لكن وضعك مع كبار القوم حاول تصلحه \ مطني الحافي

[مطني الحافي]

ماشفت عيبك وانت كلك من على بعضك عيوب =لو اني ابامدح فهد مافيه شيَ نمدحه
اخذ كلام يالثبيتي مع هل العرف محسوب =اللي يداوي علة المرضان يقدر يجرحه

آخر تعديل مطني الحافي يوم 10-Nov-2010 في 02:32 AM.

[فهد الشهيب الثبيتي]

انا احمد الله مكتسي بالوافية مشلح وثوب=مغنيني الله عن سواتك ياعميل المشرحه
اشعيل يبرك للحمول الجايره في كل نوب=ولا انت حاشي تهبد الرجال ولا ترمحه؟

التوقيع

برقا وروق أبنا ثبيت الاصيلين=ومن ثبت اصله شرفه واعتزابه

[مطني الحافي]

المشرحة شرحتكم فيها ياعميان القلوب=افلح وحنا خابرين اهل الوجيه المفلحه
مامن بعير اللي تقولونه طلع ثور حلوب=والثور دور له من الثيران ثورن ينطحه

[فهد الشهيب الثبيتي]

ترا عوافي كلبوها يامكملة الوجوب=ماغار طلحي ٍ تعصا فاللقا عود اطلحه
انته حلبت الثور من جوعك ومليت الجيوب=من قو باسك لو لقيت الثور تقدر تطرحه

[مطني الحافي]

ترا العوافي طيبه ،صدقت ماقلنا كذوب=العود يكفنيا معك وش له نجيب الاسلحه
الحلب هيَن ،والمصايب كلبوها فالركوب=ياللي ركبت الثور الاسود حاول انك تمسحه

[فهد الشهيب الثبيتي]

هههههههههه

الله ربنا وربك يامطني موتني من الضحك استلم ختامها من عندي وكان تبا تغطي البيوت غطها

وصح لسانك ولاتواخذنا لن حصل مايكدر ترا الملعبة مطلاة جربا

مادامت ان الحلب هين وش بقالك ياللعوب؟=ماتحلبه يالين في ظهره تمرجح مرجحه
لاتطري المسحه وتزعل منك رعيان الشعوب=شغلتك عند الشيخ راع الجود تمسح مشلحه

[مطني الحافي]

الثور ثورك روح واملا منه لثبيت الغروب=وان كان جعتوا دور في ثبيت رجلَ يذبحه
المسح خلا دمك الليله من الراعه يروب=صدرك يضيق وصدر غيرك يالثبيتي يشرحه

[مطني الحافي]

صح بدنك

ولاهنت

استمتعت معك الي النخاع


ولاحصل منك غير الطيب