بــــدر البـــــدور

[ذياب منير العصيمي]

بسم الله الرحمن الرحيم

إليكم هذه المتواضعة من جديدي بعنوان

بـــــدر البـــــدور

يانور بـدرٍ تجلـى واكتمـل نـوره=في ليلةٍ تعجـب العاشـق مساريهـا
ذكرتنـي جـادلٍ بالزيـن مشهـوره=من راسها فاتنـه لاسفـل مواطيهـا
صورة تمام البدر مامثلهـا صـوره=وخمسة عشر ليلته باحلـى لياليهـا
رعبوبةٍ بالدلـع والملـح مغمـوره=سبحان ربٍ ملاك الحسـن معطيهـا
ريميةٍ من رجـال الصيـد مذعـوره=على الفيافـي تسابقهـا خطاويهـا
صغيرة السن بين النـاس مكبـوره=كلماتهـا كـل شاعـر مايجاريهـا
أبحرت في حبها والـروح مخطـوره=و رسيت كلي على شاطـي موانيهـا
في قلبي إلها قصور الحب معمـوره=على عروش الغـلا تثبـت مبانيهـا
لو عذبتني عـذاب البيـن معـذوره=الغالـيـه مايعذبـنـي تغلـيـهـا
ولاقلت ليلـى ولاسلمـى ولانـوره=أقول بـدر البدورأعشـق معانيهـا
وإليا نهاني عذولي ما أستمع شـوره=عذالـة الحـب ماتتـرك مساعيهـا
عاداتها التفرقـه بافكـار محظـوره=زورٍ و بهتـان واعلـومٍ تسويـهـا
وعلى طريق الخطا ماهيب مجبـوره=واعلومٍ اتجيبهـا وأخـرى توديهـا
الله واكبـر عليهـم قوّمَـو ثــوره=بيـن المواليـف ماحـيٍ يطفيـهـا
والحب وش فايدة شرعه ودستـوره=لاصـار كـل القضايـا مايقاضيهـا
حملني الوقت من همه ومن جـوره=ودنيـاي قامـت تبلانـي بلاويهـا
ولعبي الوقت الأقشر لعبـة الكـوره=وأبعدت عنها وأنا عينـي تراعيهـا
ولاهو غريب المولع يفقـد اشعـوره=من بعد فرقا هنـوفٍ مولـعٍ فيهـا
مقسوم والنفـس منهيـه ومامـوره=وعشرة ربيع العمر مانـي بناسيهـا
واحروفها الاربعه فالقلـب محفـوره=وعهدٍ علي لاحتفظ فيهـا وأداريهـا
وأنا دموعي على الخديـن منثـوره=لاشفت نور القمر واوحيت طاريهـا
يالله عسى دارها بالغيـث ممطـوره=من صادق الوسـم همـالٍ يساقيهـا
وقاعٍ وطت به عسى ينجّـر ديـوره=ويسقي مرابيعهـا ويسيـل واديهـا
وروض النفل والخزامى تكمل ازهوره=ويفوح عطر البختري فـي مغانيهـا
والواد الاخضر عليه اتغرد اطيـوره=يمكن تحن وتذكّر عشـق ماضيهـا
باسباب بدرٍ تجلـى واكتمـل نـوره=في ليلةٍ يعجـب العاشـق مساريهـا

أخوكم ذياب العصيمي

[فهد رشيد الزلامي]

صـــــــــــــــــــــــــــــــــــح
لــــــــــــــــــســــــــــــانك

جزله من جزل

[عيضه الثبيتي]

أبحرت في حبها والـروح مخطـوره......و رسيت كلي على شاطـي موانيهـا



الله الله الله



ياسلام عليك يامبدع


تقب إعجابي ومروري

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[محمد الحميدي]

ذياب العصيمي

صح لسانك

أبدعت لاهنت

التوقيع

[يزيد الهقاوي]

بيض الله وجهك يابن عاصم وصح لسانك

[سـعـد الـعـصـيـمـي]

الله الله.....رائع في كل حالاتك يابن العم

صح لساااااانك

[مرزوق حمدان العتيبي]

..
جزاله وابداع يابو منير ... شهادتي فيك مجروحه
وصح لسانكـــ

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ذياب منير العصيمي]

الاخوان

مرزوق حمدان العتيبي

فهد رشيد الزلامي

محمد الحميدي

سعد العصيمي

يزيد الهقاوي

عيضه الثبيتي

صحت أبدانكم جميعاً

وشاكر لكم مروركم العطر

ولاخلى ولاعدم وتحياتي للجميع..

آخر تعديل ذياب منير العصيمي يوم 30-Mar-2010 في 08:29 PM.

[أبونواف]

ذياب العصيمي

صح لسانك

أبدعت لاهنت..

[علي الشهراني]

بيض الله وجهك يا بو منير


صح لساااااااااااااااانك

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار