 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
26-Nov-2004, 04:49 PM
|
رقم المشاركة : 1 | ||||||||||||||||
|
ديوان / عواض بن معيض بن عمرو الخديدي
هذه القصيدة قيلت قبل عام 1385هـ وفيها يفتخر بامجاد قبيلته في الماضي ويفتخر بقبيلة عتيبة التي لايجاريها قبيلة اخرى في القوة والكثره والمنعة. 1 اقولــه يوم فــي المبدا بديت = ومن بدع الرياجيل انتقيت وله في خاطري معنى وبيت = اغني بعد زانت لي ردوده بنيـت الهرج من بالٍ عريـف = وانا في نايف الضلع المنيف مرارانشط بها ومْرار اعيف = وافكر في الزمان وفي وروده واردَّه فا لحلال المرسيات = حلال القنة اللي في ثبـــات حلالٍ ما تحزّي المكربـــات = وكلٍّ تعجبه ورثة جـــــدوده من اول والقبايل خابريــــــن = قرون النطح في روس الثنيـن وفـالقنة ودار ام الحصيـــن = ولا طاح المـطر كثرت وروده نهار الحـرب ناره تصطلـي = بدا مـا قف رياجيل العلــي وتاخذهــا على وجـه جلـــي = ووجه الله مـا تنقض عهــوده ويوم البرق يلـمع في الغشين = ونـوّه من شمـال ومن يميــن وشور البوق سوّوه الثنيــــن = خيـال الصدق تشهد له رعوده وحاربنا وعاقبنـــا العثــــور = وجـا مـنا وجـا فيـنـا اثـــــور وحنـا ما حتزمنـا بالعقــــور = وكـلٍّ بعـدنا جــدد لــحـــوده حمينا الوجه يوم اضحى النهار = وجينـا للقفـا تــال النــهـــار وظـلا ملتحم مثـــل العصـار = وراع الـزود كلٍّ شاف زوده وكلٍّ دون ميقافــه يـغــــــار = في الدور الكبـار وفـا لصغار لكن الكيــد فيـهم والجــكار = وهذا الوقـت ربي لا يعـــــوده وبعض الناس يمشي في هواه = ولا واحد ترك علمٍ عناه وراع الزين ما يخفى ثناه = ولا اشتد الحمل جت له شدوده زمـانٍ دلّـع الراس الهتيـــــل = وهـو ظلا سوات ام الفتيـــــــل ولا يعدل ولا يقــدر يميـــــل = وقام اليـوم يخــبط فـــي بــدوده وارُدَّ العلم وامشي به شهــار = واسيّر به عـلى وضـــح النهـار على البطنين يضوي دار دار = لحاف الراس لا كثرت بروده وراس العلم هم سموا جعيــد = نحـازالخصم علـمٍ بالوكيــــــــد وتالَ الناس تمشي بالتّوَيــد = ولا قـام الجمـل قامت عضوده حموا شقصان يوم الحظ لاح = بابو ناظور سـلطان الســـــلاح نهـار اللي نـواهم ما استراح = وطيـرٍ خابـره علمــي شهـــوده وَسيـِّر به على سموا ثبيـــت = ويضوي دار دار وبيت بيـــــت ضلال الراس لا منّك عِريـت = وكلٍّ يمَّهــم قــرَّت حـــــــدوده من الريعــان لا وادي لغــب = رجـالٍ وافيـه دون الطــلــــــب ولا يا ويل من جاهــم صـعب = لهيـب النـار مـا يقـــوى وروده وروِّح من نهارك لا تحوف = تَعيَّن فـا لقبايل ثم عوف مثل روق الشهيرة ماتشوف = بيوتٍ للكرم دامت عهوده شيوخٍٍ ما تفكر فا لخطر = عراب الجد من بطن وظهر ودايم علمهم يمشي قطر = على الميقاف ماضاعت نجوده وانا ما قدر على فرض النقا = عتيبة غرب والا مشرقا وبرقا فخرنا فا لملتقا = يقوم البخت لا قامت عدوده بني برقا بروقٍ ما تغيب = رعود الموت لا صبت صبيب تروِّع با لفعايل كل ذيب = وفعل القوم دايم له شهوده عتيبة فــي مواقـقهــا عمــوم = هل البيــرق ليا جات اللـــــزوم تطا الأخطار في بــرد وسموم = وسهم الحـظ حبل الله يقــوده من اقصى نجد لاضلع السراه = ومن جودا ليــا ســدّ الحــــلاه تـريِّع كل غاوي فــــــي وراه = وكـلٍّ حظـه يبـاري سعـــــوده وانا وان كان اغنـي ما نسيت = أبو حامد حزامك لا نصيت حزام الصدق لا منك نويت = حمى علمه وربعه من بدوده وذكر المصطفى بعد الكلام = عليه الفين صلوا يا كرام شفيع الخلق في يوم الزحام = نبيٍّ كل من حبه يروده 2 قصيدة حكم ونصائح قبل ذكـرالقـول ذكـرك يـاغفــور= يــالـلي افـلاكـك على خلقـك تـدور تعلـم الـظـاهـر ومـاتخفي الصدور = يـا للــي انشى الكــون تعـــلم منتهــاه يــا الـذي تـعلــم بأسـرار الـــعبـاد = تعـــلــم الصـالح وتعــلم بالفسـاد واكتــشــفت اللـي في السبع الشـداد = كـل مـــا يحـدث لـــنــا عينك تــراه يا الذي لـطفك على خلقك عطوف = لا تـؤاخـذنـا بذنب اللي نشـوف ان تــعديـنا وان اخطيـنـا ضعــوف= لاتحــاسبـنا بــكـل الــلــي تــراه الخديـدي يـوم جـا للـقول بـاب = اسـتفـاق البـال لردود الـجـواب فـي زمانٍ دوب لـلجهـال طـاب = مخــتلـط حــلـوه ومــرّه مـع بــــلاه كـــلها ايــامـه مشـاكل واختـلاف = والــغشـيم يقـول مــا فــيهـا خلاف والـذي عـاقـل زهـق منـهـا وعـاف= كـل شـي فيــهــا تعــــدَّى منـــتهـاه الشيـم قـفَّـت ولا يبقــى اصــول = والـــعــوارف هـــرجـها مــالـه قبـــول وان بـغيـت الحـل ما تــلقـى حـلول = كـــل غــاوي رغبــتـه يـنــفذ هــواه وان نـظرنـا لـلـشبـاب النـايــعـيـــن = اصــبحـوا فـي وقتــهم ذا ضايـعــيـــن لاعصـاه ولا لــربـي طــائـعيــــــــن = بـيــنهـا يمشــون فــي فـج الــــغـواه والقـلـوب اشْـتـات والـفتــنـة تزيـد = فا لعــوانـي والــقــرايـب والبعـيـــد وان نـصــحـت اليوم مخطي مايفيـد = مـا يبيـك الا تعيـنه فــي خطــــــــــاه الـكـثـير اعـرض وغيـَّر ملــّـــــتــــه = حســن الــلـحيـة وربـّا قـُــصَّـــــته ثم نـشّـر شـعـرهـا مـع جــبـهـتـه = يــوم يمشـي كِـنّ مـا يمشــي كمــــاه الشـعـر مـن فـوق وجنـاتـه يلـوح = والـخــنـافس صوروهـا في الصـفــوح والبـلا والــشـوم مـن جسمـه يـفوح = مـا درى وش عـاقبـة ربـي وراه وان بــدت لــه شـاديـه و الا عبــيــر = اشــتعـل قلـــبــه و ظـلا لـه زفيـــر كــــان و دَّه له جـــنـاحيـن ويطيـر= ســكـــة الشـــيـطان ســــهلــه للـغــواه وان نـصـحــت اليـوم عميان البصــر= قـالوا انــته عـود مـا عنــدك خـــبـر البــشــر وِصْـلت عــلى سطـح القمر= والشــبـاب الــيـوم ما دنى مـا ثنــاه يـا شــبـاب المـملـكـه حــنـا الأصــــيـل = الخنــافـس عيـب والكـعب الطــويـل انـهــضـوا نهـضـة تـوصِّـل لـلـجمـيل= كيـــف نـمشـي في طريـق الله نــفــاه كــيـف نــمشي في طـريق الخـارجـين = اللّي اكــثــرهم مسـيح و كــافـريـن وانحن الـــقــدوة لـكـل المـســلميـن= والنـبــي مــنهـج و حــنـا مـن وراه الــحكـومة مـاشـيه فصلاحـكم= بـا ذ لـه مـــجهـــودهــا لاسعــــادكـم والـشـريـعـه حكـمهـا مـنهــاجـكــم = كـل شيء نبغاه ربي قـد عـــطـاه يــا خسـارة يـا لـذي مـا تـفهـمـون= تــسمــعـــون وتعقـــلــون وتــنــكـــرون كــــيــف عـــن ســـنـة محــمد تــعدلــون =الـذي و كّـد عــلى الســنة وصــــاه يــوم تـجـتــمعــون في ضـالاتــكـم = الــشـيــش وجــراكــها مــنهــاجـكــم وام كــلثــوم الـــمحــدث حـــقـكــم = الــعـفــو للــه يــعــفــي مـن بـــــلاه فاض بحرالـغرب واسـقانا الـسعيـر= واصبـح الــعــاقــل فـي امره مسـتحـير راحـت الاخــلاق في د رب خــطيـر= شــــر مـعــدي مـا نبــي نلــقى د واه زادت الارزا ق والــعـلـم انتــشــر= والــحـكــومـة مـهــدت بـــر و بحــــر ما بـقي حـجـة يـدورهـا الـــبـشــر= نــطـلـب الـله ما يخــيـب من دعــاه ( يـا د خـيـل) ان كـنت للـمعـنى لبيـب= افهـم الـجابه و خــلـك مســـتجيــب افـهم ان الكـل في الــدنـيا غـريـب= عـامـل الخلاق وامشـه في رضــــــاه عـامـل ايـامـك عــلى الـوجـه الصحيح= واغتــنم فرصـة زمـانـك لا يبــيـح مـن عـليـهـا فان ما حـدٍ مسـتـريح= كــلـنــا نـفني وربــــي فا لحياة اقصــد اللي بـا لـخلايق معــتنـي= كـــون الدنــيـا على عــرش بني رب الاحيــا والذي منهـا فني= تـــحــت تصـريفــه وحكــمـه و اقتضـــاه وامـش مع ربـعك على الـوجه النظيف= رافق الطـيـب وخلك له رديف لا تظــلي في مجـالسهم خفيــف= والــفـتـى معــروف طيبـه مـن رداه لا تجافيهم ولوشفـت الجـفا= وان سـمعت الشَّـيـن مـن قمـلة قفا ا تـركه وانهج عـلى ريع الوفا= والذي طـيّـب يـبي يـبـدي ثـنـاه وان نـصاهـم ريع لا تغـدي حـرون= و اجهه واقدم مع اللي يقدمون العرب ما يزبنون الا الحصون= الحــصـن يــذري فـــي الشــده ذراه والحذر تمشي مع أهل الهينات = خـل راسك منتصب للعاليات ما يقف دون اللزوم الا الثقات= والـردي واللا ش مـا قـــفــهـم خســـاه خل لك مبنى على ساس صليب= لا تلد العين في الجنب القريب والجدر لا صح ساسه ما يعيب = كــل مـــبــنـى عــــز يحـمـي مـا ورا ه كل ما زاد الفتى في المدح زاد = وان قعد بين الرياجيل استفاد لا تـظـلي مـن خـفافيد الحداد = بــا لــحـكـا يـا مـن هـذه لا عنـــد ذ ا ه وان نصاك الضيف لا تغدي بخيل = ابذل المجهود في ريع الجميل لا تضلي عن مواجيبه ذليل= اعــطـه المـوجــود والــحشـمــه و ر اه الـكــر م للضيف واجب لا يزال= والكرم و الجود ورثه للرجال مـا نحصر للي غني واصحاب مال = كــم غـــنيٍّ مات مـاسرّه غـــنــاه وان نصاك الجارلا تغدي لئيـم = وسع الخاطر وخلك له حليم وافهم ان الجار في حال الكريم= لا هــيــا يــرحــل و يــبـدي مـا لــقاه لا تدوِّر مدح في الجوده وزود= ابذل الموجود والخالق يجود لا تضلِّي من مصعِّرة الخدود = مــا نـجـــود الا اذا جــــاد الإلــــه اختصرنا موجز لبعض الكلام= واطلب الخلاق في حسن الختام يغفر الزلات في يوم الزحام= يــوم خلــقــه كـلـهــا تــرجـي رضـــاه 3 وفي هذه القصيدة يحكي الشاعر معاناته من الغربة عن دياره وعن حلم ليلة جرى له في غربته .. عام 1390هـ البارح آنـا امسيت اكـالي في الليــل = واساهر الجوزا واراقـب في سهيــل واصـبحـت وآنـا بـين عـدل وتـمييـل = والقلــب كنـّـه فا للواهيب تصلاه وعيني تساهر طول ليلـــي بلاهــــــــا= أمسيـت اسـاهر والـــــعرب نايمــيـــني = وادايـر افكــــاري شمـال ويــميـني مـن واحــدٍ جـــا ما حسبنّـه يجــينـــي = غيــَّـــر شعور القلب والبـال عــناه وذكّرنيَ اعلـــــومٍ فؤادي نســـــاها= وقلت وش ذا اللـي فـي الليـل جانــــي = ويـن اتجــاهك يا هــذا المودمـانـــــي انتــه مــن ارض الشــام والا يمــانـــي = علِّم لنا مضمون قصــدك ومعنــاه تــطا فـارض غيـرك بالقـدم ماوطــاها= وقـــال انـا لـو كــان ما بيك زلَّيـــــت = إن كـان ما نت فلان وإلا تعــديــت لكــن قـم رحــب وانأ ضيـف حلّيــت = والضيـف له واجب على الناس تلقـاه وجوب الرجال لضيفهـا لا نصـاها = وقلت لا جــا الضيـف يـا مرحبــــا بـــه = القـرص يكفـي والصحــن والزعابه مـاحــدٍ عــن الضيفـان قــد صك بــابـه = فـي ديـرةٍ ما حصَّـل الضيـف جـزَّاه وانـا بيـن نـاس ولازم اعمل كمـاهـا = وقـال انـا مـا جيـت ضـامي وجيـــعان = مـن السّـراه الـلي علـى العــز مزبـان أرضٍ ترى ينشــط بهــا كــل كسـلان = فـي ضـلع يكفيــنـي مراقيــب مــبداه ويكـــــفي ليـــــا سيّرت فيـــــها هــواهــا= وقـــلت وش جــابك فــي الليـل سـاري = تـطـا الحصـا والشـوك فـي ذا الصحـاري ارضٍ بـهـا العــقـرب وفـــيــــهــا الثـواري = والـدرب غيــرك لامشـى فيـه يـــــغواه تــهـامة يكَــــفّي دابهـــــــا عـن حفـــــــاهـــا = وقــــال مســــراي لْمغيــــــبك ومقفــاك = شهريـن ادوِّر لك فــي البيــــت مالقــاك ما حسبـك تنسـى ارضك وربعـك ومشحاك = كــماك مايـقفـي عن ارضه ومشحــاه والارزاق تفـنـــي الخـلـق وهيــه وراهــا = وقـــلت انـــا مــاني مسفَّـــر ومطـــــــرود = ولا عليـّــه شــرط بيـــــن ومحــدود مـوقـف شــرف لـلـروح بالفـعل مــوجــود = وكل ما يحتـاجه القلـــب يـــلــقـــاه والايـام اعبــِّـر ليـــنـــهــا مــــع قســـــــاها = وقــال مـا رزقــك علـى ذا الــوظيفـــه = الـلـي رمت بــك فـا لــديـارالمخيفـــة لا جـوّهــا نـاصـح ولاهــي نظيفــــــــه = والــرزق لـلــمخلـوق مضـمـون مجـزاه تــشَطّــر عــن ارضٍ لا يصل لك وبـــــاها = وقــلت انـا مــانـي مــوظـف لحـالــي = ولا الــوزارة جات علــى كيف بــــــالـي تــبـي تـــوديــنا يميــن وشـــــمــالـي = فــي مملكــتنــا الامـن ربـي اضــفـــــاه والاعــمار بـيــدي خـالقـي مقتضــاهـا = وقـال مــا فـا الـقنــفــذة لك ولا فيـــد = الا مهـــاجــر فــي قـنــونـا بـنـــي زيـــــد لـكـن هيـا اطــلـع مـعـي ديــرة خــديـد = الــظـفـر عــزه بــيـن ربـــعــه ومــــربـاه وروحـــك تــعيبـه لا تــطـاوع هــواهــا = وقــلت لا تتـــعـب فـي العـلم لا فـــات = والقـلـــب عـاف وراحــت علومه افـوات وانــتــه تفـــكـر فيـــه لـلـهـم اشـارات = محــتـــار فكــره فــي زمانـه وبــــلــواه و لا تبــحث اســراره وتبــدي خفــــاهـا= وقـال هرجـك كـل هــا لليل فــــاضي = ابـــيـــك تمشــي بـالــمحبـــة وراضـي مـن غبـر اروح لـشيــخ والا لـقـاضــي = وانـا تـــرى ودي بـخـــــاطرك ورضــاه وعلـّة غيـابـك فـي حضورك دواهــا= سـار المجادل ليـن حتـى بدا النـــور = والكـل مــنـا قـام ضـايـق ومـقــهــــــور لا جــا فــــوات ولا حــدٍ راح مســـرور = واللــيـل غــلَّـق مـا وصـل علمنا اتــلاه والاهــداف مـاكــلٍّ وصــل منتهــاهــا= هــذا ومـا رد الخــديـدي و مــا قـــال = فـي حلـم ليـلــه كــلهــا جـيم وسوال فــكـَّر وحكـَّـر واختصـر بعض الاقــوال = والبـاقي الله مطلـع بـه ويــعناه عسى الله يــدبرهـا على مقتضاها= والخـتم ذكـر الله عدد ذكــره الــزيـن = وعــداد مــا صعَّـــد منــى مــن ملبيـن وعــداد ما زار النبي مـن محبــيــــــــن = وعـداد ما ربـي خلـق خلق واحصاه وعـدَّ النجــــوم العـــاليـه فـــي سمــاهـا = هذه القصيدة هي تحكي رحلة الشاعر التي بدأها من بلاد زهران حتى عودته الى ديرته في بلاد بني سعد واشتياقه لأخذ جوله في بلاد بني سعد بعد شوق طويل .. وافتخاره بقبيلته الكبيرة عتيبة وتميزها عن باقي القبائل ... 4 تــولّم يـا نـديبي مـن علـى مـفــتـولـة الـذرعـان = عـلـى الحُـرّ الشـهام الـلـي عـزايـمـهـا تـودّيـهـا تـولـّـم لـلــسفـر يـوم الثــلاثـا من قـرى زهــران =و مـقيـالـك حـدود المـالكـية والــمسـا فيـــهــا تبـي تـلـقـى بـنـي مـالك رجالٍ تـكـرم الضيفـان =مــواقيـف الشيـم بـيـن الـقـبـايـل مـا تخــلّيـهـا ولا عدّيـت مـن وا دي بـوى في ديـرة الـثـقــفـان = تـعلَّـم فـي الديـار وكـل ديـرة باسـم اهـاليهـا وابا الحارث من الصخرة ليا ميسان للحدبان = حلالٍ مرسية للجود دايم في مراسيها شراكتنا حدادتنا ليا جا الخير والرُّجعان = ليا جا الخير لعتيبة وابا لحارث تواليها ولا زليت ملك الحارثي في ديرة العتبان = تبي تلقى عتيبة بينة من غير اسميها عتيبة من حدود الحارثية لا ورا الريعان = ومن جودا ليا اقصى نجد ماقدر كلها احصيها لها في كل بلدة من بلاد المملكة عنوان = لها تاريخ يعرف باول الهجرة وتاليها عتيبة لا بدا يوم عبوس يروّغ الاذهان = ليا حميت سموم القيظ توردها مناهيها من اول يوم كلٍّ من ذراعه ينهل العطشان = مواقفها شهيرة للعرب من غير انا اطريها وانا منزالي الدار التي روزه على الحدّان = اسل عن قرية خديد الذي مشهور طاريها خديد من السراة ليا الصفاة ليا الذي في البان = لحافي لاعريت ولا بردت وماقدر اصخيها سراة خديد تغنينا عن الطيب وعن رديان = ولا سيَّرت فيها زال همّك من مراويهـــا وشد العزم واحذر لاتخلي بتلة الشجعان = نبي نمشي بلاد بني سعد نطوي ملاويها من الدُّور الحُمر نسرح ونسبق سرحة الرعيان = نمر اولاد عبدل وزعتي والصدق بانيها وحث الدرب لا تغوي دروب من اول الجدان = دروب ثبيت معروفه على العليا مراسيها وتبدا بالدهامين القرايب واطيب الجيران = تقهوا عندهم واطلع لغب ماحسن مضاويها وخلك مع طريقك واندرالوديان والجنبــان = وخذها من طرف واحذر تعدّى بعض اساميها ترى فيها الذويبي والشهيب وجملة الثبتان = وكل ورثته تشهد ولا نقدر نخبيهــا وعوّد للسلاقا في السحن مركاز للعربان = وبلغهم سلام الشاعر اللي ما يجافيها ولاتنسى جماعتنا رفاقتنا من الربعان = ربيع اهل الشيم والجود ما تعرف شوانيها وخلك مع بني زايد تراهم للوفا عنوان = ترى الزود على عهـد المراجل ما تواريها وشد العزم لاتتعب ترانا في قرى بقران = تضيف عندهم تلقى الكرم دايم بواديها ولا ودعتهم تاخذ يمين وتتجه شقصان = تبي تلقى جعيد اللي على البيضا مواضيها تقهوى عندهم ياصاحبي من دلة السفطان = ولا تنسى الجميعي والحصيني ذل غازيهـا ولا تبعد بلاد عتيبة اكبر من حمى السلطان = وحدك لاتعدى فارض يا ما كثر نواحيها وعوّد فوق مركوب تعب من كثرة الوديان = عليه الفارس اللي ما يتعتع في مناحيها وحنا نحمد الله ردنا في ذا الزمان اخوان = وشرفنا بفيصل راعي الامة وحاميها وانا وان كنت اغني خاطري من هجرته تعبان = من علوم نشاهدها ومحتار النظر فيهــا وحنا نحمد الله ماش لا داين ولا مدَّان = ولا نخبر جروحٍ بيننا يتعب مداويها وحنا لو صبرنا واجتبرنا نردع الغلطان = ولا حنا غشم نقدر مسايلنا نسويها ليا منا اتفقنا والتزمنا للشيم سنــدان = لنا عادة ليا ناديتها يفرح مناديها وقل لشيوخهم ماينفر الطاير بلا جنحان = ولا مسئول عن شغل الرعية غير راعيها وقل للي معه في خاطره ظنه على الشيخان = الاول قال بئس القوم لا كرهت قواديها نبي كل يقوم وينتصب و بدبرة الرحمان = ونبني بنيةٍ تصلح لقاصيها ودانيهــا ونختمها بذكر اللي عليم ومطلع بالشان = ويعلم وش بقي للخلق من جملــة لياليهــا 5 يالله يا فالق الحَب والنوى = وكلّ حبٍّ شرفه بذراه ياللي خلقت ادم وحوا من الثرى= وبث منهم جند ما نحصاه ومـداول الايــام والفلك والقضا = الكون كونه والــقضا قــضــاه واجريت حبل الرزق للعبد مادرا= من حيث لا يعلم يجي مجراه والـطيـر مشــاها بـجنحـان فا لهوا= وكل طيرٍ رغبتـــه مــربــــاه يا حاكمٍ فا لأ رض والبحر والسمـــا = رب العباد وكل شي برضـــاه يارب نتمنى ولا ينفع المنى = من لا تمنى فيك خاب امناه يدور الفلك واعمارنا ما لها مدى = والعبد يمشي والخطر يبراه يمشي كما مشي السفينة في الفضا = يمشي ولا يعلم بما يلقاه من لا يقيس الدرب فالعسر والوطا = لازم يواجه فا لطرق مغواه يا ( سالم ) ابوصيك عن سكة الغوى = اسلك طريق الخير لا تغواه اوصيك تقوى الخالق الباري العلا = من اتقى ربه يشد اعراه والدين اساس الفوز للعبد والنجا = وليا حفظ دينه حفظ دنياه واوصيك ربعك لا تكوّن لها الردا = ربع الفتى عزه وضد عداه ولا تندرق عنهم ولو تسمع الجفا = لا تتبع الجافي ولا جفاه واوصيك لا تخطي ولا تقبل الخطا = درب الخطا من دوَّره عنّاه وابعد عن اهل الكذب والغيب في القفا = وابعد عن النمام في ممشاه واللي يبا العليا على ماقف النقا = يبعد عن الشبهات لا تملاه قُرب الشبه مثل الذي يقرب الحما = من قارب حدود الحمى يرعاه وخلك على اقرابك كما الصور له ذرى = حِرزٍ على اللي يزبنه يذراه والناس ما تصبي على عشة الخلا = تصبي على صورٍ وثيق ابناه واوصيك في ضيفك تعزه ليا لفا = تلقاه بالترحيب في ملفاه رحّب على وجدك وزيّن له النبا = والضيف لا شاف البشاش ارضاه واوصيك جارك لاتعامله بالأذى = من يأذي الجار الإلــه آذاه وخلك مع العاني على العز والغلا = اسم الرحِم مقرون مع مولاه ويبقى وصايا ما لحقنا لها مدى = واللي فهيم يقيس ما يعناه والختم صلى الله على سيد الورى = شفيع الامة بين يدي مولاه 6 أقوله وانا بادي في المرقب العسر = في ديرة محدٍ طلع في عسورها ديرة خديد اللي لها المدح ينذكر = في هيبة الله ثم هيبة نمورها طلعت فيها قبل يبدي لي الفجر = قعدت فيها لين جتني نشورها طالعت فا لديرة ودققت بالنظر = ولاها دهور وشيبتني دهورها وفكرت فا لأيام وتصرّف القدر = ولا عَوَجها قام يغلب قطورها يوم ٍ يفرحنا ويومٍ على كدر = ويومٍ حلاها ما يكفّي مرورها وهكذا الدنيا على سكة الخطر = ما قِط دامت للخلايق سرورها واللي طمع فيها ولا ياخذ الحذر = يتعب ويعمى من مصارع غرورها تاهت عليها الناس عمين بلا بصر = وابليس معميها ومخلف شعورها وقلوبها شتى كما الحب لا نتثر = والحِسد والكيد اتقا في نحورها واحد يبا الشيمة وماشي في القطر = وعايف من الدنيا وكاره شرورها راحت عبيدية على الشيخ والجبر = والمستحين اليوم عميت بصورها راحت عبيدية على صفة الحشر = والايام لقتنا محاني ظهروها ما عاد يبقى يدري الشمس والقمر = وباق المعاني ما بقا الا عشورها حتى الحنادي ودها تغلب النسر = وقامت حباريها تسابق صقورها لكن يا للي بيدك الحكم والأمُر = الايام ترفع في غضبها وجورها يا للي رزقت الحوت في غبت البحر= ورازق طيورٍ جايعه في وكورها يا ربي انك تسقي الأرض بالمطر = حشمة شجاريها وحشمة طيورها والختم صلى الله على سيد البشر = فا لقبة اللي كل مسلم يزورها [/poem] 7 8 يا لله يا عالم بسر العبادي = يا للي طليع بما يكنه فؤادي يا للي تحل المصعبات الشدادي = والعبد تحت امرك تميته وتحييه يارب لا جا الموت هوِّن عذابي = وليا وصلت القبر ثبِّت جوابي ويوم الملاقا بك تخفف حسابي = جالك وسيع وكلها الخلق ترجيه يارب انا فرطت بعض المعاني = واكثر بلايه من حصايد لساني مجبور اساير مع كمايه زماني = مرَّه نصيب الدرب ومرار نخطيه هذا وانا ودّي برد المثايل = وامسيت افكر في كثير المسايل ولا انّها مابين عدل ومايل = واحتار قلبي في الزمان وطواريه احترت في النمام راع المصايب = نقال هرج الشر بين القرايب ما يدري ان الله شديد العقايب = يمهل ولا يهمل عسيرة ملاويه يدوّر المنقود في كل وادي = يسعى مع الكذبان سارح وغادي تلقاه بالنمات دايم ينادي = يا لله تكفينا ا ذاه وبلاويه واحترت في الكذاب يا كثر كذبه = وجهه كريه وعلته وسط قلبه مكروه بين الناس ماله محبّه = وليا جلس بالكذب حلل قهاويه تلقاه في ربعه كثير النشاب = ما يفرح الا بالفتن والخراب واليا نصحته يعتزي بالسباب = خلّه وترّك مجلسه لا تجي فيه واحترت في جنسٍ خسيس الفعالِ = أهل النفاق موسعين المجــال قلوبهم سودا سواد الليــــــالِ = ترى المنافق مالقينا مداويه واحد ليا منَّك لفيته وجيته = تنصاه في بعض العلوم وبغيته تلقاه راقد مقفلٍ باب بيته = يقلون هذا الوقت ماانته بلاقيه والا الذي يبحث علومٍ جديده = اللي عن علوم القبايل بعيده كلٍّ يبي يحكم على مايريده = حتى ينفذ علمه اللي يسوّيه وراحوا هبا منثور في فج غاوي = ماشانهم غير الشيش والقهاوي والا مجالس للضحك والشهاوي = واللي يدلّ الدر ب له ناس تغويه وما عاد للعاقل مكان ومهابه = وراع النصيحه ضاع فالنصح بابه زمان متغيّر على كل جابه = كُثرت شروره وابتلتنا مساويه وشيخ القبيله ما بقي له رفاقه = واحتار في كذبان قُطّاع ساقه نفسه تقوده للمعالي عشاقه = واللي على العليا عزومه توديه حنا نبي سلم العلوم القديمة = اللي قواعدها شهامه وشيمه وقلوبنا تبقى نظيفة سليمة = موقف شرف للروح والناس تطريه لكن يا مسنادنا يا زبنــّـــــــــا = يا للي طليع وتعلم السرّ منا رحمتك وسعت كل شيٍّ فعلنا = وانته وليّ الكون واللي خِلِق فيه 9 يا نديــــبـي فوق حرٍّ يـــطـــا ســهـــل وعســــور = لا مـــشــى مــاحسّــب الــــدرب عســره من وطــــاه سرّحه مــن قهـــوة القـــنفــذة قبـــل الفطــــور = اعـــــط لــــومــة والمــظـيــلـف و فــــي دوقــــه غـــداه روّحـــه بــــعد الــظهــــر مـــع مـراويــح الصـــــــدور = واعـــط عــلــــيب واعــط حــبــوه وفـي الرقـــبه مســـاه ســـرّحه مـــع تــــالـي الليـــل مــن قبــــل السحــور = ســنّــده لـــلــــيــــث واحـــذر تــر د ه عـــــــن هـــــــواه يـــطلــع الــروضـــه ويــبدي علــى ضيق العشــــور = يـــعطـــي المـــطرق و و اد ي فــــلــح ربــعــــه قفــاه حدّهـــم ضــلــع الصــفر يــوم دقـــــاق النحـــــــور = مـــــــا تــــعــــدا ه الــعـــشــــايــر و لا تـــــــنـــزل حماه واطلـــع الــــوا د ي ودهلــــك مــحــانــيب الصخـور = و ا ضــــو فـا لمــــقــرا وتــلقـــى حـصـن يــذري ذرا ه واطـلــع الـفــود الــــذي فيـــه مـــربــــاع النمـــــــور = لا بـــــةٍ تحميـــــه وقــــت الــــشــدايــــــد و الـــــرخــاه حــدّ د وه اهــــلــه من اول فــي ايـــــام الدهــــور = والـــــرّدم تـشــــهــــد عـــلــى الــلـي تمنـــى مـــا وطــاه واطــــلــع الــقُــنـَّــة وتلــــقــى الــعــلالــي والقصور = لا بـــةٍ يـــعـــجـــبك منـــزالـــــهـــا وســــط الســـــــراه بــــلــــغ الــــرِّديــِّــــة لــكــل مـن تــلــقى حضـــــور = والخـــــصــــائــص خلــــهــا مـــع خضـــر واللــي كمـاه قـــل لهـم عـواض نــــازل علـــــى حــــد الــبحـــور = خــاطـــره مـــعـــكــم معنــــى وهو وقــته حـــــداه الـكــتــب نــصــف المــواجــه على نفس السطــور = اكـــــتبــوا لــه خـــط عــن كـل مـــا يحـــدث قفاه وانـــص منسـي وانــص سـالم وخــذ بشر الصـدور = ثــم علــّــم لــــي عـــن احـــوالهــم واللــي تــــــــراه قـــــل لــهم عــواض مرتــاح واحـــوالـــه ســــــرور = مـــا عـــليــــه خـلاف وان كـــان قـــلبـــــه في عنــــاه ميــــر يـتــمنــــى فـــي الله وافـــلاكــه تــــــــــدور = قصـــــده ان ربـــــه يعيـــــنه ويتبــــلَّـغ منــــــــاه 10 يالله يــا للـــــي كلنــا بالــتزامــــــه = يــا مدرج افلاك الليــــالي والايــــام يــا خالــق جــنة ونــار وقيـــــامــه = واعلمتنــا بحساب الاشهر والاعـــوام وبعث محـــمد صــحو بعد الغمامه = ونــوّر بنــور الحـق من بعد الاظـــلام أطـاع لـلرحمن وابــلـــغ كــلامــــه = ونشَّـــر كتابه فا لعـروبة والاعجام بلــغ وبــرهن بــــالرســالة قيــــامه = لا هل اليمـن والغرب والشرق والشام وطمس ظلام الجهل واهل الزعامه = وحطم قــرون الكفر عبـاد الا صنــام جــاهد ونـاضل كل خيرٍ اقامـه = واحيـا المشــاعر ليــن تمت للاســلام وبـــدر الكبيرة للمعارك علامــــــه = مـات الجهــل فيـــها ومنها البخت قـام أسس طريق الديـن واوضح نظامه = ولا بقي عذرٍ لكافر وظـــلام واليــوم كل قام يطلـــق خطـــــامه = ويمــد فــي حبل الخطـــايا بــا لا قــلام ودستــورنـا بالشـرع والا ستــقامه = مـا فيــه لــف ولا تقاليد واوهــــام بيــن حلالـه للبشــر مـن حــــرامه = مـن غــــير ما نسمع مشاريـــع هـــــدام الــديـن له عــز وحدود وكـــرامـه = واجب نعززهــا كما اسلاف قـــــدام اللــي حمـوها بالشـرف والشهامـه = أرواحهم راحت على ضوها اعــدام واليـوم يـالله في العفــو والسـلامــه = قلــوبنـا راحت عن الدعوة اقســــــام يـارب عبدك تـاب تحسن ختامه = تجعــله في الفردوس مع خير الاعـــلام 11 يـــالله يـــــاللي نتقـــي تــحت ضلـه = يــــــا مدرج الا فـــلاك رب الجــــلالي يــــامن لقــــلــب قـــاس وقتـه ومـــلـّـه = واخــــذ من الايــــــام مــر و حـــــــــالي حارت بـــه الافكــار والوقــت علّه= ويكـــن ســـده عـن بعيـــد وموالـــــــي صابـــر عن الشمَّـــات لا يستــــدلـَّـه = صبـــر الدلايــل للحــمـول الثقــــالــي والا شجيــعٍ مــا جهــوده تـِــقلـّــه = حــارت بـــه ا يـــــامــه ولا لــه مجــالـي وا لا الـــذي مديـون والديــن ذلـّه= لا لــــه فلــــوك و لا مــعـــه رأس مــالي والا الذي مسجـون من غير زلــّــه = الباب دونه والحرس والنكالــــــي وا لا كــمــا صبـــر الــذي مــات خلَّه = يقــعد وحيــــد الــدهـر بـــيــن الـرجــالي لــكن يـــارب الــخـلايـــق تــــحـــلـَّه= يــاللي طــليـع ومكــتــشف كل حـالي مــن قبـــل مــا يــفرح بــها شامتٍ لـه = و الا هتيـــلٍ فــا لقــفــا مـا يســـالي مـــا يـفرح الا لا بـــدا فـيـــه خِـــلـّــــه= تلــقـاه يــحـــكـي لا جلس في المضالـــــي حــيــث الرجــال الْهــم طرايق وملّـه= واحـــد عزيـــز وو احــد مـا يبــالي فيـــهم صديقٍ صـادقٍ مــا تمِلـَّه= رفيــــق عــز ويــحـتــمي كــل تــــالـي وليــــا قســا يــوم الشــدايــد يــحلـّـــه = بـالــروح والا الجــاه والا الريـالــي وليـــا سمــع غيبــه تزعزع محلَّه = شمســــه تغيب و بـــرق سيفه يلالـي يــوزن كــلامـه والمـراجــل تدلَّه = روحـه كــريمـة والشــنا عنـه جـــالـي واحـــد ليـــا منــه جلـس جنب دلَّه = وسَّــع مجــاله مــع بـنات الحــــلا لـي و رّ د وصَــدَّر كــل شيء مــا يزلّــه = ولــيــا نصيته يندرق فـا لخيــــالـــي واحـــد ليـــا جــا ريــع ســوّا تــــعــلـّه = وكـــل يــوم يقــــول ابـــي لـــي مضالـــي تــعــالّ مــوت النـــار مـــن غيــر علـّه= اتورِّدَه وتصدر ام العـــيـالـي و احــد لـــيا قلـــنــا هذا الـعلم خله= هــرب وقــال انــا تـــرونــــي لحـــالـــي لــو كــان نــرســل ونش لــه مــا يقلـَّـــه=ويشـوف نفســه مثــل زيــد الهـلالــي هـــذي سواة الله فــي الخــلق كلـَّـــه = قـسَّــم وقــنـَّع بيننـا بـالــعـــدالي هــذا ويـــاراكـب علــى اللـي تقلـَّــــه= نــفــــاثـــةٍ تســبق هبــوب الــعــــوالـــي و دّ الخــــبر عبد الملـك ثــــم قـــــلـّـــه = يصــبـر كمــا صبـري علــى مـا جـرالـــي يـصـبـر ولـو جــاله من الوقت زلـَّـــه = مـــن لا صـبــر مــا هو محصل نوالــــــي والـــوقـت فيـــه ا يــام عـز و مذلـَّــــه = يــومٍ يـــعـــــز ويـــوم فيـــه ا نــــذلا لــــي والــــحـُـر يتمشـى على كيف ظلَّـه= لا يـــا مــن بـوقتـــه ســريـــع الــــزوالـــي كـــم واحـــدٍ غرّه زمــانــه وزلـَّــــــه = رمــــت بـــه الايــــام فـي فـج خــالـي وهـــو مـن اول فـي الصحف والمجلـَّه= وكلٍّ يقــــول فـلان وفـلان غـــالــي مــا ينفعــه مـــالــه وو قـــتٍ زهـاً لــّه= عــافـه صـديقــه والعشــير المــوالــي والختـم ذكر المصطفــى ما نـمـلـَّه = شفـــيـع الامة فـي نهــارالهــــوالـي 12 يا لله يا كـاشف عــن ايوب بــــــلواه = يا دايمٍ ما غـــــيرك احدٍ يدومــــي يـا للي خلقت الخلق في الكون واحصاه = وانشـا المخــــايل من نصوب الغيومـي يـامطلع فـي سر عبدك ونــجــــــــواه = وتسمع دبيب النمل جوف الظلومـي يـا من لقلب عذَّبـَه هـــمّ دنيـــــــــــــاه = ومصــارعه في معجزات الهمـومــــي لا جت تبارى في مـــنامه مبــــــــاراه = شــي خصوصية وشـــي عمــومــي شـــيٍّ يـــتركـــها وشــــيٍّ تحــــــــــدّاه = وشـيٍّ تجـي من غــير يشعر لــــزومـي يســري يصارعـها على كل مجهــــــاه = والعيــن من هــول الخطــر مــا تنومـــي تســـعين ليله يطلب النــوم مـا جــــاه = عيـنه تسـاهر فــا لقمر والنجـــومـي يتعـب ملاقاها وعــارٍ تـعـــــــــــدَّاه = وعـارٍ يتـرّكها بـــدون اللّـــزومــــــــــي واحتــار في ربعــه وفي شمتة اعــداه = واحتــار فـــا يــــامٍ بلاهــا يـحـــــومـي رُحنـا ضحايا فــي دروب المغاواه = رُحنــا على ضوّ الحكـايا قســــومــــي كلٍّ يبــــي يفرض على قدر معــناه = وكـلٍّ يبــي حكــمٍ على مــا يرومــــــي يــاهل الشهامة والقلوب المضــرّاه = مـا يبنــي الشيمـــــة يكون العزومـــــي كــلٍّ يتـرِّك مـا تِكــــنَّه نــــوايـــــــــاه = ويزيل من قلبـــه كثيـــــر النــــقـــــومي ويتــرُك هل الغيبات واهـــل المواراه = والفتنــــة اقــوى مــن شراب السمومـي ربــع الفتـى سيـفه ليــا شـــدّ يمنـــــاه = ويكــلّ لا جا فيــــه بعـض الثلـــومــــي و ربع الفتــى عِزّه ورشـده وملــــجاه = لا مِنّ جتـْـــه الراميـــــة بالســــهـــومي هذا كـلامـــي يوم جــا درب معنــــاه = ابيـــه ينشــــر فا لصحف والعلـــومــــي والختــم ذكـــر اللـه ومـا نعبـد اســـــواه = حـلّ المشـاكل يــا مديـــر الـنـســـــومـي 13 من الطروق القديمة ويختلف صوت الشطر الاول عن الثاني . هيـــّض علــيه وانا فــي نــايف الضلعــان = فــي ديارٍ منيعه لمزبونــهـــا فـا لــديره اللــي حمينــاها من الجـــدان = يــا جبــالٍ علــى العــز يحمــــونــهـا نهــار صفق المــزرفـل مــن علـى الــذُّرعــان = تشـهـد طيــوره اللـــي يـغـدُّونــــهــا واللـي مـكــذب يســيّـر مــن علــى الحــدَّان =ما تغَـــبَّى ردَمْهــــا ويخفــونــهـــا ضلّت ســـباع الخــــــــــلا يقودهــا سرحان =والحصـينــات مــا طـالــت قــرونــهــا واليــوم كــلٍّ جـعل نفسـه كـمـا بيضــــان = وهـــو عشـّـه ثـلاثـه يــهــدُّونــــهـا هــذا ويــا مــرسلـــي سيـّر علـى سمحــان = رُدَّ الاعــلام لا عنــد مـــامــونهــــــا منصــاك لا عنــد ربــعٍ نــازله فـا لبان = فــي حلالٍ علــى الجـود يبنـونــــها منصــا ك مسـفر وعبد الله وصِــل سفـــــران = طلبـــة المنقــــبة لا يمـــادونـــــــهــا مــاهي طـويـره تبــي تنفـر مـع الــرعيـان = مرسـيـه لـــو بغـوا مـــا يضـوُّونهــا يــاسـرع مــا جـا المطـر وتــفيـّـق الوديــان = ثــم يلــهون مــا عاد يرعـــونــــــهـا كـما نهـارٍ شبـع فيــه ابغث الجنحـان = واللــي اخفيــتــه النــاس يقــلونـــهـا مـن بــعد لـفَّوا لــها طرقي وبن عيــــــدان = الـدراهــم كثيــره ويعطــــــونــــــهـا لكــن يـابيض سِيــري من علـى العمـــدان = لَلَّذي رايــــة البيـض يشرونهــا ثـم البسيـها منــاحيـها مـع الشـفيــــــان = ليــن جمـع القبـــايل يشـوفونـــهـا واردهــا لليــعـاقيـب وعلـــــى الــــغدران = حفـــرة السُّــوِّ ودِّي يــدمُّــــونـــهـا يــاهل الــقرايـه تـوقَّوا سـيـل ابـو ميــدان = والــنَّوّه الـتـــي تــصرد مــزونــهـــا واخــتم كـلامــي بـذكــر مـحـــمد العدنان = راعـــي القـبـّــة اللـــي يــزورنـــهـــا 14 يالله يا محصــي عدد وابــــل المطر = واحيا به ارضٍ ميتــه واثمـــــــار والسفن مشَّاها على مايج البحـر = واظهر لــنا كــنزٍ مــن الابـــحـــار يا من لقلبٍ بـات محتار فا مـــره = أمـسى غـريق بغبة الافكـــــار احـتار في الايــام وتصـرفـاتـهــا = حيث انـها تجـلب صـفا واكـدار يـومٍ يفـرّحـنا ويــوم يـضــرنـــا = وايام فيــها هنـا والباقي اشرار ويــوم يفــرّقـنــا ويــوم يلمّــنـــا = ومصـارعتها تعمــي الابـصــــار وهــكذا الدنــيا كفــى الله شـرها= نمشـي وحـنا فوق جرف اخطار مــا قط دامت للخــلايق سرورها = وكـل مـايـعمــر بـــهــا دمـــــــار وكــل مـا فـكرت زادت هـمومهـا = لكـــن نتـْكِـلــها علــى الـجبـار اهــو الـذي كـوّن ويعلـم مــدارها = ولا لـنـا فـي دبرتــه مــخـشــار هـذا و انا قد فاح هاجس ضمايـري= فيـَّـاح عدٍّ جـمّ بــــين اصـخــــار هاجت وراجت وانفتح باب رَدها = وانقـــاد معنـاها علــى الاصطار ورديت في بعض الذي جا بخاطري = حول الرجـال ادرجت فيها انظـار فيهم رجــالٍ لا زبنـهــا دخيلهــا= تــزيـّــنه وتحـــيــل عـــنه الـعـار يأمـن بها الخـايف وتحزى بها العدى= ولا حسّبت لطوالهــا وقـصـــار وفيــهم مريض القلب خاين ضمايره = يحلـِّـي لسـانه وهــوه الغـــدار وليــا جلس مع ناس تجهل فعايلــه = يجــي بـشـيٍّ مـا خلق له ثـار ويـنصب على حيلٍ تلقح من الهوا= يــمسنْ حِيـَـال ويصبحـنّ عشــار وفيهم رجال انوار يمشي بنــورهــا = انـوار لا جات اللــيـال اغــدار انـوار لا مـا شيتهـا مــا تمــلهــا = والــناس مــا تمشـي بغير انــوار وفيهم كما الزيبق تغرك نواضـره = لو تـلـزمه في جوف كـفك طـار مــا يـلزمه قـولٍ ليا غاب وان حضر= ومع كل قـوم يحـط لـه مـغـوار وفيــهم بـريد الكـذب خطره عواقبه = مــن كثر كذبــه تكثــــر الاشـرار واحـد يـودّي له وواحــد يجيب لـــه = وتسير من فعل الخبيث اطـــــوار وتعرف به افعاله وتـبــدي شــوارده = وجـهٍ علـيه مـن البلاه اغبــــــــار ورجَّـال لاجات اللــوازم بـدا لهـــا = ويـسـد فـي الوردة وفـا لمصــدار وتـامنـه ربــعـه فـي قدومه وفالقفـــا = دون الــرفيـق ودون دار وجــار وارْجــال مــاتدري ولا يندرى بــها =ازوا ل تمشـي مالــهــا قـــــفَّـار مـاتعرف المخطي ولاتعرف القدى = ومن حيث مـاتدعي تسير اقطار هذا وانا ماضمن كلامي من الخطا = واطلب سماح الواحد الغفار وانا درست ايام ما ينّسابها = وشربت فيها من حلو ومْرار وفارقت انا داري وفارقت عزوتي = وديرتي غيَّـرتها بديار من كثر ما قاسيتها شاب عارضي = والشيب له عند الرجال وقار وختام ما قلنا صلاة على النبي = اعداد ما ينبت ثمر وازهار 15 قصيدة في البخيل يالله يا خالق الدنيا وما فيها = يا لذي كله الخلق ترجي رضاه يارب روحي دخيلك لاتعنيها = راجي المغفرة لا تخيّب رجاه واردّ من بالي امثالٍ مسوّيها = هيِّن الهرج مير التعب في بناه مال البخيل الذي روحه مشقّيها = ما معه فيد من ماله الا شقاه لاهو لروحه ولا للّي يواليها = وان شبع ليله الصبح ينقص غداه والشيمة اللي تلمّ الناس ناسيها = وان لفا الضيف ينشد عنَه مالقاه ماينعرف فـا ول الهجرة وتاليها = حظه الشين تقعد لواحد قفاه والمال يرفع رجالٍ لا رجا فيها = مثل طين الصبخ ما يطوّل حياه والجود كم حلّةٍ عزّز مبانيها = وان فنِي صاحب الجود ذكره وراه كثير وصف الرجال وما اقدر احصيها = قسَّم الله وكلٍّ عطا ما كفاه قاسيت الايام مثلي من يقاسيها = يوم مُرّن يجينا ويومٍ حلاه ولقيت امرَّ الليالي يوم الاويها = العُسُر للرياجيل قيد الحياه كم علّةٍ جاتـَني وامسيت اداريها = مستعين (ن) بربي على كل جاه وكم حاجةٍ قستها وازريت انا فيها = والذي فيه انا عند غيري كماه روحي تحب الشرف والوقت يثنيها = لين تمشي على لين والا قساه امشي على جمرة النيران واطفيها= وابعد النفس عن عيرة اللي خساه واطلب الله وانا في سجدتي مخفيها = داعي الله ولا خاب من هو دعاه وازكى صلاتي على المختار واثنيها = الذي كلنا نتبعَه في هداه[/poem] 16 يقــول اللّـــي بنــى قــافه وقــــال = وهـــــو مابيـــن ميــــل واعتـــدال ويـــحزا في تمـــاثيـــل الرجـــال = وينـــقدها ليــا جــا في المظـــــالي بنــى المعنـــى علـــى باب وسيع = ســوالف للقبــــايــــل مــا تضــــيــع وفاح الصدر من هيضٍ يريــع = ســوات الــجمّ من عـــدّ الزلالي بــعــد قاس الزمــان وما قســاه = وفــكّر في الـــورود وفي عــــزاه ولا اللازم علـى الممشى حداه = وترك دقّ روحـــه والـــجلالـــــي مشى من قهــوة الطايف ضحى = علـى اللي يوم سيّر وانتحـــــــــى كمــا بــــرق الحيا لا لــــوّحــــــى = مخــاطر ما حسب شمس وظلالي وطـا رضوان وانحى للمويــــــه = وانــا ما اسمـع واحق الا دويـه وهـــو مسرع ودربه ما غويــــه = ويـطوي في الحــزم طي الحبـالـي تـعــدّى ظلم واوقف في عفيف = تقهويـنا واكلنا شـــي خفيــــــف وسرّانـا لبيبـــانه صريــــــــــــف = ولا حسّب لظلمات الليـــــالـــــــي ونــصّ الليل وهو في مــــرات = بــغـى المقعــاد فيــها والمــبــــــــات وقــلــنا ســرّنــا مــاشي فوات = تــرى المسـرى في اتلى الليل حالي تـقهويــنا وســـرّا مـا استــراض = وتــال الليـــل وهــوه في الريـــــاض وصـــلنا يوم نــور الصبح ناض = وصلـــينــا ونـــدعـي في القبـــــالي اخــذنا فيه مـده حايســــــين = نبــى مخــرج مــن العــــار المبيــــن واقام الله حظ المستحيـــــن = وجـــمل ماسبق وابرا التوالـــــي بـــعــد واحد في الماقف عثـر = وواحــد يــــوم نـــاديــنا اعتــــذر وقــال يسِــدّ عـواض وخضر = واخـــذنا العذر فيـْــد وراسمــــالي حـموا ميقافنا روزة خــديـــد = ودرَّقــنا علــى زيــــد وعبيــــــد وخلينا القريِّب والبعيد = وجيناهم بها عفرا تلالي ثمــان سنيــن ابيــــنا نستريـح = وكــل ذلّ والصــايح يصيـــــــــــــح وفــي ايــام الســعد كل فصيح = وفــا لضيقــا عديل ام العيـــــالي تعبــنا والتعــب با موالـــــــنــــا = نــكافـــي لا تـروح ارواحـــنـــــــا و لا يفـــرح بهــا شمـــــاتــنـــــــا = وضــدتنـــا مــن الجنـب الموالــــي تعبـــنا فا لحمايل ليــن جــات = وطلّـــعنــا الهتيل امْــع الثقــــــات وخليــنا العلــوم مـــزلفــــــــات = ويــاكـــــم شــال ابو زيد الهـلالـــي ان ابـديــنا معــانيــنا اوجعــت = وان اخفينــا في الجوف اجرحت وكمَّيــنا عليــها مـــا بـــــــــــدت = صبـــرنا والبــرو بعــده جمــــــالي صبرنا مـــا نبــي يبدي عيوب = وقلــنا جتْ علــى الغافل غصوب صنيـــع اولاد عبدل و اللهوب = جمـايلهم لــنـا مع كل جـــالـــــــــــي تـبــي تقـــعد في اللوحة بيان = ومــن دان العـــرب لازم يــــدان وكـــل يعترف يدري هــدان = وراع الصــدق له ميقاف عالــي هذا مارد من بالي وفــــاض = وكل في ســوالفـــنا استـــعـــــــاض نهار امضى (....... ) اعتـراض = وفازوا به مخاتيــــــل الرجــالـــــــي وحـــطوا بينــهم فــازة وعيـــد = وقــالوا دوب جا الراي السـديـد ولا حـــزّوا هروج اللـي بعيـــد = وداخـت روسهـــم في كل حــالي لكـــنّ الكل منـــا لا يضيـــــــق = ليا جات الخطية من صــديق ولا نـنــســى معـاريف الرفيـــق = ولا يغبى الجميــل أول وتــــالـي وحنـــا ربعهــم مانحن ضعوف = نــرد الضاميـــة واللـــي عيـــــوف ونـنـصا خصمــنا وهوه يشوف = ونحميهــا سهَلــهـــا والجبــــالـــــــي وهذا الختـــم ذكــر الله ختــام = وذكــر المصطفـى بعد الكــــــلام عليــــه الفيـــن صلوا يــاكــــرام = شفيــع الخلـق في يـــوم الهوالـــــــي 17 قصيدة رثاء في ( الملك فيصل رحمه الله ). يا لله يا للي للمخاليق مزبان = لطفك علينا يا عليم بقضاها يا مدرج افلاك الليالي والازمان = كوّنت مبداها ومنك انتهاها تعيضنا بالصّبر يا رب الاكوان = وترحم فقيدٍ عدّ ما هلّ ماها وتجعل له الجنة مقرٍّ ومسكان = وتغفر له الزلات عفوك كفاها نهار فيصل مات عمتنا الاحزان =مصيبةٍ عمّت علينا بلاها ضجّت لها الأصوات شيبٍ وشبان = لو ينفدي بالروح نعطي فداها ارتجت الوديان يوم الخبربان = وجبالها مالت وطاحت حصاها يوم الغدر محطوط في جيب غدران = بانت على الخاين رصاصة رماها ما يدري المخبول وابليس فرحان = بالطلقة اللي قلب فيصل وداها خاب العميل اللي رمى الفرد خرعان = وشلّت يمينه واليسار وقفاها هذي جزاة اللي رفع شان الاوطان = حاكم بحكم الله ورافع بناها ما مات من هو حط ساسٍ وبنيان = ورصّ الحصى مدماك يذري ذراها وفتَّل علومه زود ما هي بنقصان = ومن فتَّل الزينات يلبس نباها لا لوَّحَ الفيصل بيمناه له شان = والسيف شرع الله وسنّه حماها تهتز له صنعا ويهتز الالمان = والروس والمصري ولندن وراها ويهتز بحر الفرس وملوك طهران = والترك يوم الترك بلَّت لحاها كلٍّ بعقله حاسب حساب سرحان = واقف على حدّه وعالم مداها هيبة من الله والعطايا بميزان = سنّة محمد عزّت اللي نصاها فيصل ولد نمرٍ وربّوه الاخوان = شارب من الحكمة وغطّى سقاها يوم اجتمع فالوقت بايروطمعان = حَمّا المياسم لين عزز براها وتالَ العرب فيهم عدوٍّ وصُدقان = واظهر علومٍ كان بيّن خفاها وقرّت له الدنيا على كيف ماكان = والمملكة دايم على من عداها وختامها صلّوا على ولْد عدنان = شفيعنا في يوم شبّت لظاها 18 هذه القصيدة على طرق قديم يختلف شطر البيت الاول عن الثاني فيها يقول الخديدي يوم ناظر في المرقاب = تعلاّ الحجــا بالعين في راس مرقابي تبدَّى على ضلع النقب حزة المغياب = ومدّ النظر فا لحاضرة واللي غيابي تفكّر فيَ الدنيا ولا كل شي باسبـــاب = ولا كل مــا يجري بتـدبير واسبـــابي تفكّر فيَ الدُّور الحمُر صدقان واقراب = ولو كنت اطالب ما تقفيت الاقرابي وراس العلم في شيخهم يوم فتح الباب = يحارب هلَ الفتنة ويقفل كل بابي وانا من عرض قومٍ صلاب الروس وعراب = هل القنة الحمرا غطاريف وعْرابي وحنا رفاقه مالنا فا لبعيد اصحاب = ولا فا لعدو لخديد صدقان واصحابي اخذنا ثمان سنين في درَّجة وانشاب = نكافح في اهل الشر لين الراس شابي ولا نقدر نخلّي حمانا ملك نهّاب = ومن يزرا علينا يجينا بالنهابي وابت تنقضي لين اتلفت شي بغيرحساب = وراع الصدق ماحسَّب لعدَّ وحسابي صبرنا على ذا الجرح لين استصح وطاب = وكلٍّ تمنى ليت ذا الجرح ماطابي وحنا لنا عادة نواجه بروس صلاب = ونصبر ليا جتنا حلاحيل وصلابي 19 البارحة ما مسيت عيني تكالي = في ديرةٍ مالي رفيقٍ واقاريب جاني علومٍ في منامي توالي = واحلامنا فيها هموم وتراعيب سريت افكر في زمانٍ طرالي = شيٍّ لزمناها وشيات بتغيب وعجزت نلقى للتعابير والي = والراس له بين المدارات تقليب هذا ويا راكب على اللي تمالي = في مشيها تغلب جرى الطير تغليب تمشي من المندق بلد كل حالي = بعد الصلاة وحزة الفجر تزهيب لا تلتفت يا سايق الدرب طالي = والخط مثل الداب ما له صواحيب يا كم قرص من كل ذرب وغالي = والموت واحد لو يجي له تسابيب مضواك فالطايف على كيف بالي = تلقى الرجال اللي تهز المشاعيب تلقى ولد عمي صلاح الموالي = تلقاه في بيته كثير التراحيب ما هو مــن اللي يشعلون الفتالي = مشهور بين الناس بالخير والطيب قل له ترى خطك وصلني وجالي = وعِرفت ما قالوه من كثر اكاذيب اطلع ورح للشيخ في كل حالي = قل له ترى عواض فا رض الاجانيب مبعد ولا يقدر يجيكم محالي = ملزوم في رزقه وانا له مناديب خصه سلامي بالوفا والكمالي = واعطه علومك مع كثير المعاتيب والعلم عنده يعرفه لا يبالي = يختم على علمه بختم المواجيب وان شفت بعض الناس يمشي يلالي = ابعد عنه جهدك ولا تامن الذيب وانته من اهل الصدق مانته شمالي = والصدق ينجينا من اهل المناشيب اهل النشايب سهمهم دوم بالي = وسهومنا دايم تعلى المراقيب حنا هل الشيمة مقر النوالي = ماضرنا هرجه رموها المعاطيب نمشي على وضح النقا والعلالي = ما نلتبس بالغدر ثوب الهذاريب يالله يا للي تظهر الحق عالي = تكفي عبادك من سموم العقاريب 20 هذه قصيدة ارسلها الشاعر محمد بن تويم الثبيتي رحمه الله الى الشاعر وهو في القنفذه في احد سفرياته .. يــا راكــب اللــي نـارها فـــالجنـــاحِ = يــقدح ســنـاهـا مثـــل قدح زنــــود نفـــاثــــة تسـبق نسيـــم الـــريـــــاحِ = مــن وارد امريــكـا على ابن سعــود انهــض مــن الطـايف صلاة الصباحِ = نهــاض بــــــــرق تقتفيه ارعود واللـه يعيــنـك فــالـمجي والــمـراحِ = نبيــك تـــــــصل القنــــفذة وتعود لـنــا رفيــق مـــن رجــالٍ فــلاحِ = خديـدي عتيبـــي من رجال فهـــــود حظـــه رمــابــه فـي هذيك النواح = مــع لابــة مثـله عـــــراب اجــدود يخيــلـون البرق مـن حيث لاح = بـــرق الــمعيـــشـة غـاية المقصـــــود والـمرجـله مـاصـانها غير صــاح = مـــاصـانهـا غــافـــــل و لا رقـــــــــود يــا مـرسلـي برسـالـة الانشـــــراح = اســلـم وســلّـم عــد ســـلـم نـقـــود ســلامٍ يــشـادي لعذب القــــراح = والــذ واحلــــى من حليب القـــود علـــى رفيــق حــل ذيـك المشـاح = عـواض سيـف مرهف محـــــــدود عســـاه فــي خير وعــــز وربــــاح = رغــم الــردي واللاش والحســــــود تمـت تـمـاثيـــل لـــهــا ريــــح فـــــاح = ســوات ريــــح المســك والا العــود وايضا لـهـا وزن كثــيـــر الرجاح = واخـتامهـا ذكــر الله المعبــــــــــــود 21 رد الشاعر عواض بن معيض عـلـــى قصــيـدة ( محمد بـن تويــــم ) يــاراكــب اللـي لا مـشـى مـا ا ستــراح = حـتـى يبـلِّــغ مــامــنه فــالــــوعــود حــرٍّ مـعــرب مــن أصــايل صحــــاح = من دون اوصّف به وثيق اعضود ولا ربـا فديار مـا هي نـصـــــــــاح = و لا يفــرّ بـرمــل والا نــفــــــــــــــــود رَوّح صـــلاة الظــهــــر وقــت الرَّواح = مــن بـلــدة اهل القنــفذة فا لحدود يـعطـــي دروب الخبــت حـزمٍ بــــراح = ولــيا وصـــل جدة يعــوّد ســنـــود يــلــم مكــة ثــــم يلـــقـى الـــفـــــراح = فــي بـــلــدة فيــهــا الفــرح والسعود لا شــاف نور الصبــح وســهيل طــاح = اطـلق سـراحـه ثــم حــل القيــــــود مضــواك فا لطــايف مقــرّ النـطـاح = تــلقى الـقبــايل بـالعصـــي والـفـــرود دوّر لا بـو مطلــق وتــلقـى انــشـــراح = وحــلّ عنــده مــثل حــلّ الــوفـــود تـلـقى قــصر كـنّـه قـصر بن صــباح = عــدّ النــهيـل الضـــاميــات الــــورود لــصّـي ثبيـتـــي يــــوم عصــر الكفاح = ضــدّ العشــــاير ليــن قــر الحـــدود قل لـه كتـابــك نــور في القلب ضـاح = ولـمثلك تشـــرفنــــا بزيـــــن الـــردود ســـدّي لـغيــرك حــافظـه مـا يبـــاح = والله علــيــــم بـما تـــكـنّ الســدود مــا رحـت ادوّر زود و الا مــــداح = لـــــكن دون اعـــراضنــا والنـــكود والله يـــدل الــكــل درب الـنـــجاح = والــصبـــر يبـلـّـغــنــا مــرام الاســـــود[/poem] قصيدة ارسلها الشاعر (محمد بن تويم ) للشاعر ( عواض الخديدي ) بعد ان تعرض لحادث سيارة : سر يا نديبي فوق مُهرٍ مضرّا = ما شرّبوه النار بنزين فاحِ مضواك دار خديد ربعٍ تسرّا = في قنّةٍ تلقى الصقور الفلاحِ دارٍ عسى المغرق عليها يدرّا = تصبح ربيع ودهرها مايلاحِ تسقي ثراها لين تغدي مهرّا = وبلادها تنبت من الخير ساحِ تضوي على عواض بيته مطرّا = بين البيوت وماعنه من مراحِ رفيق عزّ وما يجيله مضرّا = نحتاج له عقله كثير الرجاحِ يابن عمرو تسلم سلام مورّا = من حادث الجمعة عساكم صحاحِ ياشين ذا الحادث علاكم تجرّا = والعفو من ربّي كثير السّماحِ يابن عمرو زادت حوادثك شرّا = والصقر ماينفر بغير ا لجناحِ خذ لك من الاجواد واحد مكرّا = يمشي بك القبلة وليلك صباحِ 22 وهذا الرد عليها من الشاعر عواض الخديدي :- سر يانديبي مع هبوبٍ تمرّا = ريح المطر فيها تعبّر وفاحِ يابن تويم الصقر صقرٍ مضَرّا = صقرٍ يطير وقوته فا لجناحِ حنا خديد اهل الوفا ما نُضرّا = مزهبين فرودهم والسلاحِ وبيوتنا شرّع على كل قرّا = مولّمين الزاد لاهـل الرواحِ ودلالنا فيها كثير البهــرّا = قهوة سلاطين الوفا والسماحِ والحَبّ له زرّاع يذراه ذرّا = زرع البلاد اللي ثراها جماحِ يابن تويم الله يحييك جهرا = تكرم يابو مطلق سليل الفلاحِ عزّ الله انك من رجال تسرّا = لك واجبٍ عندي على النار لاحِ القصد نتهرّج على مايورّا = والهرج مع مثلك يزيل ا لجراحِ يوم الخميس من اول الشهر غرّا = يا طيب ملفاكم على ذا لنواحِ ================== انتهى بحمد الله وأمل ان تكونوا قد استمعتم مع قصائد الشاعر عواض بن معيض الخديدي . والواقع أن هناك قصائد كثيرة ومحاورات قديمة للشاعر ولكن لحساسية بعضها ولذكر بعض اسماء القبائل والاشخاص فيها آثرنا عدم نشرها .
|
||||||||||||||||
|
|
|
|
|
|
|
|
|
|
27-Nov-2004, 12:35 AM
|
رقم المشاركة : 2 | |||||||
|
جميل ورائع اخي ابو الوليد وشكرا على ثقتك بالمنتدى الذي انزلت به هذا الديوان المرصع باجمل الدرر وسحر الكلام للشاعر الكبير عواض بن معيض الخديدي.
لك مني أجمل التحية والتقدير .
|
|||||||
|
|
|
|
|
|
|
|
|
|
|
27-Nov-2004, 03:42 PM
|
رقم المشاركة : 3 | |||||
|
الاخ العزيز .. الوليد الاسعدي .. حفظه الله
اشكرك جزيل الشكر .. على اهتمامك الرائع .. ونثبيت هذا الديوان .. وتقبل تحياتي .. |
|||||
|
|
|
|
|
|
|
|
|
|
|
28-Nov-2004, 08:40 PM
|
رقم المشاركة : 4 | |||||
|
بسم الله الرحمن الرحيم
اخي العزيز ابو الوليد تحية تقدير واعزاز ( بيض الله وجهك ) نحن بحاجة ماسة لمثل هؤلاء الشعراء لان شعرهم فيه من الحكم والامثال الطيبة واشكرك على حسن الأختيار والشكر موصول للقائمين على هذا المنتدى لاهتمامهم بكل ماهو مفيد . اخيك متعب ثواب الجعيد |
|||||
|
|
|
|
|
|
|
|
|
|
|
28-Nov-2004, 11:08 PM
|
رقم المشاركة : 5 | |||||
|
الاخ الكريم ... متعب الجعيد .. حفظه الله
السلام عليكم ورحمة الله وبركاته ( ووجهك ابيض ) يابو ثواب .. ولك جزيل الشكر على كلماتك الجميلة. ولك تحياتي ... |
|||||
|
|
|
|
|
|
|
|
|
|
|
10-Dec-2004, 09:02 PM
|
رقم المشاركة : 6 | |||||||
|
الاخ العزيز ابو الوليد
مجهود رائع ومتميز من شخصك الكريم .. لنشر ديوان الشاعر الكبير عواض بن معيض بن عمرو الخديدي العتيبي نكرر شكرنا لك ولاهدائك منتدي الهيلا ديوان الشاعر عواض الخديدي احد شعراء عتيبه الكبار الذين نفتخر بهم وبحفظ قصائدهم .. بعيد المرامع|4|
|
|||||||
|
|
|
|
|
|
|
|
|
|
|
15-Dec-2004, 06:04 PM
|
رقم المشاركة : 7 | |||||
|
الشكر موصول للاخ
الشهاب على هذا الديوان الفريد من نوعه والذي يعيد التاريخ والاصالة الى الشعر العربيونرجو اضافة المزيد تقبل تحيات اخوك ابو نواف |
|||||
|
|
|
|
|
|
|
|
|
|
|
16-Dec-2004, 11:36 PM
|
رقم المشاركة : 8 | |||||
|
الاخ بعيد المرامع
اشكرك على تجاوبك الرائع .. وردك الجميل .. ومجهودي هو مكمل لمجهودكم .. والله يحفظك. الاخ مرزوق الجعيد اشكرك على مرورك .. وكلماتك الجميلة .. يابو نواف .. والله يحفظك. |
|||||
|
|
|
|
|
|
|
|
|
|
|
11-Feb-2005, 10:25 PM
|
رقم المشاركة : 9 | |||||
|
تسلم يمينك على هذا الديوان الرائع المطرز بدرر الحكمة .. |
|||||
|
|
|
|
|
|
|
|
|
|
|
13-Feb-2005, 11:01 PM
|
رقم المشاركة : 10 | |||||
|
يعطيك العافيه اخوي ابوالوليد عبدالملك العتيبي ... في نشر ديوان والدك عواض الخديدي مد الله في عمرة والبسه لباس الصحة والعافية
ونتطلع في شخصكم الكريم في إنزال قصائدك وإثراء المنتدى بما لديك من جديد تحياتي |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
