بسم الله الرحمن الرحيم
السلام عليكم ورحمة الله وبركاته
احب اعرفكم على نفسي خميس مشعل المعلا الشمري اصالةً عن نفسي ونيابةً عن قبيلة شمر
حبيت اشارككم هذه الفرحه واهنيكم بمناسبة التنازل عن خزام سلطان الحطيم المقاطي العتيبي.
وأود من المشرف تنسيق وتثبيت هذا الموضوع
سلام ياعتيبه
بديت باللي يحيي العود الهشيم =اللي يغيث الممـــــحل بوبل الغمام
ومن بعد هذا قلت شي من الصميم=وتحية الإســــــلام ياعتيبه سلام
قمت إستثير الشعر بالقدر الحشيم=وحق(ن)وواجب قلت أشارك للكرام
يوم إلتمام الشمل(بخزام الكريم)=ومثله لو أجحــد موقفه أكبر حـــرام
وإحترت في مبداه والله العظيم=وحاولت أوفي فيه لو بعض الحطام
لأن (إبن خنفر) كما الحر العديم=سبع السجايا ورث من خال وعمام
واللوم مايلحق لمن يمدح صتيم=وفي مدحته مايلحق الشاعر ملام
واللي يعارضني على هذا سقيم =وماتلحق الشرهه رفيعين المقام
واليوم {يوم الشكر} للرب الرحيم =الهادي اللي يولف قلوب الخصام
سبحانه أمره نافذ ولآله خصيم =الباســط اللي كافل أرزاق الأنام
ولآشك في ذلك بمن عقله سليم =ومن لااتكل بالله بيته في هــدام
ومصداق هذا بالفرح هب النسيم=يوم (المقاطي) بين ربعه في سلام
يوم إرتكو (آلآد متعب) للحطيم =حتى غدو له محـزم ودرع وحـسـام
و(خزام إبن سلطان) كالسيف الصريم =وما يعتق رقبته سوى القـوم الكرام
في جاه (شبل الفهد) ملعون الرجيم=نخى اللي فيهم خير وأعطوه المرام
يآعل يبقى مزبن وذخر وزعيم =(نجل الفـهد حفيــد امام ابن الإمام)
وإنتم عسى تبقون ريفٍ للمقيم =اللي عـلى كل المـكارم لـه وســام
عزه بكم مثل الربيع بسيل ديم =خـزام يفــوح بـطيب مافيـها كـلام
ومن لآبته عتبان مقيوله قديم =أول وتـالي تعـتلي راس الســنام
وعن لآبتي شمر أبارك وإستهيم =قصـدي ثناء وتـقدير (للنادر خـزام)
وختامها العذر يالقدر الحشيم =وسلام من(خميس ابن مشعل) سلام
الشاعر/خميس المعلا