موجهه لشاعر حجاب بن نحيت من الشاعر عبدالله العواجي

[متعب البيد]

هذه القصيدة موجهة للشاعر/ حجاب بن نحيت الحربي
من الشاعر /عبد الله بن عساف العواجي

ياحجاب قلي بالهوى كيف سويت ..... خابرك قبل سنين تشكـــي صـــوابه
يامـــا شكيته باسطوانه وكاسيت ..... قصة غرامــك كل شخــــــصٍ درى به
واليوم اشوفك من شقاه ارجهنيت ..... قصر الهوى ياحجاب صكيت بــــــابه
مدري لقيت اللي بعمرك تمنيـــــت ..... وارتاح قلبك مـــع حبيبٍ شقـــــــا به
والا ركضت وبآخر العمر مليــــــت ..... حبك تحجــر وانطمــر فــي تــــــرابه
والا نقلته في فؤادك ولا ابديــــت ..... النار ماتحرق ســـوى من وطــــــا به
والا لقيت دواك منه وتداويــــــــت ..... عجل ابي منــك سريع الاجــــــــــابه
عندي عزيز صار لاحي لاميـــــــت ..... رحنا وجينـــا بس مافيـــه فــــــــاده
.
.
.
هذه القصيدة رد من الشاعر/ حجاب الحربي على قصيدة الشاعر/ عبد الله العواجي
.
.
.
رحبت بابيات العواجي وهليــــــت ..... عبد الله العســاف يامرحبــــــــــا به
اللي يذركنـــي وانا ماتحريــــــت ..... يحسب حساب الاصدقــا والــــــقرابه
لو ان بعض الاسئله مــاتوريـــــــت ..... ارد لك عنـــها صريــح الاجـــــــابه
خذ نمرة الهاتف وكلم على البيــت ..... اعطيك اجابات تزيل السحــــــــــابه
اثنين والثـــالث والاثنـين رديـــــت ..... واحد ثمان اربع وتسع حســـــــــابه
تقولي حبيــــت واقـــول حبيــــت ..... والحب من عصر النبي والصحــــــابه
اقرا لكعب اشقال في مطلع البيت ..... بانت سعــاد وقال قصة عــــــــذابه
ياما كتبت من القصايد وغنيــــــت ..... وياما ضربت اوتار عـود وربـــــــابه
سهرٍ سهرته يالعواجي وقاسيــت ..... مايسهرنـه جـــايعــات الذيــــــــابه
حب على وضح النقا ماتتقيـــــــت ..... مشيـــت به يالين كـل حكـــــــى به
واليوم قفى الحب عني وقفيـــــت ..... وقفى شبابي مثل ما اقفى شـــابه
من يوم صار الحب عطر وتواليــت ..... وكل العبي السمر صارت تشــــابه

[ابو طارق الشمري]

متعب البيد
تسلم وصح لسانك ولسان عبدالله العواجي ولسان حجاب النحيت ملاااايييبن
ولك الشكر الجزيل على نقلها
أعجبتني هذه القصآئد لروعتها
لك التحيات والتقدير لاعـــــــدمنا وجووودك.