناية
قمــت أتقلــب وأن تـقلبت ونــيت ....... وان قمت للهوجاس يسري وراية
ياراكــب ألي عايروا ماه والزيت ...... جمس(ن) على البيبان فيه المراية
وارد جمــيح ومن حفيـزه تنقـيت ...... ومســاعده زودت طقمــه أعناية
تلــه ليــامنك يابـو نمــر صــليـت ...... وأخــذت فنجــال تسوقة أيداية
ملفاك قرمن من رجال(ن) نعـاتيت ...... عضيان تلقاهم على كل شاية
مانيب مادحــهم من المدح كـفيت ...... عمهوج فارضهم على كل راية
أنطــح فهد وأليــا تبين وطفيت ...... قل عجلوا يبن السواجي غداية
قله تراني فأوسط السوق طبيت ...... مــدري من الرحــمن ولا غواية
ولو كل مقضاتن تناسب تقضيت ...... لكن ماكــل المقــاضي هــواية
أخذت لي فالسوق فره وفـريت ...... لين أستقر السوم وأقبل شراية
ويوم أنحرفت وقلت للسلم مـديت ...... وأليا العرب تنبش عليه أعداية
الله حسيبي فوقهم ويش سويت ...... لو أصبرو يومين شافو ذكاية
جوني علي غفله وانا ماتحريت ...... مرهن على الموضوع وأسرق خفاية
عــرفت لازمهــم ومنهم تــوذيت ...... لاكــن عميانن هدفــهم عمــاية
ليتك تعــاين يافهد يوم فــزيت ...... فــز الغرير ألــي عليه الحوايــة
يوم أنخلـج قلبي بعد ماتهنــيت ...... مع واحدن يسدى قرونه سداية
أصبحت من عقبه مريض وتكويت ...... والكي والدكتور ما احرز دواية
لاعــاد شغلن جــابني لين ناديت ...... أول قــرادت مرتــي من نــداية
ليته سفهني واستحى يوم طقيت ...... لكن جاملــني وحصــل وذاية
واليوم بالبصمات خاضع وقــريت ...... وألي حصل ياناس فيه الكفاية


والقصيدة أطول من ذالك .......

[طويل الذراع]

ماقصرت وبيض الله وجهك ووجه الشاعر ابن جريذي وارجوا ان توافينا بجديدة الشعري
ولكم تحياتي

[ابو وعيل]

ماقصرت ...


وبيض وجهك على نقلك


تحياتي

[((الدلبحي))]

يعطيك العافيه
ماقصرت
صح السانك والسان الشاعر عبدالله بن جريذي

[swaj]

يعطيك العافيه ... وصح لسان الشاعر

[ربعي عتيبه]

قصيده جزله بكل ماتحمل هذه الكلمه من معنى

ابن جريذي شاعر من الطراز الاول

لا هنت ياداهية عتيبه على ما اتحفتنا به

تحياتي لك

[الباحث الصغير]

شكرا ً ياداهية عتيبه بس ياليت اذا كنت تملك رد الشاعر فهد السواجي ان تدرجه لنا

في هذا الموضوع

[داهية عتيبة]

أشكركم على مروركم الجزل


وسوف نورد رد السواجي في الأيام القريبة


تأمر أمر أخوي الباحث
ولا يهونون الربع


تقبل تحياتي ....

[طويل الذراع]

سوف ننقل لكم الباقي من القصيده في الايام المقبله

تقبل تحياتي


طويل الذراع

[هوى بلادي]

مشكووور اخوي داهية عتيبه

على النقل

وصح اللسان ابن جريذي