محاورتي مع الشاعر حاكم الغنامي

[عجاب الدغيلبي]

يسرني تقديم محاورة جرت بيني وبين أخي الشاعر الكبير / حاكم الغنامي في
منتديات مجالس البجادية ( المنتدى الرسمي لمدينة البجادية )
وأتمنى أن تستمتعوا بها :

حاكم الغنامي/
ياسلام الله ومن بعد السلام ازكى تحيه

والرجل لاجا لزومه يحمي الميقاف كله



جيت ياعجاب بين المملكة والفيصليه

والامارة حض من دربه مع الغدراء يدله





عجاب الدغيلبي/

مرحبا بالشاعر اللي ماهقينا في مجيه

أنشد العربان أظن الموت شاله عن محله



أقدر الثنتين يوم إن الفشل حطك ضحية

صاحبك بالعزم يعمر له ولاية مستقلة

حاكم الغنامي/
اعتقد منته محصل لاكثير ولابليه

لاتغرك صورتك لازينت فوق المجله



الك فالاولى قضية والك فالاخرى قضية

والقضاه محاصرينك بالشهود وبالادله





عجاب الدغيلبي/

كل يوم أشجعك وأعطيك دفعة معنوية

وأثرك اللي لا عجز فالشيخ راح إيطق ظله



بالكلام أدبر رعاة الرعية والرعية

الأوامر ماشية حتى ولو سيفي ما أسله




حاكم الغنامي/
انت يوم انك ظهرت العام من مقلع طميه

ليه ينساك الخلاوي ماحسبك مع الاهله



مايسل السيف غير مرددٍ جده عطيه

لاتجي يابو سعد في موقفٍ منت بهلله





عجاب الدغيلبي/

من ظهر بالمرجلة نفسه عن علومك غنية

ماترجينا الخلاوي والخلاوي فيه خله



مابه ألا السيف الأجرب يردع أهل العنصرية

وأنت لو سليت سيفك من مذلة في مذلة





حاكم الغنامي/
مايبشر بالسعد رجلٍ ظهرله من هبيه

لو ورد حتى على هداج حلقه مايبله



تعرف انا مامشينا في دروب الجاهليه

وان مشى فيها غشيم القلب قلنا عادتله




عجاب الدغيلبي/

ليت لأصحاب الغشامة وصفة ٍ فالصيدلية

كان أعالج واحد ٍ ساس الغشامة في سجله



أيه ميّز قول ربك واتبع سنة نبيه

بعدها خل الركادة والعقل عندك جبلة



حاكم الغنامي/
اخدمك فيها ودوك علاجها مني هديه

ميسمً حامي على عرقوبك انت ومعك شله



قد نهيتك عن دروب الغطرسه والعنجهيه

مار ماتسمع كلام اللي على مذهب ومله





عجاب الدغيلبي/

خابر ٍ ميسمك مثل الثلج وألا أبرد شويه

إن فعل وإنما فعل حاكم فأنا زودت غله



الصبح موعدك مع نايف وزير الداخلية

يوم أثرت العنصرية تحسب إن الأمن فله

التوقيع

الأطلال تحكي سيرة الحب للعشاق=ماتنسى مادام إن المعالم توضحها ليا شفتها سبحت للواحد الخلاّق=عقود الزمن ماغيرت من ملامحها عجاب الدغيلبي

[سعود العصيمي]

اخدمك فيها ودوك علاجها مني هديه
ميسمً حامي على عرقوبك انت ومعك شله




خابر ٍ ميسمك مثل الثلج وألا أبرد شويه
إن فعل وإنما فعل حاكم فأنا زودت غله




صح لسااااانك ياعجاب
وصح لسااان الشاعر
القدير حاكم الغنامي
طارووق فتل ونقض رااائع

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[مقعد الدغيلبي]

عجاب الدغيلبي/


بالكلام أدبر رعاة الرعية والرعية

الأوامر ماشية حتى ولو سيفي ما أسله




حاكم الغنامي/


انت يوم انك ظهرت العام من مقلع طميه

ليه ينساك الخلاوي ماحسبك مع الاهله



مايسل السيف غير مرددٍ جده عطيه

لاتجي يابو سعد في موقفٍ منت بهلله





عجاب الدغيلبي/

من ظهر بالمرجلة نفسه عن علومك غنية

ماترجينا الخلاوي والخلاوي فيه خله



مابه ألا السيف الأجرب يردع أهل العنصرية

وأنت لو سليت سيفك من مذلة في مذلة

هذا والله المصامخ اللي ظرب المشوّك اشوى منه



ههههههههههههههههههههههه


يعلم الله بدون مجامله المحاوره هذي


تعتبر من نوادر المحاورات في قوة الفتل والنقض

لله دركم ياثنين ابدعتم وتعديتم حــدود الآبداع

عجااب وحاكم تستاهلون حبة خشم

لكم منا كل ود وتقدير

التوقيع

[فهد العازمي العتيبي]

،


صحت آلسنتكم جميع

ولاهنتم .

التوقيع

للتواصل على تويتر https://twitter.com/falotaibi5115 ،،

[الحسيب]

اخدمك فيها ودوك علاجها مني هديه

ميسمً حامي على عرقوبك انت ومعك شله


ابداااااع من حاااااااااااااكم ولايهوون الدغيلبي

[أخو جوزا]

صح لسانك انت وابوعيد

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[محمد الذيابـــي]

,,

صحة السنتكم جميعاً,,,,

التوقيع

التوقيع محمد الذيابـــي