السلام عليكم ورحمة الله وبركاته
مشاركه بقصيده كتبتها بمناسبة سلامة
صاحب السمو الملكي الأمير محمد بن نايف
مساعد وزير الداخليه ( حفظه الله)
من الحادث الغادر في شهر رمضان 1430هـ
وهنا أعيد نشرها واتمنى لبلادنا الأمن والرخاء
قال الذي زين المعاني نظمها=ثم جرهابالصوت بيت ورىبيت
بالطيب عطرها وفكره زهمها=من شان تاصل عالي الذكر والصيت
( لـ محمد النايف ) بعالي قممها=وتقول له حييت بالعز حييت
من شاعرً داره بعينه خدمها=من كل ناوً شر حتى العفاريت
يحمي شواطيها ويحمي علمها=فالليل توقيتً وللصبح توقيت
حنا حمى دار السلام وخدمها=والروح تفداها بعلط المواريت
وحنا حمى حد البلاد وحرمها=ولا شبوا العدوان روس الكباريت
سلامتك يامير عندي طعمها=أحلى من رشاش المزون الشخاتيت
وقفت( مليك العرب )عندك رسمها=منشيت يغني عن ثمانين منشيت
تسلم يمينك والكرم من شيمها=بالصفح مدت وأنت بالعفو ناديت
والا قصير العمر ناره شعمها=وأنجاس قومه توقد النار بالزيت
ولأنك صدوقً والقيم تحترمها=أهل الخيانه غرروا بالسرابيت
جماعة الكفير زلك سهمها=وأنته على رأس المفادي توطيت
من جاته الفرصه ورى ماأغتنمها؟!=وأنته وعدته خير والعهد وفيت
محدن ظلمها فكرها اللي ظلمها!=منها الثرى يشكي وحتي التوابيت
والجمله اللي من قراها فهمها=ماعمرحيً صافحه واحدً ميت
والطغمه اللي من عرفها شتمها=شلة خراب وقل عرف وطواغيت
والحيه اللي قطعوا في لحمها=أسود ( نايف )حامي الدار والبيت
هدم حجارتها وغيب (صنمها)=وأرسل كبار أزلامها للحوانيت
قامت تعض جنوبها من حدمها=وصارت تغذ صغارها بالديناميت!
ومادامت أبا أنهي كلمتي وأختتمها=الله يحفظك كل ماأصبحت وأمسيت
عمر العتيبي - الجبيل الصناعيه
آخر تعديل عمرالروقي يوم 09-Dec-2009 في 10:18 PM.
« آخـــر الـــمـــشـــاركــــات »
09-Dec-2009, 10:08 PM
بمناسبة سلامة صاحب السمو الملكي الأمير محمد بن نايف
العرض المتطور
