الجند البواسل

[ابن جدعــان]

من يهز الداخليه علموه انه غشيم =دونها الجند البواسل دونها الجند الأمين
ثابته وسط الرياض وساسها ثابت سليم= ما تهزهز لأنفجار ولا قنابل عابثين
حارسه لأمن البلاد والي حارسها عظيم =شامخه مثل الجبال وفيها رجال شامخين
جاهزين للدفاع ورمي شيطان رجيم =محتسين بالشجاعه وللشهاده ذاكرين
علموه انه عقيم ومنهجه مثله عقيم= لا يديم ولا يخرج غير ناس مخربين
عاشقين للدمار ومهتوين للجحيم =مرهبين وهاربين وعندنا هم مرسلين
ضايعين وطايشين ومابهم عقل سليم= الفتاوى حرفوها للحلال محرمين
وما يزعزعنا سفيه ولا يفرقنا بهيم= نلطم العدوان حنا شعبنا متكاتفين
نردع الحاسد لحسده ولا نفكر فالسقيم =ومن حسدنا في بلدنا زدنا نار الكايدين
مادروانا جحيم للي ناويله جحيم =ما نهاب الموت حنا للملاقا جاهزين
وديننا دين السماحه من جديد ومن قديم =ديننا الاسلام دين رب كل العالمين
عندنا منهج شريعه والسراط المستقيم =وعندنا مكة وطيبه قبلة للمسلمين
يا وطن والله والله حب غيرك مانهيم =يا وطن مهبط رسالة والصحب والتابعين
يا وطن فيه الكفاله للفقارا واليتيم =يا وطن خيره لشعب كلهم متلاحمين
يالله المعبود يالله تحفظ بلاد النعيم =جعلنا بأمن وامان كلنا عبر السنين
ومن يهز الداخلية علموه انه غشيم =دونها الجند البواسل دونها الجند الأمين