سفر الدغيلبي وعبدالله الميزاني ( وخروج الميزاني غاضبا )

[ابو فايح]

طاروق سفر الدغيلبي وعبدالله الميزاني في حفله هذيل في الصيف الماضي


الميزاني من بدايته في الحفل كان لايرى زملائه شيئا بدأها مع الخالدي بطاروق عن شاعرية الخالدي



ثم مع السناني وكذلك بدأها باستنقاص من الخصم وبعد بيت قوي جدا للسناني قال فيه

(ليا حصلت إلي شخص (ن) ذميم من العرب مذموم = بلاش يباشر المذموم ريح الورد والكادي )

كسر القاف الميزاني وطلب الدغيلبي في هذا الطاروق وعندما وجد أن الدغيلبي يعطي كل خصم على قد ما يقدم له رغم ترفعه عن بعض الألفاظ خرج سوار الذهب من الحفل غاضبا .

عبدالله الميزاني

أما سفر ولا بليس اللي يدفه من وراه = وعتيبه الهيلا مناديها مثل ميدانها
يوم العرب متليمه في هوش وإلا في صلاه = وهذي الدير ما أنته براعيها ولا سلطانها

سفر الدغيلبي

أبشر بدفه ما وراها غير توديع الحياه = ومطير ما تبغى الذبيحه بعد قطع لسانها
....... سوار الذهب وأنته سوار (ن) من حصاه =إطرح حصاتك يابن غازي ثم طيح وزانها

عبدالله الميزاني

يوم الجراد مع السلم كنت سلمه ولا دباه = ومطير ما تسمع صهيل حصان غير حصانها
يالشاعر اللي حسب ما نسمع يشد الإنتباه = لكنه قسمه مثل قسم البنت بين إخوانها

سفر الدغيلبي

يوم الجراد مع السلم جينا وخيبنا رجاه = تطري الجراده وأنت جناحانك مثل جنحانها
أظاهر إنك جايب(ن) هالهرج من حمص وحماه = أختك سميره ويش فرق الحانك من الحانها

عبدالله الميزاني

يمكن صحيح من الغضب جيتوا وخيلتوا علاه = لو ما ينكس راسها ألا من رفع كرعانها
الله يجيب السيل لين أنك تخبط وسط ماه =وأنته ركونك خمس والكعبه ثمان أركانها

سفر الدغيلبي

إيحدنا المبلي على نفسه وحنا ما نباه = في مطير راح العير وأنته عيرها وحصانها

التوقيع

عالم تويتر abofayeh@

[الرحاال]

بيض الله وجهك يابوفايح وصحت السنت الشعار

سفر شاعركبير ومتمكن وكذالك سوار الذهب ولاكن سوار الذهب بدا من خمس سنين يلعب بدون معنى

ويعتمد مهاجمة زملائه بدون سبب لين خفت نجمه واهتزت شاعريته لان المحاوره بدون معنى ليس لها

لاطعم ولا رائحه ,,,,






بيت واضح قوي للسناني


ليا حصلت إلي شخص (ن) ذميم من العرب مذموم ............. بلاش يباشر المذمـوم ريـح الـورد والكـادي





تقبل تحياتي

[خـال ـد]

الله يشفيه مسكين مريض وحالته الصحيه مترديه حسب مانسمع ادعو له بالشفا العاجل

اما سفر شاعر ياخذ حقه في كل ملعبه ويزود على حقه فاكثر الحفلات

[متابع هنا وهناك]

عز الله ان سوار الذهب شاعر لكن ليت معاه سعة صدر فلاح القرقاح


الله يشفيه من حالته اللي سمعنا عنها مؤخرا والله يطول بعمر سفر ويمتعه بالعافيه

[خلف المطيري]

سوار كلمة شاعر قليله في حقه

حتي خصومه في قرارة انفسهم يعلمون ذلك

لاتعليق

والله يشفيه ويقوّمه فالسلامه ويفرح اهله فيه

[خالد بن مورق]

سفر شاعر كبير لاهنت على نقل المحاوره

آخر تعديل خالد بن مورق يوم 05-Oct-2010 في 02:41 PM.

[اسير الروح]

أبشر بدفه مـا وراهـا غيـر توديـع الحيـاه = ومطير ما تبغـى الذبيحـه بعـد قطـع لسانهـا
....... سوار الذهب وأنته سوار (ن) من حصاه = إطرح حصاتك يابن غازي ثـم طيـح وزانهـا

صح لسانك يابو سعد

وجـعـلـك فالـوجـود يافـخـر عـتـيبـه كـلـها

اشـهـد انـك شـاعـر كـبـير ومـتـمـكـن

والميزاني اخلاقه سيئه جدا والشعر اخلاق قبل لايكون معنى ونقض وفتل

مسكين ياليت ربعه يشوفون له حل بدال ماهو مره مضروب ومره زعلان ..

[منصور الدرين]

للأمانة : لاتقارن أبيات سوار الذهب بأي شاعر آخر

لقوة سبكة ومعانيه المدفونه الله يكفينا شره


حتى لو لاحظنا الشاعر سفر الدغيلبي كرر القافية كلمة ( حصانها )

ولانستغرب من سوار الذهب في إرباكه للخصوم دائماً وتشتيت من يقابله

وإن كنت أرى أن أكثر من يجاريه فعلاً على معناة هو الشاعر ( حبيب العازمي )

صحت ألسنة الشاعرين

تقديري وإحترامي لك يابو فايح وللجميع

[محمد العتيبي]

لا هنت يابو فايح على الموضوع ..




تحيتي لك
..

التوقيع

للتواصل عبر twitter تويتر al_bargawy@

[هاوي الطرقة]

اتوقع انه حشرهم كلهم