الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > قصائد الأعضاء

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 12-Apr-2015, 09:22 PM رقم المشاركة : 1
معلومات العضو
شعيل الزلامي
شــــاعر نظــم
إحصائية العضو





التوقيت


شعيل الزلامي غير متواجد حالياً

افتراضي وابك حنا يالسعوديين حنا

غنت الشهباء ومنها ما انشحنا===وجذبت بنعيقها أهل النحاسه
واستعدينا وبالله استعنا===سمعاً وطاعة يا معتصم السياسه
سيدي سلمان يا زبن المجنا===أبشر أبشر فالهجوم وفالحراسه
أنت بس أومر وحنا ما نتونا===لو غطست البحر ما هبنا غطاسه
العمر مره وأجلنا هو أجلنا===ما حداً يموت ما أكتملت انفاسه
ما انتظرنا من يجي منا ومنا===ولا تخوفنا الثعالب والبساسه
مبايعين وفي مبايعنا ما خنا===والحروب نحس فيها بالوناسه
لن بعض الناس قتله من قبلنا===يرضي المولى ويدفع للحماسه
كان ما نحم الوطن به ماسكنا===والبقاع الطاهرات من الدناسه
الأمر واجب وللأمر امتثلنا===ثم دسنا الراي ما حد قبل داسه
ربنا إلى عملنا لا تكلنا ===أنت من نعبد ونخشى قو باسه
يوم هادي قال تكفون وزبنا===استجبنا دون دون شرط ولا دراسه
جارنا له عندنا حقاً مثنى===أخو دين وجار دار ولا مساسه
غير حقه فالعروبه ما جهلنا===وإن دعانا جارنا لازم نواسه
اليمن منا وحنا من يمنا===ساساً الأول وحنا اليوم ساسه
يا يمن لا يهمك يايمنا===أنت وسط قلوبنا شعب ورئاسه
عوذ بالله منك يا تالي زمنا===والله صار فالوقت انتكاسه
كيف يالحوثي تهقوى أنك تصلنا===وأنت عند الفرس تضرب بالمداسه
وانت ياللي بك رقع من كل شنا===كل وجهك جامعينه من حواسه
يوم رقعناك ما كنا نظنا===انك تعود تحوس يالحواسه
وهالحينه فوق نافوخك تدنا===وانتها ما كنت تحلم بافتراسه
صرت فيها لا مقر ولا مكنا===مزهبك خدعه ووجهتك التعاسه
والضباع اللي مشرهة تاكلنا===راضعين بقم من ديس النجاسه
ما در وبان هل الرمح المطنا===محتمين الدين وديار القداسه
ولا درو بالقادسيه يوم أهلنا===نكسو راس التغطر فوق راسه
وابك حنا يا السعوديين حنا===من يحل العقد لن شدة مراسه
من شيمنا أن ليا قلنا فعلنا===لن وعد الحر دين وبه قياسه
نطعم ونشبع ونوجع لن طعمنا===ونحلم ونغضب وكل أمر بقياسه
إن زعلنا صعب يستدرك زعلنا===وأبو فاس نحط راسه تحت فاسه
ديننا منزل علينا في وطنا===ما نروح ندوره سر ودساسه
والنبي منا ومكه غصبً النا===والشرف كل يوم النا لباسه
الله اللي قال فالقرآن عنا===إننا بخير أمة من كل ناسه
ننكر المنكر ومعروفاً نسنا===ونومن إيماناً ما جا فيه التباسه
ومن قرنا بالروافـض قد ظلمنا===ومن يقول خوانا مقلوب طاسه
الخدود بشرعنا ما يلطمنا===وأهل قم اللطم الأفضل بالشراسه
ولا شتمنا أبو بكر ولا لعنا===ولا عمر وأهل التقا وأهل الفراسه
ولا نمارس متعه وتقيا المصنا===ولا نتمسح بالحـراير في خساسه
ويا خليج العز لكم الشكر منا===قادة وشعوب كلاً له مقاسه
من بياض الوجه غير اللي يكنا===ولا عرفنا وشهي أسباب انحباسه
ما نبي حداً يشذ بدون أذنا===غير من له عذر نقنع بالتماسه
وشكراً لجميع من أيد عملنا===في رجوع الحق من بعد أختلاسه















رد مع اقتباس
غير مقروء 13-May-2015, 08:26 PM رقم المشاركة : 2
معلومات العضو
مطلق الحليفي
عضو نشيط
إحصائية العضو






التوقيت


مطلق الحليفي غير متواجد حالياً

افتراضي

صح لسانك يا شعيل وبيض الله وجهك
أحسنت ، يعطيك العافيه ،















رد مع اقتباس
غير مقروء 18-May-2015, 09:24 PM رقم المشاركة : 3
معلومات العضو
شعيل الزلامي
شــــاعر نظــم
إحصائية العضو





التوقيت


شعيل الزلامي غير متواجد حالياً

افتراضي

شكرا يامطلق وصح بدنك















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »02:58 AM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي