قصة حقيقيه حاضرها انا يامحاكيكم

[الباحث عن الحقيقه]

بسم الله الرحمن الرحيم

السلام عليكم ورحمة الله وبركاته

فيه طالت اعماركم قصة انا حاضرها بنفسي لان قصص يقولون مارضيت ان اجيبها هنا الخلاصه او الزبده في سنت من السنين كنا في البر وكان لنا جارا يخطب الحريم واراد الله ان يسهل له زواج من بنت جارا له وكان هذا الرجل لايحب الكلايف والعزايم ويرغب في الاختصار في كل شئ ولكن الخاطب مايقدر يبوح بمثل هذه الاشياء قدام اهل البنت لانه يخشى من الرفض والتنازع في بداية الامور ففكر في مخرج اقل تكلفه ويوم بقي عن موعد العرس اسبوع جاء الى عمه الى زوجه وقال انا معزم عالما واجد ناسا من اهل الرياض ومن اهل الخرج ومن اهل الشرقيه وجده وقام يعدد على الشايب لين كبر الموضوع في راس العود فقال انا من راى ان تخلى الحفله تكون عندى قصده عند بيته طبعا هم في البر بحجة ان العالم جايين بكره من كل صوب وابا افكك من هالعرس وزعاجه يبون يجفلون حلالكم ويزعجونكم بس الى انا ابغاه منكم هوا اذا جات الساعه كذا ترسلي البنت قال ابو البنت رايك صايب مالنا لزوم في دبكات العروس وزعاجها مادام كذا يبي يجيك ناس كثيرين رايك هو الصحيح خلهم عندك وحرمتك تجيك الشايب على نيته ابو البنت 00 وش سواء هالمعرس الخداع ذبح طلى واحد وعزم عليه ثلاثة من اقاربه واستضواء حرمته ويوم درى ابو البنت انه ماجاه احد ناقشه في الموضوع فقال المعرس باقوا بي المدعويين كل الى عزمتهم ماجاء منهم احد اقتنع الشايب ابو البنت ومشت الامور فشف كيف خرج هذا المعرس من هالزواج باقل تكلفه لانه لو قال نبي نختصر ولاحنا بعازمين احد ونبي نذبح
طلى واحد اكيد يبي يجد معارضه ويبي يجي فيها شل وحط 00000ودمتم سالمين

علما اننى لااويده لان الصراحه راحه

[ابو فيصل العطاوي]

نمس هالمعرس
اشكرك عاشق الحقيقه


لكن تصرفه فيه كذب والكذب حرام

التوقيع

الوعي في العقول !!! وليس في ألأعمار !!! ألأعمار مجرد عداد لأيامك ؟ والعقول حصاد فهمك وقناعاتك للحياة ,,

[ابو ضيف الله]

ابو البنت على نية والمعرس خبيث
قبل لا ياخذ البنت قام يكذب ويش لون بعيدين

لا هنت يا الباحث عن الحقيقة وبيض الله وجهك على القصة

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[الباحث عن الحقيقه]

شكرا مروركم الكريم ابو ضيف الله وابو فيصل

[ظلال السيوف]

هذا ينطبق عليه ( من عاش بالحيله مات بالفقر)
كفانا الله واياكم كل محتال واعاذنا من الفقر

[عبدالله الازوري]

دام انك يالعاشق حاضر القصه لا يكود انت العريس