الارض والفلاّح !!

[محمد بن رشيد]

صباح و مساء الخير ’’

من الأرض مدري ويش مكسبك يالفلاح =عسى المزن يسقيها بوبله ويغسلها !
تباشر ليا من شفت برق المخايل لاح =تعاين عيونك فالبروق وتخيّلها !
شقيت وتعنّيت / وتبا تجني الارباح =وغير الشقا مابه غنيمه تحصلها !
وانا الشاعر اللي ضاق صدره وسدّه باح =ولن شاف له عوجا بشعره يعدّلها !
لو آخر طموحه تومي ايديه بالمسباح = وهذيك ينقضها وهذيك يفتلها !
حقيقه ولاتزعل ليا قلتها ياصاح =ابا قولها / واللي على خاطرك قلها !!
تغدّ وتعشّ من الذبيحه يبو ذبّاح =قبل لايجيها الذيب ساري وياكلها !
الك راسها ويدينها / كان قدرك فاح = وأله جنبها واللي بقا من شواكلها !
منوّل يحامي دونها الراعي المصلاح =وسباع الخلا من هيبته كيف تاصلها !
طردها وخافت منه وهوه بدون اسلاح =لو الذيب في غفله (ليا نام يختلها ) !
ليا من خطف منها خطيفه وشافه / صاح =وفك الخطيفه والسلامه تناولها !
لو انّه عليها قفّل الباب بالمفتاح =مايمدا السباع مع المضامي تجفّلها !!
منوّل حلال البدو يمرح بدون امراح =ورعيانهم تفتكّها ماتهمّلها !!
ياكم راح دون اموالهم فالسنين ارواح =تحصد السيوف ارواحهم من تقاتلها !
يعيشون في خوف وجهاد وعنا وكفاح =قبايل تفاخر فالحياه ابفعايلها !
تدور السنه وايّامهم كلبوها اتراح =والارحام تقطع بالعداوه تواصلها !!
ماذاقوا طعم للعيد /والنوم / والافراح =وهذي حياة ٍ عايشوها من اوّلها !!
زمان ٍ عسى الله مايعيده بعد ماراح =جهل / والحياه اليوم ربي معدّلها !!
نعيش أبأمن وايمان في دولة الاصلاح =وننعم بخير اللي من الخير / شاملها !
جمع شملها من يدعو الناس بالأنصاح = امام ٍ عدل فيها وجمّع قبايلها !!
وعياله مشوا مع منهجه والعلم ماطاح =وزعيم العروبه فالمحافل يمثّلها !
عسى حكمهم عن دولة العز ماينزاح = وعسى الله يحفظ الدار في ظل عاهلها !!

التوقيع

ياناشد ٍ عن عتيبه تعرف اعتيبه =قبيلة ٍ تظهر المسجون من سجنه ! قوم ٍلها العزّ والامجاد والهيبه =وتشهد لها الناس ( قبل العرض واللجنه )! واللي تشوفه على (الصحرا ) نماريبه =هذاه مترك سليل المجد ابن حجنه ! mrm@mergab.com