اقدع عسى يقدع على راسك الذيب

[كفو]

هذي قصه وقصيده قديمه ذكرها لي احد الاشخاص وحبيت اشارك بها لطرافتها

يذكر ان شاعرين من كبار الشعراء في عصر قريب كانو ابي اتكلم بالعاميه احسن كانو مايدانون بعض وحياتهم اذا تقابلو كلها مجامل في مجامل

واحد اسمه حشيش واحد اسمه سعود اسماء وهميه ؟

المهم مره طراء على حشيش يدبل كبد سعود قال في خاطره ابي اسير عليه ابي اغثه المهم حشيش سير على سعود طق الباب فتح له سعود وقاله جعل مهوب مرحبا اقلط .. قلط حشيش وتكى في المجلس سنونه من الاذن الى الاذن و سعود يامادخل وياما طلع يبيه يروح وخوينا تاكي ومبسوط حشيش جهز قصيده يوم دخل عليه سعود قال ..

جاك المسير مالقى منك ترحيب=ولاجبت له قهوه ولامن قدوعي
الظاهر انك ماتعرف المواجيب=اكيد طبعك يختلف عن طبوعي
حنا لاجانا الضيف ننفض له الجيب=ونجيب له من كل شكل ونوعي

دخل سعود وهو يونس الهم من حشيش وقصيدته واخذ ساعه ورجع له بقدوع فيه تمرتين وحذفه قدامه وقال

اقدع ....

اقدع عسى يقدع على راسك الذيب=في خايع مابه من الناس دوعي
متعطل في البر رجلــك تنــــــاجيب=من ليله الجمعه ليوم الربوعي
ومروك ناس غايب عنهم الطـــــيب=وخلوك وحدك في مكان يروعي
ثم جاك ذيب ماسنونه بتركيـــــب=ذيب ولد ذيب وشرسن قطوعي
وسوا بك سوات على غير ترتيب=يجزع لها قلب الشجاع الفزوعي

وهي على ذمه الراوي ؟؟؟ ودمتم بخير

[السبيــــعي]

مشكوور يالغالي قصة معروفه

واظن قد نزلها فيصل المسعودي

الله يعطيك العافية

[الـثـقـفـي]

كفو... مساك الله باخير ..والله قصه وقصيد ..رائعه ...وتقبل مروري

[كفو]

السبيعي شكرا على مرورك على فكره المنتدى مليان بس الطرح عادي ولادريت عن ان المسعودي نزلها عموما كلنا مكملين لبعضنا

[كفو]

الثقفي تسلم حبيب قلبي على مرورك

[ابن صنهوت]

اقدع عسى يقدع على راسك الذيب .......
اشهد ان كبده مندبله من رفيقه
لاهنت ياكفو

[الغريب؟؟؟]

مشكور والقصه كوميديه جميله

تحيتي

[كفو]

ابن صنهوت والغريب شكرا على مروركم

[خالد بن الحميدي البراق]

لاهنت يا كـــفـــو ويعطيك العافيه
تقبلوا خالص تحياتي
أخوكم/ البراق

[كفو]

البراق شكرا لمرورك تقبل تحياتي