قبيلة القثمة

[ولد مدهس]

أخـــوي كاسب الطيب ,,,
مسيت بالخير يالـــغـــالي ووجهك أبيض , ونعم حالك أخوي.
ياخـــوي ركبة إمتدادها من العرفاء غرباً إلى رضوان وظلم شرقاً وحضن جبل البقوم.
و ركبة صحراء خالية من الماء ومواريدها :
(( المبعوث )) للدهسة من القثمة.
(( عشيرة )) للقثمة - المقطة - الشيابين.
(( سامودة )) للعصمة.
(( الجفر )) للعصمة.
(( القرشيات )) لقريش عتيبة.
(( الخرايق )) للنفعة.
(( السداره )) للنفعة.
(( المحدثه )) للشيابين - المقطة.
(( صلبه )) للبقوم.
(( بريم)) للبقوم.
والعطيف للذيبة والقثمة .
والبقوم في شرق ركبة في وداي سلوان.

[ولد مدهس]

المشاركة الأصلية كتبت بواسطة الصل

الاخ كاسب الطيب


الذين يشتركون من القثمه مع العصمه (( هم الجبره )) كما ذكر ولد مدهس


والجبره (( من وسامت الحيه )) استلمت اخوي


كاسب الطيب


تقبل تحياتي

[color=#003366]وش مصادرك يالصل ؟؟؟؟؟؟؟
لا يوجد في القثمة من يآسم الحية.
وسم الجبرة المـــشعــــاب (([color=#990000]على الخد الأيمن.

**

[ولد مدهس]

المشاركة الأصلية كتبت بواسطة الفراهيدي

الله يعطيكم العافية

على المعلومات المفيده

تحياااااااااتي

ويــعـــافيك يالـــغــــالي.

[كاسب الطيب]

أخوي الصل :

مساك الله بالخير

انت في ردك الاول قلت أن الجبره من القثمه يشتركون مع العصمه ومعنى ذلك أنهم يشتركون في الديار وبعدين بينت الوسم . فأنا أعلم انك تعرف العصمه جيداً وتعرف ديارهم ومنازلهم ...

( أنا آآآآسف إذا غلطت عليك )

لكن الاخ ولد مدهس ذكر أن من منازل القثمه ركبه وهذا أكبر غلط وركبه معروف انها للعصمه كلها .
( وانا أدري أنه غلط فيها من غير قصد ابن مدهس )

وبعدين الحيه وسم العصمه فقط وهذا الشي معروف عند عتابه لاتقول للجبره والعرده .

أما وسم الجبره هو المشعاب على الخد الأيمن لاتقوم تلاطخ بالعلوم وتبدع من راسك .

وركبه نزلها الحمارين وسكنوا وادي الجفر ومنهم الشيخ عقيل بن مطير من الوناسين ... ومنهم النواشر وذوي غويلي والحمادات وخامس من الشفعان وساموده فيها النباعين والعمريه وفروع أخرى من العصمه .....



كاااااسب الطيب

[كاسب الطيب]

أخوي ولد مدهس :

مساك الله بالخير .

ركبه كما ذكرت يحدها من الغرب العرفاء من عند ضلع وقير ويحدها من الشرق ضلع حضن وامتداد وادي العصمه لين رضوان وظلم كما ذكرت .... وبيض الله وجهك ، كفيت ووفيت .

أما قولك بأن ركبه خاليه من المياه ومواردهاماهو في محله ، ركبه تضم عدد كبير من الآبار الحلوه وهي معروفه وأكثرها في وادي الجفر ووادي العصمه غني بالمياه الغزيره وكله آبار معروفه وساموده فيها آبار ومن الآبار القديمه والمشهوره الونسانيه للحمارين والبراعصيه للنباعين والنويبيه لذوي غويلي وغيرها من الآبارالحاليه .


وألف شكر لك يااين العم ،،،



كاسب الطيب

[الصل]

الاخ ولد مدهس

راجع كتاب ابو حمرا

عتيبه والنزول الى نجد

تجد الحقا ئق في فصل الوسوم المتشابه لقبيلة عتيبه

*************************************


في كتابه يقول

الجبره والعرده وسمهم واحد وهو (s) يعني الحيه

واورد وسوم كثيره متشابهه وعلق على هذا الموضوع وتسائل هل يربط اصحاب هذه الوسوم رابط حلف او رابط جد هذا كلام ابو حمرا ماهو كلامي

يعني ابسلم من المشعاب ان شاالله ههههههههههههههههههه

***********************؟



اما موضوع قاسم فلي عوده لكي انقشك فيه


تحياتي لك ياولد مدهس

[ولد مدهس]

أخــــوي كــاســب الــطـــيـــب ,,,
أشــكـــرك جزيل الشكر وحنا والعصمه أخـــوان مهما صار ولاتفرقنا ديار وأبار
والعصــمه ينــومسون ربعهم ونفخر بقربكم.

[ولد مدهس]

[size=4]أخــــوي الصل ,,,
والله ياطويل العمر أنا سعيد بمعرفتك وياليت نعرف بعض أكثر
والمـــشــــعاب****************************هذ ي علـــــووووووومــــــه
**********************size]

[الصل]

الاخ الكريم ولدمدهس

انا اتشرف بمعرفتك ومعرفت شرواك

وابو حمرا هو صاحب هذا الكلام ولم يوضح بل بعد كتابته الى ( s )

قال او ح .......... وهذا خطاء منه لانه في الوسوم الاخرى لقبيلة عتيبه ذكر المشعاب كتابتااااا والخطاء وارد من الجميع

[كاسب الطيب]

أخوي ولد مدهس :

أنن اللي تشكرك جزيل الشكر على الموضوع الجيد

وحنا والقثمه أخوان بدون شك وعيال رجال واحد طال عمرك

ومثل مايقولووون (( عينين في راس ))

وحنا وياكم شي واحد ، لكن الأمور هذي لازم تبين للي مايعرفون العصمه والقثمه وحتى لا يصير فيه اختباص .
وما أعتقد إن مافيه أحد مايعرفهم وبين علاك أنك تعرف الأمور هاذي كلها .

وفرصه طيبه تعرفنا على بعض ، وودي نتعرف أكثر وأكثر ومثل مايقولون معرفة الرجال تجاره .

وأعذرني إن كان حصل مني قصور ياابن العم .

أخوك / كاسب الطيب .