الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > الشعر الشعبي

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 16-Jun-2010, 02:51 PM رقم المشاركة : 1
معلومات العضو
ابو قطيم
عضو نشيط
إحصائية العضو





التوقيت


ابو قطيم غير متواجد حالياً

افتراضي نبذة عن الشاعرة فتاة الوشم هيا دويبي الغبيوي

السلام وعليكم ورحمه الله وبركاته

اليوم جايب لكم اوراق ونبذه عن قصايد الشاعره المعروفه ((فتاة الوشم ))

ومقتطفات شعريه من روايع فتاه الوشم


فـتــــاة الــوشـــــم

هيا الغبيوي الروقي العتيبي

من أشهر شاعرات الجزيره...


.. هذه احدى قصائدها المشهوره .. قالتها حينما رأت كثيرين من الرجال الذين هم قادرين على خدمة الوطن ومتخلفين عن العيشه الحلال وعيشة الشرف ويتطلبون اهالي الزكاة وفي شهر رمضان وعايشين على الشئون الأجتماعية سنوياً .. :




يابنت شوقك جاك من العنائـم كـاش
لا جاء مـن الديـرة مخابيـه مشحونـه
إلا حسب اللي حصله من نهـاره شـاش
يحسب المراجـل نفعـة اللـي يمدونـه
ونا حالفه لو هو عشيري عنـه لنحـاش
مريد الضعيف اللي هل الخيـر يعطونـه
مريد الجبان اللي معاشـه يجيـه ابـلاش
ردي العزايم طايـح مـع هـل الشونـه
انا يوم اشوف اهل النفوس الضعاف انداش
لا شفتهـم راع الطفايـس يديـرونـه
رعى الله شوف سابح في بحـور الطـاش
تصافق به الأمواج والبعـد مـن دونـه
رفيع المقام اللي يشون الشحـذ ماعـاش
فدا للوطن نفسه مـع الجيـش مفتونـه
عشيري على الحاجز يمينه على الرشـاش
تلقـى لهيـب النـار يرمـى ويرمونـه
مع ابطالنا اللي فاللقاء يبـردون الجـاش
حمـاة الوطـن ياكـم عـدو يصدونـه


.. قالت في نساء العرب .. :-




يا بنت شوقك في الشهر عنك ماغاب
بينك وبينه ما يحول اظلـم الليـل
اما رقد ولا طلع مـن ورا البـاب
ولا تمشـي بالغـروس المضالـيـل
المترف اللي مـا تعـرض للاتعـاب
ومخالف دربـه دروب الرجاجيـل
في مجلس الخفرات يمـزح ولعـاب
ومغفل ما يعـرف العـدل والميـل
الا شجـاع بالنمايـم والاكـذاب
ومهذب في قولـه القـال والقيـل
ونا عشيري مع هل التاج والكـاب
من بعد داره مـا تجيـه المراسيـل




.. ولشاعرتنا فتاة الوشم عندما رأت احد الشباب المتخنفسين .. :ـ






يا ناس عيني من الموعات مذعـوره
ونفسي عيال الفلس جابوا حضايبها
وقلبي يزوم الزعل والكبد ممـروره
حسيت باللي عيوبه ما يحـس ابهـا
لاقيت رجل وفيه من المره صـوره
يمشي على العيب نفسه ما يعاتبهـا
يوم يتمخطر يقلد مشـي غنـدوره
عن مشية الرجل للخفرات يقلبهـا
قلته ونا من شباب اليـوم مقهـوره
كيف الحمايل يجنب عـن مذاهبهـا
يا بنت شومي من اللي يمشط اشعوره
ويميل بالكعب ووروكه يهـز ابهـا
ليته لبس له بلـوزه فـوق تنـوره
يوم المناقيد مـا يـدري عواقبهـا
اهل الخنافس غدوا لابطالنا عـوره
يا كيف نجـد يتمشـون ابمناكبهـا
شباب يا اللي عليك السود منشوره
ارفـع مقـام الرجولـه لا تخربهـا
ترى الشجاعه لجيش صف طابـوره
نقالـة البندقيـه مـع مقاضبـهـا


.. وهذه ابيات رائعه قالتها فتاة الوشم عندما اجبروها على الزواج وهي لم تبلغ من العمر احد عشر سنه .. :ـ



حمام على راس الطويله يجـر الحـون
على ناعم اغصان من الوسم غريافـي
تثير النفوس وتبتلي قلبـي المحـزون
تعاونت عليه بلوتي والزمـن جافـي
هواجيس نفسي علقت في نجوم الكون
وال شك حظي بار في جملة اهدافـي
الا يا كبر بلواي والناس ما يـدرون
تجدد حياتـي كلهـا هـم واتلافـي
إلا ياهل الفرت الحمر ريضو بالهـون
نخاكم دريك ضاع امـدوه بأسعافـي
ترى الطايله من فعل الجواد لا تكبون
خذو بيد المرعوب قـدام وخلافـي
خذوا بيدين الهارب اللي قتيل غبـون
تلاقي المهالك والعطش والقدم حافـي
طبع في روابي نجد يكفخ كما المجنون
سرى في ظلام الليل يوم القمر طافـي
تلقي مراب لذيب يوم العرب يلهـون
تسلل مع الغابات من خوف ينشافـي
زمان عليه مال واهلي علي يخطـون
حياة البشر فيها تعرضت الأصدافـي
توحشت مع جو الخلا والحياة ظنـون
شربت المنون بيوم كل شرب صافـي



.. وهذه قصيدة لشاعرتنا العذبه فتاة الوشم العتيبيه الروقيه عندما سافرت إلى الجنوب في بلاد نجران واشتاقت إلى بلدها .. :ـ





عديت في مرقب والليل ممسينـي
قلبي حدا الرجل للمرقاب واشقاني
وازهم لجو الخلا واصفق بكفينـي
هجري طويل ودمعي حرق اوجاني
وارمي بالصوات محد يلتفت فيني
في غير داري ردي الحظ ودانـي
وجد على موطني وجد المساجيني
في معزل لا صديق ولا لهم دانـي
حمام يالي سجع فـوق البساتينـي
تزعج بصوت مثير حرك اشجانـي
واشبك عليه اقبال الليل تبكينـي
وذكرتني يا حمام الـورق خلانـي
غريبة ً فـي بلدكـم لا تعادينـي
اشكي عليك الوله وانت تحدانـي
من سبتك شف الدمع هلته عيني
لا تحرق القلب جاني منك ماكفاني
ذكرتني ديرتي ولوجـد طاوينـي
اهلي بنجد ونـا بديـار نجرانـي
لا من صديق ولا حـي يسلينـي
والحال حدر الخطر والقلب مشتاني
عامين والهم والهوجـاس كاوينـي
واخبارهم ساكنة والخط ما جاني
ونيت ونت غريق بيـن حالينـي
قلبي مريض وشوفت نجد برهانـي
يا ليتني طير واشهـر بالجناحينـي
وانحر ديار عليها القلـب ولهانـي



.. هذا مالدي من اوراق هذه الشاعرة الرائعه

واجمل تحيه لكم
















آخر تعديل ابو قطيم يوم 16-Jun-2010 في 02:54 PM.
رد مع اقتباس
غير مقروء 03-Jan-2012, 04:08 PM رقم المشاركة : 2
معلومات العضو
محمد الذيابـــي

مشرف منتدى قصائد الاعضاء


الصورة الرمزية محمد الذيابـــي

إحصائية العضو






التوقيت


محمد الذيابـــي غير متواجد حالياً

افتراضي

,,


لاهنت يالغالي,,,















التوقيع
التوقيع

محمد الذيابـــي
رد مع اقتباس
غير مقروء 15-May-2020, 02:40 AM رقم المشاركة : 3
معلومات العضو
طيرالرياض
عضو فعال
إحصائية العضو





التوقيت


طيرالرياض غير متواجد حالياً

افتراضي

بارك الله فيك ومشكور















رد مع اقتباس
غير مقروء 15-May-2020, 02:42 AM رقم المشاركة : 4
معلومات العضو
طيرالرياض
عضو فعال
إحصائية العضو





التوقيت


طيرالرياض غير متواجد حالياً

افتراضي

كلام جميل ومشكور















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »01:56 AM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي