غزوة النفعه على الدواسر

[قف امامك عتيبي]

كفوووو يالنفعة ياربعنا ولاهنت يالمسعودي وبيض الله وجهك
1
1
1
1
1
1
اخوكم : سعود بن سالم الدغيلبي

[بدراني دوسري]

المشاركة الأصلية كتبت بواسطة عتيبـــــ ولد ــــــــة

بعدين يوم إن الدواسر هزموا القحاطين ليه ما حكموا (حكم بادية)
نجد بدال القحاطين ؟

وليه القوة في نجد كانت لقحطان ؟

وليه الي يذكر في التاريخ بمواجهة "عتيبة" في محدارها هي قحطان ؟

[/color]

يبدو انك ما تزال مبتدئ في التاريخح وقرات كتاب ابن بليهد ثم توهمت اوهام ما انزل الله بها من سلطان!!!

من قال ان قحطان تحكم نجد او بادية نجد؟؟؟؟
وان عتيبة جوا عقبهم يحكمون نجد؟؟؟

الا اذا كان قصدك نجد هي الدوادمي او وادي الرشا!!!

فاقول نعم

اما نجد من علو وادي الرمة الى عرق الدواسر ومن جبل طويق الى جبل حضن ففيها قبائل كثيرة ومنها الدواسر الذين لم يزحزهم احد من بلادهم من اكثر من 1000 سنة -- الف سنة -- ففي قصايدهم يذكرون حدودهم

ديرة قبليها في حاضا
وشماليها المشقوق والرقاش
وجنوبيها العد المسمى ال زايد
مضماه خرب ومن وراه مهناش

فحدودهم الشماليه حاضا وهو جبل يبعد عن الخرمة شرق 40 كم وبالقرب منه عد باعوه الرجبان على ال صامل الاشراف من اهل الخرمة

والمشقوق والرقاش قريب من ماء يقال له العبدة للنفعة علو وادي القمراء

ومن حدودها الشماليه هضاب الضيرين

ومن حدودها الشمالية الشرقية وادي الركا وهو اللي يفصل بينهم وبين قحطان نجد

فمن وادي الركا الله يصلحك الى عين قحطان اكثر من 400 كم تمشي في ديار ال زايد ترثة الملطوم ملك اليمن

ثم تاصل عين قحطان وقريب منها هجرة لقحطان الجنوب حد فاصل بينهم وبين الدواسر

هذي البلاد ما وطوها لا قحاطين ولا عتبان ولا سبعان ولا غيرهم الا برضا واذن من ال زايد الاّ اذا انت صغير سن وتوك ما تعرف العرب زين!!!



محافظات السليل والافلاج والوادي تشكل 45 % من منطقة الرياض لعلمك وهي للدواسر مراعي ابل ومزارع نخيل وهذا دليل القوة ما تملكه من املاك!!!

ونصيب الدواسر من بلاد نجد هو الحزم حزم الدواسر وهضب ال زايد وسوادة الدواسر وعرق الدواسر اللي يحد الوادي من شمال وهذه البلاد تشكل 20 % على الاقل من مساحة نجد

وهضب ال زايد اللي مايعرفة من اطيب المراعي ويتوسطه هجرة ابا الاكوان وهو اصله مارد ماء من خلق وهو للدواسر

اما قوة قحطان فهي عليكم انتم يا عتيبة يوم يطلب منكم الهدو وعلى مطير يوم يكسرهم في صبحا وهالكلام في القرن الثالث عشر الهجري يا ولد عتيبة

مطير في عزها وقت الشاعرة مويضى البرازية تمدح الدواسر وتقول :

ان بغيت الطرب والسلاامة
فعليك بالفرعة بلاد الوداعين
هي قبيلة تفك الجهامة
فكاكة القالات بالعسر واللين

ما حموها ربعها مطير وتمدح ال زايد

وعتيبة يوم تنزل نجد اللي يضادها هم القحاطين ومطير في الدوادمي وعفيف والا الدواسر بعيدين

واذا تبا تعرف علوم الدواسر فانشد ابن محيا امير ثلث عتيبة !!!!

[بـــرقـــاوي^^هــــواوي]

اقول يالدوسري علي الحرام انك قلبت التاريخ الله يجزاك خير

ياخوي نجد معروفه ولانبيك تعلمنا وشهي نجد بعدين جزاك الله الف خير

انك قلت بنفسك ان الدواسر دفعوا لقحطان الزكاه وشكرا علي صراحتك

وحنا نعرف كل شي ...


بعدين مشالله انت اللي تعرف بالتاريخ وصرت مؤرخ مشالله

تكذب مؤرخين ...

بعدين الله يهديك وصلت لابن محيا مره وحده ياخوي ابن محيا منت بحوله

بس رح وراك لاهنت...

[عبدالله المسعودي]

كفو والله بربعي النفعه
ولاهنت اخوي المسعودي

[نجم511]

صراحه انا مستغرب من كلامك يابداني الدوسري الدواسر رجال معروفين مايحبون يحرفون الكلام ويرضون باالي لهم والي عليهم وأتوقع والله العالم انك منتحل شخصية دورسري قر واعترف انت منت بدوسري

والله وسبعة انعام باالدواسر

[هدهد عتيبه]

والله ونعم في النفعه

بطولاتهم مشالله عليهم واااااجد وفرساااانهم واااااجد

ودياارهم واااااجد وهم اصلآ واااااااااااااااااااااااااااااااااااااااااااااجد


مشالله عليهم

[مجبور اعيش]

يعطيك العافيه

[فيصل بن هضلاء]

المشاركة الأصلية كتبت بواسطة القاضــي

هذا رد وإيضاح على ماقاله عبدالله بدراني .

يابدراني أنا متأكد إنك بعيد عن هذه المواقع ولا تعلم عنها شيئاً ولا تفقه في تاريخ المنطقة شيء وسيكون ردي عليك بالحقائق .

بالنسبة للبياضاء المعروف أن الشيخ شبيب بن بادي بن حجنة قد امتلك الأبيار التي تسمى البيضاء وهي تقع في الحزم شرق شمال الهضب ولا تقع في الوادي حيث أن الشيخ شبيب بن حجنة قد أمتلكها وبقيت لمن بعده وقد استخرج عليها الشيخ علوش بن نجر بن شبيب بن حجنة صك شرعي يوجد لدينا وقد حصل عليها مداعاة بعد التحديد بين قبيلة الشيابين من عتيبة والمخاريم من الدواسر وقد صدر عليها صك شرعي بالإزالة ( قصراً للمشكلة !!!) بين الطرفين يوجد لدينا ومن أراد الإطلاع عليه فليس لدينا مانع تأكيداً لما ذكر عن بيضاء بن حجنة .

وأما قولك عن أن بن المجاور ذكر في كتابه صفة بلاد اليمن قبل ألف سنة أن الدواسر لا يؤدون خراجاً ولايخضعون لأي سلطة ، هذا وقت قديم سابق لمحوال قبيلة قحطان إلى نجد التي عندما نزلت هذه القبيلة في براري نجد وأنه أثناء محوال الشيخ محمد بن هادي خرجتوا له وأهديتوا له امرأة كي تكون له زوجه وطلبتوا منه الحماية من قبيلته وقد قال مقولته المشهورة بين القبائل ( اقطعوا إبهام الدوسري حتى لا يكوعب لتمر في حليب الإبل ) وقد فرض عليكم أن يكون ثلث تمر نخيلكم في الوادي له في كل عام مقابل هذه الحماية وبقيتوا على هذا الحال إلى أن توفي ، ثم علق بن رشيد أمير حائل علم رايته على الوادي وبقيتوا على هذا الحال إلى أن جاء هذا الحكم الكريم الذي كل الجميع تحت مظلته .

هههههههههههه والله يانت كويته كوي ! هههههههه

تراه ماجاب طاري كلمة (اقطعوا ابهام الدوسري حتى لايكوعب للتمر في حليب الابل) ههههههههه

شكله مستحي هههههه

[فيصل بن هضلاء]

المشاركة الأصلية كتبت بواسطة بدراني دوسري

نعم هي في الحزم - حزم الدواسر - وحاليا تتبع امارة الدواسر اما وجود صك وما ادري ويش فالوساطات تلعب دور هالايام وانت تقول انها ازيلت فالحمد لله

ربعك الدواسر وراهم مايزبنون الدخيل !؟؟؟؟

ترى هالشي معروف عند كل القبايل !!!!

انشالله تبي تنكره وتقول حنا نزبن الدخيل !

تحياتي!

[فيصل بن هضلاء]

المشاركة الأصلية كتبت بواسطة بدراني دوسري

يبدو انك ما !!!!

اقول يالبدراني اسمح لي مداخلة ثانية !

سؤال :

النفعه ليش دايم يغزون عليكم ! مثل ماذكرت انت !؟

لماذا دائما تكونون في موقف المدافع والنفعه في موقف المهاجم !؟ على ماذا يدل هذا الشي !؟

ثم :-

ممكن تذكر لنا واقعه هجم فيها الدواسر على النفعه !؟ وياليت مثبته بقصيدة ....

اما انكم دائما في موقع الدفاع والنفعه بقيادة شبيب او غيره يغير عليكم بخيله ورجله ثم تفتخرون بانكم لعنتوا ابو خامس النفعه ! ... ترى هالشي مايستوي يابو والا !؟


توضيح: قرأت في احدى ردودك استغرابك من كون امير النفعه في احدى غزواتهم كان سعود الدهينة وليس شبيب مع ان شبيب شارك في المعركة ياحبيبي انت صادق في هذي وانا اخوك واستغرابك في محله ! لانك دوسري ولست نفيعي عشان تعرف هالاشياء
امارة النفعه كانت مابين الحجن والدهينات عبر التاريخ الطويل لقبيلة النفعه حتى قبل نزولهم نجد ... كانت الامارة مابين الاسرتين ... لم يكن هناك اجماع من القبيلة بشكل عام ومطلق على ان احدى الاسرتين تملك الامارة بشكل مطلق ... وقد ذكرها الملك عبدالعزيز في محاولة منه لتفريق النفعه ايام ثورة الدهينة عليه ... بقوله النفعه ليس لهم امير شمل!

القصة ياصاحبي ان شبيب وقت الغزوة تلك كان صغير السن! وسعود الدهينة كان في مقام والده لذا لم يتعترض على قيادته للقبيلة في تلك المعركة ... لكن بعد وفاة سعود اصبح شبيب هو امير النفعه ....

فهمت ولا ؟

تحياتي