الشاعر/ كديميس (( والا الهطيقا مـن الأحـلاف مرفـوده ))

[ابوتيجان]

بسم الله الرحمن الرحيم

هذي قصيدة عصماء للشاعر الكبير/ كديميس بن صالح العصيمي:

سر ياقلم واكتـب الكلمـات معقـوده=خلـه يروبـج بهـا حربينـا الغـادي
يبلش بحـل العقـود وتفتـر زنـوده=ويدري ان حمل الجزاء جاير ومتحادي
تلحق ضلافه ادفوفه من ورى ابـدوده=ويبقـى الدبـر مايغطيـه التـجـلادي
قد شم ريـح الفتيـل وذاق عبـروده=لكـن لازال فـي عميـاه متـمـادي
خله ليا شاف ميسمنـا علـى خـدوده=يصبر على جـرة الميسـم والانكـادي
بغض النظر عنه لو ماتعرف اجـدوده=انصـار قصـاب والا صـار حـدادي
التابعيـه معـه بثنـيـن مشـهـوده=ويعيش مع حرب مثل الحربي العـادي
لبس قميص الحروب وهمـل اجلـوده=وقام يتفلـت علـى الشعـار وينـادي
مضهود بأمر الكريم وحرب مضهـوده=من يوم كنا وكنتوا ياابـن الاجـوادي
ان قـام والا قعـد دعـواه ملـدوده=ماله بسلم هـل الطـولات مصعـادي
متخلـف ٍ عـن تقدمهـم بمجهـوده=الا ان وطبـان يشتالـه بالاعـضـادي
منتـم بنـد ٍ لنـا لياجـات بـالـزوده=وعندك خبر عن مداي وقوة اعتـادي
لاعـدت الأسلحـه بالنـوع والجـوده=انا معي سيـف وانتـه مـوس ردادي
ويوم الزمان الذي ماتفصـل ارعـوده=وحنا نزعـزع قواعـد كـل رعـادي
يـوم الطوابيـر والضيـان موقـوده=والنار ماتشتعـل مـن غيـر وقـادي
وحنا انصالي اللهب بسيوف محـدوده=من لامسنه غدا مـن عقبهـن هـادي
كم شيخ قوم ٍ تعدينـا علـى حـدوده=لو كان مـن هيبتـه تهتـز الأجنـادي
بعنا معـه واشترينـا عنـد مشـدوده=وخلى المظاهير واقفى فوق الأجيـادي
والا الهطيقا مـن الأحـلاف مرفـوده=حلف ٍ قيـاد ٍ لهـا وبحلـف ٍ اتقـادي
وغاراتها في جزيـرة نجـد محـدوده=ولاهيب محدودة ٍ مـن قـل الأفـرادي
كثر الجراد التهامـي جمعكـم شـوده=لكن مثـل الجـراد ان جـاه جـرادي
كم عد حربي شربنـا منـه قرهـوده=ولازال في قضبـة العتبـان ماعـادي
والا انت وردتك مسروقـه ومـردوده=لانـك علـى العـد وراد ٍ وشــرادي
نفي وحليـت مـن ديرتـك مفقـوده=بلادكم في المزاحـم واصبـح بـلادي
الشاعر السالمـي وش قـال ياسـوده=اللـي لعـد المناطـق صـار عـدادي
كان يتبجح وبهـاك الـدار واعـدوده=يوم الرمك مسرجه والجيش بشـدادي
لكـن غـادر بـلاد ٍ كـان مـودوده=هفة مقيط انهزم مـن غيـر معـوادي
وترى القريه نهـار الخيـل مشـدوده=شرر زناد الحـروب وغطـه زنـادي
فيحان خلى جماجـم حـرب منضـوده=مثل الحدج حذفهن مـن دون الأذوادي
جمع السوالم غزانـا والفلـس فـوده=اصبح علمهم عـن الميـدان متحـادي
هجم على دارنا فـي غيبـة افهـوده=ماطـارده دون جـال الــدار ذوادي
وحاز السودادين في ساعات معـدوده=ويوم اقبلت خيلنا خلـى لهـا المـادي
ويوم انهزم حصل البيبـان مرصـوده=وحصل لهم من سيوف شريم جـلادي
ستين جثه علـى الميـدان مرجـوده=عليهـن المسبعـه سـرداد مـردادي
وحجاب تلوه مـن غوجـه بعنقـوده=وظلى بقفل الشبيلي شيخـك ايـرادي
مايختفي العلم وشهوده على عضـوده=شهودنا يالهزيـل بـروس الأشهـادي
وترى الوزايا مثل سعـدا ومسعـوده=اللي وزوا عندنا من ضيـم الأضـدادي
يوم الحرابي بحملـه فتلـت عضـوده=زبن على اللابه اللي تحتمـي البـادي
وكفوا عنه كل بـاع ٍ كـان ممـدوده=وقالوا تبرهج بظل اسيـوف ٍ احـدادي
الروس من دون راس ذعار محصوده=من ايمان قوم ٍ تضد الضـد وتعـادي
لو كان حاضر شهد لي نص مـردوده=ان كان قال الصحيح وسلـم الاحقـادي
قومي بهم نجدة الملهـوف معهـوده=وفي قمة المجد فـي التاريـخ روادي
وليتك تجنب مجـال التـرك وعقـوده=وتنزل من الرجم وتصومع مع الـوادي
وجيهكم من سهوم التـرك مفصـوده=وين انت والزحف لوبـد يابـو لبـادي
قبيلتك مـن نظـام التـرك مسيـوده=.....................................
نظام فرعون قمتوا بـه علـى كـوده=..................................
....................................=..........................................
وعقب دخل خنجر التركي وعجـروده=وثبت بكم يالمزينـي علـط الأوتـادي
قمتوا بشق العصا والغيتـوا اعهـوده=ميـر النتيجـه هزيمتكـم والأبعـادي
اجنـود مطـرودة ٍ والقـود مكـدوده=والسود تبقى لمـن لايحتمـي النـادي
العلـم ثابـت وفـي مخبـاك منقـوده=وثايقه واضحـات ادروس واجـدادي
وزا بكـم يالمزيـنـي راس بـالـوده=ثابـت ومـع دورة الأيـام يـزتـادي
ومن كذبك الفرس والرومـان مبيـوده=ولحقت شرارة لسانك جيش الأكـرادي
وذبحت تركي وهـذي كذبـت ٍ عـوده=سولف بها في المجالس مير وش عادي
تركي كما البدر تسري الناس بسعـوده=ويعرف مغيبه وبليـا حكـي هربـادي
ماينسرق لو تجمـع حـرب واتعـوده=لانـه رفيـع ويشوفـه كـل مـدادي
اثقل على حرب من عكـاش وحيـوده=ويوم اختفى ركزوا رايـات الأعيـادي
حيث انها من سيوفه قبـل مسـروده=مر ٍ يجيكـم صبـاح ومـر هجـادي
ابنمرن تجيكم علـى الحكـام معمـوده=ولاقط جاكم خفا مـن غيـر ميعـادي
ويوم انثنى باع حرب وذل عـن ذوده=ادا على حـرب راسـه جـل الاذوادي
يوم ادبر الجمع وايستوا مـن العـوده=اسمه بعد مات جاب العـرب الأتـلادي
كلمتـك ياالـلاش مقفيـه ومـردوده=وزار ٍ على هذرمتـك الفيـن نقـادي
مالك ومال الدول والحـرب ووفـوده=لانك ذنب ناشب ٍ في الورك من غـادي
تتبع جيوش الرشيد وتدفـع قصـوده=ويعطيك من فضلته لاشبـع مقصـادي
ومـدام مخبـاك ملـيـان ٍ بهـبـوده=اعرف مقامك وقـدر حـق الاسيـادي
وعيني تشوف الهدف ماهيب مسدوده=ورصاصتي تطرح الثاني مـع الحـادي
ولـو هازنـي ذاك والا ذاك بوعـوده=حبل الزمل مايلـوج ابداخـل افـوادي
لانـي علـى بينـه ماهيـب مزيـوده=والعرف والمعرفه كسبي من اجـدادي
من لابـة ٍ دايـم ٍ بالنصـر موعـوده=يوم ان الايام بيـن طـراد واطـرادي
قبيلتي مـن كثيـر النـاس محسـوده=ومن باسهـا مستمـد ٍ قـوة عنـادي
وانته عباتك علـى غاربـك مقـدوده=وعورتك للي يقصـك نصفهـا بـادي
عقب التحدي تمـزع جيـش حمـوده=الدولـه اللـي بناهـا قـول قصـادي
وخلاك بالمهمهيـه جيـش سامـوده=جيش ٍ على قطعة الساقـات معتـادي
احد ٍ عمد كربـلا واحـد ٍ ورد جـوده=قفوا عن المعركـه حاديهـم الحـادي
وبني عمـر خلـوا البريـت ووروده=عقب اونسوا مسنـا هداهـم الهـادي
طوح رشاهم عن الناعـور راصـوده=وقالوا ترى جمعنـا منحـاز واحيـادي
وين انت مقعي وراهم يابـو جلمـوده==مالك بعـد دلـة الجيشيـن مقعـادي
اما انهزم واتـرك الميـدان وحشـوده=وخذ لك جواز ٍ بـه التاريـخ ميـلادي
والا البس الدرع دون الدار وسـدوده=واحفر لركبتك وافـد القـوم يامفـادي
ان فزت قالوا جميـع النـاس ياجـوده=وان صارت الثانيه قالوا لـك اربـادي
اعمد رغيـان يفـزع لـك بماجـوده=لو كان ماهـوب قـد لصـدة العـادي
ياقل بيض الغشيـش وياكثـر سـوده=بان بمحـل ٍ سبيـل لكـل سرمـادي
ملامسـه بـاردات ومنحـن ٍ عـوده=وما الوجه عنده رخيص لكـل ورادي
وله خيشتن في طويل الظـل ممـدوده=وكرامة السمسـري شيشـه وبـرادي
ويقرض عروض القبايل كنـه الـدوده=لكن في المعرفـه ماهـوب باستـادي
وقت الرخا وصل المسكيـن مقصـوده=ولاهوب عـن زلـت الأقـدام نشـادي
وسوالفـي ياولـد دفلـوج مـاكـوده=ومثبت ٍ حجتي مـن مصـدر اسنـادي
وان كـان ماتفهـم التاريـخ وبنـوده=شوش بذانيك واسمع نشـرة الـرادي
ينبيك عن مامضـى والعلـم بشهـوده=يوم القبايـل تمـارى منهـو البـادي
وان كان كبدك مـن العتبـان ملغـوده=خذلك مـن الصيدليـه طـرد كمـادي
حنا نسم الكبـود اللـي تبـي الـزوده=رجالنـا للكبـود الـسـود فـصـادي
منـا كثيـر العـرب طنيـا ومكبـوده=والا انت وش انت لاعـدن الأعـدادي
كلمة في حجمها تبـدوا كمـا الكـوده=وفعلك على ساسها ماهـوب متقـادي
اقصر على قد حالـك يابـو معيـوده=لاتنتحـل جوخـة السيـد ومنسـادي
ترى الهنادي بوقـت اليـوم مغمـوده=وهذا سبب قمزتك لان الحدب صـادي
جتك العلامات في القرطاس مرصـوده=ان كان عنـدك جهـازات ٍ للارصـادي
وترى العواصيف في الاوطان موجوده=ومن خف وزنه طفح معهن ولا عـادي

تم حذف بعض اشطر القصيدة لوجه الله تعالى