يستاهل أبو بندر شيخنا وتاج روسنا أذا مالبينا دعوته مافينا خير
دعانا شيخنا شيخ القبيله=ورانا في لزومه مانجي له
يجي له كل طيب ويتشرف= هو اللى فالحقيقه ينعنى له
كمنه شيخنا منا وفينا= عريب الجد من ساس الفصيله
اليا منه دعى ربعه وجوله= ينال العز باليمنى الطويله
ولاصكو عليه اولاد عاضى =حمول الخيل من روس الدويله
رجال العرف ورجال المروه=لهم وقفات واسلومن جليله
واذا جات المواقف بالتحدى=وكلن قام يقدح من فتيله
على رايك يابو بندر حضرنا=تشرفنا مواقفك النبيله
حضرنا ونت زيزوم الزعامه= زعامه جد ماهي مستحيله
زعامه من بنوها واحتموها=اهل عمهوج مروين الصقيله
هل الجوخ الحمر في وقت دوره=اليا لبسو وعنو كل أصيله
نهارن فيه للطيب شهاده= وفيه اللاش من ضمن الحليله
عوايدهم يفكون المتلى =اليا جاء الهوش في تال الدبيله
واهل قاله واهل بيتن مشيد= يزبن من نصاه ومن يجي له
خذو في قمه المجد الصداره= رفيعين النفوس اعن الرذيله
وانا لو قلت مجروح الشهاده=انا فردن من افراد القبيله
شهد برغش بقوله واعترافه= نهار السيف يطرقهم عويله
اعواء عمهوج في روس الطنايا=اعواء ذيبن على راس الطويله
وشهد هذال أخو هملا ونامي =وزكاهم جمل ناقض جديله
بعد جابوه من بين السرايا= وحذف الروس ماله من يشيله
وبعض أفعالهم تصعب عليه=شرحت الوضع بابياتن قليله
زمانن فاتنا خيره وشره=وربي عاضنا خيراً بديله
تحت ظل الشريعه والسياده=وحكمن جعل ربي مايزيله
طلع صقر الجزيره واستلمها= وعاشقتيه يالعذراء الجميله
وازال الشرك عنها والجهاله=وبان النور والحق ودليله
وعاهدناه عهدن مانبوقه= وغال الروح يرخص في سبيله
وصلى الله على خير البريه=عدد ماهل همال المخيله
ومليون نعم بربعك العضيان وبشيخك شيخنا
والضيطه تاريخ وملاحم محط فخر لعتيبه قاطبه
يستاهل القصيده الرائعه
/ تحيتي لك يالقوبع العضياني
ومشكور على هالقصيده اللي توقف شعر الراس
// البقعاوي
آخر تعديل القوبع العضياني يوم 19-Oct-2010 في 03:36 PM.
« آخـــر الـــمـــشـــاركــــات »
17-Oct-2010, 11:59 PM
العرض العادي
