الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > قصائد الأعضاء > منتدى دواووين شعراء المنتدى

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 17-Dec-2009, 08:51 PM رقم المشاركة : 1
معلومات العضو
فايز بن سرحان الثبيتي

مشرف منتدى قصائد الاعضاء


الصورة الرمزية فايز بن سرحان الثبيتي

إحصائية العضو






التوقيت


فايز بن سرحان الثبيتي غير متواجد حالياً

افتراضي



شاعرنا

هلال العتيبي

فيلسوف الهيلا و نجم شعر النظم اينما حل

هاهو يهدينا عقد فريد من القصائد والتي تحتوي على اكثر من 60 درة فاخره

الشاعر العذب الذي حضيت نصوصه بمئات الردود وعشرات الآلاف من المشاهدات

شاعر يلوي اعناق محبي الشعر بماينثره من بوح راقي وشعر فاخر

لا اريد ان اطيل عليكم

فالمقدمات قد لا تضيف الكثير لشاعر بحجم هلال العتيبي

اترككم مع ماخطت انامله في منتدى الهيلا خلال فترة تسجيله معنا منذ : Aug 2006






في نصرة رسول الله




اقتباس:
المشاركة الأصلية كتبت بواسطة هلال العتيبي مشاهدة المشاركة
صلّوا على رسول الله


ليت القلم يكتب على مدّ شوفي = ويترجم إحساسي فصاحة وتعبير
وليت الشعر ياسيّد الخلق يوفي = ويكون له في داخل النفس تأثير
إليا طرى اسمك ياسعادة حروفي = الحرف من زود الفرح ودّه يطير
يارحمة الرب الغفور الرؤوفي = للجن والأنس أرسلك سايق الخير
ياليتها لمست كفوفك كفوفي = وياليتني من صحبتك ف المسافير
والله إن حبك ساكن (ن) وسط جوفي = لو كلّي ذنوب وجهالة وتقصير
شوفتك بشرى للفؤاد الشغوفي = ليتك تجي تشرق بك الروح وتنير
أيقظ منامي بدّد انواع خوفي = طيفك شعاع يعطر النفس تعطير
ياسيدي غاية مناي وشفوفي = جيرتك في الفردوس لاغير.. لاغير
ياتاج راسي ياعظيم الوصوفي = ياخير هادي يا شهير المشاهير
ياخير من ضافوا عليه الضيوفي = وياخير من ساق الامل والتباشير
ياناصر الحق وعوين الضعوفي = ياهادم اصنام البدع والأساطير
اذا تكلّم فيك خبلٍ لقوفي = وصوّرك في بعض المجلات تصوير
لنصرتك ناقف صفوف وصفوفي = نذب عن عرضك حشود وطوابير
بالدين دونك والقلم والسيوفي = ف وجيه الأنذال العلوج الخنازير
ويارب توبة قبل تدني حتوفي = وحط لي في ظلمة القبر تنوير
نهار تتعب من ذنوبي كتوفي = ارحم ودبرّني على خير تدبير
واغفر لعبدك في نهار الوقوفي = وطهّرني من الشرك والكفر تطهير
وصلاة من ربي الوف والوفي = على رسول الله ماغرد الطير
[/poem


هدية عتيبي لعتيبي


اقتباس:
المشاركة الأصلية كتبت بواسطة هلال العتيبي مشاهدة المشاركة
هذه القصيدة إهداء مني للاستاذ سليمان العتيبي
في حفل تقاعده

عزّ الكلام وهاجسي طير حوران=له في جزيل الشعر بصمة وعنوان
طيرٍمحلّق في سما الشعر دايم=الموهبة مخلاب والعرف جنحان
بين السما والارض يكفخ جناحه=يدوّر الجزلة ولو سد طهران
اليا نويت اكتب جديد المثايل=وابيات مثل ابيات نايف وضيدان
تجي تسابق من هناك وهنيّه=احلى البيوت انواع واشكال والوان
وانا اتخيّر في سمان المعاني=واكيل من صافي هجوسي بميزان
اليانقدت البيت ادوّر بداله=وانقّي بيوتٍ تليق بسليمان
يستاهل الجزلة زبون المعالي=شيخٍ بنى صرح الوفا فوق سيسان
مديرنا تاج الكرم والشهامة=فخر المنابر والقصايد والاوزان
من حقّه اكتب له قصيدة فريدة=ابياتها فضة ولولو ومرجان
لو الشعر يوفي سليمان حقّه=يمطرله احساسي قصايد وقيفان
ابو يزيد اللي يقود السفينة=عزالله انّه خير قايد وربان
ابحر بها وسط البحور العميقة=حتى رست بأمر الولي عالي الشان
بحر المروّة والندى في يمينه=لاهان ظفرٍ ينشد المجد لاهان
طلق الحجاج اكرم من الريح وانقى=(نباه)مثل الهيل فدلال رسلان
تسامح وحزم وتواضع ونخوة=انسان مع نفسه ومع غيره انسان
هامة وقامة من بيوت الزعامة=من ربعنا العتبان ذربين الايمان
اليا نصيته تاجده في محلّه=من خلقته نايف كماضلع غزوان
عنوان للعليا وكلٍ يدلّه=ينشاف مثل البرق في غرّ الامزان
لايق لك التكريم ياطير شلوى=هقواتك سمان ومعاريفك سمان
لسان حال الشعر عنك يتحدّث=يركزك للأمجاد راية ونيشان
وكان التقاعد نوّخت لك ركابه=يبقى الذهب غالي على مر الازمان
تلقى الفرح نوٍ تقادح بروقه=وتفيض بسيوله شعابٍ ووديان
الرزق ماهو في دوام ووظيفة=ونوّ الامل مايمطر هموم واحزان
تلقى مكانك في صدور المجالس=بين العوارف والمشايخ والاعيان
وتلقى مقامك في صدور النشامى=شامخ وراسخ فالقلوب وفالاعيان
وعند ازملاك ارفع من البدر واعلى=هذا مقامك عندنا ياكحيلان
عاملت طلابك بعطف وأبوّة=فقلوبهم ذكراك عودة وريحان
هذا حصاد احسانك اللي زرعته=من يزرع المعروف يجزى بالاحسان
قدّمت للتعليم زهرة شبابك=بذل وعطا وابداع واخلاص واتقان
علمتنا وشلون معنى الإدارة=ومعنى التفاني للقيادة والاوطان
اتقنت فن السيطرة والقيادة=بعبقريّة قايد وذوق فنان
واخلاق محمودة وخبرة عريضة=الحلم حلم شيوخ والصدر ميدان
ماتحمل بذور الردى والضغينة=زرعت من طيبك للاجيال بستان
كان اللواء والركن رتبة عظيمة=انته بدون مواخذة (جمّلة اركان)
جودك نهر جاري وشهرتك شهرة=وسمعتك كالألماس غالية الاثمان
وقبل اطوي الصفحة بصفحة جديدة=غلاك ماهو رايحٍ في خبر كان
نبا السموحة ياكريم السجايا=لن جاك زلّة وقت زودٍ ونقصان
وآصالةً عن نفسي وعن حروفي=ونيابةً عن ازملانا والاخوان
تبقى الأخوّة راسخة ماحيينا=ويبقى الوفاء دلّة وهيل وفنجان
هذا وعد والرجل يوفي وعوده=واهل الوفاء والصدق شرواك شجعان
والله يعوضنا بشرواك فارس=المدرسة مصنع رجالٍ وفرسان
نلقى عوضنا في عويّض وحامد=في ليث الاد سواط في شبل وقدان
والمعذرة لو ماانصفتك القوافي=منك العفو والصفح يالسيف شامان
يقوله اللي جدوله هد حيله=عشرين حصّه حملها هد الابدان
وثنتين يلحقها نشاط وريادة=واشراف فالفسحة قصم ظهر وامتان
والاحتياط الياسلمته غنيمة=قال المثل يجي مع الدهر عوّان
واختامها صلّوا على خير هادي=نبينا المختار من نسل عدنان



اني اغرق اغرق



اقتباس:
المشاركة الأصلية كتبت بواسطة هلال العتيبي مشاهدة المشاركة
كنتي عروس وجمالك ماانخلق قدّه=وكنتي فنار الجمال وكنتي وكنتي
وهالحين جَدّة ولاعاد انتي بجِدِّة=شكلك كبرتي وشيّختي وعجزتي
احفادك من المدن فالارض ممتدّة=تطوّرت حيل وانتي ماتطوّرتي
ماعاد للحسن في وجهك ولالدّة=لاضير لو يوم من غيضك تذمّرتي
من غادي الغيث اخذتي مزحه وجِدّه=وجلدتي الذات حتّى انّك تجرحتي
كشفتي الخافي اللي ماانكشف سدّه=وياكم من سنين وعقودٍ تستّرتي
والامرللواحد اللي مانفد مَدّه=يالله عسى خير حتى لو تعوّرتي
إشكي على البحر في جزره وفي َمدّه=دلّوعة البحر سلامات لاهنتي
وإن زارك الغيث في هجمات مرتدّه=عيشي بجلباب بحرك لوتكرمتي
للصبر حد وشكل صبرك وصل حَدّه=وقمتي عن الغيض والآلآم عبّرتي
أهل الطمع والجشع كلاً ملا مدّه=ليتك عن اللي نهب ضحكتك خبرتي
خليه يفرح بمحصوله الياعدّه=ويزحزحه عن عذاب النفس لو سنتي
لو المدن تشْكي وتحْكي عن البدّه=يمْديك عن قسوة احبابك تكلمتي
يمديك شكيتي الهجران والصدّه=وكم ليل كم ليل ف احضان الالم نمتي
وما ودّنا نتّهم مخلوق ونضدّه=وشينفع اللوم لو لمنا ولو لمتي
أخطاء متليّمة والله لها مُدّة=تراكمت لين جاك السيل واذعنتي
ولاخير فيمن هجر خِْل ونسى ودّه=وشلون مااحزن اليا كان المصاب انتي
يوم الصبا في رحابك مانضب عِدّه=وانتي لنا بأجمل الوانك تلوّنتي
مير أبشري والفرج ياتي مع الشِّدّة=مادام في قلب ابو متعب تمكنتي
استبشري بالسعد والخير من يدّه=وعساك من لمسة الوالد تطمنتي
وساع اعتزيتي بخالد كل شي هدّه=تألّم لصرختك ساعة تألّمتي
جا ينظم العِقد فااجمل جيد ويردّه=ويقول: مدينتي عودي كما كنتي


27 ورقة متفرقة من ابداعات شاعرنا



اقتباس:
المشاركة الأصلية كتبت بواسطة هلال العتيبي مشاهدة المشاركة
يسم الله الرحمن الرحيم
احبتي هنا سوف أعرض لكم مجموعة من أوراقي
ومقاطع من قصائدي
اكثرها لم تنشر على الأقل هنا
أرجو أن تنال استحسانكم ورضاكم


الورقة 1


ياسيّد القاف هذا القاف لك وحـدك=ياباشة الحرف يانبضـه ووجدانـه
ياساكـن القلـب لاقبلـك ولابعـدك=أحدن سكن فالفؤاد وزلـزل اركانـه
ابطيت وانا اتحرّا وانتظلر وعـدك=وابدي لنو الحيـا واخيّـل امزانـه
ياصاح لاورد فالدنبـا سـوى وردك=المختلف حيل ف/اشكاله وف/الوانه
اطلب نجوم الثريا وابشـر بسعـدك=ويمكن اجيب القمر واقولّـك عانـه
شاعرك مفتون في صيفك وفي بردك=لو تسكن الواق واق اوطانك اوطانه
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة 2

من دم جرحي شفني اكتب لك ابيات=ابشّـرك مافيـه للحـبـر داعــي
نزف الجروح اصبح بحجم المحيطات=يشيل اساطيـل الولـه والسواعـي
صارت رياحك عصف دون اتجاهات=من شان تغرق في بحورك شراعي
صحّرت في قلبي جميع المساحـات=كانت بساتيـن وحقـول ومراعـي
ومناخه اصبح قيـض دايـم وآهـات=وصارت تضاريسه صخور وجراعي
من سبّتك صارت دروبـي متاهـات=وانته تبختر في مراسـم ضياعـي
لكن انااعرف مخرجـي فالنهايـات=بالمختصر صعب احد يلوي ذراعـي
انا شموخي من شموخ السـراوات=الكـل يعـرف هيبتـي وارتفاعـي
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة3
شكرا على الجرح !!ماقصَرت خيرك كثير=اثرالجمايـل كـذا العالـم يردونـهـا؟؟
اسواتك اسواةالاعمى اللي يقود البصيـر=قصتـك ياصعبهـا عنـدي وياهونـهـا
ليه الوفاء عند بعض الناس قطعة حصير؟=حسب الطلب تفرش وفي ساع يطوونها!!
ماني مجازيـك وابذكـرك دايـم بخيـر=مثلي يحافظ علـى الاسـرار ويصونهـا
كنت احسبك بحر ماله قاع واثرك غديـر=خيّبت هقوات روحـي فيـك وظنونهـا
ودّعت سمومـك المشـؤم والزمهريـر=وتركت بقعا تحـوش احلامـك بشونهـا
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة 4
صباح الورد والفل وخزامى والنفـل والشيـح=صباحات الشعر واحلى الكلام اللـي يقولونـه
صباح الزيزفون ولهفـة التلميـح للتصريـح=صباح النور والعطر اللـي العشـاق يهدونـه
صباحٍ يحطب ضلوعي صباح الوجد والتبريـح=صباح يعطر أنفاس القصيد ويلهـب شجونـه
حبيبي والامل مركب عثا فيـه الالـم والريـح=وبحر الياس من خلفه وبحر الخوف من دونـه
وربانه غشاه المـوج لـولاه اكثـر التسبيـح=وسلَم للقدر روحـه وشـاف المـوت بعيونـه
على الله يالغصون اللي من اوجاع الزمان تطيح=يغربلها الزمان بعاصفـة هوجـاء ومجنونـة
وعلى الله يالغموض المرتمي في لجّة التوضيح=تدثَر في ثيابه وانصهـر فـي شكلـه ولونـه
أبد محـدٍ بجابرنـي بمكنـون الفـؤاد ابيـح=ولا اخلف نيتي لو كان غيري يخلـف اظنونـه
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة 5
سئمت من الغياب وضاق صدري=وتسألني الليالـي أيـن بـدري
لحا الله الغيـاب فقـد كسانـي=ثياب الصبر حتّى مـلّ صبـري
ويرهقني الأسى واليأس حتـى=يكاد من الأنين يجـفّ حبـري
أبـثّ الليـل أشواقـا وشعـراً=فيـا ويحـاً لأقلامـي وشعـري
أسرتـي خافقـاً حـرًّا طليـقـاً=معذبتي فهـل يرضيـك أسـري
رياح الوجد تعصف في الحنايـا=ونهرٍ من مآق العيـن يجـري
على صوتي كتبت وفي المرايـا=بخطٍ من ضيـاءٍ أنـت عمـري
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة6
على رصيف الشوق واقف غرامي=محتاج لامواجك وروعة شواطيك
يابحر والله مانسيت الاسامي=تجتاحني ذكراك حتى وانا فيك
يابحر شاهد لهفتي واهتمامي=ودقات قلبي قربك الله يخليك
يابحر من شان اختصرلك كلامي=غير الغلا والحب لاعاد يطريك
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة 7

الغالي اللي نحت ذكراه في صدري=ماكنّه إلاّ غرس رمح وقلع حربه
يامترف الحال حالي والجسد مبري=لاعادتحطب على قلبي وتشعلبه
من دون حلفان لوتعلم ولوتدري=في غيبتك كل شي حتى الوطن غربه
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة 8
نفحات من نورٍ ومن إيمان=ومواكب الأنوار في رمضان
أقبلت تزهو بالسكينة والهدى=متوشحاً حللاً من الرحمـن
متفائلاً بالخير بـل متفائـلاً=بالعتق بالرحمات بالغفـران
ياواحة النفس التي أرنو لها=شوقاً لشهر العفو والقـرآن
إني لألهج بالدعـاء مؤمّـلاً=صفو القلوب ولذة الإيمـان
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة 9

ياحكمة الله قلت ابكتب ولو بيت=لقيت عفريت الشعر في اجازه
قمت وزهمته قال يوم انّك ابطيت=عفت الأدب ماعاد لي فيه عازه
قلت الشعر فن وشعور ومواقيت=هذي مواعيده وهذي حزازه
ماهو معي فالجيب لاقبلت واقفيت=حسب تهياض الحشا وافتزازه
قال انت شكلك يالعتيبي تغليت=وإلاّ تحب المشيخة والرزازه
قلت انقلع عساك بالهيص ماجيت=كلامك اثر في فؤادي حزازة
ترى الشعر يا000 مايرفع الصيت=ولايرفع الراس ويكبر غرازه
إلاّ شعر حسان شاعر هل البيت=شعره: رسول الله وجبريل اجازه
قال السموحة كان في حقّك اخطيت=يامحور الشعر ومقر ارتكازه
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة 10

يا(جيبي)اللي صار يعكز على الشون=ويشكي من اوجاع الركب والرماتيـز
أسمع ونينه ساع ألـفّ الدركسـون=كنّـه يقـول بليـز ترفّـق بلـيـز
إي والـذي لجلـه عبيـده يصلـون=انّـي لسويلـك صيانـه وتحفـيـز
ويبقى مكانك داخل القلـب مصيـون=لوكان من مبدا احتـرام العواجيـز
امجار ياللي مامشـى سكّـة الهـون=ولاطرحنـي فالـوحـل والتغـاريـز
خمسة عشر عام متخاوين وشلـون=اتبـور فينـي يابعـيـد المنـاويـز
لو في حسابي يالخوي ربـع مليـون=نـذرن لبـروز صورتـك فالبراويـز
واجيب مثلك جيب مزيون مضمـون=واحطّلك متحـف واعـزّزك تعزيـز
ياموتري من خلقتي مااعشق الـدون=ولاادانـي الياريس وقراند مركيز
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة 11
وكل عام وانتم بخير

حلى المشاعر نوّخــت عند بابك= تستأذنك حتـى تهنيـك بالعـيـد
يزفها قلبـي لحظـرة جنابك= تقبل الله صومـك وعيـدك سعيـد
العيد طرز فرحته فـي ثيابـك = ومن ضحكتك واشراقتك نوره يزيد
قلبي وروحي سايرة في ركابك =تمشي معك من دون شرط(ن) ولا قيـد
ان جيت قالت كلها ياهـلا بـك = وان غبت ترحل خلفك وتطوي البيد
اضيع واذبل وانطفي في غيابك =وبكل تأكيـد اغـرق بكـل تأكيـد
مااقول غير الله يحفظ شبابك=ويحميك من عين الحسد والمناقيد
متميّزٍ : حتى زعلك وعتابك=احلى من انواع العنب فالعناقيد
عسى الزمن لو زاد خطبه يهابك =يدفع بلاه بعيـد وبعيـد وبعيـد
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة 12

كيف العمل والعيد واقف على الباب؟=لاقادر اشوفك ولااقدر اهنيك
مشتاقلك بالحيل والشوق غلاب=اعصار يجتاح الحشا عند طاريك
في مفرق الدرب امتردّد ومرتاب=رغم ان نبضات المشاعرتناديك
غلاك عانه في سما الروح ماغاب=مثل القمر !!كان القمر فيه تشكيك
وهواك مبطي داخل الصدر حطاب=شوفه بفاسه يحطب اضلوع مغليك
بعض الجفا مع الأسف ماله اسباب=يعيّش العاشق حياة الصعاليك
حرفي خضر والقاف يازين ماشاب=تحرّكه هبايب الشوق تحريك
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة13
بمناسبة اليوم الوطني التاسع والسبعون للملكة العربية السعودية



79عيد وجعل عزّك يزيد=ياموطن العز يامهد الفخر والشموخ
اليوم فيك احتفلنا عيد في قلب عيد=تاريخك المجد والباسك بشوت الشيوخ
دم السعودي خضر(لون العلم)بالوريد=شعب وحكومة وقفناصف مابه شروخ
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة 14

عنب يمن قالوا وقلنا بلح شام=وطالت مسافات الفراق وعتبها
الجمرتين اللي كوتني من العام=هذي سنة وانا احترق في لهبها
أمّا اطفها بخصام من سدّه اخصام=وإلاّ اسقط نجوم الوصال وشهبها!!
تاهت بي الخطوه وتاهن الاقدام=وفرحة زماني من يدي من نهبها؟؟
تعال يانبض القصايد والاقلام=شاعرك كل افراح عمره وهبها
تعال نحيا الواقع بشكل الاحلام=ونطرّز أفراح الحياة بذهبها
أرسملك الفرحة على وجه الايام=وننسى السنبن الماضيات وتعبها
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة 15

مشواري من الحجاز لنجد ياقربه=لو انّك تعيرني ياطير جنحانك
واحوم حوم القطا واطير في سربه=وانصاك ياسيّد الخلان ف اوطانك
واعبرفضانجد من شرقه اليا غربه=ولا اعوّد إلا بعد ما ادل عنوانك
لجل امسح الدمع من عينٍ تحدّربه=وادعي من القلب عساها آخر احزانك
اليا طعنك الزمن في مقتل بحربه=انزع حراب الزمان بقوّة ايمانك
العمر سكة وداع وعتمة وغربه=لاتعصف رياحك ولاتمطر امزانك
ماتقدر ترجّع اللي راح في دربه=لكن كثر البكاء لايدمر اعيانك
وغلاك لولا كلام الناس لاجهر به=لكن أضف الغلا من شاني وشانك
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة 16
إهــــداء آخر للوطن


موطني يامهبط الوحي ياوهج الشموس=يافنار العلم مهد الرسالة والنبي
فيك بيت الله تهفو له اخيار النفوس=من بقاع الارض شرقيّها والمغربي
ديرتي يامنهل النور فالوقت العبوس=يازهور العشق في كل حرفٍ يعربي
لبّسوها آل السعود الحلي واغلى اللبوس=درعها الإسلام وسيوفها الشعب الأبي
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة 17
ياورود الطايف احساسي الليلة قصيد=والحروف اغصان يلعب بها ريح الصبا
كلّما ذعذع نسيم المشاعر من جديد=ذكّر المشتاق عهد المودّة والصبا
أنت ياللي شوفك وقربك وطاريك عيد=يالطيف الروح مسموح ياعذب النبا
أنت بس آمر تدلل وشتحب وتريد=لو طلبت سهيل والمشتري قلنا جبا
شوف كم لك في بنوك المحبة من رصيد=كنك أكبر تاجرٍ حط ماله فالربا
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة 18
تمهّل قبل ترحل اليا عالم النسيان=وتنسى الذي لاهو بناسي ولاداله
ولاعافك الخاطر ولاملّك الوجدان=هذ الهرج من قاله هذ الهرج من قاله
غلاك وهواك وكل شيٍّ على ماكان=على حطّة ايدك كل شيٍّ على حاله
هنا فوضويّتك وجنونك لها عنوان=وهنا الذكريات وصادق الحب واطلاله
وهداياك تملأ باحة الصدر والاركان=وينبّض لك الخفاق في مجمل احواله
سقى الله زمان الوصل ياسيّد الخلان=زمانٍ شربنا الهيل من غالي ادلاله
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة 19

ودي أزورك واشوفك يابعد حيـي= لكن بعـد المسافـة بيننـا حايـل
ياليتني في مرابـع حاتـم الطيـي= في مرقبٍ نايفٍ وابدي على حايـل
ياسلطنة خافقي وجنونـي وغيـي=الشوق لك من مشاريف الحشا سايل
ياشرقي وغربي وياشمسي وفيـي=شيّدت لك في فؤادي معلـمٍ طايل
ان قلت من نور وجهك يشرق الضيي=ردّيه عنّي اليا قالوا من القايل
وان قالوا انتي كما باقي البشر عيي=قولي انا البدر في مرقابه الهايل
أمّا أنا في غرامك ماحدن زيي=حتّى لوانّي من هموم الزمن شايل
إن قلت زانت وحلمي صار متهيي=كذا اعترضها الحقاف وحظّي المايل
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة 20
حي الله اللي فوق هام الغلا فوق=اللي رماني في بحور المودّة
اتوق له واتوق واتوق واتوق=توق الغريق لمنقذ يمدّ يدّه
اليا قريت حروفه ارتاح واروق=تقول بحّار (ن) ولف بحر جدّة
وألاّ حجازي شايف(ن)نو وبروق=مع كل نوضة برق شوفه يلدّه
الله يفرج ضيقة الصدر ياذوق=يابلسم احساسي وعطره وندّه
ياللي عليك من الحلا والبها طوق=مثل طلوع النور ماعنك صدّه
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة 21
يازين شاب الامل في زحمة ظنونـك=قتلت ود الشعـور وعمـر الاحلامـا
سجنت حرفي وانا مفتـون فعيونـك=ياما تمنيـت اصافـح ودّهـا يامـا
الله حسيبي على اللي حال من دونك=واقف على الدرب عثرة طول الاياما
ليتك تجمّل وتقبـل عـذر مفتونـك=لاتشتكينـي علـى بـاراك اوبامـا
وياورد عندي فضول اداعب غصونك=واخاف من شوكك وعثرات الاقدامـا
بادر بنفحة وصل واصيـر ممنونـك=ارسمك وانا كفـو شاعـر ورسامـا
تعال نرسم شعاع الشمس من لونـك=واكتبك حرف(ن) تعذّر عنه الاقلامـا
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة 22


الدّرر وش الدّرر غير الحكي من فمّك=والجواهر مااعتبرها غير هرج لسانك
تسمح ارحل منك فيك ومن عذابك يمّك=تسمح ارحل من جنونك ف الهوى لجنانك.
تسمح ابعثرك واشتّتك ثم المّك=واجمع اسراب القصيد التايهة ف احضانك
تسمح أظما من رواك وتسمح اروى جمّك=سيدي شكّلني ولوّني بألوانك
تسمح اسكن في شرايينك واخالط دمّك=واتربّع فالحشا وابات في وجدانك
إن تعبت اتعب معك والقلب يحمل همّك=ودي اشاطرك لوعات الزمن واحزانك
انت ياورد الحجاز اهواك واعشق شمّك=ليتني ياورد نحل(ن) ساكن(ن)ف اغصانك
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة23
لبيّك يادرّة حروف القصيدة=ياسندريلا العشق يانبض مغليك
يادانة(ن)جوف البحور البعيدة=ياحلم غواصٍ قضى العمر يرجيك
اليا انكسر مجداف جدّف بأيده=ماانساه هول البحرذكْرك وطاريك
معطيك عنوان الخفوق وبريده=على ضفاف الحلم ساري يناديك
ماكنّك إلاّ قطرةٍ في وريده=من زود حبّك مازهد لحظةٍ فيك
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة 25
ودّك تعـدّا حدّنـا ياحليـلـك!؟=ماعلمـوك انّاعرب دمّنـا حـار
لوتجلب بزيفك ورجلـك وخيلـك=قدّمك عذابٍ منْزل وسيف بتـار
نقدر من اطراف الجزيرة نزيلك=احدودنا موت وبراكين واعصار
هذا جبل دخـان ياطـول ليلـك=بعده تشوف اجبال واجبال من نار
هـذي رسالتنـا وعلّـم خليلـك=تبّت يداكم ياغريبيـن الاطـوار
اللي يحوشك حوش واعمى دليلك=رماك فدْروب المهالك والاخطار
يقول هذا دربك وشد حيلك=واللي يساق ويجري لحتفه0000
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة 26
يامرحبا في بلادك وانت قلبك وطن=قلبك وطن يسكنه عشرين مليون قلب
من حد الاردن شمال اليا حدود اليمن=ومن الخبر شرق حتى ساحل الليث غرب
هذا هو الشعب يحسب جيّتك بالزمن=ويبادلك فرحه بفرحه وحبٍِّ بحب
سلامتك ماتقدّر سيّدي بالثمن=يافارسٍ تعشقك دولة ويهواك شعب
من شاف بسمة شفاتك مايشوف الحزن=بشاشة الوجه تكفي عن طعامٍ وشرب
مدّت يمينك تشابه ساريات المزن=ولمساتك الحانية رحمة وبلْسم وطب
كأنّك البحر جودٍ ماتقفاه من=وكأنّك النود ساعة بالبشاير تهب
اقتباس:
المشاركة الأصلية كتبت بواسطة هلال العتيبي مشاهدة المشاركة
الورقة 27
في حفل تقاعد ثلاثة من الزملاء
هذا الأسبوع حثيتهم على الزواج
ولكن لاحياة لمن تنادي هههههههه


سلام الله والهاجس على بنّه طغى هيله=بدع زين البيوت وحافها واحسن قوافيها
يصب الكيف الاشقر من دلاله في فناجيله=يسوقه في يدين رجال تاخذها وتعطيها
سعد واقبال وابراهيم محور حفلنا الليله=لهم منّا الوفاء والطيب والازهار نهديها
تحيه صادقة يامنبع النور ومشاعيله=شموع(ن)تحترق لجل الدروب ومن مشى فيها
أكيد انتم مقابيس الدجى وانتم قناديله=معين(ن)مانضب يطوي بلاد الله ويسقيها
لكم درع الوفا والكل منكم مابخس كيله=يدير الشور والصعبه يعقّلها ويثنيها
أثرْكم//في رياض المعرفه فاحت مداهيله=وجيش العاديات النقع ثاير من مواطيها
وخط اقلامكم ميدان تصهل فالوغى خيله=نواياكم خيول الخير معقود بنواصيها
وفيتوا في عطاكم كل فارس حسب تحصيله=وشيّدّتوا حصون العلم وارسيتوا مبانيها
وانا اقول المعلم واجب(ن)مدحه وتبجيله=سواة الغيث يسقي جرهد البيداء ويحييها
ونبى نخرج عن الموضوع ونغيّر تفاصيله=هروج(ن)مانبى النايد من العربان يوحيها
يقولون التقاعد زين للي ماسكن حيله=يدوّر له برنسيسه تدفّيه ويدفّيها
اليا شفت الحبيب الاوّلي جفّت مناهيله=وقام يسفّط الافراح بالدّور ويطوّيها
علاك بقوم(تؤبرني) أو(اتْنيّل قتك نيله)=وهات الدّرّه اللي ماتخجّل وجه شاريها
تسوّي في حنايا الصدر تدويره وتحويله=تلمّع حلمك المهجور وايّامك تحليها
ومن ضاعت علومه ينتخي بأمّه وتدعيله=عسى ربه ييسرله اليا كثرت دعاويها
أمّا مسيار وإلاّ كهلته تعطف وتاويله=يتنّح عندها تقعد تفليه ويفلّيها
ومن فاته قطار العرس يالاصحاب عزّيله=يقرّط في عجوزه ويتجوّد في علابيها
يعذّر في جميع احلامه ويقْصب معاميله=وريعان الفشيله والنقد لاعاد يبديها
وانا خابر سعد في صدره هروج(ن)لها طيله=مرار يقولها ومرار يجْحدها ويخفيها
وابراهيم ابْلش أهل جياد وكدي بتهاويله=يسرّح كارثة والثانيه حالا يضوّيها
واقبال مسوّي المحجاه ومجهز درابيله=يطير الصيد وهو يرفع البندق ويرخيها
وانا اقول استريحوا خلّوا العرس لرجاجيله=سواة (مسّفر)اللي لن نواى حاجه يسوّيها
ابن حمدان ابن حمدان من ياصل مواصيله=يقول الثالثه لن دبّر الرحمن ناويها
وصلاة الله عدد مالاح بارق وانحدر سيْله=على من بلّغ الدعوة وصاغ اجمل معانيها


عيد العيد



اقتباس:
المشاركة الأصلية كتبت بواسطة هلال العتيبي مشاهدة المشاركة
صاحبي يافرحة العيد بعيونك=أنت عيد العيد فجره ومصباحه
قلبي وروحي وعيني يهنونك=عيدك مبارك عسى تكمل افراحه
أشهد ان العيد اخذ لون من لونك=شفت ملحك في حلاياه وملاحه
المشاعر ساع تمشي يزفّونك=ودها تفرش لك الأرض طراحة
أنت شمس الزين والغيد من دونك=من زمان اخذت قلبي ومفتاحه
لوتنادي قالت الروح ياعونك=جاك جيش الشوق فزّاع بسلاحه
ولوتروح الصين الاشواق يقفونك=طايرة فالجو والبحر سباحة
والخفوق المهتوي يعزف لحونك=مع تقاسيم الوله ينزف جراحه
مير خاف الله لاتخلف ظنونك=انت روس اموال شاعرك وارباحه
مستحيل انساك وجفاك واخونك=لوطلع فالغصن عشرين تفاحة
شوف رعشة خافقي ساع يطرونك=تقل طيرٍ حايمٍ يكفخ جناحه
إلعب براحتك واعبث على هونك=ماحدن غيرك تربّع على الساحة
في صحاري مهجتي توّرق اغصونك=القفار القاحلة صايرة واحة


زارع الشوك


اقتباس:
المشاركة الأصلية كتبت بواسطة هلال العتيبي مشاهدة المشاركة
يالله ياللي بأسمك العبد يآمن=الطف بعبدك ياللطيف الحنونا
يامنزل السلوى ويامنزل المن=يآرب كن لي فالمهمات عونا
ثم اكفنا من شر عوجان الالسن=قومٍ بمقلاع النميمة رمونا
وياقلب هوّن لاتكدّر وتحزن=اهل النميمة والحسد مارزونا
خاب الحسود اللي يعذرب ويرطن=اعرف مداه وغرزة الدون دونا
لاتلتفت فيهم ترى الحاسد اهون=تاهوا عن دروب الوفاء واجحدونا
ياليتهم صدّوا عن دروبنا ازين=والاّ بمحمود الخصال اذكرونا
بعض العرب فالمخطية رعده يدن=وبرقه يباري ساريات المزونا
والصايبة عنها يجنب ويحرن=يشكي من اوجاع الظهر والمتونا
ان جت لوازم ربعه يحن ويون=ويقول ياكبر العسر والديونا
وزنه لياجات النوايب 100طن=إلاّ لياشاف السفر والصحونا
تشوف خفّة دمّه وضحكة السن=من قوم (قطّعلي)كبار البطونا
الجاهل اللي فالمجالس تفرعن=ودّه يحطم نايفات الحصونا
وانا اخبره مثل النعامة وأجبن=ينحاش لوترمش علاه العيونا
اليا زعل واحد بلا سبّة احسن=لازاد شيّ ولانقص مال ابونا
مااخذت من ماله كبر حبّة البن=مير الزمان وعرف مثله بلونا
ياكثر مانظلم من الناس ونظن=وياكثر ماظنّوا بنا واظلمونا
اغفر لنا ياخالق الإنس والجن=وادمح خطايانا وكثر الظنونا
القلب صاير للهواجيس موطن=متنوّعة من كل شكلٍ ولونا
اليامتى؟؟يازارع الشوك ولمن؟!=وين الزهر وين الثمر فالغصونا
لوتزرع المعروف والطيّب اثمن=الشوك مجناه القهر والغبونا


غزال الحمى



اقتباس:
المشاركة الأصلية كتبت بواسطة هلال العتيبي مشاهدة المشاركة
السلام عليكم ورحمة الله

ابناء العم يسعدني ويشرفني الانضمام اليكم في هذا الصرح الشامخ

احبتي اضع بين ايديكم هذه القصيدة على البحر الطويل كمشاركه اولى

اتمنى ان تنال بعض استحسانكم

يانسيم الصبا قلبي صبا والشوق نصب علـى قلبـي سحابـة =
= جيت كلي خطا يوم الخطا درب الخطا فيه حثيـت الخطـاوي
احسب الحب واقه وانصفاقه قلت اشوفه واوقـف عنـد بابـه =
= جيت اجرب قدر نفخة صدر مدري كبر والا انا ماكنت نـاوي
البحر يغري المـلاح والمـلاح سبـاح فـي نشـوة شبابـه =
= جو هادي قمر بادي طموحي غير عـادي وكثـرن الهقـاوي
الفضول وعمى الراي وغروري والهوى كيف يخدعني سرابه =
= عقلي اوهمني وقلبي خذلني واثرني طحـت فالحـب متسـاوي
ليت من غاب عن عيني وطول غيبته يتصل حضرة جنابـه =
= كان يقوى على الهجران انا ماني على الصد والهجران قـاوي
القمر والمطر والشمس والازهار والبحر تشكي مـن غيابـه =
= جاذبية غرامه تجعل اللي فـي مـداره وفـي جـوه هـواوي
احتجب في عسام الوقت وانا ضعت في عجه وعتمة ضبابـه =
= وأصبحت شوفته متعذره في الواقع وصارت احـلام ومنـاوي
ياغزال الحمى دمعي هما والقلب روحت بـه عنـدك نهابـة =
= مستحيل اكبح الاشواق والاشواق تدوي كما السيـل النحـاوي
كلما مر طيفك داعب الخفاق من بيـن الاضـلاع وسرابـه =
= كنت احب اجتماعات البشر والحين محبوس في سجنك خلاوي
انت ياملهم الشعر وملاذ الشوق دونـت فيـك احلـى كتابـه =
= كلما ترحل من الذاكرة والعيـن احصلـك فالوجـدان ضـاوي
اعطني قلبك وعهد الهوى واطلق شنب لو وقف دونك ما اهابه =
= لو معه سيف عنتر رمح ابو زيد وشجاعة شليويـح العطـاوي
كيف اهابه وانا منجومي ثبيتي وبرقـاوي وربعـي عتابـه =
= نجرح قلوب عدوان الوطن والدين قول وفعل نجـرح نـداوي


امـــــــــــــــــــــي



اقتباس:
المشاركة الأصلية كتبت بواسطة هلال العتيبي مشاهدة المشاركة
هذه الآبيات كتبتها العام الماضي حين زيارة والدتي شفاها الله لمنزلي
ذات مساء وهي الآن طريحة الفراش دعواتكم لها بالشفء العاجل
أمـي الله يحييهـا ويسعـد مساهـا= شرفت دارنـا والبيـت نـوره تـلالا
أشرقت ظلمة النفس وتجلى ضياهـا=والخواطر بحضرتها تبختـر جمـالا
في حضور أمي الاشواق تسمو مداها=والمشاعـر تغنـي بهجـة وابتهـالا
لو بغت نور عيني ماترددت جاهـا =ولو بغت كل عمري تـم ماقلـت لالا
ماعبرنا الطريق إلا بنعمـة دعاهـا=لين صرناشموخ وعز كبـر الجبـالا
دايم تقـول وتـردد وترفـع يداهـا=الله يصونـك ويحفظـك رب الجـلالا
لو عملنـا وقلنـا مالحقنـا جزاهـا=أرضعتنا الغـلا والطيـب نبـع زلالا
يوم أبونا توفى في بدايـة صباهـا=ورثت الفقر مع بنت وثلاثـة عيـالا
استعانت بمولاهـا يسـدد خطاهـا= زادها الفقر قـوة والعـذاب احتمـالا
من شتات وغثا الايام لمـت قواهـا= تعبت وشقيت وعانت وربـت رجـالا
كانت تشوف في ضحكة ولدها دواها= وإن تعب تتعب وتسهر ليـال طـوالا
إن زعل واحد منا تعكـر صفاهـا= وإن فرح تشعل الدنيا فرح واحتفـالا
امنا مدرسة تعليمنـا فـي حماهـا= امنا كنز مكسب ثـروه وراس مـالا
واجب انا نقدرها ونشكـر عطاهـا= مابقي غير هيل فـي حلـوق الـدلالا
نسأل الله لها حسن الختام ورضاهـا= من رضاها رضى الرحمن جل وتعالى
ا

مواكب الانوار



اقتباس:
المشاركة الأصلية كتبت بواسطة هلال العتيبي مشاهدة المشاركة
السلام عليكم ورحمة الله وبركاته
مشاركة متواضعة منّي
بمناسبة قرب شهر رمضان المبارك
وكل عام وأنتم بخير

نفحات من نورٍ ومن إيمـان=ومواكب الأنوار في رمضان
أقبلت تزهو بالسكينة والهدى=متوشحاً حللاً من الرحمـن
متفائلاً بالخير بـل متفائـلاً=بالعتق بالرحمات بالغفـران
ياواحة النفس التي أرنو لها=شوقاً لشهر العفو والقـرآن
إني لألهج بالدعـاء مؤمّـلاً=صفو القلوب ولذة الإيمـان


الكحل لوحة فن



اقتباس:
المشاركة الأصلية كتبت بواسطة هلال العتيبي مشاهدة المشاركة
دخيل الدمعة اللي حولت بالكحلـة مـن العيـن=وصارالكحل فوق الخـد لوحـة فـن مرسومـة
سواد في بياض وزين زايد زيـن زايـد زيـن=ترى من ينتحر ف اهداب عينك محدن يلومـه
أبد مقوى البكا فـي ساعـة التوديـع لاتبكيـن=أنا وين اتذرّى عـن رمـاح الدمـع وسهومـه
إليا منّك بكيتي صـرت كلمـة تحتهـا خطيـن=وصرخة غير مسموعة وجملة غيـر مفهومـة
تجرعنا مرار الدهـر كـاس وبعدهـا كاسيـن=واخذنا من حلاهـا زاد طرقـي ليلـه ويومـه
تنازعنا الحلا والمر مدري كيف مـدري ويـن=لكـن المعركـة للمـر معروفـه ومحسـومـة
تقول اصبر واقول اصبر صبرنا!!!طيب وبعدين؟=غفا نجم الأمل فـي ليلـةٍ ظلمـا ومعسومـة !
أكيد العسر بعدة يسـر والشـدة عقبهـا ليـن=ترى الأعمار مكتوبة تـرى الأرزاق مقسومـة
وياحظ اللي تمسـك بالهدايـة والتـزم بالديـن=ويابخت النفوس اللي عـن الـزلات معصومـة

ضحكتك حفله




اقتباس:
المشاركة الأصلية كتبت بواسطة هلال العتيبي مشاهدة المشاركة
ضحكتك حفلـــــــــــة


جتني تهادى غيمةٍ مستقلّة=هتانها يعطر انفاس الاصباح
تهمي على قاع الفؤاد وتبلّه=تكبح لهيب الشوق والشوق فضاح
تقول ممكن توصف الحسن بالله=قول الصراحة شفت في حسني ملاح؟
قلت انتي اخذتي حلا الشرق كلّه=عندك على خزاين الزين مفتاح
انتي طلعتي للقمر في محلّه=والاّ القمر في وجهك من السما طاح
ليلك على باهي نهارك تهلّه=يامجمّع الأضداد ياعنبرٍ فاح
الوجه نور الصبح والخشم سلّه=والشعر داجي ليل والخد تفاح
والثغر نبع العد والهرج فلّة=وحواجبٍ مقرونة ورمش ذباح
والعنق عنق الريم دقّه وجلّه=وصدرك بحر مايعبره كل ملاح
ضحكتك حفلة بالفرح مستهلّة=انوارها مليون شمعة ومصباح
وباقي وصوفك باهياتٍ مطلّة=تسبي عقول وتسرق قلوب وارواح
ياخف دم الزين ياخف ظلّه=كساه ربّه بالحلا تاج ووشاح
لويخطف الأحداق محدٍ يملّه=يستعمر الخافق بلا حرب وسلاح
ان مربي عطره وورده وفلّه=يطيرله قلبي بلا ريش وجناح
مفتون في دنيا دلاله ودلّه=ايام وصله مهرجانات وافراح
راهن على روض الحشا لين حلّه=باح الحمى اللي كنت حاميه ماباح
شربت من صافي تجافيه دلّه=ومن التجافي كم تجرّعت الاقداح
عاصف هواه يتل قلبي يتلّه=الشوق له موجود ماراح ماراح


كل الطرق تؤدي الى ؟؟؟؟؟



اقتباس:
المشاركة الأصلية كتبت بواسطة هلال العتيبي مشاهدة المشاركة
ياهلا حيّا الله اللي تشرح الخاطر علومه=ساع يحكي ماتمل النفس من روعة كلامه
سلّم وشفت الذرابه واللطافة في سلومه=فاح عطر الورد من طيبه ومن رقّة سلامه
حي من هبّت به ارياح الامل واعلن قدومه=قام يسأل ويتوصّف بين قروى والسلامة
محتشم لابس ثياب العز ضافيةٍ هدومه=مير ماتخفى الاناقة والشياكة والوسامة
القمر شافه وولّى غيره وحقد وخصومه=واكتشفت ان القمر موجود في طرقة لثامه
تل قلبي تل غصنٍ جاه سيلٍ من رجومه=منحدر من عالي جبال السراة اليا تهامه
بعدها دوّرت قلبي مالقيت إلاّ رسومه=انحطم مثل الشهاب ولاقدرت اجمع حطامه
ياظريف الطول لاتبحث خفى القلب وهمومه=لاتردّه للسهر ومصاحب الليل وظلامه
كل درب يودّي لقلبي وكن القلب رومه=عشت ياقلب المروة عشت ياقلب الكرامه
وبعد دليته سألته/قال زاير من تنومه=واختلفت وقمت ارحّب ياهلا ب/اهل المنامة
واشّر بكف الموادع واظلم الجو بغيومه=ولاح برق الشوق وارعد وامطر احساسي غمامة
وغاب عنّي ماتركلي غير بعضٍ من سهومه=غايرة ف/اقصى الحشا وآثارها جرح وعلامة
راح ب/احساسي وشوقي كن الاشواق امعزومه=اتركتني واقفٍ محتار ياالله السلامة
ياظلال الشوق في قيض الزمان وفي سمومه=ياربيع الامنيات وياشذى عطر الخزامه
آه من ليل الحرير اللي كسا صبح النعومة=وآه من ورده وعنّابه ولولوه وحسامه
اعترف طير الهوى عاند فضاه وملّ حومه=اختلف ماكل شي يغريه ويثير اهتمامه
غيرك انت اللي شغلت البال في ليله ويومه=صار طيفك وشم فالخاطر وفالوجدان شامة
من تعلّق في غرامك هقوتي محدن يلومه=والله انّك تلفت الانظار ياظبي العدامة
قبل اشوفك زاهدٍ ف/الحب لااشريه ولااسومه=لو غلافه من حرير المحتوى هم وندامة
شوف ليلي راح نصّه عانها تلمع نجومه=طالبك ياالله تغفر زلتي يوم القيامة

تاااالا


اقتباس:
المشاركة الأصلية كتبت بواسطة هلال العتيبي مشاهدة المشاركة
إهداء لأخي وصديقي والد تالا وللطفلة تالا

أتت من الطهر بالانـوار تختـالا=وحولها من سناء الفجـر أرتـالا
أتت وأشرقـت الدنيـا بمقدمهـا=وأينع الورد والريحـان إجـلالا
أميرة الحسن غنّى الطير منتشياً=في روضةٍ طلعها عشقـاً وآمـالا
حوريّةً مهدها أغصـان وارفـةً=يهفو لها من شعاع الشمس شلالا
ياطفلةً ملأت عطر الورود شـذىً=في ثغرها من صباح العيد أطلالا
ملامح الحسن تسمو في ملامحها=حـوت بـراءة أجيـالاً وأجيـالا
أهديك من قسمات النجم إسـورةً=أيضا ومن ضحكات البدر سلسالا
أيقظتي الورد والازهار واحتفلت=معنا الطيور بمقدم شمسنا تـااالا
صغيرتي أمنياتي أن أراك غـداً=داعيـةً للهدى أمّــاً لأبـطـالا
أميرةً في رياض العـزّ منشأهـا=وترتدي من ثياب الدين سربـالا


انت ِ عمري



اقتباس:
المشاركة الأصلية كتبت بواسطة هلال العتيبي مشاهدة المشاركة
سئمت من الغياب وضاق صدري=وتسألني الليالـي أيـن بـدري
لحا الله الغيـاب فقـد كسانـي=ثياب الصبر حتى مـلّ صبـري
ويرهقني الأسى واليأس حتـى=يكاد من الأنين يجـفّ حبـري
أبـثّ الليـل أشواقـا وشعـراً=فيـا ويحـاً لأقلامـي وشعـري
أسرتي خافقاً حرًّا طليقاً= معذبتي فهل يرضيك أسري
على صوتي كتبت وفي المرايـا=بخطٍ من ضيـاءٍ أنـت عمـري


مشعل المنجومي



اقتباس:
المشاركة الأصلية كتبت بواسطة هلال العتيبي مشاهدة المشاركة
هذه ابيات كتبتها على لسان ابني محمد
يوجهها لعمه مشعل المنجومي وفالكم الابيات
ياعسى نو السحاب اللـي غزيـر خيالـه=يسقي ديار(ن)ربى فيها الكرم مـع قومـي
انولد في بيت جـدّي مـع كبيـر عيالـه=وصار حتى الزاد والماءبينهـم مقسومـي
ارتـدى ثوبـه وسـار بغترتـه وعقالـه=لين صار اسمه على وجه الزمن مرسومي
ياهـل المعـروف عنّـي بلّغـوه رسالـه=من معاليق الحشا اللي في فـؤادي تومـي
الـكـرم مايـعـرف إلاّ داره ومنـزالـه=عمّي اللـي فالشدايـد يوجـد المعدومـي
ماخذ(ن) جود وكرم نص الرجـال لحالـه=مثل صقر(ن)في سماء العلياء يحوم يحومي
والله انّـي يـوم افكّـر فالكـرم ورجالـه=حاتم الطائي وعمّـي مشعـل المنجومـي
اعـرف ان الجـود هـذا نبعـه ومنهالـه=وان عمّي بدر كامـل والرجـال نجومـي
علّمونـي يالنشامـا كيـف ارد افضـالـه=لـو ابيـع عيونـي وسيارتـي وهدومـي


ازرق العود



اقتباس:
المشاركة الأصلية كتبت بواسطة هلال العتيبي مشاهدة المشاركة
أزكـى سـلام الله ماهبَـت الـنـود=ومادنـدن الراعـد وهلَـت غمامـة
للي مقامـه فالحشـا مالـه حـدود=أكبر مـن جبـال السـراة وتهامـة
والله اني احبه كمـا اخوانـي وزود=وحبه مسـوَي فالضمايـر علامـة
تكفون يـا الاجـواد ودَوه لسعـود=نبع الوفاء رمـز الفخـر والكرامـة
ان جاه من صوبي خطيـه ومنقـود=ومشيت في درب الخطـأ والملامـة
أكيد انا الخسـران يامنبـع الجـود=مثل الغشيم اللي زهد فـي حزامـه
واليا وقف فالدرب حاسـد ومقـرود=وزرع بـذور التفرقـة فـي كلامـه
انا على صحبتك ياسعـود محسـود=من ناعب البيـن وغـراب الندامـة
ابشر بعزك وابشـر بحـقَ مجـرود=ولايمكـن اسـوَي سـواة النعامـة
الطيب فالك وانت شامخ كما الطـود=لبـا المراجـل والفخـر والشهامـة
وكان الرجال انواع فاانت ازرق العود=الطيب ساسك وانـت ذروة سنامـه
وكان النوايا بيضها خالـط السـود=وتاهت بنـا مـرة هنتنـا السلامـة
ماهمَني يزعـل طوابيـر وحشـود=إلاَ انت يافـارض علـيَ احترامـه
اسنـود غاياتـك وراياتـك سنـود=وانته ياابو عـزّوز هامـة وقامـة


مزهريه


اقتباس:
المشاركة الأصلية كتبت بواسطة هلال العتيبي مشاهدة المشاركة
لو بعينك ليا مريت ردّ السلام=سنّة الهادي وشرع العليم السميع
وين رايح تبختّر مثل بدر التمام=القمر لويجي جنبك حرام ليضيع
وانت تمشي تهادى مثل مشي الغمام=لاثقيلٍ بطيء ولاخفيفٍ سريع
غصن وردٍ تهصّر كن ّ مابك عظام=خايف الشمس لاتحمى عليك وتميع
ان توجهت قبلة عطرك يفوح شام=خافوا الله فينا عاد وامشوا جميع
كل خطوة غرور وكل نظرة سهام=شف ضحايا عيونك كم صويب وصريع
ليه مافهّموك ان التجنّي حرام=وان قتل البني آدم رهيب وشنيع
تبت إيد التغلّي والدّلع والخصام=اثر ماللهوى والحب عندك شفيع
راح مركب غرامي في بحورك حطام=مدّ حبّك فظيع وجزر حبّك فظيع
من غرق في بحر عينك عساه الرحام=لامكان لدخيل ولامقام لمنيع
راهن احلام عمري تحت حدّ الحسام=كن قسوتك ذيب وامنياتي قطيع
مير طبعي عنيد ولااقبل الانهزام=لاتحسب انّي اتوه بعجاجك واضيع
ودّي اعاملك بالطيب والإحترام=وارفعك للكواكب فالمكان الرفيع
وودي استنسخ الشمس وخيوط الظلام=وازرع الشوق لك في كل وادي وريع
لجل ازخرف لك اشعاري بعذب الكلام=واقطف احلى الزهر من جال روضٍ بديع
انته اسمك على صدر القصيدة وسام= مزهرية وباقة من ورود الربيع


بدر التمام

اقتباس:
المشاركة الأصلية كتبت بواسطة هلال العتيبي مشاهدة المشاركة
جيت انثر احساسي قصيدة قصيدة=وابلّغ الغاليـن عـذب السلامـي
ماهيب حيّا الله قصيـدة جديـدة=مثل الجواهر وزنهـا بالجرامـي
هديّه لراع الوصـوف الفريـدة=اللي جبينه مثـل بـرقٍ تهامـي
ماكنّـه إلاّ ماخـذ الزيـن بيـده=ولاترك حاجـة لبـدر التمامـي
الشوق ياخذنـي مسافـة بعيـدة=واطير مابين المـزن والغمامـي
وارجع لكم عاشق بلهفـة أكيـدة=هذا كلام القلـب ماهـو كلامـي
من يطلق المأسور ويفـك قيـده=القيد عذبنـي وحطّـم عظامـي
ملّيت صبر ايوب ماعـاد اريـده=شاعر وادوّر مايثيـر اهتمامـي


الاماكن


اقتباس:
المشاركة الأصلية كتبت بواسطة هلال العتيبي مشاهدة المشاركة
على طرق الجبل
وطرق الجبل على حد علمي طرق حجازي
وبالذات المناطق الجبليه من الهدا مرورا بالشفا وسراة عتيبة
(بني سعد)وبالحارث وبني مالك وثقيف حتى زهران
وفالكم القصيدة

ياقلبي اللي رهين الشوق والهوجاس حاديه=محبوس في همّه وسجن الوله والإنتظارى
يقول من غبر ليه إذا سألت وقلتله ليه؟!=وش سر هذا السهر والدمعتين اللي تبارى؟؟
نزف الجروح اغرقت بحر الصبر وادمت شواطيه=لاعاد تبحر بنا يكفي تهوّر وانتحارى
رميتني في بحور الحب وانا زاهدٍ فيه=يرضيك تمضي ثلاث ايام وعيوني سهارى؟!
اصارع امواج طيشك والغرق بانت مواريه=إلا متى مالهذا المد جزرٍ وانحسارى
هذا الهوى فضّها سيرة لعاد تجيب طاريه=خايف جنونك يودينا لمستشفى شهارى
قال انت طاوعتني فأوّل سنين الغي والتيه=وهالحين ماعاد لك رجعة ولاحتّى اختيارى
درب مشيته معي لازم توصلني لتاليه=الامر خارج من ايدينك وانا رب القرارى
قلت انت لاتلحق المقفي ولاتتبع خطاويه=نفسي عزيزة ولاترضى مذلّة وانكسارى
واهل الهوى قالوا اللي مايعرف الصقر يشويه=ماارضى المهونه وعندي عزّة النفس انتصارى
قال انت ودّك تخفّي شي وعيونك تبدّيه=شيٍّ يدارى عن العالم وشيٍ مايدارى
لاتنكر الغالي اللي من صميم الذات تغليه=مستوطن القلب حتّى لو عن عيونك توارى
نسيت حلو الكلام اللي من السانك تغنيه=من الاماكن وحتى هل رأى الحب سكارى
قلت العفو مانسيت وكل شي بحطّت يديه=ولا اقلعت رحلة الاشواق من ارض المطارى
رجعت طاوعت قلبي والصراحة مااقدر اعصيه=انا مسالم ويربطني معه حسن الجوارى
ياداعي الشوق اجيك بلهفة العشاق لبيه=وبكل رجفة خفوق وحيرة قلوب الحيارى
يازين هاك الخفوق اللي يحبّك لاتخليه=من يوم شافك وهو يمشي معك سر وجهارى
ظلّى من اوّل معك يسرح وبعد العصر اضوّيه=وهالحين خاواك لايفرقك ليل ولانهارى
من لوعة الشوق حتى نسمة الاسحار تكويه=شوفت عيونك وقربك جنّته والبعد نارا
وش صار ياصاحبي لاتهجر العاشق وتجفيه=لايفرح العاذل ولاتشمت الناس الغيارى
يامن يوديه هذا العلم عنّي من يوديه=ويقول انا حيل ميّت في غرامه باختصارى
انكان زعلان من هذي ومن هذي نراضيه=وعبر الخزامى نقدّم له تحيّة واعتذارى
وانكان شاريني انا بالذهب والدم شاريه=والله ماابيع الغلا واهل الغلا بيع الخسارى

الم غزه


اقتباس:
المشاركة الأصلية كتبت بواسطة هلال العتيبي مشاهدة المشاركة
تنفس الصبح واينع وابتسم نوره=وهام الامل في شعاع الفخر والعزّه
عامٍ جديد وبشاير خير منشورة=وفورة مشاعر لها نبض ولها فزّة
وإذا صباح الاماني طارت طيوره=جات المآسي تسابق مالها حزّة
شفت الالم منتشر بالصوت والصوره=وهموم كبر الجبال السود مرتزّة
لسان حال الالم عبّر عن شعوره=وامسى رهين الاسى والياس في غزّة
ليه القرانيس تحيا العمر مأسورة؟=وليه الاماني تعيش سنين مبتزّة؟
أجساد متمزّقة واطراف مبتورة=من شافها يحترق كنّه على جزّه
واماني مبعثرة وآمآل مقهورة=والحلم مسجون خلف الباب والرزّة
ياأمّة العُرب جرح وفار تنوره=ألم يخالط نخاع العظم ويحزّه
ورم تعدّى مداه وزاد عن طوره=متى يد ومبضع الجراح تجتزّه
يالله من نقمةٍ جت (عاد) مذكورة=تختصّ( ليفي )و(نتن ياهو) تكزّه
تمسي تلابيب دم ونار ممطورة=وتصبح سماهم لهب والارض مهتزّه

برقا وروق


اقتباس:
المشاركة الأصلية كتبت بواسطة هلال العتيبي مشاهدة المشاركة
البارق اللي يشوق العين وينوض شرق=امسيت اخيله من المغرب الين الشروق
اساهره طول ليلي واحسبه برق بـرق=قلبي مولّع وانا مغرم بنوض البـروق
يابارق الشوق اغنّي لك على كل طرق=تليق فيك الخواطر والشعر والطـروق
يابرق بينك وبين بروق الامزان فـرق=هنا يبان التميّـز والوهـج والفـروق
يابرق بلّغ سلامي وارّتفـع فـوق ورق=هذا جوابي وتوقيعي ونبـض العـروق
قل للغظي لايحاول يسرق القلب سـرق=وين انت ساري بقلبي يالمزوح السروق
لازم تردّه ولـو دونـك عفاريـت زرق=وإلاّ نويت اعتزي واجيب برقـا وروق
وعاد انت تعرف عتيبه تحرق الجن حرق=عدوهم يصطلي من نارهم والحروق
وحليفهم يغرقونه فالكرامات غرق=بحر كراماتهم بحر(ن)عظيم غروق
وصلاة ربي على الهادي كثر نوح ورق=وكثر الزهر والثمر في وارفات الوروق


جار العتيبي مايحوفه ضيم



اقتباس:
المشاركة الأصلية كتبت بواسطة هلال العتيبي مشاهدة المشاركة
الجو مشمس والمشاعر غيـم=والجاش يغلي والهواء غربـي
والروح صحراء والآماني ديم=مشهد مصغّر من صور قلبـي
والليل يسري والسهـاد مقيـم=ماانـام والآشـواق تلعـبـي
انا دخيلـك ياغـزال الريـم=لاشفتنـي لاتعتـرض دربـي
قسّمت حالي بالنظـر تقسيـم=ارحمني الله ربّـك وربّـي
هنـا ملجّـم خافقـي تلجيـم=وهناك سري نبضي وحبـي
ماكلّ زولٍ فـي حـلاه اهيـم=ولا كلّ طرفٍ يدعـي البّـي
لوكنت في صحراء النفود محيم=والنار بين ضلوعـي تشبّـي
ولو كاسكـم مزاجهـا تسنيـم=واهلك عطش ماقلتلك صبّـي
علي من ذاتي رقيـب مديـم=يلومنـي ويقـول ماخطـبـي
أنا على بيت القصيـر اشيـم=حسبي كرامة جارنـا حسبـي
جار العتيبي ما يحوفـه ظيـم=حتى لوانّه هنـدي اوصربـي

ـــــــــــــــــــــــــــــــــــــ
التوقيع


سكر زيادة


اقتباس:
المشاركة الأصلية كتبت بواسطة هلال العتيبي مشاهدة المشاركة
هاك الغلا من كف راع الغلا هاك=لاتنقص اللي مدّّك الطّيب زيده
من صاحبٍ لوتطلبه قلبه اعطاك=مقدّمٍ قلبه على راحة إيده
يغليك يعشقك ويحبّك ويهواك=هواك في دمه مشى مع وريده
وتقول عطني وقت لجل اتهجاك=أنا كسولة فالغرام وبليدة
طيّب تعال اقراك واكتبك واقراك=وانسجك فالوجدان قصّة جديدة
لاتسبق الأحداث عنها وش ادراك=يمكن احلّق بك مسافة بعيدة
وآخذك رحلة للثرياء والافلاك=صحبتك غاية والسعادة أكيدة
واتهيّلك فنجان واشربك وارواك=وادفى على ضوّك ليالٍ بريدة
واليا طلبت اغلى طلب قلتلك جاك=أنا لعيناك اطلب اللي تريده
واتغزّل بلبسك وجسمك وممشاك=واطريك واكتب في عيونك قصيدة
ياما تمنيت انّي اعيش دنياك=واعيش في جوّك حياةٍ سعيدة
ياموقد اشموع الفرح في محياك=ارحم صويبٍ شوفتك يوم عيدة
ياورد لو حفّتك ياورد الاشواك=تبقى غلا راع القصيدة وسيده
ريح البشام ونكهة الهيل والراك=بستان به كلّ الفنون الفريدة
سبحان من حلّاك حلّاك حلّاك= سكّر زيادة والمزاياعديدة


ياهاجسي (بدع ورد)


اقتباس:
المشاركة الأصلية كتبت بواسطة هلال العتيبي مشاهدة المشاركة
البدع لاخوكم هلال العتيبي

ياهاجسي ماغير انا وانـت والجيـب=سيّـر بنـا يـم الـديـار العـذيّـة
دار المكارم والشـرف والمواجيـب=منشـى عتيبـة صفـوة الشاذلـيـة
ياهاجسي فزعتك انا ب امدح شهيـب=مـن الحصـون النايفـات العلـيّـة
تستاهلـون المـدح يامنبـع الطيـب=يااهل الكرم واهل الوفـاء والحميـة
قبيلـةٍ ماحافهـا النقـص والعـيـب=فخـر ثبيـت اهـل الحـلال النديّـة
مخصبين العـز والمجـد تخصيـب=كانـوا ولا زالـو قبيـلـة قـويّـة
واخص ابو فايزعطيب المضاريـب=الفـارس اللـي مايضيّـع خـويّـه
اليـا لفيتـه حـي هـاك التراحيـب=دار ووقـار وهيـبـة ومعنـويّـة
والله مايلحقـك لـومـن وتثـريـب=وانت السحاب اللي صدوقـن نويّـه
إن قلت راي تصيب وتصيب وتصيب=كثـر الهجـاء وحروفـه الابجديـة
وان قلت شعر تهذّب الشعـر تهذيـب=جـدّك رحيّـم منهـل الشاعـريّـة
لبّي شجاعـة سالـم الزيـر وكليـب=ولبـيـه ياوقفـاتـك الحاتـمـيـة







المجاراة للأستاذ الشاعر ابو فايز فارس الشهيب

حي الجواب اللي لفى ذيب من ذيب=يجاوبـه فالحـال والنـار حيّـه
من لابةٍ توفي نهـار المطاليـب=الاد ناجـم تاخـذ العشـر ميّـه
ألاد ناجم كـان فيهـم عذاريـب=عذروبهم يوفون الاخصـام كيـه
وقفاتهم تبري جـروحٍ معاطيـب=يـوم الخيـول وسلـة النافعيـه
وفزعاتهم ستر البنـي الرعابيـب=يحكمـون السـيـف والبندقـيـه
ينومسون ضيوف ولا معازيـب=ما يدعون الطيـب فيهـم سجيـه
ذكرتني بايام ما نعـرف الشيـب=بين العيينـه والقصـر والثنيـه
يا ما رقينـا عاليـات المراقيـب=ونردد الانشـاد صبـح وعشيـه
وياما سرينا دون شكٍ ولا ريـب=علـى النقـا ونغنـي السامريـه
واليوم نرسل فالمواقـع مكاتيـب=ماعاد فينا حيـل روحـه وجيـه
والله مالي عن هل الطيب تجنيـب=ومهما نقدم فـي قدركـم شويـه
جاني جواب مرتب الحرف ترتيب=هـلال يفـداه الـردي والهفيـه
لبّى حروف النور عكف المخاليب=ولبيه لحـروف الوفـا اليحيويـه

.

معايده


اقتباس:
المشاركة الأصلية كتبت بواسطة هلال العتيبي مشاهدة المشاركة
تقبل الله طاعتكم جميعا
وكل عام وأنتم بخير
أحلى المشاعر نوخت عند بابك =تستأذنـك حتـى تهنيـك بالعـيـد
يزفها قلبـي لحظـرة جنابـك =تقبل الله صومـك وعيـدك سعيـد
العيد طرز فرحته فـي ثيابـك =ومن ضحكتك واشراقتك نوره يزيد
قلبي وروحي سايرة في ركابك =تمشي معك من دون شرط ولا قيـد
ان جيت قالت كلها ياهـلا بـك =وان غبت تجري خلفك وتطوي البيد
اضيع واذبل وانطفي في غيابك= وبكل تأكيـد اغـرق بكـل تأكيـد
عسى الزمن لو زاد خطبه يهابك =يدفـع بـلاه بعيـد وبعيـد وبعيـد

قطرة ندى


اقتباس:
المشاركة الأصلية كتبت بواسطة هلال العتيبي مشاهدة المشاركة
الليل واطياف الغلا والصبح الابلج والقصيد=ترسم ملامح خافقي في صفحة احساس الغروب
اعانداحزان الزمن واغازل النجم البعيد=واكتب دواويني على الامواج وانسام الهبوب
ياهيه ياللي شوفك وطاريك للولهان عيد=تركض لك خيول الفرح من كل فج وكل صوب
غلاك يعثى في شراييني ويجري ف الوريد=ياللي غرامك من صغر سني شربته كوب كوب
قيدت عيني ماتناظر في جمال الغيد قيد=وأسرت حرفي فيك نبض وشوق يالغض اللعوب
تعال فك اغلال حرفي ذوّب جبال الجليد=خلّ الجليد اللي كساني في دفا وصلك يذوب
واحكم على ماتشتهي يازين وافعل ماتريد=انت الامير وقلبي ونبضي واحاسيسي شعوب
إكشف حسابك شوف كم لك في فؤادي من رصيد=جاتك مقاليدالحشا يالعذب نهاب القلوب
يافل ياقطرة ندى ياضحكة الطفل الوليد=يارقّة ورود الهدا ياقسوة جبال الجنوب
سؤال ؟ ليه الناس ينقص حسنها وانته تزيد؟؟=يالابس الإحساس والحشمة وخف الدم ثوب


على عيني


اقتباس:
المشاركة الأصلية كتبت بواسطة هلال العتيبي مشاهدة المشاركة
احلّق على متن السماء والخيال جناح=خيالي لياضاق الفضاء لك يوديني
لك اسرج خيول الفكر والهاجس الجماح=خيالي بعيد بعيد يمّك يسريني
احث الخطا لك كلّما شفت برقٍ لاح= احس إنّ هذا البرق بالذات يعنيني
عيوني جزيرة حب واطيافك السواح=على عيني اطيافك تهافت على عيني
اشوفك هنا وهناك وهناك لجل ارتاح=اسافر اروح اجي خيالك مخاويني
غرامك مدينة غامضة مالها مفتاح=لها سور بابه نور دايم يناديني
ليا رحت ناداني ولن جيت صد وراح=دواليك اروح تجين اجيك وتصديني
إذا طال صدّك طار سرب الحمام وناح=وتذبل غصون الشوق داخل شراييني
أعدّ الخرز مرات يابلوة المسباح=نكبته وقطّعته وهو قطّع يديني
على شاطي الحلم انتهت رحلة الملاح=وداعاً وداعاّ حلمي وماضي سنيني
هنا يمكن اودّع جروح الهوى ياصاح=واغيّر مساراتي واغيّر عناويني
إذا كان هذا البنك يخسر بدون ارباح=ولوكان ديكوره ورود ورياحيني
وإذا كان هذا الدرب عصف ومطر ورياح=رجاءً رجاءً غادتي لاتحبيني
أنا عاد ناقصني سهاد وسهر وجراح=تكفيني جروحي جروحي تكفيني


نجمة الصبح


اقتباس:
المشاركة الأصلية كتبت بواسطة هلال العتيبي مشاهدة المشاركة
نجمة الصبح لك هـذا الخطـاب=اخرجي من ورى الغيم اخرجـي
واعديني على متـن السحـاب=واصدقيني وانا فالوعـد اجـي
لجل افصّل لـك القمـرا ثيـاب=والثريـا سـريـر وهـودجـي
واشتريلك مـن الجـوزا كتـاب=فيـه سـر الغـرام ومنهجـي
مازجة دمـي بلـون الخضـاب=كيـف هـذا بهـذا يمـزجـي ؟!
خبريني عـن اسبـاب الغيـاب؟=قبـل روحـي لربـي تعرجـي
لهفتي وايقـة روس الهضـاب=والولـه فالخفـوق يلجلـجـي
في ضلوعي هجير وشمس{آب}=والعطـش فالعـروق يعجعجـي
في صحاري هواك اتبع سـراب=بين يمكن وليت أرجـي رجـي
لين راسي من الاهـوال شـاب=وصار ليلي كما الصبح ابلجـي
تعب حرفـي وتعبـن الركـاب=وهبّت الريح واطفت مسرجـي
واقتنعت!! الهوى قطعت عذاب!!=وصرت احاول وادوّر مخرجـي
توبة أسريـك ياليـل وضبـاب=وتوبة أمشيـك دربٍ أعوجـي
كان حظي عمى وهو شبـاب!!=وصار هالحين اصـمّ وأعرجـي
دوك قلبي مـن الصكـات ذاب=يالحبيـب الخصيـم الدعوجـي
نجمة الصبح لك هـذا الجـواب=لـو سمحتـي أبـد لاتخرجـي !!


رسالة مع البدر


اقتباس:
المشاركة الأصلية كتبت بواسطة هلال العتيبي مشاهدة المشاركة
يابدرياللـي فالعلالـي مبـاديـك =لاواهنيـك كـل غالـي تشـوفـه
تشوف منهو بالوصايف يحاليـك =بدر{ن}وصوفك نابعةمـن وصوفـه
تعطيه من شلال نورك ويعطيـك =حتى حروف اسمك تشابه حروفـه
الله عليك الله مااحلـى مساريـك= الكون كلّـه فـي دقايـق تحوفـه
خذني معك يابـدر ودي أماشيـك= وارقى على متن السحاب وكتوفـه
يليقلي يابـدر اصاحـب معاليـك =واجني عناقيد الشرف من قطوفـه
ويليقلي حتى السكن في علاليـك= وأكيـد مايلحقـك لـوم وكلـوفـة
وإنكان مـاودّك خـويٍّ يخاويـك =هذا جواب مظرف{ن}فـي ظروفـه
ودّه لخلٍ فـي بهـاك ويشاديـك =واسأل عن اوضاعه وجملة ظروفه
قلّه ترىالأشواق تعصف ب غاليك =مغرم صبابـة كـل نسمـة تلوفـه
قلبه تصدّع من جفـاك وتغليـك =واستوطن الهـم المكثـف رفوفـه
يحن قلبـه كلمـا حـلّ طاريـك =شوفك بخير اغلى منـاه وشفوفـه
اسمع وصاتي يابدر يوم اوصّيّـك= خلّـي وصوفـه بينـه ومعروفـه
ماقلتلك يشبهك وايضـاً يحاليـك= حتى حروف اسمك تشابه حروفـه


ود العمر


اقتباس:
المشاركة الأصلية كتبت بواسطة هلال العتيبي مشاهدة المشاركة
ود العمـــــر


وديت ود العمـر مـن كثـر ودي=للغالـي اللـي ود قلبـي ووديـت
وش عاد اجيب من المشاعر وودي=يا كثر ما جابت هجوسي ووديـت
يا فل يا ريحان يا غصـن وردي=في غيرك من الغيد ما عاد لديـت
ما بيننا هجر وخصـام وتحـدي=إسأل عن اللي شيد القلب لك بيـت
واعدتني صاندي وصاندي وصاندي=كم صاندي يطوفنا وانت ما جيت
اسرع تعال وحط يـدك فـيـدي=نسهر على شط المواليـف ونبيـت
وانفصـل الاحـلام قـدك وقـدي=فنار نور يشتـت الليـل تشتيـت
نويت اقاسمك اجمل العمر عنـدي=واهديك كل اللي هويت وتمنيـت
وان كان ناوي عن عيوني تصدي=انا لـي الله كـان عنـي تخليـت

سندريلا


اقتباس:
المشاركة الأصلية كتبت بواسطة هلال العتيبي مشاهدة المشاركة
الشعر في حضرة عيونك وشيقـول=في حضرتك شمـوخ بيتـي وقافـي
دمّك خفيف وذوق والهرج معسول=تغرق وتشرق من حـلاك القوافـي
جذّاب نهاب وحضـاري ومجمـول=جمالك اسطـوري وجـوّك خرافـي
نظرة من عيونك تعادل سفر حـول=بين السواحـل والمـدن والمرافـي
بيني وبين عيونك الشوق مرسول=يزورني مع هجعـة النـاس لافـي
في غيبتك تهطل على عيني اهطول=أطيافك اللـي بالغـت ف اختطافـي
اتخيّلك كوكب على المزن محمـول=أوسندريـلا فـي ثيـاب الزفـافـي
تسري بي اللهفة على دربك خيول=تقطع بـي البيـداء وقفـر الفيافـي
يزهر ربيعي في حضورك على طول=وفي غيبتك ترعد سحابـة جفافـي
مشاعري هتان واشواقـي سيـول=والقلب يعصف بالضلـوع النحافـي
أمشي مع العالم واناشبـه مذهـول=خطوة أمام امشي وخطـوة خلافـي
وان قلت لاهل الطب شوفولي حلول=قالوا علامـك طيـب(ن) ومتعافـي
وان قلت عالجني تراك انت مسؤول=يازارع الغيرة نخـل فـي ضفافـي
ينظر بعين الكبر ويقول لاحـووول=يجحد وعينـه تعلـن الإعترافـي
ياخيبة العنقاء وياحسـرة الغـول=موتوا قهر حصلت لـي خـل وافـي
واقف على شرياني بسيف مسلـول=ومشاعري طـوّح بهـا ف المنافـي
وإن كان باقيلي من اشواقي فلـول=اجهز عليهـا ب الهجـر والتجافـي
أكثر جروحي قيدت ضـد مجهـول=ولا مانع إنّك ترتكب جـرح اضافـي
الموت في دنياك مقبـول مقبـول=لو كل يـوم امـوت ماقلـت كافـي
ـــــــــــــــــــــــــــــــــــــ
التوقيع


ورد الحجاز


اقتباس:
المشاركة الأصلية كتبت بواسطة هلال العتيبي مشاهدة المشاركة
الدرر وش الدررغيرالحكي مـن فمـك=والجواهرمااعتبرها غيـر هـرج لسانـك
تسمح ارحل منك فيك ومن عذابك يمـك=تسمح ارحل من جنونك ف الهوى لجنانك.
تسمـح ابعثـرك واشتتـك ثـم المـك=واجمع اسراب القصيد التايهة ف احضانك
تسمح أظما من رواك وتسمح اروى جمك= سيـدي شكلـنـي ولـونـي بألـوانـك
تسمح اسكن في شرايينك واخالط دمـك= واتربـع فالحشـا وابـات فـي وجدانـك
إن تعبت اتعب معك والقلب يحمل همـك= ودي اشاطرك لوعـات الزمـن واحزانـك
انت ياورد الحجاز اهواك واعشق شمـك= ليتني ياورد نحل(ن) ساكن(ن) ف اغصانك


وقع بجرحك


اقتباس:
المشاركة الأصلية كتبت بواسطة هلال العتيبي مشاهدة المشاركة
توّجتنـي بالغـلا ياسـيّـد احبـابـي=وزرعت دربي غرام وروعـة وحيـرة
يازين احبك كـذا وانـا لـي اسبابـي=شف كثر حبك علـى قلبـي وتأثيـره
غـلاك ياقايـد الـغـزلان ماغـابـي=القلب في كل وقت يحيب لـك سيـرة
طارت بي اشواقـي لدنياكـم اسرابـي=وهاجت لك شجوني وقلبي كفخ طيـره
تـو ابتدينـا هوانـا طفـل ماشابـي=أهــواك أوّل مناغـاتـه وتعبـيـره
تعـال وقّّّـع بجرحـك داخـل كتابـي=وافتح قفص صدري وطيّر عصافيـره
تعـال مـاودي اشقابـك وتشقـابـي=تعال حـب وغـرام وشـوق لاغيـره
أخاف شوقي يرمّـد وانـت الاسبابـي=صمتك غموضك صدودك صعب تفسيره
تعـال ولّعنـي ولا تحـرق اعصابـي=لاتسجن الحب بيـن الشـك والغيـرة


الصمت والبوح


اقتباس:
المشاركة الأصلية كتبت بواسطة هلال العتيبي مشاهدة المشاركة
باب الغلا مفتـوح والقلـب مفتـوح=ياللـي سكنتـي فالفـؤاد وحكمتـي
دام العدل والظلم فالحـب مسمـوح=الظلم كل الظلـم لـو مـا ظلمتـي
حبيبتي يذبحنـي الصمـت والبـوح=ويذوب صمت البوح في بوح صمتي
جيتك وانا كلي احاسيـس وطمـوح=ليلة على نبض المشاعـر زهمتـي
عبرت لك عن حب واضح ومفضوح=وانتي عن البوح اعذب البوح صمتي
قاومتي التيـار باصـرار مجـروح=بين الحكي واللا كـلام اعتصمتـي
واخيرا امطرتي غلا قبـل لا اروح=لوحات من فنـك وذوقـك رسمتـي
وغرد على غصن الهوى بلبل الدوح=وحلقتـي بعيـد بخفوقـي وحمتـي
وهب النسيم وذعذع بعطرك يفـوح=وادبر عسيم الليل سـاع ابتسمتـي
وبصمتي بلطفك على الفكر والروح=حتى على نثري وشعـري بصمتـي


اصدق احساس


اقتباس:
المشاركة الأصلية كتبت بواسطة هلال العتيبي مشاهدة المشاركة
يامهبط الشوق نبض القلب يهوي إليـك=على قناديـل ذكـراك اسمـر وأسهـري
تعال نبض وغرام وشوق واحساس أبيك= تعال فزعة عتيبـي مـع كـرم شمـري
إن ما احتويتك غلا عشق وغرام احتويك= انا اصدق احساس شاعر بالمشاعر ثـري
وإن ماشربتك قراح ونبع حتى ارتويـك= فأنا حبالي عن عـدود الـروى تقصـري
في مسرح الجرح شف دمي ينادي عليك= مع إنك القاتـل اشوفـك بعينـي بـري
على رصيف المواجع والجروح احتريك=استمطر السيـف والسكيـن والخنجـري
واكتب على الناصية من دمي اموت فيك=يالعاشـق الملهـم ويالقاتـل العبـقـري
الله على كل طعنـة ذقتهـا مـن يديـك=ومع كل ذلك لوتناظـر لجرحـي بـري
في عين شاعرك مالك فالحلايا شريـك=أغلى من الماس عند التاجـر الجوهـري
مزجت فن وجمال وموضة ولبس شيك=اريام تغـار منـك وزينـب العسكـري
الشعر لوما تجيه بطيب خاطـر يجيـك=تشهد على ما أقـول اقلامـي ودفتـري
شعري ونثري وحبري كلهـا تهتويـك=صايـر أجـاري أبوتمـام والبحـتـري
حشاي حشاي ما اكتب فيك بيتٍ ركيـك=قصايدي في حضورك تزهـر وتثمـري
توجك شعري على عرش القصايد مليك=وعلقت صورتـك فالمريـخ والمشتـري
ليت الغرام ابتدا بـك والهـوى ينتهيـك= أحلى العمر في مرابع نورك الأزهـري



وهل يخفى القمر


اقتباس:
المشاركة الأصلية كتبت بواسطة هلال العتيبي مشاهدة المشاركة
على طرق خالدعبدالرحمن وناصر القحطاني (الردية)
يسعد صباحك يالجيـن الفضـة ويسعـد مسـاك =الطايف اشرق بك ونوّر يـوم جيـت مـن السفـر
قضيت صيفي في ربوع الطايـف اللـي ماخفـاك =وانت استوى لك جوّ شرم الشّيخ والنّيـل ومصـر
أهلا هلابك كثر ماسـارت علـى دربـك خطـاك =يامرحبابـك ياغلـى عمّـري تراحـيـب المـطـر
نهبت قلبي غصب عنّي مـن قبـل لااقـول هـاك=بالمختصر قلبـي معـك قلبـي معـك بالمختصـر
سحرتني واتعبتني واشقيت روحـي فـي هـواك= هرجك سحر ضحكك سحر حبّك سحر كلّـك سحـر
في غيبتـك يافاتنـي دارت علـى قلبـي رحـاك= ولو تسبر اغوار الحشا تلقى الفـؤاد ادهـى وامـرّ
وتقول وينك فين رحت وليـش غايـب وشبـلاك =انظر هنا واسـأل هنـا وابحـث هنـا مالـك أثـر
هـذي قويّـة لاحشـا مااصـدّ وابعـد يـامـلاك =أنـا الوفـاء طبعـي ولااحـبّ الخيانـة والـغـدر
اتبـع أثـر حرفـي وتلقانـي هنـا وإلاّ هـنـاك= ارسمك فالمعنـى وفالمغنـى وفـي بيـت الشعـر
شف كل حرف من القصيدة كيف ينبض من غلاك =هيل ومواويل وسوالـف ليـل فـي جلسـة سمـر
احاول اكتب لـك شعـر راقـي يليـق بمستـواك= واحـاول اهديـك اللآلـي والجـواهـر والــدرر
اخذت من شمس الشموس ومن سناء الفضّة سناك=واخذت شي من الندى واخـذت شـي مـن الزهـر
اموت فـي شلالـك اللـي مـن ثريـاك لثـراك=والخدّ الازهر والعيون اللـي خـذت لـون البحـر
إذا مشيـت تزفّـك النسمـة كمـا عــود الأرآك =لافيـك خلّـة حــال ولا زود طــول ولاقـصـر
إلاّ على طاري الأرآك اغار مـن عـود السـواك= لحظة يسيّر فـي حمـى الشفّـة ويـدرج فالثّغـر
واغار من حنّـاك والنّقـش المـورّد فـي يـداك =واحقد علـى السّلسـال والعقـد المعلّـق فالنّحـر
مشاعري غيمة تثـجّ الغيـث مـن نـوّ السمـاك=تكتب على خـدّ الثّـرى احبّـك وتنحـت فالصّخـر
شمسي وكوكب عمري وقمراي في صدري سمـاك= لو غيّبوك الناس عن عينـي فهـل يخفـى القمـر


لا تكسفين الشمس


اقتباس:
المشاركة الأصلية كتبت بواسطة هلال العتيبي مشاهدة المشاركة
ياهيه ياللـي رض روض الحشـا رض=رض البرد روض الزهـر ليـن هلّـه
ياللي بوجـه يشبـه الصبـح عّـرض=لاتسفـك الــدم الـحـرام وتحـلـه
قلبـي مـن امـواج المحبـه تنـقـض=سـواة شاطـي تلّـه الـمـوج تـلّـه
ويشبه كسيـر جنـاح ياقـع وينهـض=مـن رعـب قناصينـه يخـاف ظلّـه
لا فض ثغر ( ن ) ضحكته زهر لا فض=باقـة ورود وبينـهـا شـفـت فـلّـه
من نافـذة بيتـك مـلا نـورك الارض=لا تكسفيـن الشمـس خافـي مـن الله
اشرق بك الوجدان بالطـول والعـرض=أنتـي ربيـع القلـب شمسـه وظـلّـه
فرضتي اسلوبك علـى دنيتـي فـرض=جـوك غـرامـك عالـمـك ماأمـلّـه
القلب يمشـي فـي غرامـك مغمـض=ماغـيـر أحــلام الـمـودة تـدلّـه
بالطيـب متسلـح وبالـعـز مكـتـظ=يهـوى السمـو ولايطـيـق المـذلّـة
لكـن انـا دايـم يعانـدنـي الـحـظ=أخشـى غـرام يـزود الطيـن بـلّـه
واخشى من اطيافك على العين تنقـض=ويطيـر عـذب النـوم دقـه وجـلّه
[/poem]


لا ماتقاعد



اقتباس:
المشاركة الأصلية كتبت بواسطة هلال العتيبي مشاهدة المشاركة
أخوي صنداح الزلامي كتب لي بيت يقول
كل قصايدك غزلية؟ طيب ياصنداح هذي القصيدة كتبتها
في حفل تقاعد الزميلين المعلمين الفاضلين
الأستاذ يحيى الزهراني
والأستاذ عبدالله الصخيري
والصخيرات ينتمون لقبيلة ثقيف العريقة

يالله ياللي تنـزل الغيـث تنزيـل=رب الأراضي والبحـور وسماهـا
يرجع لك امر الكون جملة وتفصيل=ياعالـم بجهـر النفـوس وخفاهـا
توفق اللي جمّـل العلـم تجميـل=انهـى مشاويـره مثـل مابـداهـا
يوفّي الميـزان مايبخـس الكيـل=النفس فـي خدمـة بـلاده عطاهـا
يحيى وعبدالله كما البـدر وسهيـل=تقـدّي السـاري ويجـذب سناهـا
ماحوّلوا عن دوحة الشرع تحويـل=في ظلها فـي نورهـا فـي هداهـا
وابدأ با أبو فيصل عذيّ المناهيـل=جتـه المكـارم طايعـة واحتواهـا
لاهان ظَفرٍ ٍكمّـل المجـد تكميـل=أرسى عمد عال الحصـون وبناهـا
مثل القمر ينشاف لاعسعس الليـل=جملة دروب العـز يحـيى مشاهـا
لا ماتقاعد عـن علـوم الرياجيـل=نهر الكرم كـل المراجـل نصاهـا
بالطيب والمعروف يجري كما النيل =بحر الشيم طـب الكبـود ودواهـا
يسجـل التاريـخ للشهـم تسجيـل=مـواقـفٍ ياكثـرهـا يـاحـلاهـا
ان جاء نهارٍ فيه عدل وبـه ميـل=كـل المشاكـل قبـل تاقـع رفاهـا
يفضّل اصحابه على النفس تفضيل=يجحد هـوى نفسـه وينكـر آناهـا
في قصة العمران وسعـود تدليـل=علـى علـو الهمـة ومستـواهـا
له الثناء من روس ذباحـة الحيـل=الفتنـة بحكمـة وحنكـة طفـاهـا
حلحيل حـلالٍ وحـلالٍ حلحيـل=الرايـة البيضـاء ابـد ماطـواهـا
اليا ركا للحمـل مايرغـي شعيـل= لـو حملتـه حملـة قبيلـة قواهـا
تشهد له عتيبه وتشهد لـه هذيـل=طيبـه ومعروفـه تعـدى مـداهـا=
شيخ وعريف وشهم بالفطرة اصيل=مـن عـزوةٍ نفخـر بهـا ونتباهـا
زهران في الدنيا شموع وقناديـل=عاشوا مصابيـح الليـال وضياهـا
وعبدالله استـاذ الحكـم والتعاليـل=إشفاهـنـا بالإبتسـامـة مـلاهــا
سوالفه عذبة تسابق كمـا الخيـل=احلى الطرائـف والنـوادر رواهـا
راع الكرم في حلتـه والمعاميـل =ثقيف اساطير الكـرم مـا كماهـا
العود الازرق واشقر البن والهيـل=وهاك الحلال اللـي يـذّري ذراهـا
ترحيبهم يشفي النفـوس المعاليـل=نعم الرجـال اللـي ينشّـط نباهـا
وقبل الختام وكثرة القـال والقيـل= ننثـر لكـم ودّ النفـوس وغلاهـا
ولكم من الشاعر تحيـة وتبجيـل=اهل الثنـاء تحمـد وتعطـى ثناهـا
ومن زملاكم تـاج عـز واكاليـل=تعبير عن طيب القلـوب وصفاهـا
وصلاة ربي عد ماعـاود السيـل=علـى الديـار المسنيـات وسقاهـا
على النبي المصطفى صفوة الجيل=ماهبّت الغربي وذعذع هواه
ا


بدون عنوان

الله من قلبٍ همومه تباريه=ماله عن مواجه همومه مناصي
ويغثنـي بالشعـر حـيً ورط فيـه=يقول هـذي مهنتي واختصاصـي
واليـا سمعـت ابياتـه الله يخلـيـه=من دون طعم ولون مثل المواصي
بحر الشعر ياكثرهم جـو شواطيـه=وغرقوا من الاقدام الين النواصـي
قليـل مـن يختـار قافـه ويبنـيـه=ويقْنص من اسراب الخيال اقتناصي
تجنح بك ابياته اليا منتهى التيه=كنّك مصيّف في ربوع النماصي
تحس بيتـه مختلـف فـي معانيـه=كنّه بطعـم السكّـري والخلاصـي
وإلاّ أنـا ملّيت مـاعـاد ادانـيـه=قلق سهر غـم وهمـوم ومعاصـي
ماني كماي اوّل على حطة يديه=انا من اليوم متمرّد وعاصي
اللي ورد في محْكم الذكْـر طاريـه=(آيـات )للشعـار فيهـا انتقاصـي
في كـل وادي دايـم يهيـم راعيـه=ومن خلفه الغاوين دانـي وقاصـي
بئس الخوي اللـي يوهّـق مخاويـه=ورا إمريء القيس لهذيك العراصي
إلاّ الذي فـي نصـرة الديـن لبيـه=واللي بقـى يالله عليـك الخلاصـي
ودّي أعدّي عالي الرجـم وارميـه=وإلاّ اكْتفه واطلق عليه الرصاصـي

يشتتني ويجمعني

القلب يااهــل الملامــة لاتعذلــونــه
دعني على مااشتهي ياعاذلي دعني

ان هب برد الصبا لبيه يـــاعونـــه
وان ذعذع الغربي الغربي يولّعني

توهّجـت جمـرة الهـاجس وغليونه
وغنّيت حتى جميع الناس تسمعني

يـاهيــه مشاعري ماهيب ليمـونـه
ولا فيه شي عن قناعاتي يزعزعني

لاتستفــز الحشا وتهيّض شجــونــه
بالمنطق الإنتهازي صعب تقنعني

من يعشق النفخ عفواً صار بالونه
لسان حالــه يقول انا هنـــا يعني

يستجدي المدح بالْسانــه وبعيونــه
وانا سلومي عن الهفوات تمنعني

اللي بعينه يشوف الناس من دونه
اموت ولا ارتجي هالوجه ينفعني

الروح في صحبة الاجواد مرهونه
مــاعــاد يمديك تقلعني وتزرعني

روّضت حرفي ماعاد اطاوع جنونه
على هوى النفس والخاطريطاوعني

زمان كنت استشيره واتبع ظنونــه
كـــان يتدلّل ونــزواتــه تــروّعني

وهالحين صارالقلم يكتب على هونه
لــو ازهــم الابجديــه جــات تتبعني

اليا مدحـت امـدح اللي يستحقـونـه
اشـاور العقـل قبل القلـب يدفعنـي

ماكلّ زول انخدع في شكله ولونه
ولا كـلّ طيفٍ يشتتني ويجمعنـي


الغيم لو داعب جبـال السـراوات=الشعر ينبت مـن ربـاه ووهـاده
ياللي تحرضني على بدع الابيات=ماعادلـي فالشعـر شـفِّ وراده
احسن منه لو انّي اقرالـي آيـات=بعد الفريضة في بيـوت العبـادة
وإلاّ اركع اليا هوّد الليل ركعـات=وقت السحر والليل مسدل سـواده
وارفع يديني تالي الليـل لحظـات=لحظات ربّـي يستجيـب لعبـاده
فالثلث الآخر تستحـب المناجـاة=ومغادر فراش الدفـى والوسـادة
تجري بنا الدنيا بـدون اتجاهـات=احيان نغوى عن دروب الرشـاده
واحيان نمشيها على كيف ماجات=ماهيب حسـب المعرفـة والارادة
ندلّهـا مـرات ونضيـع مـرات=ولا كل مخلـوقِ يحصّـل مـراده
بين الفرح والحزن نقطع مسافات=فيهـا نـدوّر للونـس والسعـادة
احلامنا كالغيـم غطّـا مساحـات=لكن مايصفـى لـلارض بـوداده
المسعد اللـي ماغـدا فالمتاهـات=قـدّم لنفسـه قبـل تبلـى جـداده
والشعر ماهو من عظيم الكرامات=هرج العـرب والابجديّـة مـداده
مليون شاعـر عانهـم فالقنـاوات=شباب واطفـال وبنـات وعـواده
كلَّ يقـول انـا زعيـم المهمـات=الفـارس اللـي ماتعثّـر جـواده
ثلثينـه مهايـط ورب السمـاوات=يحتـاج جـرّاح ودوى فالعيـادة
الشعر يبقى حي لو شاعره مـات=وبديوي الوقداني اصْـدق شهـادة
وفالحاضر الراهن رموز وعلامات=وكلِّ يدوّرلـه مثـل مـن بـلاده
اشعارهم تاريخ مجد وحضارات=تبقى على صدر الليالـي قـلادة















التوقيع
إذا شئت أن تحيا سليما من الأذى=وحظك موفور وعرضك صين
لسانك لا تذكر به عورة امرىء=فكلك عورات وللناس السن
وعينك إن أبدت إليك معايبا = فصنهاوقل يا عين للناس أعين
وعاشر بمعروف وسامح من اعتدى=وفارق ولكن بالتى هى أحسن
رد مع اقتباس
غير مقروء 22-Dec-2009, 10:56 PM رقم المشاركة : 2
معلومات العضو
عبدالله الجـــذع
مشرف منتدى قصه وقصيده

الصورة الرمزية عبدالله الجـــذع

إحصائية العضو






التوقيت


عبدالله الجـــذع غير متواجد حالياً

افتراضي

ابو ريان انا اشهد انك وافي وماتسبق على الطيب

لاشلت يمينك ياطير حوران


وصح لسان فيلسوف الهيلا ومبدعها الجميل هلال العتيبي


مبدعين كلكم


محبكم















التوقيع
قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


.
قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

.

موقع يضم جميع القراء


هنا
رد مع اقتباس
غير مقروء 22-Dec-2009, 11:15 PM رقم المشاركة : 3
معلومات العضو
ابن صنهوت

رابطة محبي الهيلا

إحصائية العضو






التوقيت


ابن صنهوت غير متواجد حالياً

افتراضي

لاهنت يابن سرحان على هذا الجهد وصح لسان هلال مبدع















رد مع اقتباس
غير مقروء 30-Dec-2009, 04:43 PM رقم المشاركة : 4
معلومات العضو
فايز بن سرحان الثبيتي

مشرف منتدى قصائد الاعضاء


الصورة الرمزية فايز بن سرحان الثبيتي

إحصائية العضو






التوقيت


فايز بن سرحان الثبيتي غير متواجد حالياً

افتراضي

عبدالله الجذع


لا شك ان شاعرنا يستحق كل هذا الزخم ولكن مرورك على الموضوع اضافه بلا شك


تحيتي لتواجدك هنا















رد مع اقتباس
غير مقروء 03-Jan-2010, 07:46 PM رقم المشاركة : 5
معلومات العضو
مايكبرني لقب
عضو نشيط
إحصائية العضو





التوقيت


مايكبرني لقب غير متواجد حالياً

افتراضي

شاعر يستحق كل الشكر والتقدير


قصائد بأسلوب مشوق لها قوة تأثيرها


وجزالة مستواها تحرك كوامن القلوب


نجده هنا ينقلنا من فن الى فن ومن روض إلى زهر ومن غدر إلى غدير



قصائد فياضة جياشة عامرة بالشعور والفن والإبداع



هنا اقف تقديرا واحتراما لجمال قصائدك اخوي هلال


ولك شكري وخالص تقديري















آخر تعديل مايكبرني لقب يوم 03-Jan-2010 في 07:50 PM.
رد مع اقتباس
غير مقروء 09-Mar-2010, 07:37 PM رقم المشاركة : 6
معلومات العضو
بندر المنجومي
عضو نشيط

الصورة الرمزية بندر المنجومي

إحصائية العضو





التوقيت


بندر المنجومي غير متواجد حالياً

افتراضي

السلام عليكم ورحمة الله وبركاته

لي طلب من الاخوان الذين حقيقه ماقصروا ولا يبون يقصرون فالامور هذي انه عندما يكتب عن شاعر او عن ديوان شاعر ان يكتب كامل الاسم للشاعر لكي لايحدث تشابه للاسماء وتصبح الدعوة هجاني والمهم ان يكتب كامل الاسم والفخذ الذي ينتمي إليه ,,,


هذه وجهة نظر والله لايهينكم على هذا الجهد















رد مع اقتباس
غير مقروء 10-Mar-2010, 06:30 PM رقم المشاركة : 7
معلومات العضو
هلال العتيبي
شــــاعر نظــم
إحصائية العضو






التوقيت


هلال العتيبي غير متواجد حالياً

افتراضي

اخوي ابن سرحان
ماقضرت وبيض الله وجهك وافي طال عمرك
ومهما قدّمت في حقك قليل
ومن لايشكر الناس لايشكر الله وانا اخوك
وانت راع الاوله يالغالي

وسوف أكتب قصائدي الجديدة على شكل ردود
حتى يضيفها اخوي ابن سرحان الثبيتي
للديوان

وعشان لايزعل اخي بندر المنجومي
انا هلال بن غازي المنجومي
ودمتم على العز والطاعة















رد مع اقتباس
غير مقروء 12-Mar-2010, 08:44 PM رقم المشاركة : 8
معلومات العضو
بندر المنجومي
عضو نشيط

الصورة الرمزية بندر المنجومي

إحصائية العضو





التوقيت


بندر المنجومي غير متواجد حالياً

افتراضي

ونعم والله يابو شادي وتستاهل الكثير















رد مع اقتباس
غير مقروء 01-Apr-2010, 03:24 PM رقم المشاركة : 9
معلومات العضو
غازي المقاطي 511
عضو فعال

الصورة الرمزية غازي المقاطي 511

إحصائية العضو





التوقيت


غازي المقاطي 511 غير متواجد حالياً

افتراضي

هلال العتيبي شاعر متميز















رد مع اقتباس
غير مقروء 30-May-2010, 07:29 PM رقم المشاركة : 10
معلومات العضو
أبوبدر
عضو فضي
إحصائية العضو






التوقيت


أبوبدر غير متواجد حالياً

افتراضي

ونعم والله يابوشادي وتستاهل الاكثر















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »07:41 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي