شـــيوخ طـــلحــة إذا عـــض الجــمل بــده .. يشهد على فعلهم شالح وابن هادي

[الحــارثــي]

الـــسلام عليكم ورحمة الله وبركاته

كل عام وانتم بخــير وعساكم من عـــواده يالغالين

يشرفني أن اشارككم في هـــذا الملتقى الرائــع

قبل كم سنه نزل الـشاعر : علي بن مطلق الحارثي في ديرة عـــتيبه

في الجمش وســكن عــندهم الفــتره هــّذي جاورهم ومالقا منهم الا

الطـــيب والجود

ارسله ســـياف بن عفاس بن محيا
وهـــو شخـــص غـــني عـــن الــتعريف

هـــذي القـــصيده ويقـــول فـــيها وسبق ان نشرت القصيدتين في

جــريدة عـــكاظ

ليا نويت السفر ياقاصدٍ جــده=لاصرت حاديك من جور الزمن حادي
في حــزة اليسر والا حزة الشده=انشد عن الي مثل نور القمر بادي
انشد عن ابوفيصل طويل الباع والمده=قرمٍ يهلي بعالي الصوت لمنادي
تلقاه بابه عن الضيفان ماسده=دايم وبابه مثل بوابة النادي
اول قرا الضيف عنده لالفا قده=اربع دلال ملايا بن وقنادي
وتلقا الصيانا بوسط البيت ممتده=فيها الشحم واللحم مع طيب الزادي
عن الكرم لو يـقل المال مارده=اصل الكرم وارثه من عهد الاجدادي
من نسل حارث وكلٍ ينعرف جده=بين الشلاوى وجياشي شدادي
قومٍ على ساسهم وان طالت المده=لهم بين القبايل ماقف ومــيرادي

ورد علــيه الشاعر علي بن مطلق بقصيده يقول فيها

سـر يانديبي من الساحل ورا جده=فوق الذي يعجبك مشيه اذا انقادي
اخر موديل المواتير كامل العده =لاهو اعارة ولامشري بالاقصادي
من جمركه جربه ثم الثمن عده=حسب الفواتير لاناقص ولازادي
مر الشرايع ومرالسيل واتعده=ومع طلعت الشمس قدمك حضن بادي
امسك طريقك وقدمك نجد ممتده=الدرب بيِن ولاتنزل مع الوادي
ثم انحر الحيد لاوقفه ولاصده=وانشد عن الي لهم تاريخ وامجادي
ديرة رجالٍ لهم وقفات بالشده=الطيب هو فعلهم من عهد الاجدادي
شيوخ طلحه اذا عض الجمل بده=يشهد على فعلهم شالح وبن هادي
ترى الكرم عندهم متعدي حده=للجار والضيف مصدارٍ وميرادي
سنه وانا عندهم ماشفت بعده=طيب المحيا مثل نور القمر بادي
وهــذي تحيه من الي علمه جده=شواحطي من قيا والخال شدادي
ومن عقبها يانديبي موترك رده =عـــود على ديرتك ياقرم الاولادي

[غازي البقعاوي]

	صح لسانك وماقصرت ومواقف الطيب بين الرجال فخر للاحفاد من كلا الطرفين تحيتي لك وحياك الله بين العتبان معزز مكرم يالحارثي وقصايدك كبرناهن شوي .ههههه من اجل اللي شوفهم شجر

التوقيع

قصيدتي ( برقا وروق عينان في راس ) http://www.otaibah.net/m/showthread.php?t=49814 شيلة مهنا روق وبرقا شيلة سعود الدلبحي لقصيدة الشاعر الكبير غازي بن عون الرويس لمتابعتي بتويتر Albagawi Ghazi@غازي جزاع العتيبي

[خـالد الحافـي]

هلا يامرحبا بالحارثي واعز من جانا=عزيز ومن عزيزن ولهم قدرن ومنزالي
بني حارث شيوخً رجّحوا بالطيب ميزانا=هل الوقفات واهل الجود ماض الوقت والتالي
هلا في حلة عتابه محلن فيه ملقانا=على طيب وكرم ولنا مع اهل الطيب مدخالي

هلا يالحارثي والله محييك في محلك وبين اخوانك ونتشرف بوجود

الرجال شرواك وصح لسانك على نقل هذه المساجله الرائعه

والطيبه وبيض الله وجهك ووجه شعارها ..

لاهنت يالحارثي وحياك الله ويا هلا وغلا

آخر تعديل خـالد الحافـي يوم 16-Oct-2007 في 02:19 AM.

[الحــارثــي]

بــــيض الله وجـــيهكم


يالذيابه وانا اشـــهد إنكـــم عز الخـــوي والجار


وايـــضآ كــريمين



ولاهنتوا يالنشاما

[عبدالله الجـــذع]

الحارثــي ماعليـكـ زود ..

عز الله انكـ كفيــت ووفيــت ..


تراكـ فــي محلكـ مايحتاج...

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[ماجد الحنتوشي]

تلقاه بابه عن الضيفان ماسده
دايم وبابه مثل بوابة النادي


ونعم صح ألسانك وبيض الله وجهك أخوك ماجد الحنتوشي

[الحــارثــي]

عـــبدالله الجـــذع


بـــض الله وجهك

والـــشك مرفوع وانا اخـــوك


ماجـــد الحـــنتوشي

ماعليك زود يالغالي

وعساكم دوم ع العز والقوه


شكــرآ على مـــروركــمـ

[نايف عتيبة]

مساجله رائعه وصح السنتهم