وقعت الحفاه مع مطير

[ابن سقيان التوم]

اجابه على طلب ابو وليد نزلت هالموضوع

كانت ابل الحفاه ترعى و الصبيان حولها ما درو الا مطير غازيتهم واخذت الحلال والنياق

والصبيان مسكوهم و صفدوهم بالسلاسل والحديد ثم روحوا بالنياق والحلال والصبيان

يوم ابعدوا و غشاهم الليل قالوا ابعدنا خلونا نستريح هنا واتفقوا على الوقوف
فيه واحد من الصبيان موهوب مرتاح ومنغبن قعد يحاول يفك الحديد وبالفعل فكه انطلق منحاش لين ما وقف الأ عند الحفاه وصاح النياق وخذت قاموا منهم حول خمسه او سبعه على خيلهم طايرين وكانوا في مرعى و باقي الحفاه في الديرة ما دروا مطير الأ الخيل جتهم قاموا لبنادقهم, الحفاه كلهم على خيل ويخافون عليها من الرمي لاذوا بالضلع وبدا الرمي بينهم

كانوا الحفاه بوارديه رصاصتهم ما (تترب) ما توقع الأفي لحم وهم في غشنة الحرب كان فيه واحد من الحفاه من الرقاص ما يحضرني اسمه مقهور يوم نياقهم وخذت وكان يقول مردوده النياق مردودة وربعه يقولون قل ما شاء الله ومن الغضب قالشاء الله او مشاء الله الأ ان الرصاص الحمر ما يجيبها) وسبحان الله ما قتل من الحفاه في تلك المعركه الأهو
وكان القتلى من مطير كثير و بعدها ولو هاربين وتاركين النياق والحلال لأهلها وكان رائحة الدم والقتلى بعد ايام ظاهرة واذا مر احد بقرب الوادي وهب الهواء اشتم الرائحة وسمي بذالك وادي ريحان المعروف الأن

ويقال ان الحفاه يسمون بعد ذالك بـ عيال ريحان

هذا ما اعرف والتاريخ محفوظ...


اخوكم
ابن سقيان

[ابن مشيب]

ونعم والله في الاد حافي , قال الفارس ابن لفاي الحافي:
اولاد حافي لابتي ذي فعولهم
.................اهل ماقفاً يوم اللقاء مشهور

مشكور ياخوي ابن سقيان على هذة القصة عن هذة الوقعة.



تحياتي.

[ابوعتب]

عطنا قصايد الرقاص تري قصيده سحر

[ابو وليد الحافي]

اخوي ابن سقيان الله يعطيك العافيه وماقصرت

وكان بودي لو فيه قصيده عن الوقعه تذكر ماحدث فيها

بانتظار المزيد

[ابو فراس]

يقول بن حافي بدا راس مرقب.....في مرقب عالي بروس القور

يرد من زيـن المثـايل وينتقـي.....مثل العسل حـلو بدون امـرور

كلام احلى من لبن شمخ الذرا.....لا روحـت من حـاجـر مـمـطـور


ونعم والله بالحفاه وياليت تعطينا القصيده كامله

[مرزوق الحافي]

بسم الله الرحمن الرحيم
السلام عليكم ورحمة الله وبركاته
مشكوووووور والله يعطيك الف عافيه ياابن سقيان التوم على هذا الموضوع والتاريخ في سجل الحفاه لاكن أريد أن أصحح ما قلته
غزت قبيله مطير بقياده مسيمير الفراوي الفارس المعروف على الحفاه وبعد ما أخذوالبل صاح رجل أسمه نوارقال البل وخذت فقام من الحفاه سبعه رجال أثنين منهم فريس وخمسه أبوارديه منهم جدي المعروف بالشجاعه والرمي الملقب"ابوشيبه"وهو:سالم بن مفرزالرقاص الحافي وما أن وصلوطلب سالم ابوشيبه من أحد الفريس أن يضعه في الأمام ويتركه فقام ووضعه في الأمام على ماطلب فأرتكالهم ابوشيبه بالرمي ومن معه يساندونه فقال مانع الرقاص مقولته اللتي قالها فاأمتلى الشعيب من الدم والرجال وأسموه شعيب ريحان لإرئحه الدم وما مات في الوقعه هذه إلاواحد وهو هزاع الرقاص وليس اللي قال المقوله فردت البل جميعآ وقال جدي قصيده في هذه الوقعه

يازقم يوم جانا المستصيح=ثم قمنا وعارضنا نوار
قال زامل نوار انته طريح=قال جوكم هل الجفره مطار
ثم رجعنالزينات الضبيح=ثم نحرنا ضلعات الخسار
يوم وقنا إلاالعلم الفضيح=قال حجي مطمات كبار
قال زامل سعدإنهب ريح=والله أن نشبع كل طار
مار مانع قاله قول قبيح=هوونعم لامن أشهب البارودثار

والقصيده أطول من ذالك


ولهو هذه القصيده

يابندقي اللي راحت عن الذيب قسمين = كسرتها على راس شيخ الذيابه
ياما رميتبهامن غلامآحمرعين = مع آلادروق وخلطه من شبابه
ثم شدينا عدايل من يدعج العين = لين أن ريحان أروح جنابه
ابن مزاهب طاح شيخ الدياحين = وابن عسير اللي عطيبنآص

وابه

والقصيده أطول من ذالك00000


أيضآ من قصائده المشهوره بالشجاعه

انااحمدالله واشكره مافي عيب = حافي ولدحافي ومن روس الحفاه
يوم الرغاني والصحيب مع الصحيب = والحق يعطامن تحت كم العباه
على شجاعه مع مدلهه الغريب = والرجل يذكر بالثناءكل اقصراه
واوحيت تالي الليل يقنب كل ذيب = والإعواءذيب عواء الاخر وراه
وشديت عجل ماتحريت النديب = والحر دايم ماكره ينصاه
ياذيب مالك في العشلءحظ ونصيب= والشر في الأسلام والله مانباه
يوم*****نازل جال الشعيب= ***عساه مايذري ذراه
ينزل عليناقوس مايطلب طليب=يرذيبناالزرقان وحماناوراه
إرصنارص الضوامي للقليب= ومجابره نافل على شقره عصاه
ميرأنتعذرمنك ياالأخوالحبيب=والموت مايقهق إلاجات الوفاه
واليوم جينا فوق زينات الهذيب= والجيش مثل المزن في منشاه
نطلبك شرع وللشريعه ماتجيب=والداب دايم ملتوآممشاه
وأن يسرالله لنثرالدم الغصيب=والطير يركع للجنايزمن هواه

والقصيدة أطول من ذالك ولهو عده قصائد أخرى ماتحضرني والعذر على الأطاله والخطأوشكرآلكم 000^
^
^
^
^
^

[التوم]

بيض الله وجهك يا ولد العم على هسالفه

وانا استسمحك بكتابت المعركه لانني ارويها عن رجل يرويها عن رجل حظر المعركة وانا اخذتها من لسانه بس ابكتبها بعد شاعر المليون لانني واخواني مشغولين في الحمله ومؤازرة اخونا يوسف لكن وعد مني ان شاء الله وحده

بس ابيك تعطيني الضوء الاخضر

[مرزوق الحافي]

مشكوووووورعلى مرورك أخي التوم ونتمنى فوز ولد عمنا والدعم أنشاالله حاصل لا محاله لانها أصبحت حرب بالرسائل وهذي ليست بغريبه عليكم نتمني لك التوفيق والنجاح تحياتي
^
^
^
^
^
^
^

[التوم]

هلا مرزوق

والله السالفة اللى صارت والمعركة انها من اجمل المعارك والبطولات وسالفتها طويله وانا بحضرها وكتبها ونقحها وجيبها لكم مثل ما سمعتها وكان اللى ينقصها القصيده وانت ما قصرت كملتها وانا كنت ابحث عن القصيده وعمي سالم ابو شيبه له مواقف تبيض الوجه وقصيدته اكبر دليل

[الجيعان]

ونعم والله بالاد حافي