ياهل المكاين طيركم بالسما حام=كلن يبيع اليوم ويسد دينه
سعر المكينه حطم اليوم الارقام=مسكين ياللي خالياتن يدينه
وراك ماجبت المكينه من اعوام=لنكان هذا اليوم تملا الخزينه
الله ياوقت الشقا وقت الاوهام=فيه الحقايق صايراتن دفينه
صرنا ضحايا للدعايه والاعلام=وصرنا ورى الدنيا سوات الرهينه
نطرد وراها بالليالي والايام=والكل ناسي كم بقي من سنينه
ترى المكاسب طاعت الله بالاسلام=علمن صحيح وكلكم خابرينه
هي راس مال وفي الشدايد لك حزام= تنجيك في يومٍ تبيح الكنينه
اد الفروض الخمس قدام لا تنام = والمال زكه كل ماحل حينه
وصوم رمضان وليلتك خلها قيام = والحج حج البيت ياقادرينه
هذي نصيحة بس في روس الاقلام = بينتها لاهل القلوب الفطينه
والرابح اللي كمل شروط الاسلام = ماهوب ربح اللي يبيع المكينه
آخر تعديل محمد صالح العطاوي يوم 13-Apr-2009 في 04:16 PM.