الاسبوع الماضي تقابل عيضه الثبيتي وعلي العضياني ودار بينهم هذا الطاروق الرائع والغامض الذي لايجيد طرحه الا الكبار رغم محاولاتهم إخفائه بأسلوب شاعري جميل
ومن أراد الأبحار فالمعنى
فليبحث عن أجوبة هذه الاسئله .
من هو الذي يريد الطيران والتحليق فوق مستواه ؟
من هم الجدي وسهيل ؟
ماهي التهمه التي ذكرها عيضه الثبيتي في أحد أبياته ؟
ماهو المجلس الذي ذكره علي في أحد أبياته ويريده عيضه ؟
علي العضياني
سلام رديه عليكم ياهل السيل = بعد دعيتوني وجيت من المحاني
الليل يا عيضه قبل مايسري الليل = اسمع كلامي وإفهم رموز المعاني
عيضه الثبيتي
يامرحبا فوق الشحم والبن والهيل = يالشاعر اللي جيتنا ذا الليل عاني
عزولي الصف وازهلوهم ياريجيل = ألاد روق إلهم وجوب وشغل ثاني
علي العضياني
لاتحسب إنك طرت فوق جناح جبريل = حتى يابو فيصل نزف إلك التهاني
بلغ تحياتي معك للجدي وسهيل = إليا وصلت الجدي وسهيل اليماني
عيضه الثبيتي
حنا رجال (ن) فاللزوم نعدل الميل = ونصوم ونعيد على هلال رمضاني
الله خارجنا من أهل القال والقيل = مار أنت فالتهمه على طول الزماني
علي العضياني
نبغاك معنا تدحم المطران وهذيل = وأنته على ذبحتك بالسيف تحداني
ما تاصلون اللي وصلنا من مواصيل = مال اللزوم الا طويلين اليماني
عيضه الثبيتي
الدرب ياطوله ويا كثر التحاويل = ماني مخاوي واحد(ن) ماله ضماني
لو ياجد الروقي وظيفه في سراييل = يقول يازين الوظيفه ياخواني
علي العضياني
عيضه مريض وشايفه ماهوب بالحيل = يبا يقومني ويجلس في مكاني
دستورنا القرأن مانقرأ فالانجيل = عليك أبا اقرا سورة السبع المثاني
عيضه الثبيتي
أنته معك زكمه وخلصت المناديل = لاتعدي أهل السيل ياهلمودماني
شدك ولد طمحي على وسق الترمبيل= هاثم شغلت القديم من الأغاني
علي العضياني
وأنته تبا تخضع تحت كشف وتحاليل = أظن من جن البقر صابك جناني
يا ثبيت لو الجيل الأول مثل هالجيل = كان الدلال مبهره بالزعفراني
عيضه الثبيتي
يا مكثر النشره وياقل التفاصيل = وختامها المشعاب مابين الأذاني
حنا نزلنا فالرفيع من المنازيل = والله ما تحمل غير كلمه من لساني
علي العضياني
قدم الرجال متعبين الجيش والخيل= تراك فالميدان ما تأخذ ثواني
| التوقيع |
|
عالم تويتر
abofayeh@ |
« آخـــر الـــمـــشـــاركــــات »
21-May-2010, 09:41 PM
علي العضياني وعيضه الثبيتي ( معنى غامض ورائع جدا)
العرض العادي
