قصيدة عشرة شروط لشاعر مرزوق الثبيتي

[فيـــــ الروقي ـــــصل]

السلام عليكم

وش الحال عساكم بخير ونعمه

********""

حبيت انقل لكم هذي القصيده الرائعه للشاعر مرزوق الثبيتي

وهي تجي على القناه الرائعه الصحراء بلحن واداء من الرائع سعود الدلبحي
((( مشاء الله عليه وعلى صوته )))

كان ودي انقلها لكم بالصوت لكن ما طاعني للاسف
لكن بعطيكم القصيده مكتوبه وانشاء الله انها تعجبكم

********************

عشرة شروط




خابرك تبيني وأنـا مثلـك أبيـك
من بعد ما دار الزمـان ولقيتـك
يا صاحبي ما عاد لي رغبة فيـك
أبيك تنساني مثـل مـا نسيتـك
وان كان ودك في مواصل محاكيك
اجـل بـلاش اللفلفـة لا بكيتـك
عشرة شروط إن كان تبغاني أجيك
حتى يعـود قلـب مغليـك بيتـك
أبيك ترضينـي وتتـرك تغليـك
وأبيك تعطيني مثل مـا عطيتـك
وأبيك تفرح بي ليا جيت ناصيـك
يعني تفز وتنتهـض لا نصيتـك
وأبيك تنسى كل من كان شاريـك
مادام أنا بدموع عينـي شريتـك
وأبيك تعرف قدرك بقلب مغليـك
وأبيك قد الهقـوه اللـي هقيتـك
وأبيك تتنـازل وتتـرك تحديـك
وأبيك خطـن لا كتبتـك قريتـك
وأبيك تنسينـي دروب التهاليـك
يا دربي اللي تهت فيك ومشيتـك
هذي شروطي كان تبغاني اجيـك
هذا بعد يا صاحبـي كـان جيتـك



********************

[ابن طامي]

إبداع .. يامــرزوق ..


قصيـدة اعجبتنــي ..


وهذي الشيلــه .. من بعد أذنــك يافيــصل ..



http://www.5ymah.net/inf/voices-action-show-id-3032.htm


’’,,


.

[فيـــــ الروقي ـــــصل]

اذنك معك وكلن منا مكمل لثاني يابن طامي
والله لا يحرمنا من خدماتك

[عبدالسلام النخيش]

لاهنت وصح لسان شاعرها

[سطام الرويس]

لا هنت يالغالي

ومرزرق شاعر مبدع

[عزيز الجناب]

الله يعطيك العافيه ويوفقك ربي ويفرج لك كل ضيقاتك ويعل الفرح دوم وياك

[ابو نادر]

عشر علامات تستاهل التميز

[عبدالله الجـــذع]

قصيده قمه فالجمال والروعه

صح لسان المبدع مرزوق الثبيتي

ولاهان سعود الدلبحي على هذا الصوت الشجني الرآئع

الف شكر لك للناقل

محبكم

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[روح جاي]

قصيده رائعه من الشاعر مرزوق الثبيتي

ابن طامي مشكور على الشيله

فيصل الروقي يعطيك العافيه على القصيده

[العتيبي المحترم]

[size=8]°ˆ~*¤®§(*§*)§®¤*~ˆ°السلام عليكم ورحمة الله وبركاته°ˆ~*¤®§(*§*)§®¤*~ˆهلاوالله ومليون غلا تو مانور المنتدى مبرووووووك من الاعماق والى الامامهههههههههه والله موتني ضحكاللهم صل على محمد وعلى آله وصحبه أجمعين