طاروق مهوب اي طاروق؟؟؟

[العصيمي مشعل]

عندي الليه رساله حد سيف وحد خوصــه=واضحه من شاعر ٍ مهوب ياكل المندوســه
شاعر الجيلين شاعر مار قالوا فيه حوصه=مثل بعض عتيبه الشعار فيها من حسوّسه

[ربيع الرشيدي]

مساكم الله بالخير
وصح لسانك يالعصيمي مشعل
وننتظر شاعر الجيلين

[العصيمي مشعل]

المشاركة الأصلية كتبت بواسطة ربيع الرشيدي

مساكم الله بالخير
وصح لسانك يالعصيمي مشعل
وننتظر شاعر الجيلين

الرشيدي00000مع احترامي لك انت ماتفهم السلوم انا بادي الوسيمه قبلك 00لية ما نتظرت حتى ينتهي

وقت محاورتي؟؟؟؟؟

لكن صح بدانك0000 وانا ماني بعليمي معنى0000تمعن واي شاعر ملم يحضر ويتجه للنقض والفتل شاعر

الجيلين هدف وليس مطلوب؟؟؟؟؟؟؟؟؟؟؟؟؟؟؟؟؟؟؟

[ربيع الرشيدي]

جل من لايسهو
اخي الكريم لكن ماتفهم بالسلوم اعتقد ماترضاها للرجال

[محمد سعيد القحطاني]

العصيمي له نوايا نيته ماهي مرخوصه=لو يحوص و لو ييهوش اليوم ما بين ضروسه
جرتك في الدرب يوم الدرب جرات(ن) مرعوصه=والزمن خرب على راعي السهم معطوب قوسه

[العصيمي مشعل]

انت شاعر مار شعرك ماتبين في نصوصــه=الهدف واللي تنوسه منت بحوله لو تنوســه
يا عميل ٍ ما يحب اللي دعاويهم مخبوصــــه=بين ذي وبين ذيك يحاولون اللي منحوســـه

[محمد سعيد القحطاني]

الحقايق ما تفرق بين ديك وبيض ووصوصه=والصقر ما حام لكن نيته فيك امعكوسه
الجبل لا ما تهايل دونه احيود(ن) مرصوصه=يوم طاحت تحسبنه هال ما طاحت رؤوسه

[العصيمي مشعل]

ما علي من الرخوم اللي لها روس ٍ مقصوصــه=قصة ٍ تبدي عليها والقدم فيها ندوســــه
يا عزيز الجد عندي مدتك ماهي منقوصــــــــــه=وافيه وانته وفي واللبس تكفينا لبوسه

[محمد سعيد القحطاني]

لو حسبنا ما قنعتو كل يوم(ن) به أقصوصه=والمغيرق شيخ والا يحسبونه تالِ اعسوسه
ما علينا ولا عليكم والذهب معروف افصوصه=لمعته في معدنه والحظ ساواه ابفلوسه

وتصبح على خير

آخر تعديل محمد سعيد القحطاني يوم 06-Feb-2012 في 03:38 AM.

[العصيمي مشعل]

لاهنت يا محمد وصح لسانك000

وانت كذلك تصبح ع خير0000تحيااااااااتي