قصه ..حزين ../لشاعر الكبير بندر بن سرور(رحمه الله)

[راجح النفيعي]

السلام عليكم ورحمة الله وبركاته

(قصة.......حزين)

قصيدة لم تشتهر لهذا الشاعر المميز لكونه لم يسجلها بصوته كأكثر قصايده التي وصلتنا وذاعت شهرتها, ولكنها قصيدة رائعه يبث فيها بندر الشكوى مصورآ عذاباته الخاصه وفي شطرها الأخير يعلن توقه للانتقال من الحياة الفانية التي يسميها ((قبور الأحياء))إلى الحياة الباقية وهو الأمر الذي حدث مع هذا الشاعر ذي العمر القصر والتجربه الممتدة......؟


الشاعر الكبير/بندر بن سرور(رحمه الله)

ســرياقلم مـــالي على الصــبــر طاقـــة
صـــبــري تعـدى الحــدماعــاد ينطاق
إكــتـب لمثلي قــصــتــه واشــتــيـاقـــه
في خــطـك الــواضح على بيض الاوراق
قــصــة حــزيــن صـافي الــحـــرذاقـــه
أنابذكــرى مــاصـلـه خــاطـري ضــاق
باقــوابه الأصــحــاب والــوقــت باقــــه
وصــار الــضــحــيـة بين بايــر وبــواق
يمشي وهو مـا حس في كـسر ساقـه
أمسى على ساقين واصبح على ساق
وهذي ســواة الوقت شين اصطفــاقـه
الـــوقــت لــو يـصــفى لك أيـــام دراق
لاشـك يامن مــعــك عــقـل ولبـــاقــة
بنصــحك كــان انك للامــثــال تشـتــاق
صــادق رجــال يــعـرفـون الـصـداقــة
يقــفــون صــفـك يــوم يبـسـات الارياق
ومن يرغب افــراقــك فـ عــجل فراقـه
جــاز الـذي يــجــزيك إفـــراق بــفــراق
يقــولــه اللي جــاير الــوقت عــاقــه
ولازال في غــيــبــوبة الـهـم مــافــاق
حظه على اقـشـرشي للنفس ساقه
بـقـبــور الاحـيـا يـنـتـظـريـوم الاطــلاق

[الهضيباني]

لا هنت على القصه والقصيده وتقبل مروري وبند بن سرور معروف عند القبايل كله

مع تحيات زياد سعود الهضيباني

[فهد النفيعي]

والله اني لا سمعت طاري بندر مهو بقصيدته عاد والله انها تخنقني العبره
لاهنت على البداع والنقل يابندر

[راجح النفيعي]

أخــواني الـكرام

الهضيباني ( الله لا يهنيك يا بوسعود على المرور الرائع وبيض الله وجهك)

ابن الدلوح( شاكرلك على المرور الي نور الشاشه ولا هنت )

[كــاســبـر]

اخوي راجح قصيده جزله المعاني
دمت وعشت ولاهنت
اخوك كــاســبر

[راجح النفيعي]

الله لا يهنيك يا الكاسبر على المرور الرائع

تقبل شكري ومودتي أخوك راجح النفيعي

[ولد الروقه]

الله يرحمك ياملك الشعر
متنبي عتيبه

بندر بن سرور القسامي العطاوي



رحمه الله عليه


رجل حر وقرم تحمل كل المتاعب

ستبقى في قلوووووووووووووووووووووووووووووووووب عتيبه الهيلا
يبندر مثلك مثل الطيبين في عتاااااااااابه

[ابن زهيميل]

الاخ الفاضل .....راجح النفيعى


القصيده اشك انها ليست للشاعر الكبير اولا لايوجد عليها اسلوب الشاعر بندر ابن سرور الله يرحمه ويسكنه فسيح جناته والثانيه كثير من المنتديات طرحت هذه القصيده تحت اسم لشاعر من بنى رشيد ارجو من الاخوه التاكد من القصيده ولمن هى له علما الشاعر بندر بن سرور ليس بحاجه لهذه القصيده او غيرها او حتى لشهاده احد منا لثباتها نرجو منكم التاكد من القصيده ومن صاحبها

[ابوبجاد الرويس]

مشكور اخوي راجح

والله يعطيك العافيه

ولاهنت على الموضوع الرائع

والله يرحم الشاعر الكبير متنبي عتيبه / بندر بن سرور

[نبض عتيبه]

مشكور على الملقه