حاكم الغنامي =
مرحبا ترحيبةٍ تبقى على طـول الزمانـي=لامشا تمشي وراه ولا وقف تاقف وقوفـه
الصراحه مادريت ان الجذع شاعر معانـي=لين شفت السبحه ام اهداب تومي في كفوفه
ابراهيم الجذع =
البقا ياللي ترحب من مكـان اليـا مكانـي=مار مالك يا وسيع المعرفه عندي مروفه
يا بن غنام أنت شاعر مير كنك ما تداني=لـو حملنـاك مـا لا تستطيـع اكبـر كلوفـه
حاكم الغنامي =
ياعساني ماكسبت الذنب فيكم ياعساني=ياهل الظلع المهيب اللي تحيرني وصوفه
انت يوم الله رزقك بدار وبلاد ومبانـي=مابقا الا كل عامٍ تستعي فيـه وتطوفـه
ابراهيم الجذع =
أنت ذنبك فوق جنبك وأنت مجني منت جاني=ميـر عـد الضلـع عـده ثـم عـد الـلـي تشـوفـه
أنت من طول الليالي مختلـف شانـك وشانـي=ميـر حنـا كـم وكـم مـن واحــدٍ درنــا كتـوفـه
حاكم الغنامي =
سلم الله من جذبلك دلوها مثل السوانـي=لين جاتك ياولد عساف بخطام معسوفـه
اعرف الحر المبرقع واعرف الحر العماني=واهل الصيد معروفه واهل الجيش معروفه
ابراهيم الجذع =
سـلـم الله واحــدٍ مــا عــودت عـشـره ثمـانـي=مـا مشـا مـع سـكـة التطبـيـل ويطـبـل دفـوفـه
اعرف السبع العجاف وعارف السبع السماني=وان نويـتـوا بالنكـوفـه مــا نويـنـا بالنـكـوفـه
حاكم الغنامي =
والله اني ماحسبتك غير واحد مـن خوانـي=والرجل صندوق ماتعلم وش اللي وسط جوفه
يستر الله لا تطول ابي الدقايـق والثوانـي=انتظر غيث السحاب اللـي مزابيـرٍ قنوفـه
ابراهيم الجذع =
عندنا صكٍ على الدعوى مثل عقد القرانـي=لو حاكم ذيب ينصا الشاوي وياكل خروفه
ما عرفت الدرب لين أنك عرفت الخيزراني=لا يشيب القاف عندك لين اسويلـك بروفـه
حاكم الغنامي =
لاركبنا للمغازي في ظهر بنت الحصانـي=ويش عند الشاوي الفقران حتى انا نحوفه
بعد جاك العلم الاول عندنا لك علم ثانـي=والله انك لو تعـود مانلحقـك الحسوفـه
ابراهيم الجذع =
الغشـيـم الـلـي يجـيـب العـيـد قــدام ارمـضـانـي=لـــو يـقــوم ايـقــدم الاعـــذار ويـبــرر ظـروفــه
الله الـلــي عــالــمٍ وحــــده خــفــا والا بـيـانــي=والا اعرف وش بقلب الرجل حين اسمع حروفه
حاكم الغنامي =
بشروني فيك قلت صحيب درب ولا خفاني=بيني وبينه تحـن ام الحويـر ومعطوفـه
انت عزٍ للرجال اهل الكرم واهل الصواني=والله انك تغني الرجال لاحلـوا ضيوفـه
ابراهيم الجذع =
فعلنا فالقوم اظنك شايفه شوف العيانـي=لا رمينا بالمشوك روسهم راحت علوفه
أنت لا تقعي وزان اللي يشوش بالاذاني=علمـوا حاكـم قبـل نعميـه ونـقـز بلـوفـه
حاكم الغنامي =
لونبا نحسب فعولك مع طويليـن اليمانـي=مثل من غاص البحر عميان ويدور صدوفه
(يالله انك لاتواخذني بكلمه مـن لسانـي)=يوم اقول حروفها يزداد فبراهيـم خوفـه
ابراهيم الجذع =
كان ضاق الصدر من هرج العرب يا مودماني=من يمين ومن يسار ومن خلاف وقـدم طوفـه
العرب يدرون وش فرق الذياب من الحصانـي=يا قمـر مـا ودنـا نعلـن علـى الساحـه كسوفـه
حاكم الغنامي
سلم الله من جذبلك دلوها مثل السوانـي
لين جاتك ياولد عساف بخطام معسوفـه
ابراهيم الجذع
سلم الله واحدٍ مـا عـودت عشـره ثمانـي
ما مشا مع سكة التطبيـل ويطبـل دفوفـه
الله الله
ياسلام عليكم
يامبدعين
قاااااف فايف ستار
ابوعيد وابراهيم
صحت السنتكم وبيض الله وجيهكم.
« آخـــر الـــمـــشـــاركــــات »
01-Jul-2010, 12:10 AM
العرض العادي
