الشيخ / رشيد الزلامي يستقبل الشيخ / عبد الله بن عمر ابن ربيعان

[فهد رشيد الزلامي]

بسم الله الرحمن الرحيم

الحمد لله رب العالمين والصلاة والسلام على أشرف الأنبياء والمرسلين وعلى آله وصحبه آجمعين

في البدايه نبارك للشعب السعودي عامه وقبيلة عتيبه خاصه شهر رمضان المبارك
أعاده الله علينا اعواماً عديده ونحن في اتم الصحة والعافية
وكل عام وأنتم بخير

****

| الخبر |

إستقبل الشيخ / رشيد بن زيد الزلامي مساء البارحه الشيخ / عبد الله بن عمر ابن ربيعان
بمناسبة عودة سالما معافا من الخارج .
وشهد الحفل حضور عدداً من شيوخ القبائل والأعيان
وقد بدأ الحفل بآياتٌ من القرآن الكريم تلاها الشبل / فهد زلمان الزلامي ، ثم كلمة ترحيبيه ألقاها / بندر بن رشيد الزلامي
نيابةً عن والده
وبعد ذلك بدأت فقرة القصائد المنبريه اللتي بدأها الشاعر / نشاط بن فهد الزلامي بهذه القصيده الترحيبيه :

الشعر يا زينه اليا حان له حين
في ماقف يستاهله واستوابه

شعرٍ نقوله فالملوك السلاطين
ومن بعدهم نذكر مشايخ عتابه

أمثال أبو ماجد طليق الحجاجين
شيخ الشيوخ اللي عزيزٍ جنابه

دعاه أبو جميل ما قال بعدين
الدعوه اللي ثمنت بإستجابه

شيخٍ يعرف حقوقكم يالميامين
يفرح بكم والبيت ما صك بابه

يوفي مواجيب الرجال الوفيين
اللي لهم قدر ومكان ومهابه

يا مرحبا يا شيخ حييت وأهلين
إعداد ما خط القلم بالكتابه

وإعداد ما تثمر ثمار البساتين
وإعداد ما هل المطر من سحابه

ترحيبة فيها الوفاء للرباعين
وضيوفنا من كل عزوه ولابه

يا مقدم الهيلا بكل الميادين
شيخ تفاخر به قبايل عتابه

من رؤوس روق مرجحين الموازين
سيفٍ شطير وعزته من نصابه

عبد الله ابن عمر سقم المعادين
عداه في لحظة مقامه تهابه

خصمك ليا قابلك وافاله الشين
يفقد صوابه ويتلخبط جوابه

شيخٍ فعولك في زمانك براهين
شيخٍ فوقت الضيق نحسب حسابه

الشعر يا زينه بمدح الرباعين
فعلوهم مع غيرهم ما تشابه

لن كان فالماضي ولن كان هالحين
رجالهم فالحرب ماله مجابه

أهل القديمه والشيوخ القديمين
من ساس جد ولا خذوها نهابه

فازو بها دنيا وفازوا بها دين
وهذا الكلام الصدق مابه غرابه


ثم ألقى الشاعر / فيصل بن رشيد الزلامي قصيده ترحيبيه أخرى :

الحمد للمولى عظيم الجمايل
اللي خلقنا من شعوب وقبايل

بإسمه بديت أنظم جزيل المعاني
ترحيب بأغلى ضيف والراس طايل

يا مرحبا مليون بإسم الزلامي
رشيد لا عدوا عيال الحمايل

يا مرحبابك عد ما لاح بارق
إعداد ما تمطر مزون المخايل

يا مرحبابك يا هلا يا أبو ماجد
يالنادر الوافي عطيب الفعايل

يا مرحبا باللي ليا قال يوفي
وإليا وقف يرسي ولا هو بمايل

يا شيخ روق وعزوةٍ للقبيله
عزوة عتيبه كاسبين الجمايل

ربعي عتيبه بالفعايل تشرف
فعايلٍ يا طيبها من فعايل

إن كانها يم الكرم والطناخه
نذبح لناصينا من الحيل حايل

وإن كانها يم الظفر والشجاعه
نوقف ونلطم كل من جاك عايل

عدونا فالحرب عزي لحاله
ربعي يورونه نجوم القوايل

كسابة الأمداح سقم المعادي
يوم المعارك والسنين الاوايل

واليوم في نعمه وحكم الشريعه
في حكم ما نرضى بغيره بدايل

وأنا ورثت أبوي شعر وجزاله
ولاني بمن يلقي على لسان قايل

وشعرٍ بنيته فيك من صغر سني
يبقى على طول الدهر ما تهايل

وختامها صلوا على خير مرسل
محمد اللي سن كل الفضايل



ثم ألقى الشاعر / عبد الرحمن بن غزاي الذيابي قصيده ترحيبيه ثالثه :

الأوله ذكر الله المعبود خلاق العبيد
الواحد اللي كرم إبن آدم بعقله وكفله

والثانيه صلوا على محمد عدد ما عاد عيد
رسولنا اللي فضله ربي علينا وأرسله

والثالثه بإسم الزلاما وإسم مقدمهم رشيد
شيخ دعا رؤوس الرجال اهل الوفا والمنزله

يا مرحبا ترحيبةٍ تبقى لها وقت مديد
ترسي على البيداء كما ترسي عتيبه وجبله

في حلة ضيف العرب لا تاه عنها ما يحيد
يلقى الشحم والعود الأزرق والدلال مهيله


وأخص بالترحيب شيخ حطله مجد تليد
مجد على أبوه وعلى جده وراثه من هله

سلالة محصن هل الرايات والراي السديد
بيت سلاطين العجم والعرب محدن يجهله

أميرنا عبدالله ابن عمر والعلم الأكيد
إنه زعيم عتيبه الهيلا وراعي الأوله

شيخ ليا جات الدعاوي من قريب ومن بعيد
تصغر بعينه كل ما تكبر بنود المشكله

وإن صار فالموضوع ضربة روس يالراس العنيد
يبشر براس يطرح عناده ويرجع لأسفله

وإن كان صار الوضع دولي سيف وحزامٍ جويد
ياصل ولاة الأمر ويجيب العلوم مجمله

ينصى الملوك ويعتق الأرقاب ويفك الحديد
بينه وبين الحكم وآل سعود ميثاق وصله

شعار ربعه لا نصاهم قول وأطلب وش تريد
وشعاره إليا جوه عد العلم كله وأزهله


سلامتك يعني سلامتنا عسى عمرك مديد
والله يجيب الخير في باقي الليالي المقبله

والخاتمه صلوا على محمد عدد ما عاد عيد
رسولنا اللي فضله ربي علينا وأرسله



ثم ألقى الشاعر / سعود بن حسن العريفي قصيده ترحيبيه رابعه :

قبل رمضان أواخر أيام شعبان
قبل قصير لا يكمل قصوره

عز الله إني للمديحين طربان
بمشاعرٍ بالصدق فيها حروره

يا زين زعزاع القوافي مسيان
فالحفله اللي بالشيوخ معموره

سلام يا شيخٍ مجانيه زلمان
تسليمةٍ من دور جده لدوره

تسليمةٍ من وقت زلمان للآن
أبو جميل اللي طوالٍ شبوره

ذكره سوات الوبل من لقح الأمزان
وبله غشى من عرعر إليا شروره

جزلٍ خذا شعره من أشعار حسان
من دون دين الله وإخوان نوره

هانت بنفسه عيشةٍ شانها شان
يوم السهاله تقتدم بالوعوره

من أجل إبن مقرن مواريث مورخان
خلا فلان يذوق طعم المروره

ويوم البطوله نورها بالدجى بان
نفوسنا صارت بفعله فخوره

كما تفاخر نجد فإبن ربيعان
اللي على الطاله عزومه جسوره

الشيخ عبد الله سلايل بليهان
شيخ الشيوخ اللي عرفنا ندوره

بالصدق والإخلاص في كل ميدان
وجودٍ منه رؤوس الرجال مخبوره

ما حط دون الضيف حاجز وبيبان
ولا قال انا عزي قدامٍ عصوره

يقلط الضاوي ويذبح له الضان
سيلٍ دموره حاضرٍ من عبوره

شيخٍ لو إن الطيب في هيئة إنسان
ما دب درب إلا بعلمه وشوره

ولابه غرابه فأهل سبلى وهدبان
أهل المواقف فإحتكام الخطوره

تاريخهم ما فصل بكان ما كان
ولا حصلوه بصوت ولا بصوره

معروف عن فعل المشايخ بثنتان
منهم وعنهم بالفعول مخبوره

ومنهم خذوا بأمرٍ من الله شتان
أحكام والأحكام معها ضروره

وطلال والقوز المسمى وعروان
تبقى على صدر الزمان محفوره

وقبل الختام وقبل فوتات الآوان
أثني التسليم وأرضي غروره

الطيب فيهم يازن سوار لذقان
والمدح فيهم ما يقاوم شعوره











وبعد القصائد المنبريه بدأت الأمسيه الشعريه والتي شارك فيها كلاً من :

جميل الزلامي ( عريف الأميسه )
والراوي المعروف سعدون الهرس
والشعراء كلاً من :
- الشاعر / متعب بن مضيان السليس
- الشاعر / عبد الرحمن بن غزاي الذيابي
- الشاعر / غويزي ابن عريمط العتيبي
- الشاعر / تراحيب بن سويلم العازمي
- الشاعر / سعدون سعد الزراقي

وإنتهى الحفل بتناول طعام العشاء





صور من الحفل

قبل بداية الحفل :

جانب من الحضور






شهد الحفل حضور الشيخ القارئ / سامي بن رشيد بن نوار الروقي



الشاعر / تراحيب العازمي – الراوي / سعدون الهرس






جميل بن رشيد الزلامي أثناء تنظيم الحفل


[COLOR="red"]الشاعر سعود حسن العريفي






وصول الشيخ / عبد الله العبود









وصول الشيخ عبد الله بن عمر :









الشيخ / عبد الله بن عمر أثناء الحفل :


حديث جانبي بين الشيخ / رشيد الزلامي والشيخ / عبد الله بن ربيعان







صور من فقرات الحفل :


الشبل / فهد الزلامي يفتتح الحفل بآيات من القرآن الكريم


جميل بن رشيد الزلامي أثناء تقديم الحفل


بندر بن رشيد الزلامي يلقي الكلمه الترحيبيه بالنيابه عن والده .


الشاعر / نشاط الزلامي أثناء إلقاءه قصيدته الترحيبيه


الشاعر / عبد الرحمن بن غزاي الذيابي أثناء إلقاءه قصيدته


الشاعر / عبد الله حسن العريفي أثناء قصيدته









صور الأمسيه :



الراوي / سعدون الهرس – الشاعر / تراحيب العازمي – الشاعر / متعب السليس



الشاعر / سعدون الزراقي


جميل بن رشيد الزلامي أثناء الأمسيه


الشاعر / تراحيب العازمي


الشاعر / متعب بن مضيان السليس


الشاعر / غويزي بن عريمط العتيبي


الراوي / سعدون الهرس أثناء الأمسيه


الشاعر / عبد الرحمن بن غزاي الذيابي




صور الضيوف أثناء ذهابهم لصالة الطعام




الشيخ / عبد الله بن ربيعان و الشيخ / عبد الله العبود

****

وفي الختام
إذا أوفينا فهذا بتوفيق الله
وإذا قصرنا فهذا من أنفسنا

تقبلوا تحياتي أنا
فهد بن رشيد الزلامي
والسلام عليكم ورحمة الله وبركاته

[/COLOR]

[أبو مرحبا]

بيض الله وجهك يابو رشيد ..


ومجمل ومشكور


على هذه التغطيه الرائعه التي عشنا في جوها .


شكرا لك
.

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[ܓܨ عبدالله البرقاويܓܨ]

شكرا لك وبيض الله وجهك
ولاهي غريبه على ابو جميل الطيب لايستغرب من اهله
والشيخ عبدالله يستاهل
عشنا جو الحفله من خلال الصور
احترامي لك

[مشاري الحبردي]

ماهيب غريبة على الزلاما


وبيض الله وجهك على التغطية

[فهيد الايدا المورقي]

فهد رشيد الزلامي بيض الله وجهك على التغطيه الجميله



تحيتي

التوقيع

حسابي في تويتر faheed_1234

[السراح الروقي]

رفع الله قدرك يابورشيد وشكراً على هذه التغطية الجميلة ........ ولا هي غريبة على ابوجميل .. ويستأهل الشيخ عبدالله بن ربيعان كل علم غانم ... اسال الله ان يشفيه ويشفي مرض المسلمين انه ولي ذالك والقادر عليه ..

[محمد العتيبي]

ونعم في الشيخ / عبد الله بن ربيعان

ونعم والله في الشيخ والأكاديميه الشعريه


الشاعر / رشيد الزلامي


وبيض الله وجهه ووجيه عياله على الحفل المشرف


ولاهنت على التغطيه يابو رشيد


تحيتي
..

التوقيع

للتواصل عبر twitter تويتر al_bargawy@

[ابومشعل العازمي]

بيض الله وجهك على التغطية

[هيلاوي شقاوي]

والنعم بالشيخ عبدالله بن عمر بن ربيعان والله يطول بعمره ويخليه ذخر لعتيبه

حفل طيب يافهد

[دجيمي نت]

ونعم بربعي ابن ربيعان والزلامي
بيض الله وجيهكم والشهر مبارك عليكم