الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > قصائد الأعضاء > منتدى دواووين شعراء المنتدى

« آخـــر الـــمـــشـــاركــــات »
         :: يا مرحبا يالسدارى يا خوال الملوك (آخر رد :طيرالرياض)       :: هذه القصيدة من كلمات الشاعر : عبدالله زبار المربوب العتيبي في ابن عمه بدر بن مذكر ال (آخر رد :طيرالرياض)       :: خاب قايلها ولاهي خيبتني (آخر رد :الرمح 511)       :: يهيض هجوس الشاعر المبدع الحساس (آخر رد :الرمح 511)       :: غربة الفرح (آخر رد :الخضارمي)       :: من قصايد الشاعر متعب الوحيدب 1 (آخر رد :متعب الوحيدب)       :: 19 قصيدة لشاعر متعب الوحيدب (آخر رد :متعب الوحيدب)       :: 19 قصيدة لشاعر متعب الوحيدب (آخر رد :متعب الوحيدب)       :: ياشين بعض الناس لو انه قريب (آخر رد :الرمح 511)       :: مواقع بكل اللغات يسرد سيره الرسول صلى الله عليه وسلم يوضح الاسلام أرجو ألتثبيت (آخر رد :ابوعلى ابوعلى)      

إضافة رد
 
أدوات الموضوع انواع عرض الموضوع
قديم 18-Jun-2013, 01:41 AM رقم المشاركة : 1
معلومات العضو
نواف نايف الحزيمي العتيبي
عضو
إحصائية العضو





التوقيت


نواف نايف الحزيمي العتيبي غير متواجد حالياً

Question ديوان الشاعر : نواف نايف هلال الحزيمي العتيبي

الألف اولف من جزيل المثايل .... مثايلن ماقالها كل قايل
ماتختلف لو يختلف ضلع حايل .... اصوغها صوغ الذهب عند راعيه

و الباء بليت بحب نجل العيوني .... اللي على شانه بدعت اللحوني
وش فايدة حبن يجيب الجنوني .... هذا اوله وش عاد يبغى بتاليه

و التاء تلكس و فكس ياللي تعرفون .... ارسلتها حتى مارد التلفون
مدري يعود الرد ولا يروحون .... مفروض في ساعه وانا الرد قاريه

و الثاء ثنيت الرجل دونه وعزمت .... ياما وياما لجلها طحت ثم قمت
تنام كل الناس واجلس ولا نمت .... لجل الذي حالي من العام باريه

و الجيم جاوبت القلم بالدموعي .... من ونتن ونيتها بالضلوعي
على الذي ودع نهار الربوعي .... و عزتي للقلب من فقد غاليه

و الحاء حسيبه واحدن فالسماء فوق .... ماغاب عن عينه من الكون مخلوق
ماشاف من حاله سبح غبة الشوق .... يمشي وعقله في طريقه يباريه

و الخاء خبره ابغاه فالشيح والريح .... لاكن ماجاني عن العلم تصحيح
يابو العيون اللي هدبها مسابيح .... لجلك بيوت الشعر تصخر معانيه

و الدال دايم صورته في خيالي .... ماغاب عن فكري يمين وشمالي
ليته يشوف ابعده اللي جرالي .... حتى يروف بحال من كان ناسيه

و الذاء ذبحني والعطب في كلامه .... والموت لو انه يشيل اللثامه
يمكن على راسي تقوم القيامه .... يارب سترك لين اجي له و اناجيه

و الراء رماني بالسهوم السريعه .... و يحدني لا اجيه حكم الشريعه
صحيح لايمكن تزول الطبيعه .... افز له لوحيت ذكره وطاريه

و الزاء زماني فيه عدلن وميله .... عشرين شكلن بين يومن وليله
وكلن على ماقيل عقله دليله ياللي تخم العلم ساعه وتخطيه

و السين سيرت القدم يم الاحباب .... اصك باب وينفتح عشرة ابواب
في علتي يمكن يضيعن الاطباب .... اتهد بيتن عقب ماكنت بانيه

و الشين شية نار وسط الضماير .... حتى بديت وقلت كل السراير
ياطير ياللي طلعت الصبح طاير .... اخذ الرساله لين تاصل ل اياديه

و الصاء صحيح ان المحبه بلاوي .... رحمك ربي يابخيت العطاوي
ياليت لأهل الحب يوجد مداوي .... حتى صويب الحب مثلي يداويه

و الضاء ضمان الله وهذا كلامي .... يأهل الحبيب بلغوه السلامي
راع الهوا مثلي ترا مايلامي .... والرجل يعرف بيناتن شواريه

و الطاء طلبتك يالولي عالم الكون .... رحمتك يوم ان الخلايق يصفون
اتظلني مع سبعتن يستظلون .... يومن حتى الاخو ماينظر اخيه

والظاد ظالم و الظليمه ظليمه .... لون الظلام اسود وبنتن فهيمه
و ايضا بعد لن قلت بنتن حكيمه .... يامن قدر فالوضع هذا يسويه

و العين عيا القلب ينسى حبيبه .... مصيبتن ياويها من مصيبه
لا وا هني اللي اكتب من نصيبه .... انا اشهد ان الله على الكيف معطيه

و الغاء غدا حالي من الحب مضيوم .... والعين حتى حاربت لذة النوم
يامن يجيب اليه عن الصاحب علوم .... واعطيه كل اللي يريده و يبغيه

و الفاء فنا و الله ما ارضى بغيره .... لو اعترض دونه رجالن كثيره
وان عودت ضرب السيوف الشطيره .... حنا رجال الحرب والقول نحميه

و القاء قريت البيت عشرين مره .... من شان لا يظهر عليك المضره
واصبر واعيش الوقت حلوه ومره .... ادور الماء لين يصفي و اصفيه

و الكاء كمال وكمله عالي الشان .... سبحان رب البيت علام ما كان
واعوذ بالمعبود من كل شيطان .... بعض الاوادم جل ربن مسويه

و الاء لذعني كهربه منك يازين .... آومر وما تامر على الراس و العين
لجلك ترا لو ناخذ الدين بالدين .... اهم شي القلب يبلغ مناويه

و الميم ماشفتك من العام وين انت .... انا ترا عن حبك اسررت واعلنت
حبك سكن في داخل القلب يابنت .... انا اشهد انه بالغن يالغضي فيه

و النون نواف انتهى كل صبره .... و الكسر نفسه بس وش فاد جبره
ارسلت لك لين القلم جف حبره .... الحق على حالن تزايد بلاويه

و الهاء هويته و الهويه عتيبي .... لا وعذابي منه و فري جيبي
مقسوم ياقلبي وهذا نصيبي .... اللي يجي للعبد من عند واليه

و الواو ودي به و ودي بشوفه .... اللي ينقش بالمخاضب كفوفه
انا اشهد انه صعب تلقى وصوفه .... ماله حلين فالعذارى يحاليه

و الياء يمر الوقت واصبر على الجور .... اشاور الشعار و اللي لهم شور
وش حيلة اللي حب له شخص مغرور .... يواصله ولا يخلي مخليه

الشاعر : نواف نايف هلال الحزيمي العتيبي















رد مع اقتباس
قديم 20-Jun-2013, 03:20 AM رقم المشاركة : 2
معلومات العضو
نواف نايف الحزيمي العتيبي
عضو
إحصائية العضو





التوقيت


نواف نايف الحزيمي العتيبي غير متواجد حالياً

افتراضي

تعديل **

و الشين شبة نار وسط الضماير **















آخر تعديل نواف نايف الحزيمي العتيبي يوم 20-Jun-2013 في 03:22 AM.
رد مع اقتباس
قديم 20-Sep-2013, 10:42 AM رقم المشاركة : 3
معلومات العضو
الساهر661
عضو
إحصائية العضو





التوقيت


الساهر661 غير متواجد حالياً

افتراضي رد

سلام يانواف ووين الدواوين ديوان للشاعر ونلقي قصيدة
شاعر بحر نقراقصيدك من سنين وفي منتدي الهيلا قصيدة وحيدة
وحنا نشوف من القصايد ملايين ولاكل من يشعر يجيب الفريدة
كتبتلك بيتين وبشوف بعدين والعلم واضح وهرجنا مانعيدة







مع التحية والتقدير للمنتدي والاعضاء والزوار















آخر تعديل الساهر661 يوم 20-Sep-2013 في 10:47 AM.
رد مع اقتباس
قديم 05-Jan-2014, 03:48 AM رقم المشاركة : 4
معلومات العضو
نواف نايف الحزيمي العتيبي
عضو
إحصائية العضو





التوقيت


نواف نايف الحزيمي العتيبي غير متواجد حالياً

افتراضي رد على ابيات الاخ و الزميل الشاعر \ \ \ ااااااا الساهر \ \ \

يا مرحبا ترحيبتن فا لها زين \ \ \ ترحيبتن عبر الا ميل و بر يده

با الشا عر الي حط كل العنا وين \ \ \ في مو قع ااا الهيلا ما هو فا اا الجر يده

شا عر و يقطف من خضار البسا تين \ \ \ و يعرف طو اريق البحور العد يده

و فا االمو قع اااااااااااااااااااااااااا انا جبت الك فو ق عشرين \ \ \ قصيد تن تردف ور اها قصيده

و باقي ترى عندي بعد فوق ستين \ \ \ قصا يدن للنشر جايه جد يده

من صنعة افكا ري و من ها جسن حين \ \ \ يطري عليه الشعر سر عه يصيده

يطرد شو اريد ااااااااااااااااااااااااااااااااااااا القصا يد ابتلحين \ \ \ ما عاد با قي للقصايد شر يده

يا ااا الساهر \ \ \ الو اجب اتعدل ا ا ا المو ازين \ \ \ وش في موا زينك عليه حد يده

فتح اعيو نك زين و تشوف با العين \ \ \ يا شا عرن شعرك قوي و تزيده

لا تظلم الاجو اد و ظلم لا وين \ \ \ من يظلم الاجو اد يقطع ور يده

و اقبل تحياتي على الزين و الشين \ \ \ ماقلت غير الصدق للي يريده




الشاعر الكبير : نواف نايف هلال الحزيمي الروقي العتيبي















رد مع اقتباس
إضافة رد

العلامات المرجعية

الكلمات الدلالية (Tags)
الألفيه


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »09:32 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2018, Jelsoft Enterprises Ltd
اتصل بنا تسجيل خروج   تصميم: حمد المقاطي