قصيده لـ الشيخ الشاعر:متعب بن فارس بن طواله في المقدم/ ضيف الله شبيب الجبلي المطيري

[الشمري حائل]

قصيده بـ عنوان ( رد ثناء )

لـ الشيخ الشاعر: متعب بن فارس بن طواله
في مدير مرور حفر الباطن المقدم/ ضيف الله شبيب الجبلي المطيري
والجندي / مبارك الميموني المطيري



قرناس راسي ينتـل الفكـر ويتـوق
كفـخ سمـاء ومشوشتـه النشـامـي

حلق علـى الجبـلان كسابـة النـوق
وكسـر بحومـه للمياميـن هـامـي

اللي جمالتهـم علـى روسنـا فـوق
عصابة المعـروف فـوق الهوامـي

ماله ثمـن لابالمجالـس ولا السـوق
ولا يوفـيـه رد الثـنـا والكـلامـي

عذراء مراجل ماتبـي كـل معشـوق
الا مـبـارك والعقـيـد القطـامـي

زرع الشوارب يبني المجـد شاهـوق
المرجلـه راسـه يفـوق السنـامـي

واليا كتبت القـاف ماضيـع حقـوق
والحـق مايهفيـه رجـلٍ عصامـي

نعم بظيـف الله علـى كـل منطـوق
رجـل المهـام اللـي يديرالنظامـي

يفـرق بوامـره المصيبـات ويفـوق
يستـاهـل التقـديـر الاحتـرامـي

ونعم يتل انعـام الاشنـاب ويسـوق
يشدن لحمـرن يقتـدن ببـن لامـي

نعـمٍ تـردده الا ذاعـات وحـلـوق
ويظيـف لتاريـخ صفحـة وسامـي

يزها شنب ميمونـي المجـد ويلـوق
اللـي سطـر راسـه بليـا لجامـي

مبارك على الجزلات ماهو بمسبـوق
ياحـي شغمـومٍ ويـاحـي رامــي

دقن يجنب صـادق القـول محلـوق
الجـدي تقدابـه سـرات الظلامـي

من لابةٍ مبطي بها الطيـب مخلـوق
علط الرماح اهل النمش والحزامي

مطير يـوم الوقـت قـادم ومفهـوق
اهل السيوف اللـي تقـص العظامـي

من فوق قب لا تنـازت بهـم عـوق

اللي تطمّـر مـن قحمهـا العدامـي
قـومٍ تجـرد للوغـا كـل مـدقـوق
راس المطـوس يزنحونـه شمامـي

مداسهـم يسكـن بـه النسر ويـروق
ولامن شبع فوق الاشاويـس حامـي

كم سربةٍ راحـت كراديـس وفـروق
من ظربهم يقفـن بالاعـداء حوامـي

طياحهم ماهو عـن القفـر مصفـوق
يرتع قفاقيـفٍ لهـا الخـوف حامـي

الجـود برباعـه مشاجـر وزملـوق
شهلول من حميـة عليـه المضامـي

اهل الصحون اللي به السمن مبـروق
وكوم الهرافي مثـل بيـض المعامـي

ودلال غرنوقٍ وقف جنـب غرنـوق
على سـري الغيـد هـدفٍ حيامـي

وفي جوف محماسٍ من الصلو محروق
بنـه يديـره شـاهـده والبهـامـي

واليا استوا في عاوي النجـر مدقـوق
قصيـر سـاق مـدودح الطارزامـي

تطبخ على ظوٍ مـن السمـر برفـوق
عرقوبهـا يجـذب بخمـس الفهامـي

وساقه قهوجيه عقـب شفـت الـذوق
طب الخوا وسط ابلج الصيـن دامـي

بمجالـسٍ ماهدفـت كــل نقـنـوق
الا مشاويـش الاســود العـدامـي

شط االمكارم مبطي الاصـل معمـوق
مناجـم النخـوه وســادة كـرامـي

ياعايف الفزعـه لهـا منّهـم شـوق
اللـي يخزمـون الاعـادي خزامـي

احران واحدهم على الطيـب مفتـوق
علوى صعاصيع الوغـا والزحامـي

مطران حمران النواظـر لهـم فـوق
بيضاء ترفرف فوق اجاء والسلامـي




وسلآمتكم..,

[عايض جزاء العصيمي]

صح لساااااااااااااااااااانه

[محمد الذيابـــي]

,,



صح لسااانه,,

التوقيع

التوقيع محمد الذيابـــي

[الشمري حائل]

لاهنتم على مرور

[مطر العبدلي المطيري]

صح لسااانه,,