مره وحده ماتضر

[شعيل الزلامي]

السلام عليكم ورحمة الله وبركاته

ليلة البارحه

جيت لا انام ليله ماهو لجل السهر=السهر عادة عجزت لاغلب عليه
بس لعلي احلم لو بلمحت بصر= فيك ياوجه ياللي غير كل الوجيه
يا مذوقني اللوعات صبح وعصر=كل شي في ذاك الوجه ماله شبيه
لوحة مشرقه تجمع جميع الدرر=الوجه فيه مايكفي قتل عاشقيه
طرفا احور على وجنات ورد حمر=ومبسما فيه كالياقوت والموت فيه
والنحر كالقمر في ليلة اربع عشر=واهني القمر فاي ارض يقدر يجيه
وباقي الجسم ماني واصفه للبشر=ابحتفظ به لنفسي وارجي الله فيه
وارجو المعذره عن شرح باق الصور=ما امن الناس والشيطان حي السفيه
ولو اكمل وصوفه يمكن افطس قهر=او اسبب لغيري موت واجني عليه
خلها لوحة فالبل طول الدهر=كل يوم اتخيل كل ماتحتويه
وان تصورتها تذبل وجف الزهر=قلت ياعيني اسقي ورد من ترتجيه
وكل هذا ضريبة ليه امد النظر=ليه ياعيني القشرى تلدين ليه
ماتعرفين بان العشق قصف العمر=وان بعض النظر يورد مواريد تيه
قالت العين مره وحده ماتضر=الشريعه تقول الاوله لك وليه
ليلة البارحه مانمت حتى الفجر=احسبني على موعد معه واحتريه

[/quote][/quote]

[أخو جوزا]

ماتعرفين بان العشق قصـف العمـر
وان بعض النظر يورد مواريـد تيـه


صح لسان شعيل

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[ماني بهايب]

بيض الله وجهك شاعر جزل

[شعيل الزلامي]

المشاركة الأصلية كتبت بواسطة أخو جوزا

ماتعرفين بان العشق قصـف العمـر
وان بعض النظر يورد مواريـد تيـه


صح لسان شعيل

اشكرك ياخو جوزا
جزيل الشكر

[شعيل الزلامي]

المشاركة الأصلية كتبت بواسطة ماني بهايب

بيض الله وجهك شاعر جزل

وانت
وجهك
ابيض
ورجل
شهم