مادار في صحيفة الرياض بين الشيباني والدوسري ود.السبيعي حول منطقة الهضب

[بدراني دوسري]

تقول ليش ابن هذال يتحدى القحاطين وما ذكر الدواسر

لانهم ذاك الحين ما بعد وصلوا للهضب اللي ما يعتبر الضيرين منه ولا الدخول لكن الدخول من ديار قحطان سابقا اما الضيرين من ديار الدواسر ولا زال

فو تاخر الحكم السعودي يمكن تاصل عتيبة لبلاد الدواسر وتعرفون الدواسر مضبوط

انا ذكرت المعارك الكبيرة الفاصلة اما المعارك الصغيرة فهي كثيرة ولا تعد

فحنا البدارين هزمنا الدعاجين وكسرنا قحطان جماعة ابن لبدة اكثر من وقعة وهذه القصص مذكورة عند شيباننا وفي الكتب الحديثة مثل ديوان البدراني لبراك السويلم اللي خواله منكم يالدعاجين

لكن كل هالمعارك هوشات صغيرة والعرب غالب ومغلوب حتى ما يزعلون الاخوان وليست فخر الفخر في انك تهزم عدوك وتكسب بلاده ولا يقدر يفك حقه!!!

ذكرت معركة الخرمة وهي من المعارك الفاصلة وعتيبة تحت حكم الاشراف يوم الدواسر ما كانوا تحت حكم احد.
واللي يضدها وانت ما جبت طاريها هي معركة طلال والدواسر اللي مشتركين فيها مع الامام سعود هم البدراين حنا والشكرة لكن ماهم كل الدواسر ولا ربعهم

في الخرمة الجيش الاساسي هم الدواسر وهم اللي يجب يذكرون في البداية وهم اللي ذكرهم الشريف راجح

ورواية ابن بشر تختلف عن رواية الدواسر انفسهم اما اخلاط من القبائل ؟؟؟ فالحروب كلها يجي فيها اخلاط والعتبان يوم ينزلون لنجد ويجمعهم ابن حميد البقمي كان ربع عددهم من الشلاوا والحرث والسبعان وغيرهم

اما الهزيمة العظيمة في الحفيرة فوين الحفيرة هل هي في وسط بلاد الدواسر؟؟؟؟
ثم كم عدد الدواسر ؟؟؟ في هالحرب؟؟ الدواسر تعرضوا لهزائم من هالنوع كثيرة من امير الاحساء والدرعية والاشراف فالامثلة من هالنوع كثيرة

في التواريخ تذكر معارك كثيرة يقودها الحكام ضد الدواسر وعتيبة وقحطان وينتصرون بها بسببب التفوق العددي
لكن هزيمة الحكام

مثل طلال - عتيبة على سعود نعم لكن النتيجة ::: ما انتهى حكم سعود بن فيصل
و الخرمة ==== الدواسر وقحطان على قبائل الحجاز :::: النتيجة نهاية حكم الاشراف في مكة لاول مرة في تاريخ الالشراف
او المعتلا او جودة الدواسر واليامية على الامام عبد الله وانتهت بدخول الرياض وهروب عبد الله

فنعم هذه تذكر لان اهم شئ النتيجة

البدراني