لونها بمقارع الخيل والسيف

[زيد جميل الثعلي]

السلام عليكم ورحمة الله وبركاته

هذه القصيده ارسلتها لابن عمي جبر بن زيد الهجاري الثعلي
وان شاء الله اذا وصل رده راح انزله لكم وان شاء الله تحوز على رضاكم

سلام ياراع الدلال المهاديف = ونجرن مابين ادلالهن له طراوه
ورثن لجدانه هل السيف والكيف = من ضافهم يلقى الكرم والحفاوه
يابو سعد واشك الليال المعاجيف = اللي تورينا التعب والشقاوه
صار الردي فيها من اهل المعاريف= والذيب يحسب من حساب القطاوه
دنيا تقلب كل يومن تخاليف =والها على روس الكرام انحناوه
الصقر حول من علو المشاريف = والبوم اله فوق النوايف علاوه
حتى الاقارب ضحكهم صار تزييف = والاخو بين للشقيق العداوه
يارد قوي العزم ثم يرجع امعيف = واعدودها لاهل الرخامه رهاوه
ولونها بمقارع الخيل والسيف = ماشفت سودان الوجيه الجباوه
تلقا لنا من فوق قب المعاسيف = فعلن يعطر سيفنا بالدماوه
وتلقا خبول القوم عند المواليف = وقت اللقا مايملكون الجراوه
ارخوم وابنا للضعوف الخناطيف = لاعرف يقداهم ولابه حماوه
ايصرفون الهرج للناس تصريف = واليا احتما الميقاف جاهم رخاوه
قلته ولو ان الدهر به العواصيف= مازاد راسي كود عزم وقساوه

[زيد جميل الثعلي]

هذا رد الشاعر جبر بن زيد الهجاري الثعلي

يامرحبا يامقلط الحيل للضيف = امن الكرم بالارض جاله نداوه
يازيد تشكي من زمانك صواديف = وهاذي مسارات الزمن وانتماوه
اعنز على منش المزون المراديف = محيي هشيم الارض من كل ناوه
معمي قريش اعن النبي داخل القيف = اللي جعله الله للامه قداوه
ممن سفينة نوح من كل تخويف = مرجع بصر يعقوب بعد العماوه
وخلك وسيع البال عاقل وحريف = واليا جرحك الوقت بالصبر داوه
الصبر للانسان حكمة وتعريف = ولا الحماقه تشترك بالغباوه
لاتلتفت لملقف الهرج تلقيف = اخذ الامور ابعرف حكم وهداوه
ومن لايضيف الناس قدام ماضيف = يجهلبهم في مايهقو ابهقاوه
وحنا نشوف اللي تشوفه وقد شيف = تغير الانسان طبعه وساوه
ومدام فوق الارض ناسن عواريف = ماتبتلش في مايقول اللعاوه
الناس فيها اجناس والها تصانيف = كلن وله منهج وسلم ونحاوه
فيهم ردي العرف وخبيل وضعيف = راع الغثا مايملك الا الغثاوه
وفيهم رجالن تحتمل للتكاليف = نوايف البيدا قويت رساوه
اللي لهم في كل مجلاس تشريف = وافعالهم بالطيب كله نقاوه

[محمد العتيبي]

صح لسااانك يابن عاضي وصح لسااان ابن عمك ..



استمتعت بقراءة القصيدتين ..



تحيتي لكم
..

التوقيع

للتواصل عبر twitter تويتر al_bargawy@

[زيد جميل الثعلي]

محمد العتيبي بيض الله وجهك على المرور المشرف

[وصل الشهيب]

صح لسانك

وبيض الله وجهك

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[زيد جميل الثعلي]

وصل الشهيب صح بدنك ومشكور على المرور المشرف

[فيصل المسند]

الله لايهينكم اطربتونا معكم وتالي الوقت لاغرابه

[زيد جميل الثعلي]

فيصل يعطيك العافيه على المرور

[مشعل حسين]

ونعم والله بلآآآد عاضي

انا اشهد انكم كفووو

وصحت السنتكم

[معلا إبراهيم الأسعدي]

صح السانك والسان بن عمك جبر جزاله واضحه على النصين امتعتنا بارك الله فيك