قصيدة ابن جبرين ورد الغنامي

[البارع]

قصيدتين متبادلتن بين كلامن الشيخ متعب ابن جبرين والشاعر عسكر الغنامي كان الشيخ متعب نازل بالقرب من منزل الشيخ ضيف الله بن عميره العتيبي الملقب بقشعان وفي حدود ديار عتيبه بغرض الرعي ويقال ان بينهم معاهده بعدم تعرض احدهما للاخر وكان بينهم زيارات متبادله وعنما سمع الشيخ متعب بذبحة تراحيب بن شري وكان اخوه لامه اخذ يرثاه بهذه القصيده ويهدد خصومه فيها ولما سمع الشيخ ضيف الله القصيده اشار ع الغنامي بالرد عليه يقول ابن جبرين : ياهل الرمك زيدولها في البريره = نبي عليهنه ندورتراحيب
لابدمن يوم منيس نذيــــــــــــــره= عسامه اكبر من خشوم العراقيب
بربعي مطير انشب للحرب نيره= ايمانهم ارماح معاطيب
ياليتني والموت مابه بصيـــــــره=حضرت يوم الخيل دونه جناديب
حضرتهم منفوق شقرااظهيره = والله لاعشي جايع النسر والذيب
لومي على اللي يدركون الكبيره= ماريعوله دايفين المغــــــــاليب
فاجابه الشاعر عســــــــكرالمصعوك الغنامي بهذه القصيده :

ياراكب من فوق دمث الحصيره= مارقعو في خفها بالجــــــــــواذيب
ملفاك ابن جبرين زبن الكسيره = وريف الركاب مدورات المعازيب
مايمتنيناغيرعد البصيــــــــــــــره= اللي تدنيه القدر للتســـــــــــــابيب
وانت امتمكن عندنا والك ديــــــره= بايمن بدن والحمروام المراقيب
لولا العوان الي عليكم بجيــــــــــره=مادون ناصلكم على الفطر الشيب
الخيل بالشجعان مثل السعيـــــــــره= ومردف العيرات شيب المحاقيب
ياشرنا لاهل القلوب الشريــــــــــــره= ويا طيبنا للي يبي يطلب الطيب
كم شيخ قوم قد هدمنا حجيــــــــــــره= عليه بيضه يشعلن الاساليب
ياويل منهو في نحانا نحيـــــــــــــــره= اليا ركبن فوق شهب شلاهيب
لابد من نمرا عليكم مغــــــــــــــــيره= من والغه يضفي نفلها على الذيب
ليا جرها قشعان راع الجريــــــــــــره= الشيخ مرذي بمعدات المطاليب
ياماانقطع في ساقته من فطيـــــــــره= ومن بكرت غب الصلف تصرخ النيب
الياجا على مربا العشايرعريـــــره = وطول زهرها الخوف بين الاجانيب
ايات من يغدي خصيمه جحيـــــــره= وايات من يرعاه نشر وعزازيب
ياللي تحامي دون راع الجزيره = خل المحاما دون زمل الخراعيب
عليك مني يابن جبرين جيــــــــره = لنبدي لكم في عاليات المراقيب
ربعي عتيبه قايدين المسيره= صفقاتهم ترعب قلوب الاجـــــــــانيب

[الهضيباني]

لا هنت على القصه والقصيد

وتقبل مروري