اقرب شاعر عتيبي ياعتيبه قبل الوداع

[رفيع المنزل]

نويت اشب الحريقه من يطفيها
ياعتيبة القوس خلوها لباريها
واهل المعاني نجازيها بمعانيها
الله يعز الوطن ويعز حكامه

نويت ياعتيبه اشب الحريقه واروح=يامن يرد البرا من طيبين السلوم
من قبل ماغيب عنكم جبت طب الجروح=وانا ليا قمت باذن الله دمرت الخصوم

آخر تعديل رفيع المنزل يوم 09-Jul-2007 في 08:13 PM.

[علي فلاح العضياني]

قم شبها ثم والله لاطرحك فيها=حتى رموشك لهيب النار يشويها
وتّوب بعض القصايد ما تغنيها=الله يعز الوطن ويعز حكامه

ما تالع النار تحت البارق اللي يلوح=لكنّ اطعني ترى فالشر مالك لزوم
ذ كرتني قول عنتر يوم جاه النطوح=مار ابلع العافيه والعافيه ما تدوم

التوقيع

(( رأس الحكمه مخافة الله ))

[رفيع المنزل]

اقبلت بالددسن اللي نورها طافي=مسرع على الدرب ياستار ياكافي
ماتدري انه يطشك وسط مهيافي=الله يعز الوطن ويعز حكامه

ابك السما صافيه شكلك تحب المزوح=يامشرف المنتدى يالطير ياللي تحوم
من انت ياللي بنيت من القصايد صروح=ياشين كل ٍ تعلم فيك فرك الخشوم

[علي فلاح العضياني]

اقبلت اسوقك بدربي وانت قدّامي=وليا توانيت دفيتك بصدّامي
وان كان يا صاحبي في خشمك عرامي=الله يعز الوطن ويعز حكامه

دام الصنم جسم هيكل بس ما فيه روح=ابا اعدمه واشكر الخالق واصلي واصوم
انا من اتباع سيدنا محمد ونوح=وان جات الافعال تلقاني قوي العزوم

[أبو مرحبا]

رفـيــع الـمـنـزل - الــفــالــح

صــــــــــح الــســـانكم

واصلوووووووووووووووووو


متابعين

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[رفيع المنزل]

ليتك تعرف السياقه لو توانينا=لكن صدامكم ماهو بخافينا
ياماحلايالعتيبي وان تلاقينا=الله يعز الوطن ويعز حكامه

انته عتيبي على الطاعات ماانته شفوح=لاتوزم اللي على الاسرار رجل كتوم
وانا تراني مع اصحاب السماحه سموح =وان جيت للفعل فعلي فعل ربع ٍقروم

[خالد المقاطي]

الفــــــــــــالح



صح لسانك وفكــــرك

الى الامام ......