صقرسليم و زبن القاضي

[متذوق الشعر]

طاروق رائع بين صقر سليم و زبن القاضي

اعجبني وحبيت انقله لكم والتحليل عند ابو فايح

زبن القاضي

صقـر البقيـلـي مـثـل نـجـم السـمـاء لاح=محسوب في عرض السماء من نجومه
قـلــنــا تــريـــح يـاصــقــر قـــــال مـــارتـــاح=حتـى انـي اصبـح مـن صقـور الحكومـه

صقر سليم

الحظ عالي في سماء العز ماطاح=ويزيد عزه بين ليله ويومه
من لاخسر يازبن ماجاب الارباح=واللي يحب النوم يكفيه نومه

زبن القاضي

حولت من عرض السماء فوق ملواح=والــحــر يـاخـذلــه مــــع الــجــو حــومــه
يــوم ٍ يــروح مــن العـمـر يعتـبـر راح=ويـــــام عــمـــرك فـالـحـيــاه مـحـســومــه

صقر سليم

المشكله فاللي على خف وجناح=يبا يطير ولا تشيله عزومه
يابو نهار الخوف مازاد الارواح=واللي يكمل واجبه من يلومه

زبن القاضي

مـن يربـح المليـون يـاجـرج قــرداح=اللي على الشاشات نسمع علومه
فرصتـك ياسـداح ضاعـت ياسـداح=مـاكـل مــن يحـلـم تـحـقـق حـلـومـه

صقر سليم

الباب له قفله وللقفل مفتاح=وكل الضيوف بحكم راع العزومه
ويازبن انا خابرك ماهر وسباح=وشبك تخاف من البحر ماتعومه

زبن القاضي

الضيـف كيـف يـروح والقـدر مـافـاح=مافطـر مثـل غيـره ولا طـاب صومـه
انـا اعـرف الحنـظـل مايثـمـر بتـفـاح=واعرف وجيه اهل النفوس الظلومه

صقر سليم

اللي بوسط القدر ابو راس نطاح=والشرع والسنه تحرم لحومه
وان كان مال الرجل مسرى ومسراح=يعنك ماهو طالع ٍ شيخ قومه

[جمال منير]

الله الله
شاعر الهيلا
وابو مشعاب

طاروق عمالقه بلاشك

والمعنى انا امون على ابو فايح !
كان ماهوب حول طائرة f 15

تحليل<<مع جنب القده! هههههه

[زبن القاضي]

متذوق الشعر

اقف اجلال وتقدير لمتابعتك وجهدك واشكرك من اعماق قلبي

لكن مالقيت يحلل غير ابو فايح ماهوب مخلي شي ماعلم به هههههههههههههههههههههههههههههه

التوقيع

[غالب الذيابي]

:
:
:


صحت السنتهم ،، المحاورة معناها بيّن وواضح

وابدع زبن بصراحة .. وواضح ان الحاورة (جديدة)

لكن زبن له بيت مروّع وجرئ..ان كان الهدف منه ماهوب استدراج

صقر سليم لمعرفة مافي قلبه والا هناك علامات استفهام جديدة

بين اسمين مهمين في ساحة المحاروة ..

انـا اعـرف الحنظـل مايثمـر بتـفـاح
واعرف وجيه اهل النفوس الظلومه

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

آخر تعديل غالب الذيابي يوم 25-May-2011 في 12:03 PM.

[ابو فايح]

الله الله

بيض الله وجهك يا متذوق الشعر ومادام صاحب الشأن موجود أقول لا يفتي ومالك فالمدينه

طاروق رائع وأخذ

والمحاوره متى بالضبط !!؟؟

إن كان قريبه فهي في خروج صقر من شاعر الملك
وإن كانت قديمه شوي ربما تكون سياسيه

زبن

فرصتك ياسداح ضاعت ياسـداح=ماكـل مـن يحلـم تحـقـق حلـومـه

البقيلي

ويازبن انا خابرك ماهـر وسبـاح=وشبك تخاف من البحر ماتعومـه

[عائضي]

الله الله ياسلام على الابداع المتألق
وصح السان الشاعرين و الله يعطيهم الف عافيه

لك الشكر على الانتقااااااء الراااائع و رقي الذوووق في الانتقاء

ولا هنت

[متذوق الشعر]

اشكر الجميع على تشريفهم متصفحي

[سعيد مرزوق العبد]

المعني ساهر او حافز

واحد منهن