الشاعر عبدالمعين بن ثعلي رحمه الله

[سلطان بن دحيم]

اليكم هذه القصيده للشاعر الكبير عبدالمعين بن ثعلي العضياني رحمه الله

صاحبي سمر الكفر دونـه يبيـدي=مـن رهاريـه الرمـال يبيّدنـه
والخطوط اللي تروّح في البريـدي=تنقطع مـن دون خلـي مايجنّـه
والخطوط السود والفرت الجديـدي=إن سلمنا من خطرهـن ياصلنّـه
والخطر والخط الاسود والحديـدي=علّـم السـواق لاياثـق بهـنّـه
والله اللي يقتضـي فيمـا يريـدي=-لاتظنـن والقـدر مافيـه ظنّـه
و يش بعد الموت من حبل الوريدي=ميـر بحسـاب المنايـا يجذبنـه
ماخلقـت الا شقـي ولاسعيـدي=حطك الله بين نـار و بيـن جنّـه
ماعليك من القريّـب و البعيـدي=القـريّـب والبعـيـد يقربـنّـه
ان عطيته راحته هل من مزيـدي=وان كرستـه بالتـروس يثقلنّـه
زين مرواحه لصوب ديار سيـدي=والدركسـون اليديـن يلاعبـنـه
ناصٍ اللي كنّهـا عنـز الفريـدي=ياثمـر عـودأزرق ٍ جـا مـنـه

[سلطان نايف العضياني]

مشكور ياابن دحيم

وأنا ألوم عيال عبدالمعين لعدم نشرهم لقصايده

لأن هناك العديد من القصايد لم ترا النور

[محمد العتيبي]

الف شكر يابو دحيم على القصيده العظيمه ..

للشاعر : عبدالمعين بن ثعلي .. رحمه الله تعالى ..

لاهنت ياغالي
...

التوقيع

للتواصل عبر twitter تويتر al_bargawy@

[سلطان بن دحيم]

سلطان العضياني


بيض الله وجهك على المرور

[سلطان بن دحيم]

محمد العتيبي



الف شكر لك على المرور