فواز السعيدي و علي الحصني

[عبدالملك القاضي]

علي الحصني

ذعذعي ربع ساعه ياهبوب الشمال
في هوى من يجيـب المسـك والعنبـرا

يالـمـزيـنـي تــريــح يالـهـذيـلـي تــعــال
دوب مــازان ســوق البـيـع والمـشـتـرا


فواز السعيدي

انتـم رجــال والـلـي قابلـوكـم رجــال
وان وقفنـا علـى الجبهـه نـرد البـرا
حرب قوم(ن) مواقفهم تهد الجبال
فيهم الطيب كنّه لاصق(ن) بالغـرا

علي الحصني

انت في ديرة القصمـان مالـك مجـال
مـار حـدّك عـلـى الــدار البعـيـد الــزرا
منت عم(ن) لحرب ولنت رجال خال
كـــــل مـانـدفـعــك قــــــدام تـــرجـــع ورا

فواز السعيدي


جاكم الكيف الاشقر من حلوق الدلال
مـــار لاتـخـبـر القـصـمـان بـالـلـي جـــرا
انــــت مـجـنــون مـايـبـغـالـك الا حــبـــال
كـــــل واحــــــد بـعـلــمــك يـالـحـريـبــي درا


علي الحصني


كيفنا العود الازرق مع كرام السبال
وانـت كيفـك تجيبـه مـن جـبـال الـقـرا
اقـدر احـدرك واسنـدك يابـن الـحـلال
وتـــدري انّـــا لياشـفـنـا هـذيــل اومــــرا


فواز السعيدي

ياجمل لاتخالف عن طريق الجمال
المحاوص مع الهذلان موت احمـرا
يالله انــي طلبـتـك يـاعـزيـز الـجــلال
تـرفـعــه لـلـثـريـا عـــــن بـــــراد الــثـــرا


علي الحصني


ماتقدم بمصر الا فخامة جمال
والبقـيـة ماغـيـر يــدورون الــذرا
اطلب الله ولاتندم على كل حال
والدعـا للعجايـز كـن عينـي تــرا


فواز السعيدي


قدمـو واسطتكـم قـبـل وقــت الــزوال
وان تعبتـو مـن الميقـاف دقـو ســرا
ياحروب القصيم اهل اللحي الطوال
ليتـكـم تـعـرفـون الـلــي علـيـنـا طـــرا


علي الحصني


كم عطيناك من مكسب ومن راسمال
مـــار تـعـبـت ذلـولــك والصـمـيـل انـفــرا

[سعيدان العتيبي]

والله كارثة فواز بصراحة

[نافع]

والله انه كارثة فعلا وكل يوم يتطور ما شاء الله عليه

[فيصل بن فهد الجهني]

حرب قوم(ن) مواقفهم تهد الجبال
فيهم الطيب كنّه لاصق(ن) بالغـرا


اي والله انه كارثه يا الربع .. ما شاء الله تبارك الله
الله لا يضره

[عبدالملك القاضي]

فعلا فواز قوي لكن رد الحصني اقوي منه
لاحظ
حرب قوم(ن) مواقفهم تهد الجبال
فيهم الطيب كنّه لاصق(ن) بالغـرا

الحصني

ما انت عم لحرب___ولانت رجال___ خال


لست رجال
بل خال
والخال من

[هيلاوي عتيبي]

مبدع فواز ماشاء الله عليه ومثل ماقالوا الاخوان كل فترة يتطور

[هيلاوي عتيبي]

فواز مبدع وماشاء الله يمشي على نهج الشعراء الكبار .
اخي عبدالملك رد فواز قوي
علي الحصني

انت في ديرة القصمـان مالـك مجـال
مـار حـدّك عـلـى الــدار البعـيـد الــزرا
منت عم(ن) لحرب ولنت رجال خال
كـــــل مـانـدفـعــك قــــــدام تـــرجـــع ورا

فواز السعيدي


جاكم الكيف الاشقر من حلوق الدلال
مـــار لاتـخـبـر القـصـمـان بـالـلـي جـــرا
انــــت مـجـنــون مـايـبـغـالـك الا حــبـــال
كـــــل واحــــــد بـعـلــمــك يـالـحـريـبــي درا

[الجهبذ]

بعض المعرفات يا حليل صاحبها ..




وهاتك يا تمجيد ..... لعل الناس تصدق