 |
|
|
 |
 |
 |
01-Sep-2004, 02:08 PM
|
رقم المشاركة : 1 | |||||||
|
الوجود
كل ما فاضت عيوني نجر ابن حربان دنّا في ضلوعي يسمع اللي من ورا بغداد دنّه يوم ابن مدعث لنا سن الوجود الحق سنّا وا فوادي كن دود الارض يرعى في مسنّه وا فوادي لو تضنا يابن مدعث ما تضنا تسنّه المجدور عقب الجور مرميٍ بعنه اشعل التنباك من خلقته ما شبّه و كنّا مير تسنّه من عجاج فاح من صدره يكنّه وا وجودي وجد منهو عض بابهامه وحنّا واحدٍ شاف الثلاث البيض سودٍ مستجنّه شاف قدّام الخيام خشيف ريمٍ مرجهنّا وثوّر البندق يبي صيده وراغ الخشف عنّه اطلق اربع عقبه اربع ثم سمع صوةٍ يونّا واثره امه صابها طلقه و طار العقل منّه واتهموه بذبحة امه ليلة العيد و تجنّا اتهمته الناس و صدوف المقادير اتهمنّه قالوا اخوانه ترا منّا بمنك ولا انت منّا يفرق الله بننا و بينك عسى مالك مظنّه لك ثلاث ايام من ذلحين و ارحل من وطنّا عقبها تخطر على راسك مضاريب الاسنّه ودّع مريته وتو بنته صغيره ما تحنّا توها ام اربع شهور و في لحمها زود لنّه ركب غوجه و انقلب قبله بليلٍ ما تونّا والحمايا من خلافه ارخوا حبال الاعنّه المطايا و السبايا من خلافه عمدنّا والمنايا سجدٍ قدام عينه يحترنّه كل ما عنّز على قومٍ وطن الراس طنّا قالوا اذلف ذابح امه لعن ابونا لو نحنّه ذابح امه لو زبنّا عدّه انّه ما زبنّا لعن ابوتس بيوت قومٍ ذابح امه زبننّه الجماله ما تجمل في ولد حرٍ تدنّا مير دوّرغيرنا وانحش بقلبك لا ندنّه وانقلب من عندهم تسنه على محماس بنّا يمته للغوص عجلات الركايب وجهنّه ركب بابور ابحر و دموع عينه يذرفنّا فوق خدّه تسنهن اذواد بدوٍ مرثعنّه يوم حل الليل اشرعة السفينه دودلنّا و الهبايب ما يخلن محملٍ ما دودلنّه قام ربّان السفينه قال يا ناس امتحنّا قوموا ادعوا ربكم علاّم ما وسط الاجنّه قال شيخٍ منهم الا عندي الراي المطنّا ضحّوا بواحد عسى الله ينقذ ايدينٍ رجنّه و طاحت القرعه على اللي ذابح امه ما تتنّا ثم رموا به في ظلمات البحور المستكنّه و ادبحوا عنّه وهو في غبّة الموج يتثنّا ثم عرض له من وحوش القرش جرورٍ و صنّه عض جرجور البحر ساقه و صايح و استجنّا ابك لولا الله كلاه القرش ما يسلم مطنّه وفي ديارٍ من بلاد الهند بين انسٍ و جنّا من فضل ربي عليه اطراف الامواج احذفنّه ومثل ما قبل امس متهومٍ بذبح امه معنّا اتهموه بذبح سلطان البلاد المطمئنّه و في السجون المظلمه خمسة عشر عامٍ قضنّا مع ثلاث ما قضنّا الا عقب حاله قضنّه لا سمع ورقا تغنّي جر مسحوبه و غنّا وكل مغناً يزعجه غصبٍ يجي تاليه ونّه ولا طرت بيوت قومٍ في الخلايا يرفعنّا دار دولاب الدبا الدالوب دولابه و زنّه وكل ما برقٍ سرا شرقٍ صدوق الغيث شنّا تسن قلبه فوق سبق طيور برٍ شطرنّه عقب مدّه جاه من داره نذيرٍ مرثعنّا قال انا جيتك بعلمٍ والله انّه والله انّه حرمتك ماتت لها عشر سنواتٍ قد مظنّا و البنيّه معمسٍ تقرع عليك قراع شنّه عمّها عزّر بها في وسط بيته ما تهنّا خادمة نسوانه الثنتين و اللي ضيفنّه ثم زوّجها لبو سبعين عامٍ ما انقصنّا شايبٍ يطرب خفوقه لا سمع للقرش رنّه يوم سمع هروجهم فاضت عيونه و ازحرنّا وسط سجنه تسنّه اللي ساكنٍ له في مجنّه قال يا ربعي افزعوا لي من سجونٍ غيضنّا و قبل قلب الدم دمه غادي يديكم يظهرنّه قالوا انّا وش لنا والله انه ما شحنّا غير بنتك ولا مثلك ما قربه بقرب جنّه وانتحوا وعيون قايدهم جنوبٍ خايلنّا وهو ورا سجنه عيونه كل نجمٍ خايلنّه وعقب عامٍ من مجي ربعه و سنٍ عض سنّا اعفوا الكفّار عنّه من عقب سودٍ دهنّه يوم فكوا قيد رجله وانطلق خاطره منّا و انفلت يبغا ديارٍ من ورا نجد اشحننّه حث ساقه ما يشوف الا بنيته يوم قنّا من عقب عشرين عامٍ في وطن قومٍ مصنّه ومن ردا حظه نهار اغضٍ عيونه و ارقدنّا فز من نومه عقب عضّه حنش دابٍ بسنّه ومن اثر سم الحنش يونس ضلوعه يطبخنّا و طاح و عزّي لواحدٍ سود الافاعي طيحنّه يوم اهو فكّر ولا فوقه نجومٍ يبرقنّا وشاف بكية بنته اللي جا يبيها بينهنّه قال يا نجوم السما تكفين روحي صوب اهلنا علمي بنتي عن اللي صاب ابوها واستسنّه اشهد انّا ما بحلنا في الليالي اشهد انّا مير حظي خانّي ثم مات ما به من يقنّه ذاك وجده وجد حالي في وطنّا من عطنّا من هنوفٍ خدرها بيض الهنادي يحتمنّه الشاعر ناصر بن فارس الفراعنه السبيعي وهي رد على قصيده للشاعر خالد الدوسري لكم تحياتي
|
|||||||
|
 |
 |
 |
|
|
|
|
|
01-Sep-2004, 04:08 PM
|
رقم المشاركة : 2 | |||||
|
تسلم ياوصل على الاختيار الجميل
وناصر شاعر بحر وخالد بن مدعث شاعر ويستاهل من يرد عليه تقبل تحياتي |
|||||
|
|
|
|
|
|
|
|
|
|
|
01-Sep-2004, 04:21 PM
|
رقم المشاركة : 3 | |||||
|
اخوي الغالي وصل
سلمت يمناك ولا عدمنا مثلك وشرواك وصح الله السان الشاعر ناصر بن فارس السبيعي وبيض الله وجهك على النقل الرائع تقبل تحياتي |
|||||
|
|
|
|
|
|
|
|
|
|
|
02-Sep-2004, 02:18 AM
|
رقم المشاركة : 4 | |||||
|
الدلبحي ...
سلمت وسلم غاليك ... أشكر لك مرورك.. تحيااااااااتي |
|||||
|
|
|
|
|
|
 |
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
