نبااا شاعر يحكم بيننا

[(مہودع دنہيأهہ)]

السلام عليكم

كيف حالكم عساكم بخير؟؟ياعرب انا لي خوي كاتب الابيات اللي تحت وحسيت إن فيها ثقل فالوزن وهو يقول اتحداك المهم قلنا ننزلها هنه ونبااا الشعاااار واللي لهم خبره يحكمون بيننا فيه ثقل فالوزن ولا انا غلطان؟؟عجلو علينا بالرد الله لايهينكم مع توضيح الثقل في بيت ان كان بها ثقل



دايم تقول البدو مابينهم زيف.....واثرك فصيح لسان والشك زايل

تعرف تميز بذا قرم ...ذا هيف....وتبدع بتميز اهل الكرم والحمايل

تعرف وش اللي يسعد البدو فالضيف....لاجيتهم مرات صايل وجايل

وتعرف وش اللي يجبر البدو للسيف....لا قلت له بالله ويش انت طايل

[البتّار]

البيت الثاني يحتاج تعديل والبقية موزونة

[منبر اعلامي]

تعرف تميز بذا قرم ...ذا هيف....وتبدع بتميز اهل الكرم والحمايل

هذا البيت دخيل على القصيده ماهو لنفس الشاعر ممكن اضيف على القصيده

الشي اللي انا متاكد منه انه ليس لنفس الشاعر

[(مہودع دنہيأهہ)]

البتااار ايه وانا قلت له ان الشطر الاول من البيت الثااني فيه ثقل ومسكت عباط على هذه الكلام وللحين ما اقتنع لاكن مع كثرة الردود يبا يقر هههههههههه والله يعطيك العاافيه يالذيب على المرور العطر ولاهنت

[(مہودع دنہيأهہ)]

اخوي منبر اعلامي::لا وانا اخوك له وإمكن يكون فيه تشابه افكار ولاكن ما اضن هذه الشي معنه وراد لأن البيت اللي انت قلت إنه ماهو بله فيه خلل فالوزن ولا ضنيت فيه احد قاله كه ولاكن إن كانك متوكد من كلامك هات القصيده كامله اللي ذكر فيها هذه البيت ولمن معني ما اضن لأن مثل ما قلت لك إن فيه خلل فالوزن..وتسلم على المرور العطر ولاهنت

[منبر اعلامي]

ياخوك البيت الثاني كامل غير موزون لوكان شطر من البيت اوجمله كان قلت غلطه من الشاعر

لكن الصدر + القفا فيها خلل ونا اخوك والشاعر اللي قدر يصوغ البيوت الاخرى ماهو بعجزان

لايصوغ البيت الثاني ونشد الشعار اللي معنا انا مازلت مصر ان البيت الثاني صدره مع قفاه

لشاعر آخر كمان صاحبه ليس بشاعر. والشعار يحكمون بيننا

[فهد الزهراني]

ملاحظة اخي منبر اعلامي في محلها وتعجبه في محله

شكرا اخي الفاضل

[عثمان الثبيتي]

تعرف تميز بذا قرم ...ذا هيف....وتبدع بتميز اهل الكرم والحمايل



هذا البيت فيه خلل كبير بالوزن واغلب الظن انه مدخل على الابيات الثلاثه

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

[الشمالي الغربي]

مسيتوا بالخير جميع وكل عام وانتم بخير


شفت العنوان وقلت فيه مشكله وجيت اركض ..



المهم كلام منبر اعلامي صحيح ميه بالميه .. البيت الثاني كله مكسور وكأنه دخيل فعلاً على القصيده..


تقديري ومودتي .

[ياسر.]

(مہودع دنہيأهہ)

بعد التحية لسموك ثم لكافة الاخوان والله ماني بشاعر والافاضل فصلو وفندو بما فيه كفاية لكن حبيت
اقول امرين ان سمحتوا لي طبعاً.
اولاً : يثلج الصدر ويشرحه ان يكون هناك من يميز خلل الابيات كشخصك الكريم اما شعرانا الافاضل فهذا
غير مستغرب منهم فهم ياتون بالمعجزات وهذي صنعتهم فلهم جزيل الشكر لما قالوا بادب ونقد مميز لا
ياتي الا من اشخاص تربوا على حسن الخلق والتواضع.
ثانياً: لعل الشخص ينظر لكاس المليان فاخوك وان كسر او ادخل شي غير مناسب على ماهو جميل فو
الله انه احسن في ثلاث ابيات ولم يوفق في واحد.
ثالثاً: هذه الابيات على المسحوب كلها الا بيتها الثاني وهو كما قالوا شعرانا المميزين ماهو كسر يعدل فيه كلمة فيستقيم بل غريب عن المسحوب كلياً.

والمسحوب طرق تفعيلته كماتعلمون :
مستفعلن مستفعلن فاعلاتن-مستفعلن مستفعلن فاعلاتن
لكن هنا جاءت بصيغة فاعلاتان في شطر الاول وفاعلاتن في الشطر الثاني وهو على رغم زيادته الا انه
امانة لايخرج عن الوزن ولا لحن المسحوب مثل :المشكلة لاصرت بين اختيارين-

مستفعلن مستفعلن فاعلاتان
مستفعلن مستفعلن فاعلاتن

تعرف وش اللي يسعد البدو فالضيف....لاجيتهم مرات صايل وجايل

مستفعلن : تع رف وشل
مستفعلن : لي يس عدل
فاعلاتان : بد وفا ضي يف

مستفعلن : لا جي تهم
مستفعلن : مر را تصا
فاعلاتن : يل وجا يل

رغم ماقلت فليس كلامي ورائي يعني صحيح فكلاً يؤخذ منه ويرد الا الله ورسوله صلى الله عليه وسلم
انما حبيت اتشرف واتبادل معكم النقاش بحب واخوه وان ادلو بدلوي مع الدلاء .
وصح لسانك ولسانك اخوك وكل من مر علق او لم يعلق