الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > قصائد الأعضاء > منتدى دواووين شعراء المنتدى

« آخـــر الـــمـــشـــاركــــات »
         :: يا مرحبا يالسدارى يا خوال الملوك (آخر رد :طيرالرياض)       :: هذه القصيدة من كلمات الشاعر : عبدالله زبار المربوب العتيبي في ابن عمه بدر بن مذكر ال (آخر رد :طيرالرياض)       :: خاب قايلها ولاهي خيبتني (آخر رد :الرمح 511)       :: يهيض هجوس الشاعر المبدع الحساس (آخر رد :الرمح 511)       :: غربة الفرح (آخر رد :الخضارمي)       :: من قصايد الشاعر متعب الوحيدب 1 (آخر رد :متعب الوحيدب)       :: 19 قصيدة لشاعر متعب الوحيدب (آخر رد :متعب الوحيدب)       :: 19 قصيدة لشاعر متعب الوحيدب (آخر رد :متعب الوحيدب)       :: ياشين بعض الناس لو انه قريب (آخر رد :الرمح 511)       :: مواقع بكل اللغات يسرد سيره الرسول صلى الله عليه وسلم يوضح الاسلام أرجو ألتثبيت (آخر رد :ابوعلى ابوعلى)      

إضافة رد
 
أدوات الموضوع انواع عرض الموضوع
قديم 05-Jan-2010, 09:55 AM رقم المشاركة : 1
معلومات العضو
متعب العنزي
عضو

الصورة الرمزية متعب العنزي

إحصائية العضو





التوقيت


متعب العنزي غير متواجد حالياً

افتراضي ديوان الشاعر \سلمان الازوري

قصيدة عن سلطان الخير



كل شعبك يابو خالد فاقدينك
الله اللي ولّع الشعب بغلاك
نحتري ياسيّدي ضمة يدينك
لجل ندفى لو بشيءٍ من دفاك
سيّدي فزّت حروفي قدم عينك
تنثر الترحيب في عالي سماك
مرحبا بك عند شعبٍ شايلينك
فالقلوب وكل ما تطلب فداك
والله إنّك لو طلبت مرحبينك
كان جتك أرواحهم تسبق نداك
الغلا للشعب من ساطع جبينك
كل ما قفيت شعبك في هلاك
فرّعي يادار عن حسنك وزينك
جاك أبو خالد ولي العهد جاك
كم وكم حارب جميع محاربينك
وارخص الغالي من العمر وعطاك
ياعسى الله طال عمرك لا يهينك
وياعسى الله ينتقم لك من عِداك
أنت قايد فالمعارك خابرينك
تروي البيداء بدم اللي شناك
الملا نبراس فكرٍ شايفينك
من يريد المجد يمشي في خطاك
والاّ نور اسراج بالظلما يعينك
ماتخاف الغدر دام إنّه معاك


قصيدة عيون الخل


عيون الخل نواره لدربي
وهبنيها إله الكون ربي
شعلة نور يحميها أدبها
يهب الريح ولا ما يهبي
مربيها أبوها قبل يرحل
رحمه الله من يعرف يربي
تعاهدنا على صدق المشاعر
وطول العمر والغالي فقلبي
تعالي يا غناتي وملكيني
وضميني وخليكي فقربي
أبي أدفى وليّّنها عظامي
فشبي النار يا روحي فشبي
تراني من قبِلْكم كنت قاسي
وبرد الشوق حطمني يا حبي
أنا ما أبيك فترة بس قليلة
ابيك العمر كله وانت جنبي
وأبي منّّّّّّّك عوايدنا القديمة
لو إنك شرق والعالم فغربي
حداثه ما حداثه ما تفيدك
وصبيها فآذانك دوم صبي
يازينك لا وقفتي في صلاتك
تبين ابليس عن روحك يتبي
ورفعتي يديك لله ودعيتي
يجنبنا الحوادث والمطبي
وأنا فالدرب بمشي وآتمهل
وراعي من سرقني ثم لعبي
نهاية رحلتي برضى واسامح
وغض الطرف عن نورٍ صطعبي
إلهي طالبك ترضى عليها
دعوتك ياإلهي أن تلبي







قصيدة هيه اللي تسب احمد




يارسول الله عذراً والله ماتقدر يميني
تاصل الكافر ولكن بطعنه برمح المعاني
مثل مايرسم رسوماً صحّت الإيمان فيني
بقتله بحروف شعري ليتني باصير جاني
مادرى إنك حبيبي وأغلى من قلبي وعيني
أمشي في دربك ولاقي كل نورٍ لك هداني
أنت نور الكون كلّه غطى نور الفرقديني
القمر والشمس نورٌ وأنت نورك شيء ثاني
أنت تهدي للهدايه تفرح القلب الحزيني
لو يتوه الشخص يلقى في سُننكم له مواني
أنت أيقظت العروبه من سُبات الجاهليني
وانتشر بالأرض دينك يسمعه قاصي وداني
فالمعارك لا غضبتم سال دمّ المشركيني
وفالمساجد لا وقفتم سال دمعٍ بالمكاني
هيه ياللي تسب أحمد.. ماتبي تخضع لديني؟!
ماتبي تعرف بأنه خير رجلٍ بالزماني؟!
منهو أنته غير خبلٍ قام يرسم باليديني
ماله ملّه ولا له مذهب صابه رجّه مع جناني
والمرض آفه ويعدي اللي كانوا مقربيني
والبقر كانت قريبه جات تومي بالأذاني
ياعدو الله تخسى وش تبى يومك تجيني
ترسم أفكارٍ خبيثه وسط عالم بالعياني
أنت تسوى شسع نعلٍ مُزقت عبر السنيني
أفصخوها والبسوها وانتهى كرت الضماني
وأنت أنجس مارأينا من عباد العالميني
النجاسه جوّه دمك حتى لو تغسل ثماني
أنتبه والعمر أقرب من تلاقي الحاجبيني
ولاّ أقرب من عقارب ساعتك ساعه وثواني
وكل شيءٍ قد فعلته بان باليوم المُبيني
يوم مابه لا صديق ولا رفيق ولا عواني
يالله إني طالبك تشلّ يد المعتديني
هزّ أرضك من تحتهم تنخسف رووس المباني
نار جهنّم ودّها تحرق قلوب الكافريني
واللي سبّك يارسولي خالداً فيها مُهاني
وليت شعري بعد هذا يطفي الحقد الدفيني
مار مابه من يقود أجيوش ويفك العناني
السموحه يارسولي حالي مكتوف اليديني
كان ماتقدر يميني ب احْتميكم بالساني





قصيدة كتبها عن مزاين الهيلا





(امزاين الهيلا للابل المزايين
أهل الحلال اللي قليلٍ حليه)
يقولها ملفي وانا قول يازين
شوف المزاين اللي مافيه زيه
تجمعوا ربعي وشافتهم العين
على النقى وعلوم ذربه نقيه
مافيهم اللي يخلط الزين بالشين
ولا فيهم اللي طامعٍ في خويه
اقولها ويقول مثلي ملايين
امزاين اعتيبه يفوق البقيه
حنا تكاتفنا على العسر واللين
وطاعة وليّ الأمر فينا مزيه
وحنا قبيله بالجزيره مقيمين
والرجل منا ياطى دابٍ وحيه
وحنا ليا صاح المنادي ملبين
لو يارد الرجال حوض المنيه
حكامنا آل السعود السلاطين
ودستورنا القران وسنة نبيه
ولا فيه نقصٍ بالرجال القويين
وكل القبايل فيها ناسٍ قويه
ويالله ياسامع دعاء الملبين
ادعوك ياربي ورافع يديه
تحفظ وطنا من شرور المعادين
في ظل قايدنا سنينٍ مديه
عبدالله اللي حاكم ويقظي الدين
والحكم لله قبل هذي وذيه
قاد المسيره والعرب معه ماشين
لنّه كفو ورجل فيه الحميه
واختم كلامي بالصلاه يامصلين
على رسول الله محمد نبيه







قصيدة وطنيه امن وامان





ياسلام الله على الشعب السعودي في بلاده
تحت ظل القايد اللي كل ابونا له رعيّه
ابو متعب هو ملكنا طال عمره فالقياده
خادم البيتين ربي خصّه لبيته هديّه
يالله انك تجعله يبقى على عرش السياده
المليك اللي عطانا قلبه الغالي عطيّه
التواضع من صفاته والكرم والجود عاده
والتسامح والشهامه والرجوله والحميّه
اشهد إنّه فذ مايحتاج له منّي شهاده
حاكم بشرع الإله مطبقٍ سنّة نبيه
الأمن نعمه وهبها خالق الخلق لعباده
للي يحكم بالكتاب ويبتعد عن كل سيّه
يابلادي يابلادي عشنا في أمن وسعاده
والمواطن همّه إنّه ينعم براحه مديّه
التكاتف شيء ضروري بين شعبٍ له إراده
والأمن مطلب جماعي ينشده كل البريّه
فاللي واجب هو علينا إننا نسويّ إباده
للي يسعى للفساد ونلبسه ثوب الخزيّه
مثل ما وصى به الله والحطب يصبح رماده
بعد مانحرق يباسه ينخمد ويغيب ضيّه
هذا علمي والحكي ماهو بمحتاجٍ إعاده
واقبلوا منّي المعزه والمحبه والتحيّه





قصيدة قلبي اسير و صابني نشوة الحب[/size]






قلبي أسير وصابني نشوة الحب
وطعم السعاده مرّ فغياب الاحباب
وجرحي كبير ولا يفيده أبد طب
كنّي كما طفلٍ وخلوه الاقراب
من يوم غاب اللي نخاويه فالدرب
وانا جليس وقافلٍ خلفي الباب
اذكر زماني دايم الدوم نلعب
انا وخلّي بين هذيك الاطناب
وليا جلسنا قام يضحك وانا ذب
ذب الشباب الذرب مافيه إعتاب
كن العسل في داخل الفم منصب
ولا الجمال يخلّي الطفل قد شاب
ماله شبيه الزين فالشرق والغرب
صورة وليفي غير عن كل الارباب
ودي أشوفه لجل أروي ظمي القلب
وإن ماحصل صوته يكفّي ليا غاب
إغيابه خلّى ثومة القلب تشتب
ذاب الجسم ياناس من نارها ذاب
قولوا لخلّي يمكن إنّه يقرّب
قولوا له إنّي من عنى الوقت منصاب
لن كان بعده فالهوى يعتبر ذنب
الله يغفر ذنبه اللي بلا أسباب
ولن كان في قربه يطيب المعذب
لا تعذلون القلب لو ما بعد طاب
مافيه حيله كود دعواي يارب
يافرد ياللي من ترجاك ماخاب
تلطف بعبدٍ عن خليله تغرّب
وتحقق (ا)مراده وترتاح الاعصاب





قصيدة ياعيوني لا تنامي




ياعيوني لاتنامي جاك أبو هادي يقول
إنّ بهْ وسط الفؤادي طعنة الحب العميقه
ياطبيب الحب عجّل إنّ جسمه في خمول
لايريد البوح إلا للقلم فهو شقيقه
كنت أضن الحب نلقى له دواءً وحلول
في زمانٍ صار فيه المرء لا يعشق عشيقه
لا لغدرٍ لا لضعفٍ لا لدمعاتٍ هطول
إنما من أجل فقرٍ أو ملابسه العتيقه
يامحمد يامحمد طحت في وادي وسيول
كله ظلمه كله عتمه منهو مثلي مايطيقه
لا تخاطر ياصديقي فالطريق أصبح مهول
الطريق اللي مشيته قد مشيته في عتيقه
شفت لي ظبيٍ ملثم شايل أردافه يجول
قلت ياذا الضبي وقف لو تكرم بس دقيقه
ودي أرسم في خيالي كيف خصرك له ميول
كيف صار العود مثني دون أن نسمع طقيقه
أشتمتني وتركتني قالت ابعد يامْهبول
شوف شكلي وانت تعرف أني من ناسٍ عريقه
أنكسرت وطحت كنّي شايلٍ كل الحمول
لا صديق يشيل عنّي وقلبي أصبح فيه ضيقه
والنهايه بكلمتينٍ فيها بعض (ا)من الشمول
كل واحد ياصديقي يرتدي لبسٍ يليقه





قصيدة في بطل من ابطال العرب







في عيد الاضحى نفذوا حكم الاعدام
إلحاكم(ن) كل الملا يعرفونه
للمشنقه قادوه في موكب(ن) هام
ناس(ن) حقيره ودهم يعدمونه
كنّه ليا شفته كما الليث ضرغام
ترهب عدوه نظرة(ن) من عيونه
ولا كما فارس بني مرّ همام
له موقف(ن) بالحرب تشهد طعونه
واللي قتله الزير سالم هاثم قام
يبكي عليه ايقول صُحبه حنونه
يالله ترحم حاكم الشعب صدام
شعبه تمزق جعل ربي في عونه
شعب الطوايف مايبي غير لطام
حتى يهيد ويبتعد عن جنونه
ماهو كما "نوري" وحقده للاسلام
في عيدنا الاكبر يسدد ديونه
لا والله اللي حط "نوري" ماينلام
يبغى رئيس(ن) مايخيب ظنونه
وده يصير أطفال بغداد(ن) أيتام
وتدب فوضى لجل مايبلشونه
ينهب ويسرق والبشر عنه نيّام
كنّه كما ذيب(ن) لقى الضان دونه
الراعي غافل في كوابيس واحلام
والذيب ينهش واللحم في سنونه
ياهل العراق الخيل هجت بلا لجام
خيّالها روّح وراحت بدونه
أما يجيكم حاكم(ن) مثل صدام
ولا بيبقى العيش ذلّ ومهونه






قصيدة يقول الازوري سلمان





يقول الازوري سلمان 00 حالي
غدا كنّه من الونات مالي
يون القلب ونه كل دقه
ولحد(ن) داري(ن) عما جرالي
تذكرت الديار اللي حظنها
ربيع(ن) من جنوب ومن شمالي
ديار(ن) في جنوب الطائف اللي
عشقته كثر حبات الرمالي
تجرعت الغلا من صغر سنّي
كبرت وزاد من حب الغوالي
الا يالله عبدك لا يطوّل
علاه البعد مع ظلمى الليالي
شربت من الزمن حلوه ومره
وسبحنا فالبحر والموج عالي
ودعسنا بالقدم شوك(ن) وجمره
طفَانا الجمر بالشوك الطوالي
ونحتنا فالصخر شاعر تعذب
على فرقى الاحبه ياهبالي
خلايا النحل سالت يوم جينا
وذقنا من الحلا حالي حلالي
أنا ماقول شعري لجل أغني
ولا أدْعي لنفسي بالكمالي
ولكنّ الشعر يمشي فوريدي
ويغذي خاطري ويرتاح بالي
إذا جتني القوافي صحت صيحه
كما صيحت أبو زيد الهلالي
يموت الهزل منها ويتبقى
عظيم القاف نبني به جبالي
ولا مرّ الزمن زال المعالم
فلا زال الجبل شامخ وعالي
يتوه الشخص في دنيا غريبه
ويلقى من يدلّه للعدالي
بيوت الشعر لو كانت نصيحه
غناتك عن جنيه وعن ريالي
تسمّع يالسنافي في نصايح
ذكرها من قبل سيد الرجالي
أمّك ثم أمّك ثم أمّك
أحق بصحبتك من كل غالي
وجارك لا مرض زوره بمحلّه
لو إنّه كافر برب الجلالي
صلاتك يافتى هي راس مالك
فدنيا ولا في يوم الهوالي
وصلى الله على سيد البريه
عدد ما أمطر الوادي وسالي
يقوله من تغرّب عن دياره
وذاق المر وحموله ثقالي







[size=9]هاذي القصيده كتبها الشاعر المخضرم في الدفعه الجديده لي المدرسة التي يدرس فيها[/
size]





مرحبا بالجمْع مِن أُستاذ ومِن مجلس إداره
بنتهزها فرصةٍ في حفلة الطالب وعِيده
وآتشرف بالقصايد واعطي الحفله إثاره
فدوةٍ لطالب اللي ينتظر إنّا نفيده
ماجتمعنا فالمدارس لصِناعه والتجاره!
نجتمع لجلِ يتعلم طالب اخلاقٍ حميده
نزرع البذره ونرويها (إ)بعرقنا وبغزاره
بعدها تكبر ويصبح عندنا بذورٍ جديده
مُجتمعنا الواجب إنّه يفرح اليوم (إ)بصِغاره
خرّّج التعليم دفعه ضمن دفعاتٍ عديده
دفعةٍ ترفع وطنا ويرتفع سيف وعباره
فيها نشهد بالإله وإن أحمد من عبيده
دفعةٍ تجعل وطنا بين الاوطان إشتهاره
في مجال العلم صالت ثم جالت في مفيده
دفعةٍ في مدرستنا تدرس العلم بجداره
تربيه واخلاق ودين وهذا هُو اللي نريده
مدرسة نعيم إبن حماد رمزاً للحضاره
من مدير ومن معلم مدرسه فعلاً فريده
لو أبوصفها فقصيده صار ضجه فالوزاره
وارسلوا مندوب ينشر هالتطور في جريده
لجل يعرف كل راعي كيف يعامل أهل داره
ويتعلم كل جاهل ونمحي الجهل ونبيده
قادها المطلق مديرٍ مثل أميرٍ في أماره
والوكيل الحربي أحمد وابو عبدالله عضيده
ومحسن العواد مرشد مثل بيرق شب ناره
لو تهب الريح يبقى يشتعل ينبض وريده
والمعلم فيها يتعب ويشرح الدرس بمهاره
شمعه تنور درب طالب تحرق النفس الشهيده
بس يكفي مابغى اطوّل وخير قولٍ فختصاره
بترك الحفل الكريم ونلتقي فدفعه جديده






قصيدة يانفس توبي






يانفس توبي من ذنوبك أبرتاح
مليت يانفسي وانا قول توبي


كثرة ذنوبي بأول العمر ياصاح
وش عاد لو أكبر وتكثر ذنوبي


دنيا نجاهدها بلا حرب وسلاح
أشوف زخرفها واضيّع دروبي


فيها يلاقي العبد من وين ماراح
شيطان غاوي بالصداقه لعوبي


يطرحك في غبّة جهنم وهو طاح
من قبل ماتولد وتعرف تحوّبي


وسواس خناسٍ ويخسف بالارواح
من صاحبه يصبح كثير العيوبي


بوصيك يانفسي وتلقين الافراح
لا تصاحبيه اليوم تكفين توبي







قصيدة نصيحه




يابنت والله ماجبرتك تحبين
ولاجيتلك مغرم وناوي على رضاك
واضح ونهجي ماتغيّر إلى الحين
نهج النبوه جعله اليوم ينهاك
في معشر الشبان تلقين صنفين
صنفٍ يحب ويشتكي هم فرقاك
ماهو عشانك من جمالك تباهين
لكنه جاهل واندفع حين لاقاك
مايدري إن الزين من داخله شين
والورد يذبل ويتساقط ويبلاك
والصنف الآخر مايناظرك بالعين
ينظر بعقله في مزايا حلاياك
أخلاقك الزينه ومشيك على الدين
جمالك اللي لامضى العمر ياقاك
هذي حقيقه للبنات المزايين
نظفر بذات الدين لاعدمت إرياك





قصيدة النظره الاولى



اكتب فيك يابنيه قصيده
وانثر حروفي على دربك ورود
من نظرتك وانتي في قلبي فريده
جلّ من سواك ياظبيٍ شرود
العيون الحور والحنّا في إيده
في جماله ياعرب عدا الحدود
منية الصياد ويبطي مايصيده
يفخر بأصله وبطباع الجدود
كنت أظن القلب قدامه حديده
مايهاب الرمش ويبدي له صدود
صرت انا والقلب من أفضل عبيده
يامر وينهي كما فعل اليهود
لو يشوفه بن كلنتن في جريده
يقلب العالم ويغيّر فالحدود
يعطي الإسلام أحقوقٍ عديده
ويسلم الكافر ونصبح في هجود
شمعة الأوطان يابنت العقيده
تشعل النيران في قلب الحسود
قلتها يابنت يوم رحتي قصيده
بعلن المحجوب في أرض السعود




قصيدة صفحة من الماضي





سلام يالطائف ومكه ونعمان
تسليمةٍ في عيد الأضحى تغنا
ماجيتك الأ ياهوى البال طربان
واصبحت افكر كيف كنتم وكنا
كنا لكم في ماضي الوقت عميان
نمشي دروب الجهل والله حفظنا
نمشي دروبه مانفكر في شيبان
تتعب وتشقى وتحمل الحمل عنا
وليا خطينا وصار فالعلم نقصان
تصلح خطانا وتعطي للعلم معنا
هذاك ابو منصور قايد وربان
قاد السفينه وابحرت في زمنا
الله يعزه ويحفظه وين ما كان
ويغفر له ذنوبه ليا راح عنا
لو القصايد توفي الحق يافلان
لكتب قصيدي في رجالٍ تعنا
قلب الفتى لاكان ينبض بالإيمان
يحميه ربي من بلاوي دهرنا
هذا وانا مازلت مخطي وندمان
مانوفي الأباء مهما فعلنا
















رد مع اقتباس
قديم 05-Jan-2010, 10:49 AM رقم المشاركة : 2
معلومات العضو
ولدعساف

مشرف سابق


الصورة الرمزية ولدعساف

إحصائية العضو






التوقيت


ولدعساف غير متواجد حالياً

افتراضي

قصيدة يانفس توبي






يانفس توبي من ذنوبك أبرتاح
مليت يانفسي وانا قول توبي


كثرة ذنوبي بأول العمر ياصاح
وش عاد لو أكبر وتكثر ذنوبي


دنيا نجاهدها بلا حرب وسلاح
أشوف زخرفها واضيّع دروبي


فيها يلاقي العبد من وين ماراح
شيطان غاوي بالصداقه لعوبي


يطرحك في غبّة جهنم وهو طاح
من قبل ماتولد وتعرف تحوّبي


وسواس خناسٍ ويخسف بالارواح
من صاحبه يصبح كثير العيوبي


بوصيك يانفسي وتلقين الافراح
لا تصاحبيه اليوم تكفين توبي

من أجمل ماأقرأت صح لسان الازوري و لاهنت.















التوقيع





قال أبوبكر الصديق - رضي الله عنه -
( الموت أهون مما بعده، و أشدّ مما قبله )

اضغط على الصورة لرؤيتها بالحجم الطبيعي


حسبي الله ونعم الوكيل

كتبت وقد أيقنت يوم كتابتي .. بأن يدي تفنى ويبقى كتابها
فإن كتبت خيراً ستجزى بمثله .. وإن كتبت شرا عليها حسابها
رد مع اقتباس
قديم 06-Sep-2010, 11:48 AM رقم المشاركة : 3
معلومات العضو
سلطان الفجري
عضو ماسي

الصورة الرمزية سلطان الفجري

إحصائية العضو





التوقيت


سلطان الفجري غير متواجد حالياً

افتراضي

صح لسان الازوري و لاهنت















رد مع اقتباس
قديم 16-Sep-2010, 02:56 PM رقم المشاركة : 4
معلومات العضو
خالد بن مورق

رابطة محبي الهيلا


الصورة الرمزية خالد بن مورق

إحصائية العضو





التوقيت


خالد بن مورق غير متواجد حالياً

إرسال رسالة عبر مراسل ICQ إلى خالد بن مورق
افتراضي

صح السان الشاعر لاهنت















رد مع اقتباس
قديم 21-Oct-2010, 12:07 AM رقم المشاركة : 5
معلومات العضو
راعي الشوشلية

فراس الخمري


الصورة الرمزية راعي الشوشلية

إحصائية العضو






التوقيت


راعي الشوشلية غير متواجد حالياً

إرسال رسالة عبر مراسل MSN إلى راعي الشوشلية
افتراضي

رائع كما عودتنا بجديدك


تقبل مروري















رد مع اقتباس
قديم 11-Oct-2011, 06:10 PM رقم المشاركة : 6
معلومات العضو
محمد الذيابـــي

مشرف منتدى قصائد الاعضاء


الصورة الرمزية محمد الذيابـــي

إحصائية العضو






التوقيت


محمد الذيابـــي غير متواجد حالياً

افتراضي

,,


لاهنت يالغالي


وصح لسااااااااااان شاعرنا سلمان الازوري



,,,,,















التوقيع
التوقيع

محمد الذيابـــي
رد مع اقتباس
قديم 26-Nov-2011, 12:49 AM رقم المشاركة : 7
معلومات العضو
طلال بن هذال بن نشار
عضو فضي
إحصائية العضو






التوقيت


طلال بن هذال بن نشار غير متواجد حالياً

افتراضي

صح لسانك وسلم بنانك تقبل مروري وتقديري















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »04:28 AM.


 Arabization iraq chooses life
Powered by vBulletin® Version 3.8.2
.Copyright ©2000 - 2018, Jelsoft Enterprises Ltd
اتصل بنا تسجيل خروج   تصميم: حمد المقاطي