سفر الدغيلبي و فيصل الرياحي في طاروق يصل القمة

[قاسي العتيبي]

سفر الدغيلبي
الأولة يامن حضر صلوا على وجه الرسول .... والثانية يآلاد روق صفوفكم محتاجها

يافيصل العية علام عيونك الثنتين حول .... لو إنها ماغير وحده كان سهل علاجها

فيصل الرياحي
الأولة يازينها حنا نقول اللي تقول .... والثانية عان الصفوف اللي تموج أمواجها

أنا عيوني شافت اللي من وراء العارض يزول .... العامل اللي مابقى له ديرةٍ ماداجها

سفر الدغيلبي
وشهو حصيلك يوم مترت الجزيرة عرض طول .... الناس زاد إزعاجها وأنت السبب فإزعاجها

ماجور ياراع الذلول اللي تماري بالذلول .... لكن بنشدك رقبتها منهو اللي عاجها

فيصل الرياحي
فعلت لي فعلٍ بيمنايه محى كل الفعول .... رفعت سيف النصر والدنيا فصدت حجاجها

الجاهل اللي جت به أمه بين حومل والدخول .... مايعرف دروب الذلول ولا عرف منهاجها

سفر الدغيلبي
يلي قنابلك الثقيلة شلتها وسط الحثول .... يمكنك اللي روّع امريكا وهد أبراجها

راع الجهالة يالرياحي بيننا ماله قبول .... يحمّي الخبزة وتبرد خبزته في صاجها

فيصل الرياحي
أنا خبيرٍ فالقضايا والمشاكل والحلول .... أحرجت ناسٍ قبل تخطي مانويت إحراجها

ترا الوعد لاعقرب البرق وتهادرت الفحول .... تسمع حنين المخلج الله لايعيد خلاجها

سفرالدغيلبي
يارجل عقلك وش يسوي مع كبيرين العقول .... اللي تفرق في دخول الرجل من مخراجها

أبعد عن نحور الجمال اللي يشيلن الحمول .... اللي ليا هاجت على العالم خطير هياجها

فيصل الرياحي
كانه ماعلمك الدهر كيف الطلوع من النزول .... صبرك شوية لين مكة تجتمع حجاجها

[محمد الذيابـــي]

طاروق رائع جدا


مشكور ياقاسي على انتقاء الطواريق المميزه


تقبل شكري يالغالي

التوقيع

التوقيع محمد الذيابـــي

[جبل]

ياسلام ياسلام
طاروق كايف

الله يرحم الميت ويعفو عن الحي

شكرا

[مهجرس]

طاروق من العياااااااااااااار الثقيل

بين شعراء من العيار الثقيل

طول الله بعمر الحي و رحم الله الميت

و مشكور على النقل و الاختيار الجميل

[رائد الكيرعاني القحطاني]

فعلت لي فعلٍ بيمنايه محى كل الفعول .... رفعت سيف النصر والدنيا فصدت حجاجها




الله يرحمك يالرياحي





بيت يفصد التّاريخ والله




لاهنت وصح لسان سفر والله يرحم الرياحي رحمة واسعة

[ابو فايح]

الله الله الله


طاروق وصل القمه كما قلت


رغم أني لا أعرف المعنى


ولكن جاء تركيب ابيات قمه فالطاروق


الله يرحم ابو بدر جبل من جبال المحاوره سقط

والله يطول عمر ابو سعد

لاهنت يا قاسي

[الرحاال]

سفر الدغيلبي
وشهو حصيلك يوم مترت الجزيرة عرض طول .... الناس زاد إزعاجها وأنت السبب فإزعاجها


فيصل الرياحي
فعلت لي فعلٍ بيمنايه محى كل الفعول .... رفعت سيف النصر والدنيا فصدت حجاجها


طاروق من العياااااااااااااار الثقيل

بين شعراء من العيار الثقيل الله يرحم ابوبدر ويوفق سفر وبيض الله وجهك ياقاسي

[سعيدان العتيبي]

يا اخوان هالدغيلبي مصيبة في ذمتي

رحمك الله يابو بدر

[قاسي العتيبي]

كل الشكر لمن مر على الموضوع

[منيرالروقي]

هذا الشعر ولا بلاش