الأوله مرحوم يانايف عسى قبرك ورود

[صقرالعتيبي]

الأوله مرحوم يانايف عسى قبرك ورود
والثانيه من ينقض أبيوتي وأنا فتالها
مافيه حاجه فالوجود ألا ترى إلها حدود
وليا تعدت للحدود يحلها حلالها

آخر تعديل صقرالعتيبي يوم 16-Jun-2012 في 05:03 PM.

[جناح ايسر]

الاوله مرحوم يانايف زعيم ال سعود *****والثانيه ننقض بيوتك دقها واجلالها

مافيه حاجه بالحياه الا بها نقصن وزود ****لكن ليا زادت نبرك للحمول اجمالها

آخر تعديل جناح ايسر يوم 16-Jun-2012 في 05:32 PM.

[صقرالعتيبي]

هلا والله بمحمد نامي
ههههههه

هداج تيماء ينعرف يارجل عن كل العدود
يالله عسى البسام تثبت لايطيح عقالها

ياصاحبي محمود علم صاحبك عبدالودود
النار من شبابها والخيل من خيالها

[جناح ايسر]

هلا حياك لكن نا ماني محمد انا خويه في الطرف الايسر

ههههههه


لكن تيماء ماعليها لا صدور ولا ورود ****ما حولها غير الثعال اللي تهز اذيالها

اترك حمود وصاحبه يعود ولا لا يعود **** وانظر في حالك خل خلق الله تروح بحالها

آخر تعديل جناح ايسر يوم 16-Jun-2012 في 05:59 PM.

[صقرالعتيبي]

كيف حالك طيب إن شاء الله


أنته علامك فيك شي من الحراره والبرود
بعض العرب يالله عسى ربي يطيب فالها

طير السعد فوق العرب مسئول عن كل الحشود
وشلون يترك ديرته في حالتن يرثالها


ختامها عندك ياصديقي

[جناح ايسر]

بخير وعافيه ,ونت كيفك ؟؟




انا رجل يحتر دمي لا ذليل ولا شرود **** واقول ياليت العرب ما حنطت تمثالها

الطير مكسوره جناحينه ولا يقدر يرود ****اما الديار ابخير ياذيبان والمولى لها



صح لسانك ياصقر وتشرفت باللعب معك

آخر تعديل جناح ايسر يوم 16-Jun-2012 في 06:21 PM.