يالربع موضوع بينال اعجابكم مرررررررره وبــ .... والا اقول لكم ادخلو وشوفوا بانفسكم ..

[المجهولـ]

يالربع هذا موضوع جدا جدا جدا جدا زيين ..... لا هنتوا ابغا كل واحد يكتب افضل بيت او موال مر

عليه طوال حياته يحس ان فيه معنا طبعا في {{ المحاوره }} بس بيت او موال اكتبه واكتب من

هو الشاعر ؟؟ واكتب ليه اعجبك وش اللي ميزه عن غيره من المواويل ....

يالله يالربع : -

1- تكتب البيت او الموال اللي اعجبك

2- ليه اعجبك وش اللي اعجبك فيه

3- اسم الشاعر

يالله يالربع الله الله بالردووووووووووووووووود

[بدر الديحاني]

فكره رائعه يالغالي

ومن هنا نكتشف ذواق الشعر

المحاوره ونعرف من خلال الصفحه المباركه

عن اذواقهم الرائعه

///

1- تكتب البيت او الموال اللي اعجبك


ـ ياراع المنيحة ردها لاخر الذود*****تبا تحتلبها مير جتك محلوبة


2- ليه اعجبك وش اللي اعجبك فيه

ـ لانه بيت يستحق وبيت غامض وليس له تحليل وعجزت لا احلله


3- اسم الشاعر

حبيب العازمي

تحياتي أخي الكريم

[بارود عازمي]

المشاركة الأصلية كتبت بواسطة بدر الديحاني

فكره رائعه يالغالي

ومن هنا نكتشف ذواق الشعر

المحاوره ونعرف من خلال الصفحه المباركه

عن اذواقهم الرائعه

///

1- تكتب البيت او الموال اللي اعجبك


ـ ياراع المنيحة ردها لاخر الذود*****تبا تحتلبها مير جتك محلوبة


2- ليه اعجبك وش اللي اعجبك فيه

ـ لانه بيت يستحق وبيت غامض وليس له تحليل وعجزت لا احلله


3- اسم الشاعر

حبيب العازمي

تحياتي أخي الكريم

اخوي بدر المقصود في هذا البيت من حبيب

يخاطب راشد بن جعيثن كان المشرف على الحفل


ويقول حبيب منيحتك (ابن شايق) يعني تبا منها الفود ورجعت لك بدون فود




اما افضل بيت اعجبني ::


يامعيض السلك في وسط المكينه = المكينه تدرج والسلك فيها

هذا للجبرتي اعتقد قاله لمعيض العجي رحمهم الله


شوف الترابط بين الشطرين والمعنى الغامض

[/عبد العزيز الجذع/]

الف شكر يالمجهولـ على الموضوع الرائع.

والابيات القوية كثــيــرة .

واختار هذا البيت لـ الشاعر الكـبـيـر/ مطلق الثبيتي (رحمه الله)

البعير اللي يشيل الحمول عوّد يرضع امه = بعد ما قالو شامخ النيبان مردوم السنامي

هذا البيت على حفظي له..ما ادري كاني اخطيت في كتابته.

[عبدالله حبيٌب الزراقي]

موضوع جميل والاختيار صعب جداا تحدد افضل بيت الابيات كثيرره جدا جدا مافيه شيء اسمه افضل بيت .. ممكن الواحد يطرح الشيء الي في ذاكرته للموضووع ويرجع للموضوع يطرح بيت ثاني ويكون فيه استمراريه للمووضوع وفائده كبيره ..

بالنسبه للبيت في الي ذاكرتي بيت قاله صياف الحربي لعوض الله السلمي ( ابو مشعاب ) يقول صياف رحمه الله

ياعوض الله قالوا انك تدٌور لك ذهيب = في بحور ٍ دوب ماها يغطي حوتها

والمقصور في البيت ان ابو شعاب يدٌور خطيبه من عند الحروب والله اعلم


والابيات كثيره ولنا عوده ان شاءلله اذا صار فيه نشاط في المووضع

[ابونجم الاسعدي]

البيت لشاعر محمد العبدالله الناصر الاسعدي رحمه الله وهو من سكان الزلفي





بعض العرب زوله على الكبد طينه والله ماتفرح بشوفه لاجاك
يدخل على ناس وهم كارهينه ولا همه قول ذولا ولا ذولاك

[العقص]

مــووووضوع جميل وراائــع

يقووول سواار الذهــب :-

ابو سبعــه كفـر يمشي ولا هو مثل ابو جنزير ... ابو جنزير يسرف بالجبال اليا تولاهـا

في محااورهـ شيقـه مع حبيب

[الباااسل]

موضوع جميل جداً


وفيه بيت عالق في ذهني ومعجبني جداً



للشاعر الكبير حبيب العازمي



لو يجف البحر حوتته وش تذوق =أصبح الرمل يسفي علـى خدهـا




بيت تركيبته عجيبه







وبيتين في محاره جمعت ابراهيم الشيخي وحزام العصيمي




البدع من ابراهيم


انا اعرفك عزيز النفس لكنّك شتمت اخوك=اجل فيها مذلّة لا عطوه الحمل وبعيـره؟



الرد من حزام


أنا وشلون أبشتم من على سطح القمر شالوك=لا لاهم معرف أبراهيم لا شـره ولا خيـره





فتل ونقض صح هذا الشعر ولاً فلا

[النايف 1]

فيه بدع ورد تركيبهم روعه


حبيب العازمي


ياسلامي سلام اجلس محلك واجيك __ يالعصيمي سفير الدوله الثانيه


مستور العصيمي


مرحبا يالمسلم والعصيمي يبيك __ وش تبا في جبال الصين واللمانيه


والابيات القويه والرائعه كثيره


لاهنت على الموضوع

[ابو شرف]

اول شي مشكور على الموضوع الرائع

والبيت اللي عجبني في المحاوره للشاعر الكبير /حـبـيـب العـازمـي قاله للشاعر /عوض الله السلمي(ابو مشعاب)

هي بيتين تسليمه وبيت المعنى اللي بعد التسليمه:

حبيب:

يا سلام الله سلام يكون لمن يكون---العرب تسمع كلامي وانا قدامها

يا عوض الله بعد ضيعت رقم التليفون---وش تبا بالنوته اللي تضيع ارقامها

ليه عجبتني الابيات لان هنا الشاعر استخدم الاسلوب الصحيح في المحاوره وهو الذي بدا بعد وفاة الشاعر الكبير/مطلق الثبيتي
والاسلوب كالتالي:

البيت الاول بيت شعر ومن شعر في شعر يعني بالاصح للشعر.

البيت اللي بعده هو بيت للجمهور يعني يا فكاهه يا لغز او اي شي يطري على بال الشاعر0

والافضل ان نقول او بالاختصار بيت للشعر وبيت للجمهور.

هذا ما عندي وصلى الله وسلم على نبينا محمد وعلى اله وصحبه اجمعين