وآه يابكره عليه من يكبر

[أبو فيصل الدلبحي]

السلام عليكم ورحمة الله وبركاته

اقدم لكم هالابيات البسيطه واتمنى انها تنال على القليل من اعجابكم

الحياة أبطت عليه في تكبر=ما تجاوبني ولا تقبل صيامي
أحتريت العشق من باب التصبر=ما دريت العشق ما يبغى مقامي
وهتويت الصمت من باب التدبر=لين ثار الهرج والدنيا ظلامي
ويا زماني لا بكينا لا تخبر=واحدن يبغى يعذرب في تمامي
آه ياكسر(ن) ثناني في تجبر=وآه ياسوس(ن) تعمق في عظامي
وآه ياهم(ن) كساني في تشبر=وآه ياطيفن يجاوب في علامي
وآه ياطيبن على خشمي يغبر=وآه ياحلق(ن) تلعثم في كلامي
وآه ياقهرن على صدري يعبر=وآه ياراس(ن) توذا من عسامي
وآه يابكره عليه من يكبر=غير أبويه والطشايش من حزامي
كلها بالرأس والباقي يزبر=في خفوق(ن) نحفره كف الضوامي

[عبدالرحمن الهيلوم]

صح الساااااااااااااااانك يالغالي

[أبو فيصل الدلبحي]

صح بدنك

مشكور على مرورك الطيب

[بـنـدر الروقـي]

الدلبحي

صح لسانك

حليوه!!

القصيده!!

[سلطان بن سبقان الحزيمي]

تحياتي لك ابو فيصل
وبيض الله وجهك على الابيات
الرائعه والمتميزه
تقبل مروري ودمت بود

[عبدالله بن طلال]

صح لسانك ملايين




ابدعت وأمتعت يابو فيصل




لله درك ولا فض فوك




وتقبل خالص تحياتي

[أبو فيصل الدلبحي]

بندر الروقي

صح بدنك

والحليو عيونك طال عمرك

شكرن على مرورك

[أبو فيصل الدلبحي]

سلطان الحزيمي

ووجهك ابيض يابعدي

والرائع هو مرورك

الف شكر لك على مرورك

[أبو فيصل الدلبحي]

عبد الله بن طلال

صح بدنك حتى ترضا

مرورك على الصفحه ينورها ويشرفها ويجعل ابداعها طاغي

الف شكر على مرورك الي له طابع كبير على الصدر

[عبدالله الجـــذع]

هلا وغلا يابو فيصل

أشتقنا لك ولـ قصائدك الجميله

صح لسانك من الحرُه ليا المجره على هذه الدره الجميله

ننتظر جديدك يامبدع


محبك
.

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا