واعذابي من اللي يسحرني عيونة

[نايف بن ملحق الثعلي]

واعذابي من اللي يسحرني عيونه=لاذكرته يزيد الهم والموت جاني
خده اللي كما برقن سطع في مزونه=كاملة وصف بين الناس قاصي وداني
شعره اليا انتثر كله يغطي متونه=حي ذاك الجمال و عشت يالمودماني
يامشاء الله على جسمه وضحكة سنونه=فيه حسن الجمال وفيه جزل المعاني
علمو صاحبي بالعلم ياللي تجونه=مانسيته ولو انه بعيد ونساني
لو تطول الليالي والله اني مخونه=حبها مانسيته لو غدرني زماني
علمو صاحبي ماني بمرتاح دونه=امتولع بحبن فيه والله رماني
الهواوي معذب ليتكم ترحمونه=ارحم ابحالتي حبك بقلبي كواني
انت خدك قمر خمسة عشر مثل لونه=من غلاك وهواك اللي حصل لي كفاني
من ترجاك تكفى لا تخيب ضنونه=ارجعيلي تراني من بغاني لقاني
صاحبك من هموم الوقت كثرت غبونه=وانت ظبي المها اللي فيك يصدق لساني
ليت بيت المحبه ما هدمتو ركونه=لين غيرتني واخلفتني من مكاني
ارحمو قلبي اللي حب لا تجرحونه=ياوجودي على شوفتك حتى ثواني
من تولع بكم بالله لا تشغلونه=ليت زين الوصايف طاعني ما عصاني
العهد والوعد بالله لا تتركونه=ودنا العلم الاول مانبى علم ثاني
انت مثل الذهب غالي ويربح زبونه=مار لا تخلف الميعاد والعمر فاني
والذهب كل ناسن ودهم يشترونه=وانت حظك تعلى مع سهيل اليماني
ادفن السر وانتم لازمن تطلعونه=مامعي صبر وهموم الليال اتحداني
المنادي يناديكم ولا تسمعونه=ليت يانور عيني تسمعه بالاذاني
كيف فكري وعقلي يالغضي تاخذونه=من غلاكم نسيت الليوم حتى خواني
الهواوي صخيف القلب لا تذبحونه= ارفقو به تراه امن الجفى مايداني
والزمان ايتقلب مار لا تامنونه= وانت يانور عيني لا تجي قلباني
من تولع بكم يازين لا تحرمونه=كان ربي هداك وكان ربي هداني
الهوا سنة العشاق مايجهلونه=جعل روحي فدا لك ياعريب المجاني
ارحموني وغيب الوقت ماتعلمونه=والمحبه تجر القلب جر السواني
ليت حبل الرجا والوصل ما تقطعونه=مايجوز الجفا والصد حبك طواني
ابشر اني عزيز النفس مارضى المهونه=والله اللي كتبلي والله اللي عطاني

التوقيع

ما هوب لازم توقيع00

آخر تعديل نايف بن ملحق الثعلي يوم 29-Jan-2008 في 01:17 PM.

[عبدالرحمن الهيلوم]

ياوا سيدي ياوا صح السانك يالغالي
واعذابي 00مشكور يالغالي يابوالابداع

[نواف العصيمي]

المبدع الرائع .. ,,, الشاعر الجزل

نايفـ الروقيـ صحـ لسانكـ يابنـ العمـ .. ,,,

.. ,,,

ولك التقدير والإحترام

التوقيع

[نايف بن ملحق الثعلي]

عبد الرحمن الهيلوم

ارحب يالغالي والابداع وجودك

[نايف بن ملحق الثعلي]

نواف العصيمي ارحب يا ولد عاصم

صح بدنك ولك مني التقدير والاحترام

[الشاهين.]

الله الله مبدع يانايف صح لسانك على هالابيات الرائعة ولكن لي تعقيب على بيت

وهو

واعذابي من اللي يسحرني عيونه
لاذكرته يزيد الهم والموت جاني

ولكن بدال كلمة يسحرني تسحرني لأن العيون تسحر ولا نقول العيون يسحر

وأنت لايحتاج لواحد يعقب عليك ولكن أتمنى أن تقبل تعقيبي وهي وجهة نظر ربما أون صائب وربما اكون مخطي0

[مساعد العضياني]

نايف الروقي

صح السانك يالغالي

تحياتي لشخصك الرائع

[نايف بن ملحق الثعلي]

المشاركة الأصلية كتبت بواسطة الشاهين.

الله الله مبدع يانايف صح لسانك على هالابيات الرائعة ولكن لي تعقيب على بيت

وهو

واعذابي من اللي يسحرني عيونه
لاذكرته يزيد الهم والموت جاني

ولكن بدال كلمة يسحرني تسحرني لأن العيون تسحر ولا نقول العيون يسحر

وأنت لايحتاج لواحد يعقب عليك ولكن أتمنى أن تقبل تعقيبي وهي وجهة نظر ربما أون صائب وربما اكون مخطي0

الشاهين صح السانك يعطيك العافيه

ولكن هي لا تنطق بكلمة تسحرني وانما تنطق بكلمة يسحرني

وملاحظتك على العين والراس

ودمت بخير

[نايف بن ملحق الثعلي]

مساعد العضياني صح بدنك

ومشكور على المرور

[@ـايل]

صح لسانك يامبدعنا وشاعرنا المخضرم نايف الروقي

ابداااااااااااااااااااع لامتناهي

اشكرك على هذه الابيات الطيبه

اتمنى لك التوفيق اخوي ابن روووق

والى الامام

التوقيع

شكر خآص للأخ العزيز (سمي جدي) ,,, للتواصل,,, hail-osaimi@hotmail.com الفيس بوك : هايل العصيمي انستقرام : hailosaimi تويتر : AlHooL@