معاقبة المعاكسين في الاسواق بتغسيل الموتى خمسة ايام

[روق اند برقا]

يالربع سمعت هالقرار من اكثر من شخص ولا اعلم مدى صحته حتى الان

بتنسيق من امارة الرياض وهيئة الامر بالمعروف سوف يتم معاقبة المعاكسين في الاسواق بعد القبض عليهم بتغسيل الموتى مدة خمسة ايام كنوع من العقاب والعظه

[(مہودع دنہيأهہ)]

قريت الخبر هذه في جريده سبق قبل مده ودورت دوبي الرااابط ولقيته خبر ثااني في جريده ثانيه عن نفس الموضوع وهذه هو الرااابط(http://www.burnews.com/news-action-show-id-33551.htm)
والصرااحه قرار حلو لأنه يخلي الوااحد يراجع حساابته ويتذكر إنه يبا يجيه اليوم اللي يكون فيه مكان الموتى وهذه الشي إن شاء الله له تئثير ايجابي ولاكن وانا أخوك المشكله تدري وشن؟؟هي بعض البنات اللي ما في وجيههم حيا ولا وراهم احد يردهم الله يهديهم ولايبلانا فعراضنا تلقاها تروح السووق وهي لابسه عبااايه مقطحه وحاطه كليو بودره على وجهها ولابست لك من البرقع اللي مبين نص الخد ولا داقه اللثمه والجسم مفصل وباين من اوله لتاليه وتفتن خلق الله وحتى لونها شبهه ووجهها ملتوي لاكن باللي تحطه هذه تلعب في حسبت المراهقين والمشكله محد يقولهم شي وحتى لو مسكوها مع شاب ولا شي فكوها من باب الستر صح إن الستر زين بس مفروض يكتبون عليها اقل شي تعهد ولو عاد عادتها تسجن مو يفلتونها اليوم وبكره ترجع لحالتها وتقولون ما نبا احد يغازل طيب أنتم حطو نضام السوق ما يخشه وحده متربجه وعاقبو المتبرجات واللي يدرون هذي العلوم من البنات مثل الشباب عشان تقضون على هذي الضاهره مو اعاقب طرف واترك طرف هذه هو الحل عشان يقضون على هذي الضاهره على قولت المثل الزمو مزعاكم تيسنا ما يجيكم وانتم بكرامه

[نيزك]

خبر ممتاز
اتمنى ان يكون صحيحاً
وكفى بالموت واعظاً


دمتم بخير

[محمد عبيد]

والله الي ودك يغسل الموتى مهوب الشاب المعاكس



ودك يغسل الموتى الي سمح للعزاب بالدخول مع العائلات

[عزارم]

الله يصلح شباب و شابات المسلمين

[سعيفان الهيلا]

قرار صائب لعل الله يهديهم ويتعضون