تغطيتي الخاصة لملتقى قبيلة عتيبه في نفود الهيلا .. - الهيـــــــــــــلا *** منتدى قبيلة عتيبة

سعود الشايوش · 10-Nov-2007, 04:39 AM

السلام عليكم ورحمة الله وبركاته ..

ارسلت لـ اللجنة الاعلاميه .. تفاصيل برقم جوالي ونوع الكاميرات في طلبهم عمن يستطيع تغطية الملتقى .. لكن للاسف لم يتم الاتصال بي ..وربما نجد لهم عذراً ربما لاننا لسنا من المشهورين او اصحاب المشاركات الكثيره .. وربما لضيق الوقت لديهم والله اعلم ..

المهم بفضل الله قمت بتصوير وانتاج عدد 2 فيديو مدة كل واحد منهم ساعتين .. بالاضافة الى مجموعة من الصور ستكون معكم في هذا الموضوع الطويل والذي سيكون على شكل حلقات .. وسوف اضعه في منتدى متخصص .. وتحملونا ترى نبي نغرقكم صور ..

الحلقة الاولى ..!! مبعثرة ..!!

..

شبهوا عليه يمكن تعرفونه ..!!

هذا المحلّف ممدوح المرشدي .. واحد ملاك الابل .. اذكروا الله على الكاميرا ..

صالون قناة الساحه ..

ليش طالع مع السلّم .. يقاله يتفقد الوضع .. والمحكمين ينتظرون دخول البل ..

بعير معاق حصلته بالسوق ... اتى به صاحبه للتفرجه ..

صورة اخرى .. سبحان الله ..

هذا واحد ثاني .. لله في خلقه شئون ..

ناقة عمير القحطاني .. ماشاء الله تبارك .. سالت الراعي قال البل جايبها عمي للبيع ..

وصل الحراج عليها 8200 ريال تستاهل .. لكن مدري بيعت به ..

من صيد الكاميرا مع الطريق .. لسان حاله يقول لاتصور ..

بدون تعصب ..!!

التيما في الطريق الى المزاين ..

صورة مقربه ..

نستكمل الحلقة في الرد القادم ..

..

آخر تعديل سعود الشايوش يوم 10-Nov-2007 في 04:43 AM.

طارق النفيعي · 10-Nov-2007, 04:46 AM

وش نقول ووش نخلي

أبدعت وتسلم يمناك يا مخرجنا ومصورنا ..

بصراحة تغطية متميزة جدا جدا جدا جدا ..

والله لا يهينك ولا يضرك يالشايوش

تستاهل صفقه وحبة خشم ..

و عزاااااااااه يا نفود السر

أيام لا تنسى ..

أشكرك من الأعماق وننتظر المزيد من التغطيات ..

أخوك : طارق النفيعي

سعود الشايوش · 10-Nov-2007, 04:47 AM

استكمال للحلقة الاولى ..!!

وبالمناسبة انا لم اذهب لاصور المخيمات او الاحتفالات .. الخاصه والعامه .. كان تركيزي على الميدان .. لانه يعكس صورة مشرفه لابناء القبيلة ومدى تعاونهم .. وفيه تجد اشياء نادرة قد تكون صيد للكاميرا ..

شعار قبيلة البسايس من النفعه .. بصراحه اعجبني ..

وش حدك على النفود ..:question:

وفوقها حبتين على التنده ..

ماشاء الله عليه .. رغم السرعه وكثر ( مايلفون ) بالسوق .. ماتغير مكانه ..

هنا اخلي مسئوليتي لمن لايستطيعون رؤية الدم ..!! المسلخ ..

المسلخ 2 ..

المسلخ 3 ..

المسلخ4

بالدوادمي..

حمامة الملتقى .. زاويه موفقه .. ما اجمل المساحة التي امام الحمامه .. اكيد بمدح تصويري ..

بالونه في احد المخيمات ..

صاحب الطائره الشراعيه من قبيلة حرب .. وخواله العضيان من عتيبه ..

خلونا نروقها

.. ونكمل الحلقات ان شاء الله بعدين ..

انتظرونا في الحلقه القادمه ..

خلف العتيبي · 10-Nov-2007, 05:23 AM

الشايوش بيض الله وجهك على الصور ولاشلت يمناك..

ننتظر جديدك..

خلف الدعجاني..

سعود الشايوش · 10-Nov-2007, 05:34 AM

اهلاً بكم مجدداً في ..

عليكم ان تعذروني ان كانت الصور لم تكن بذات الجودة التي نطمح لها .. فظروف المكان والزمان هناك كانت تحكم .. وبقوه ..!!

الحلقة الثانية .. !! لا اهميه للزمن ..!!

المدخل الرئيسي ..

فارسين من فرسان العضيان عند مخيم الشيخ / بدر الضيط ..

وهنا اخر على جواده .. ماشاء الله ..

ماتصلح دعايه لتويوتا ..

مخيم قبيلة البسايس من النفعه .. ونعم والله .. وعرض ابل عند المخيم ..

لوحة مخيم البسايس ليلاً ..

وهنا ايضاً .. مخيم النفعه ..

للنفعه بعد

مدري من هو له ..

لامانع من الردود .. وسنستكمل مع الحلقات في وقت لاحق ان شاء الله ..

لكم فائق الحب والتقدير ..

الشايوش : حفيد مبعج الخيل ..

..

آخر تعديل سعود الشايوش يوم 10-Nov-2007 في 05:38 AM.

ابو نار · 10-Nov-2007, 10:00 AM

بيض الله وجهك

تصوير يستحك الثناء

راع العليا · 10-Nov-2007, 10:36 AM

بارك الله فيك يالشايوش

احلى تغطيه رايتها والعفويه زادتها جمال...خصوصا للاخوان اللي ماراحوا للمزاين ولا يعرفون شلون صاير جت هذي الصور بكل عفويه وبينت ادق التفاصيل ...

مجهود رائع رائع تشكر عليه

بارك الله فيك