غزوة النفعه على الدواسر

[راجح النفيعي]

غزا النفعة بقيادة الشيخ سعود بن نافل الدهينة , الدواسر قرب الخرج فوجدوا إبلا للدواسر فاستولوا عليها واستاقوها فلما علم الدواسر بهذا قاموا بمطاردة الغزاة ودارت بينهم معركة عند الإبل انجلت بهزيمة الدواسر وقد قتل رئيس الدواسر مترك بن قويد.مع العلم إن شبيب بن حجنة شارك في المعركة وهو من قتل ابن قويد.فقال أحد شعراء عتيبة في تلك المعركة

يا ليت من يركب على وسق مضياح
...عليه أوسـع خاطـري مـا عليـه
اسرح صلاة الصبح والصبح ما نباح
...ومسرحـه مـن قاعـة المرقبـيـه
والعصر عند مرويه علط الارمـاح
...ألقـى طوارفهـم حوالـي iiملـيـه
ربع ليا جاهم مـن النشـر صيـاح
...تناوشـوهـا بالحـبـال القـويـه
قبل أمس جروها ونـادوا بالافـلاح
...يتلون أبـو قاعـد زبـون الونيـه
غاروا على ابن قويد من دون مزاح
...ما عرف دياره مار بالوصف ليـه
وأخذوا قطيع بـه معاشيـر والقـاح
...ولحقـوا أهلهـا عـزوة صيرميـه
والكل منهم جامـع قطعـة رمـاح
...ضار(ن) على فض الجموع الرويـه
ساعة تلاقوا بينهـم واللحـم طـاح
...أخذوا لنـا حامـي الجـواد الونيـه
وردوا عليهـم ردة تبعـد الـشـاح
...ثـم انصـروه بحامـي الدوبلـيـه
شبيب زبن اللـي تجـاذب بـه الاح
...وسعود زبـن اللـي تكالـح شفيـه
وجازي مروي للقنا محمـل الـداح
...ولا واجهت قحص المهـار بحليـه
يركض ولو هو حسب الروح ما راح
...يبشـر اللـي سلعتـه جـت رديـه
ومترك مروي مرهف السيف ذبـاح
...وخالد يـروي الحربـه السمهريـه
هم كما سيل علـى الحـزم جـراح
...وحنا كما ضلع(ن) طـوال(ن) بنيـه

(أبو قاعد) هو سعود الدهينة وأيضا والد الفارس المشهور مقعد الدهينةوله من الأبناء قاعد وقعدان وغازي ومقعد واكبر أبناءه هو غازي وكان يكنى به كما ورد ذلك في أبيات: للشاعر هوشان المسعودي يقول
عينت أبـو غـازي وشـرواه
...عينت ابوغازي زبون الحصاني

[ابن بطحان الشيباني]

ونــعـم واللـه في الـنـفعه وفعـلاً الغزو هاذي سمعتها أكثر من مره
موضوع رائع اخوي راجح ومشكووور على القصيده الطيبه تقبل مروري وتحياتي وبيض الله وجهك

[ابوبجاد الرويس]

ونــعـم واللـه في الـنـفعه وفعـلاً الغزو هاذي سمعتها أكثر من مره
موضوع رائع اخوي راجح ومشكووور على القصيده الطيبه تقبل مروري وتحياتي وبيض الله وجهك

[راجح النفيعي]

أخواني ابن بطحان الشيباني وابو بجاد الرويس اسعدني مروركم وبيض الله وجهكم ويعطيكم العافيه

[صعوط المجانيين]

بيض الله وجهك

تقبل تحياتي

[أبن قويد مسعر]

بسم الله الرحمن الرحيم

السلام عليكم ورحمة الله وبركاته


أما بعد,,,,
فقد قرأنا في منتدى قبيلة عتيبة الموقر إشاعة كاذبة تريد أن تشعل نار الفتنه بين القبيلتين وهذه الإشاعة قد ذ كرت مرتين في منتداكم الموقر
المرة الأولى بواسطة العضو نايف المسعودي والمرة الثانية بواسطة العضو راجح النفيعي والإشاعة تقول 0

(غزا النفعة بقيادة الشيخ سعود بن نافل الدهينة , الدواسر قرب الخرج فوجدوا إبلا للدواسر فاستولوا عليها واستاقوها فلما علم الدواسر بهذا قاموا بمطاردة الغزاة ودارت بينهم معركة عند الإبل انجلت بهزيمة الدواسر وقد قتل رئيس الدواسر مترك بن قويد.مع العلم إن شبيب بن حجنة شارك في المعركة وهو من قتل ابن قويد.
.فقال

أحد شعراء عتيبة في تلك المعركة)


والعصر عند مرويه علـط الارمـاح
ألقـى طوارفهـم حوالـي iiملـيـه
ربع ليا جاهم مـن النشـر صيـاح
تناوشـوهـا بالحـبـال الـقـويـه
قبل أمس جروها ونـادوا بالافـلاح
يتلـون أبـو قاعـد زبـون الونيـه
غاروا على ابن قويد من دون مـزاح
ما عرف دياره مار بالوصـف ليـه
وأخذوا قطيع بـه معاشيـر والقـاح
ولحقـوا أهلهـا عـزوة صيرميـه
والكل منهـم جامـع قطعـة رمـاح
ضار(ن) على فض الجموع الرويـه
ساعة تلاقوا بينهـم واللحـم طـاح
أخذوا لنـا حامـي الجـواد الونيـه
وردوا عليهـم ردة تبعـد الـشـاح
ثـم انصـروه بحامـي الدوبلـيـه
(شبيب) زبن اللـي تجـاذب بـه الاح
و(سعود) زبـن اللـي تكالـح شفيـه
وجازي مروي للقنا محمـل الـداح
ولا واجهت قحص المهـار بحليـه
يركض ولو هو حسب الروح ما راح
يبشـر اللـي سلعتـه جـت رديـه
(ومترك) مروي مرهف السيف ذبـاح
وخالد يـروي الحربـه السمهريـه
هم كما سيل علـى الحـزم جـراح
وحنا كما ضلع(ن) طـوال(ن) بنيـه


وتدعي أن شبيب بن حجنة هو الذي قتل الأمير مترك بن قويد
وهذا غير صحيح والقصيدة التي ذكرتموها هي البرهان الدال
على عدم مقتل الأمير بن قويد على يد بن حجنة
والقصيدة قامت بمدح مترك بن قويد وشبيب بن حجنة وسعود
وأرجو عدم الكذب والتزوير على آل قويد خاصة والدواسر عامة
وكل شي واضح ومعروف عند الدواسر وغيرهم والأمير مترك مات في (الدحي) والله على ما أقول شهيد.

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,

وكما كتب العضو القاضي
يقول :أن بن قويد لم يكن يملك القوة التي بإستطاعته أن يغزوا بها عتيبة أو ينازلها بما فيهم بن حجنة أو غيره
ولو كان يملك القوة لاستطاع أن يدافع أو يحتمي البيضاء التي امتلكها شبيب بن حجنة عنوة ( بالقوة ) ولم يفعل بن قويد شيئاً تجاه0

أولا: أنت يالقاضي
في كلامك تتكلم عن ضعف قوة بن قويد لأنك جاهل فيه


واسمحوا لي أن أذكر بعض مواقف الأمير بن قويد

1-وقعت هية المعتلا وسوف أذكر القصيدة واسمحوا لي على عدم ذكر السالفة,

يقول الشاعر/عيسى بن حصن الشرافا رحمه الله
القصيدة ليست كاملة وهي أكثر من مائة بيت

خط القلم بألـف وخمسـه وتسعيـن
من بين خشم المعتـلا والعدامـه
هـذا لعينـا ربـخٍ كـنـه التـيـن
ولا لعينا الي سهى مـن لثامـه
أما حمينا الغـرس زيـن البساتيـن
ولا جلينـا صـوب ديـرة تهامـه
راحت على( ابن معمّر) و(اللحاوين)
و(فضى) طريحٍ عند خشم العدامه
إلى أعتلينـا فـوق مثـل الشياهيـن
ماعـاد يرقـع بالذليـل أنهـازمـه

وذكر في الوقة قصية ثانية للشاعر

هندي الغضيب الحناتيش آل بالحسن المساعره منها هذه الابيات


غرس ياللي على الحديـن متثنـي **يعجب اللي يخايل صـفــة عذوقـه
سوره من القنا والسيـف منسلـي ** راسخٍ فــي نفـود ٍ تسبـح عروقـه
قد حميناه يـوم إن التفـق حنـي ** و لا بتي بالسلايل رسخوا سوقـة
جانا عبدالله بـن سعـود متعنـي ** يبي اللغـف تمـره زان بيذوقـــــــة
ما غزانا يكـود الوقـت متدنـي ** قاعدٍ يجمـع كلابـه نـــوا عوقــــــــه
معه بن هاديـاً قحطـان متمنـي ** كاتب له نخـــل حمــدان بيسوقــــه
لين جاته هبـوب تظهـر الجنـي ** صلفةً شالة الصيوان مــــن فوقـــه
ردتـه خيلنـا ردٍ علـى ظـنـي ** دوك بيرق هل العوجاء علــــى نوقـه
ذا لعنـاك يابـن الزيـن متحنـي ** من وليناه ماعـود علـــــى شوقـــــه
ألف مقتول واخـذه ثابـت ٍ منـي ** في ضحى المعتلا يوم احتمى سوقه
انهزم جمعهم غصب ٍ بـلا منـي** من بغى الغرس ما عود على شوقــة
ابن شويـه وبـن عيـافٍ يونـي ** وابن لحيانٍ وبــــن مطـرف فوقـــــــه
يأكل الذيـب والضبـع يتلاحنـي ** كل منهن يشوف الزيـــــــــن ويذوقـه
لا يغـرك حكايـا كـل متمـنـي ** كون مـن بان فعله قبــــل منطوقــــه


-وفي وقعة خبيب الريم

يقول الشاعر محمد بن لعبون في أبيات من عرض قصيدة طويله :


عند اللقاء انشد بني لام ومطير ** وانشد جماجم روسهم عند وراه
حنا هل الوادي وحنا المناعيـر ** وحنا ودينا جارنا مــــــــن جـداره
خطلان الأيدي كالأسود الهزابير ** وّقادةٍ للحرب وان شـب نـــــاره


يقول الشاعر مبارك الهذية في قصيدة بمدح الأمير مترك بن قويد طويلة ومنها هذه الأبيات لكي لا أطيل عليكم


تلفـي بنـا عيـد الهذالـى متـرك
ضـد الحفيـف ومكـرمٍ خطـارهـا
شيخ ٍ على شيـخ ٍ مـورث شيخـه
مهـوب اللـي شيختـه معتـارهـا
حييـت يامـن سفـرتـه مركـيـه
لاعلقـة بعـض السفـر بغبـارهـا


وكل قصيدة تبين أفعال بن قويد رحمة الله وأسكنه فسيح جناته

وفي الختام أشكر إدارة منتدى قبيلة عتيبة على جهودهم

والسلام عليكم ورحمة الله وبركاته

[فرناس]

والله ونعم بخطلان الايدي وعزالله ان قدر عيال زايد فالقلب زايد من عقب فزعتهم وحضروهم في حفل سهم عتيبة سلطان الجلاوي وتاييدهم للشاعر يوسف العصيمي في شاعر المليون وبيض الله وجيههم وعزالله انه محفوظه والله يجيب الوقت اللي نردها لكم ان شاء الله

وابن قويد ونعم وعزالله ان الموضوع وكاتب الموضوع ما نقصوا من قدره
ولا ولو مدحناه مارفعناه ولوذميناه مانزلناها معروف والمعروف الكلام مايزيده شرف ولاينقص منه

وبالنسبه للقصه والقصيدة عندنا صحيحة وحتى انها موثقة في كتاب النفعة للباحث الكبير تركي بن مطلق القداح والموت في ساحة الوغى يدل على الشجاعة وكم من ناس اليوم تمنوا ان جدودهم ذبحوا في معارك حتى يوثق اسمه مع الابطال


والله يرحمهم جميع

آخر تعديل فرناس يوم 27-Jun-2007 في 10:17 PM.

[راجح النفيعي]

السلام عليكم ورحمة الله وبركاته
اخوي ابن قويد شاكرلك على المرور وحبيت اقولك انها ليست اشاعه ومذكوره في كتاب النفعه للباحث تركي بن مطلق القداح كما ذكر اخي فرناس ومابي ادش معاك بجدال صار وخلص وبعدين انا ما ذميت الدواسر والله ونعم فيهم لكن نقلت قصه وقصيده


اخوي فرناس شاكرلك على المرور الطيب وبيض الله وجهك يا الغالي وصح لسانك على الكلام الطيب


وأخيراً تقبلو تحياتي أخوكم راجح النفيعي

[كايد 99]

السلام عليكم ورحمة الله وبركاته

لاهنت يابن قويد على هذا الكلام الطيب وعز الله ياكلامك في محله
واسمح لي أتكلم يبن قويد.

وأقول ياأخي الضوء الفضي فرناس

*لاهنت هذا طبع صبيان زايد أهل الحميه ولافيه شك
*ونعود للموضوع انتم قصرتم العنوه على بن قويد وذكرتم القصيدة التي ذكرها الأخ جراح النفيعي في موضوعة والقصيدة تبين كل شي لاتاخذ كلامي ولاأخذ كلامك والقصيدة لم تذكر فيها مقتل الأمير
ولاكنها مدحت الأمير مترك بن قويد وغيره,,,,,,,,,,,,,,,,,,,,,,

القصيدة تقول/

(شبيب) زبن اللـي تجـاذب بـه الاح
و(سعود) زبـن اللـي تكالـح شفيـه
وجازي مروي للقنا محمـل الـداح
ولا واجهت قحص المهـار بحليـه
يركض ولو هو حسب الروح ما راح
يبشـر اللـي سلعتـه جـت رديـه
(ومترك) مروي مرهف السيف ذبـاح
وخالد يـروي الحربـه السمهريـه
هم كما سيل علـى الحـزم جـراح
وحنا كما ضلع(ن) طـوال(ن) بنيـه
وأرجو الأنتهامن هذا الموضوع المعروف لدى كل القبايل
ومعروف أن بن قويد لم يقتلة شبيب ولو قتلة ربع بن قويد لا يتركون ثارة
وهذا معروف لدى الجميع وهي سوالف أنتهت مع أهلها

[عمر الراوي]

مشكووووووور على

هالموضوع الجميل

والرائع

الله لايهينك

تقبل مروري

اخوك :

°ˆ~*¤®§(*§*)§®¤*~ˆ°عــــمــــر الــــراوي°ˆ~*¤®§(*§*)§®¤*~ˆ°